|
|
|
 Re: عندي أغاني دايركم تشاركوني الإستماع ليها، كيف أحملها على الموقع، يدكم معانا لو سمحتو (Re: هميمة)
|
يا هميمة و الله كلامك كلام عقل تب
لكن موش بنكون بيخنا المفاجاة، بس عموما حتى لا يفهم المارين أنا ناصب ليهم شرك زي ما إنت فهمتي، أنا عندي فنانة و عاجباني جدا اسمها "نبوية الملاك" من ثمرات المبدع بابكر صديق و عندي ليها شريط يجنن بلغة بنات بلادي، و مرشح منو أغاني حقتها هي كأغاني جميلة و كمان في نفس الشريط هي بتغني أغاني حقت مطربين تانيين بطريقة جميلة جدا، الشريط عود و صوت نسائي قادم بقوة "اعتقد" بيشكل إضافة حقيقية لمسيرة قطعت فيها خالدات كعائشة الفلاتية، منى الخير,,,,,,,,,,,,,,,, أسرار و نبوية أشواط بعيدة.
في مجموعة كده بتاعت حافظ عبد الرحمن بتجسد أغنيان "المصير" أبراهيم عوض، إنصاف "التاج مصطفى يا حبيبي "العاقب" و قائد الأسطول و فيها جراري ما يديك الدرب. الباقي كتير بس قولي يا مهون
حقوق البث حصريا مملوكة لي و أوع يطلع فيها واحد بيعرف كيف يرفع الأغاني للموقع بوريو نجوم الضهر.
بس يا هميمة بعد الفصاحة دي لو ما أديتنا شورة في موضوع تحميل الأغاني دي وقعتك سودا.
شكرا هميمة
مرتضى جعفر
(عدل بواسطة Murtada Gafar on 05-26-2005, 06:46 AM)
| |
 
|
|
|
|
|
|
|
|
Re: عندي أغاني دايركم تشاركوني الإستماع ليها، كيف أحملها على الموقع، يدكم معانا لو سمحتو (Re: محمد اشرف)
|
و الله يا اشرف إنت واحد من المشرك ليهم بالبوست ده و وقعت، ياخي أنا لاقييييييييي، إزيك يا مان مشتاق ليك و بيفضل.
ياخ و ينك الزمن ده كلو تاوقتا على بوست بيسأل عن غيابك لكن رجعت لمن عرفتا إنك مدبرس، و الله يا أشرف ما فيها حاجة بتستاهل يزعلوا ليها تخيل، بس أهم حاجة إنو لمينا فيك، أنا تمام و كذلك سامية و طالع و هسة نايمين هديل نوم جد. يا مان الأغنية ما فيهم لكن في أختها بتنفع معاك و هي سمحة و طويلة برضو و لونا زي قمح بشرى الفاضل بس أرخي لينا أضانك و داير أكتب ليك إيميل الإيميل القديم شغال ولا تدينا غيروا.
محبتي و تلك الأيام
مرتضى جعفر
| |
|
|
|
|
|
|
|
|
|
Re: عندي أغاني دايركم تشاركوني الإستماع ليها، كيف أحملها على الموقع، يدكم معانا لو سمحتو (Re: ثروت سوار الدهب)
|
فعلا يا احباب
نحن في الايام بقينا ...قصة ما بتعرف نهاية
والله ((مصير))
شكرا لهذه المقطوعة الجميلة...شكرا للشاعر شكرا للملحن شكرا للفنان الذري ابراهيم عوض شكرا للموسيقار الاركسترا التي اعادت الصياغة ولاحظ انها عمل قومي/وطني
اي الفنان من مكان والملحن من مكان والشاعر من مكان..والعازفين من كل انحاء السودان
لان الفن والرياضة مكان الابداع الحقيقي والمقيم(بتشديد الياء ) من الجمهور مباشرتا ليس هناك مكان لعاطلين عن المواهب...لذلك التوزيع العادل في السودان في الرياضة والفن وبس..حتى اشعار اخر
وكل عام وانتم بخير
| |
|
|
|
|
|
|
| |
Murtada Gafar
محمد اشرف
almohndis
tmbis
adil amin
Amin Elsayed
فيس بوك
تويتر
انستقرام
يوتيوب
بنتيريست