|
Re: كلمـات حـسين بازرعـة .. ألحان عـثمان حـسين (Re: Ahlalawad)
|
اهل العوض
طبعا الاستاذ عثمان حسين اكبر من ان نقول عنه قمة والكلام الميت البنقولو لغيرو من الفنانين . عثمان حسين يا اهل العوض استثناء على كل قواعد الكلام عن الفن والفنانين السودانيين
يعنى كدى برااااحة كدا شوف مسيرتو كلها بتلقاهو قاعد منذ سنين على عرش الاغنية وطبعا متربع لكن بدون ما الناس تشعر بيهو
رايق فى كل شى
شوف مثلا فى اغنيتو تستاهلى وتساهلى شوف الموسيقى كيف ؟ وشوف الراجل دا بيدخل بى صوتو ويمرق والموسيقى فى جهة وهو فى جهة وانت المستمع تحتار تبارى ياتو لاخرو الموسيقى ولا الصوت ؟ يا زول والله الزول دا غريب بجد . فنان ما عادى
وانت يا اهل العوض زاتك فنان - الله يقبحك
| |
|
|
|
|
|
|
Re: كلمـات حـسين بازرعـة .. ألحان عـثمان حـسين (Re: Elmosley)
|
الأخ أهل العوض شكرا لك على الأغنية الجميلة .. وأنا من عشاق المبدع عثمان حسين وبالأمس شاهدت له فى القناة السودانية أغنية خالدة من أغنياته المصورة ، إسمها أرضنا الطيبة . سأكون شاكرا و مقدرا لمن يهديها لى مكتوبة . وبما أنها من أغنيات الفصحى .. أرجو أن تسمحو لى منذ الآن أن أقوم بإضافتها لبوست قمت بإنزاله يتضمن شعر الفصحى فى الغنلء السودانى. أرجو من من عنده هذه الأغنية أن لا يبخل علينا بها .. وهذا الرجاء موجه لكل من يمر من هنا وبصورة خاصة الأخوان أهل العوض والموصلى وخالد الحاج.
ولكم شكرى
| |
|
|
|
|
|
|
Re: كلمـات حـسين بازرعـة .. ألحان عـثمان حـسين (Re: Giwey)
|
العنوان الموفق من أهل العوض لأننا كنا نسمعه صغارا كثيرا من الاذاعة (كلمات حسين بازرعة لحن وغناء عثمان حسين )... والاستجابة الموفقة كذلك من أخينا خالد الحاج في اختياره لهذه الاغنية.. انسجام جميل منكما....
أذكر أن مصطفى سيدأحمد وحميد كانا معي في القاهرة حين استضفت حميد ليسجل واحدا من أشرطته وبينما كان مصطفى في المطبخ يطبخ شيئا قال - وقد وردت سيرة عثمان حسين بيني وحميد ونحن في غرفة الجلوس - عثمان ده المفروض تاني مايغني ولو أنا منو ماحا أغني لأنو صوتو راح... وطلعاتو مابقدر عليها...
(الكلام ده والله غاظني غيظ شديد خلاص..) ثم سكت ومشيت لي المطبخ وجنب الباب قلت لمصطفى هسع يامصطفى عثمان حسين بي كبرو ده كان قال تصبح حياتنا نغم وعشنا يبتسم واتعود مراكب ريدنا
انت حاتسمع الغنا ده بي أضانك ولاّ بي وجدانك.. فيامصطفي أخوي صوت عثمان في الوجدان مش في الاضان .. فطلع مصطفي من المطبخ واتناول العود وغنى نفس هذه الاغنية ولما انتهى قال والله انتو ناس مابتدقدروا...
| |
|
|
|
|
|
|
Re: كلمـات حـسين بازرعـة .. ألحان عـثمان حـسين (Re: elfaki)
|
اهل العوض شكرا على هذا الدفق بجد عثمان حسين هرم له معجبين من كل الفئات .. وهو فنان يدخل فى اغنيته مع الموسيقى انا لا افرق بين صوت عثمان حسين وموسيقته ما بعرف حتى اللحظة هو قاعد يسبق الموسيقى او الموسيقى تسبقه.... هذا الكلام ... مجرد تساؤل للفنانان الموصلى وحمزة سليمان رجاء افيدونى فى كلامى الفوق دا..حتى نقدر نفهم معكم فى الموسيقى حبة...
| |
|
|
|
|
|
|
Re: كلمـات حـسين بازرعـة .. ألحان عـثمان حـسين (Re: Ahlalawad)
|
حنينة .. بتوفير لنك الحفظ مارستي مهنة المحنة الملتصقة بإسمك .. شكرا نيابة عن جامعي اللنكات .
الاستاذة رجاء العباسي ... ولبهاء أيضاً نهدي .. كل الجميل لتقويم كل معوج ، خاصة المشربك الذي لا تقيمه إلا إبتسامة صادقة .. حفظكم الله لبعض .
ود العجمي .. إنت بتغالط في منو؟ بعدين ياخ أنا مش طالبك أغنية لفيروز ؟ حا تجيبا ولا أعوقك كما يقول الجميل تمبس .
الجندرية .. ربيع الدنيا وأوراق الخريف .. وقوم نادي عنان وأتباعا .. والزاهي في خدرو .. فهمتي حاجة؟ لا أنا بقصد صورة الوالدة الله يحفظها .
راوية العباسي .. إنحناءة لك ولبهاء العباسي ..
ندى أمين .. لك تحياتي وأرجو لك أسعد الأوقات دائماً ..
الأستاذ الموصلي .. عذراً ، أهو دخلنا في مجال تخصص كلامنا فيه يعتبر هرطقة ساي .. عموماً هو انطباع فقط .. وكانت ملاحظتي على مقدرة عثمان حسين في تلحين كل كلمة تقريباً من كلمات الأغنية .. يعني لا يكتفي بلحن عام للبيت الواحد ..
الأستاذ مامون تحية لك .. ما تقوم به هو عمل جليل فعلاً .. شخصياً النص غير موجود عندي وأناشد معك من لديه النص أن يتحفنا به ..
الأستاذ عبد الرحمن قوي .. اسمح لي أن أعبر عن إعجابي بكتاباتك المتفردة في هذا المنبر وأرجو أن يتجدد ويستمر العطاء .. لك تحياتي .
الأستاذ الفكي .. رحم الله الرائع مصطفى .. يعني كنت تجمع عدة حدائق جمال في شقة واحدة؟ ما حرام عليك .. تصدق ياخ على المساكين .
القومة لكم جميعاً ..
| |
|
|
|
|
|
|
Re: كلمـات حـسين بازرعـة .. ألحان عـثمان حـسين (Re: Ahlalawad)
|
اها كده يااهل العوض بتلخبط علينا الاختساسات .. وتشربك علينا السلوك من صباحات ربنا .. عندي خالتي لما اشغل عثمان حسين بتخصمني بالرسول طوالي تقول لي وقفو وحات خوتك ياهال العوض ما بتقدر تكمل ليها اغنية .. تعرف انا كنت زيك .. كان جابو لي سيرة عثمان حسين الاكل بحردو .. بس اكتشفت اني ظالم نفسي ظلم السنين .. واذا بتصدق كلامي يابوحميد .. كلما احس بالدبرسة بشغل الاغنية دي تحديدا .. لانها بتدخلني في عالم تاني بالذات لما اسمعه بالليل خالص زي الساعه اتنين بتوقيت غرينتش ..
اهل العوض .. ياخ ما تدخلنا معاك في حتات ضيقة
| |
|
|
|
|
|
|
Re: كلمـات حـسين بازرعـة .. ألحان عـثمان حـسين (Re: Ahlalawad)
|
أهل العوض والجمال سلام
Quote: وفي نفس الوقت كنت أسأل نفسي ، لماذا يحب الناس عثمان حسين وأنا لا؟ إلى أن جاء يوم استمعت فيه بتفرغ تمام لأغنية شجن |
أها أيه رايك أنا يادووووووووووب حا أجرب القصة دي؟؟؟ أصلاً أنا حاجاتي كلها بديتها متأخر حبيت 4 سنوات ودخلت المدرسة عمري 11 سنة الحاجة الوحيدة العملتها وأنا صغير هي الحج بس في السنة دي
Quote: انا اعشق عثمان حسين حتى النخاع واعشق الكلم الجميل المعبر |
أنا العارفو يا راوية كمان بتأسرك العيون مشششششششششششششششش؟؟؟
| |
|
|
|
|
|
|
Re: كلمـات حـسين بازرعـة .. ألحان عـثمان حـسين (Re: Ahlalawad)
|
عملت شنو في مداخلاتنا يا أهل العوض؟؟؟ الجماعة ديل كلهم راجيين ردودك يعني إنت قايل البوست نزل الصفحة التالتة ونحن نسينا حقنا إنتو تقدوا البوستات وتزوغوا زي شوالات العيش في زريبة السوق هو أصلو بوست ولا بتيخة بتفتحو وتكسح؟؟؟ والله ما ترد أصو ما أخليك
| |
|
|
|
|
|
|
Re: كلمـات حـسين بازرعـة .. ألحان عـثمان حـسين (Re: Ahlalawad)
|
الأخي الحاج بدر الدين السغيرون .. اصغر حاج لسنة 1424 حسب تقويم كالندر ود الزمزمي في العين والطوالع والنجوم ... هذه مسألة يفتي فيها قيسان ..
بقى يا عزيزي بعد ما البوست دا غتس أو لحق الغتس .. رحت تمد له يد الإبداع والعون ؟ هذا من ناحية .. ومن ناحية أخرى بالنسبة لمواقيت حبك المضروب لعثمان حسين فأقول لك أبشر بالخير ... قررربت ، كلها بكيتين تلاتة مع شجن دي وتلقى نفسك من محبي هذا الفنان الكبير وتكتب في بطاقتك الهواية : الاستماع لعثمان حسين وأم كلثوم .. كل على حدة .
البدري .. نردها ليك إن شاء الله في بوست الحافلة البقت أمجاد وفي طريقها إلى أن تصبح ركشة ، وفي ركشة ندم .. ننسى الحصل بيناتنا والسهد اللي كان .. تصبح حياتنا نغم .. عشنا يبتسم . وتعود رواكيب ريدنا .
| |
|
|
|
|
|
|
|