|
عوارة شفع 0000 ساكت
|
للكثير منا مواقف ابان الطفولة 000 وتندرج هذه المواقف تحت بند الطفولة وبرائتها 0000
لا ضرر لو قال اي منكم /ن 00000 ما حدث في الماضي000 والبداية بي أنا 00000
حكوا لي انه في سالف الزمان وفي مرة من المرات 0000أن كان
الوالد ( رحمه الله) والوالدة أطال الله عمرها000 يستعدون لرحلة للبلد0000 وقمت أنا وبكل ما تحمله معاني الطفلولة 000 أن حرنت وبكيت0000 أه 000000أه انا ليه ما تسوقوني معاكم0000 وأشتدت المشكلة 00 وجاء شقيقي الكبير صلاح 00 وقال لي 00انت مالك عاوز شنو0000
فقلت له والعهدة علي الراوي 0000 ( والله انا يا أمشي يا ما أمشي) فما كان من شقيقي الا ان قال لي 000( خلاص ما تمشي )000 وأستمر العويل والبكاء0000000000000
وفي نفس الخط قال لي صديقي موسي جادين 00 ان ابن اخيه قام( بعض) شقيقه الاصغر 000 وبكي شقيقه 00000 ولم ناس البيت000 وعند السؤال للباكي 0000ما بك ؟000 قال لهم000 عضاني000 وحينما أتجهوا بالسؤال له 000لماذا عضيته؟0000 قال لهم 00000 والله ما شفتوا؟ هل هناك أكثر من هذه البرأءة
|
|
|
|
|
|
|
|
Re: عوارة شفع 0000 ساكت (Re: Abd-Elrhman sorkati)
|
عبد الرحمن سوركتي يا حبوب أها كنا بنلعب في الليل و جيت البيت مغببببر و مكندك بالتراب {قبل إنتشار التلفزيون بالجزيرة} قام أبوي قال لي: يا واد إنت جايي من وين مليان تراب كدة -قلت ليهو كنا بنلعب {الرمة و الحراس} سألني الوالد ضاحكآ: نعلك يا ولدي ما كنت الرمة؟
| |
|
|
|
|
|
|
Re: عوارة شفع 0000 ساكت (Re: عاطف عبدالله)
|
عاطف عليك الله ساهم معانا000 مؤكد في طفولتك في شيء من الشقاوة00000 اذكر ايء شي 000 وهذا جزء مهم من تعرية انفسنا 0000 ماذا حدث ابان طفولتك أذكر اي شيء ثم أهرب000
يديك العافية
| |
|
|
|
|
|
|
Re: عوارة شفع 0000 ساكت (Re: Abd-Elrhman sorkati)
|
قلنا ماجيتنا بهناك في بيتك نجيك احنا هنا في بيتك برضو ذكريات الطفولة جميلة لأبعد درجة . كان جدي لأبوي رحمة الله عليه دائما مابيذكر الطرفة دي عني وهي اني لما زرتهم في كسلا كانو قاعدين بيتغدو وفي رز في الصينية وبياكلوهو بالمعلقة وانا كلما اشيل من الرز بالمعلقة يتدفق فبقيت اشيل المعلقة فاضية واقربها من خشمي واشيل الرز بيدي التانية واختو في المعلقة وبسرعه ادفسا في خشمي لما في مرة اتشرقت .
| |
|
|
|
|
|
|
Re: عوارة شفع 0000 ساكت (Re: ali othman)
|
سلام يا سوركتي... ودي حكاية اخري من حكايات الشقاوة.. الشافع قدر ماحذروا من دق الشفع مانفع.. يوم وهو جاري يلعب في الشارع اتصادف في الباب مع جارتهم داخلة وماسكة ولدها الصغير..صاحبنا قرص الشافع بي سرعة ومرق..الشافع دخل باكي..وقال قرصني الولد المرق هسسي دي نادوا صاحبنا..تعال هنا قارص الولد ده مالك..صاحبنا نطط عيونو وقال الله يكتلني لقيتو مقروص....
| |
|
|
|
|
|
|
Re: عوارة شفع 0000 ساكت (Re: مريم الطيب)
|
العزيزة مريم الطيب
لك الود والاحترام000
شفتي كيف 00 هناك تفاصيل صغيرة ولكنها تمثل مواقف000 وتحدد حياة فئة من الناس يمكن ان نستثمرها دراميا 000 بأي شكل من الاشكال0000 أوصانا الاستاذ صلاح ابو سيف في أحدي الدروس00 ان ندون كل المواقف التي تمر بنا عسي ولعل ان نستفيد منها في يوم ما 00000 وهي وصية قيمة كما تعرفي000
ولك الود
| |
|
|
|
|
|
|
Re: عوارة شفع 0000 ساكت (Re: Abd-Elrhman sorkati)
|
الاخ سوركتى باين على حازور البوست ده كتير لانى عندى محن كتيرة من اولادى واولاد اخواتى . اديك الاولى من محمد ود اختى شيطان شديد لكنه حنين عندنا جارتنا بتحكى انه اولاد الزمن ده ما عندهم محنه فى قلوبهم وانها وادنها المستشفى وبناتها يبكوا وولدها بلعب فى الكورة ولا عبرها قامت اختى قالت ليها والله انا ولدى حنين شديد قالت ليه جارتنايا محمد امك دى عيانة طوالى انا خايفاها تموت هسى يا محمد لو امك ماتت حتعمل شنو ؟؟ قال ليها اشيل الدهب بتاعها الكتير ده وفك على امريكا .
ام وضاح
| |
|
|
|
|
|
|
Re: عوارة شفع 0000 ساكت (Re: Abd-Elrhman sorkati)
|
جيتك راجعة يا سوركتى لدى صديقة محتجة شديد وطلبت منى ان ابلغك بان نوادر اولادها ما حصلت ابدا لكن ما حتحكى ليك منها اى شىء عشان انت ما كتبت براءة شفع .
بنت خالتى برضه ولدها عنده نوادر قالت له تانى مره يا وليد لما تكون عاوز تاكل زبادى طلعه بره فى حاجة صغيرة وبعدين اعمل سكر ما تكب السكر فى الحله الكبيرة عشان انا يوم الجمعة بعمل ليكم بيه ملاح النعيمية قال ليها حاضر فقالت فى نفسها كسرت خاطر ولدى يتيم الله بسألنى منه نادت عليه وقالت ليه خلاص يا وليد اكل بالطريقة البتريحك انا يوم الجمعة بشترى الزبادى من الدكان كان الله حيانى وكان مت الحمد لله ،، قال ليها ما تخافى علينا كان متى بنودى الزبادى لخالتى فاطمة جارتنا عندها ملاح نعيمية مدنكل دنكيلها .. تصور دى براءة يا صديقتى العزيزة والله سوركتى ليه حق دى عوارة عديل كدة . ولى عودة
ام وضاح
| |
|
|
|
|
|
|
Re: عوارة شفع 0000 ساكت (Re: essam&amal)
|
الأخ سوركتي حلفتني بالله وهو عزيز ومع أنه ليس لي طرائف تذكر لكن حدث معي وأنا بالمرحلة الوسطى وكما تعلم "يادفعة" في ذلك الزمن كانت الأمهات يحتفظن في ركن قصي من خزائنهم بمعدات اليوم الأسود حين يخطف الموت أحد افراد البيت مثال عدة الحموم والحنوط للميت ، وبشقاوة وجهالة وعوارة تلك الأيام كنت أبحت ووجدت المعدات أياها فأخذت فتيل الريحة وهاك يا جبجبة ومشيت المدرسة والريحة ضاربة دخلت الفصل فوقف الأستاذ في الحصة الأولى وقال ريحة الجنازة دي جاية من وين وأخوك لبد هاك يا طناش وبعدها جري للبيت وقدر ما إندعكت وحياتك الريحة لاصقة، أكثر من أسبوع أبت تفك ومنها عرفت ليه سموها ريحة الحنوط والشر بره وبعيد
| |
|
|
|
|
|
|
Re: عوارة شفع 0000 ساكت (Re: essam&amal)
|
العزيزة أم وضاح لك الود
البرأة هي نفسها العوارة بي لغتنا000 العامية وما في مشكلة 000 ولا داعي لحساسية صاحبتك0000 ومعليش حا نعتبر ليها الموضوع برأة
| |
|
|
|
|
|
|
|