|
|
 اعود من اشاعة موت جديدة والجأ الى البورد فهل اقبل كشبح ام كأنا
|
ثخيلوا ابتدعدها اخ من اعزائنا بالبورد فصارت سنة
سنة لكل من يساهم جاهدا اللحاق بالنعش ليمد يد المساعدة لحمل جثمان سمين حقا وجتة ابلاها الزمن ولكنها مفعمة بالحب والوفاء مفعمة بالصبر الذي ازلت من جوانبه الحدود فاصبح بلا زمن أو نهاية
منذ الامس انهالت عليا التساؤلات هل انا موحود بالدنيا أم لا . واجمل الاسئلة ( عليك الله انت حي ) ( ياخ بالله كلمني بصراحة) ( اهلا يا حاج موت)
لقد فعلها احد الاخوة ولكن هذة المرة من موقع اسمه (بال توك)
سامحهم الله ولكن دعونا بابوردراب وانتو معروفين انكم اخوان اخوان واخوان فاطمة ذاتها, ان تحاولوا ان تخبروني بانها اضغاص احلام لمن روجها ام فراسة مؤمن كشف عنه حجاب الغيب لاستعد واودعكم وانا على يقين من انني برغم شح تواصلي الذي يقابله غزير سؤالكم عني واثق من انني ساحتل بعض المساحات للعزاء
واظنكم ستشاركونني الدهشة لضياع المساحات التي تضيع هدرا في زمن تضيق فيه المساحات التي يحظى بها الفكر وتستغل ليضيع منا حجم ومساحة وزمن نحن احوج اليه لنزيد من التواصل الجميل الذي ننعم به منكم والحمد لله الذي اعطاني العمر لاسامركم واحدثكم واشكو اليكم وتسمعوني ,فاطمئن
ما اضنى ان يبحث الانسان عن صدريبثه ما يعتمل فيه ولكن ما اسعدني بكم حيث سمحتم ان اشغر جزء من مساحاتكم بمقعدي
افتوني ,افتوني
هاشم ميرغني
|
|
 
|
|
|
|
|
|
|
 Re: اعود من اشاعة موت جديدة والجأ الى البورد فهل اقبل كشبح ام كأنا (Re: Hashim Merghani)
|
استاذ هاشم
تحية طيبة
(عشان أهلك) والمستمعين لفنّـك في السودان بقول ليك إن شاء الله نسمع عنك كل خير، الموت (مصيرنا) كلنا، (إنت وأنا) ونحنا كلّـنا، الخوف من الفراق بيكون علي أحبابنا حتى لو ما شفناهم (أسبوع تمام)، انت (غيب وتعال) وتلقى الناس بيتذكروا أغنياتك الجميلة بس انت (ساعدني شان القاك) وما تطوّل الغيبة من المنبر عشان دي (ماعوايدك) وزي ما قالو (الحي بيلاقي)، الفن السوداني الأصيل ده من (كنوز الدنيا) و (قدر فتّـشت) ما لقيت زيّـو وأغانيك الحلوة مكانها (صدر المحافل).
احمد الريّـح
| |
|
|
|
|
|
|
|
|
|
Re: اعود من اشاعة موت جديدة والجأ الى البورد فهل اقبل كشبح ام كأنا (Re: Hashim Merghani)
|
هاشم ميرغني ياحبيبنا وكلنا وجزئنا وبعضنا وحتة مننا
ومعذرة عما اصابك من آثر تلك الاشاعة الدمها ثقيل
لكن ولايهمك اشاعة تفوت ولا حد يموت وانشاءالله ربنا يديك
طول العمر وتصل للمليون شمعة ونقابلك في يوم ونطفيها معاك
انت واسرتك الرائعة ..
كنت عائزة انزل ليك اغنية من اغانيك الرائعة لكن عاصم انتهز
فرصة اني في المطبخ بعمل لي في قهوة وقام نزل الاغنية
تعرف يااستاذ هاشم انت شهريا بتكلفني كمية رهيبة من المناديل
يعني الميزانية خربانة خالص هاهاهاها والله كل مااشغل هاشم ميرغني
لازم ابكي وهاك ياعياط ..
عموما كلنا بنحبك وبنريدك وانشاءالله يارب يموتوا المابحبوك ومااظن
في زول مابحبك ..
كل الحب ياوطن الحب في زمن اللاحب..
| |
|
|
|
|
|
|
| |
Hashim Merghani
ابو جهينة
صديق الموج
بارعة
نصار
خالد العبيد
فيس بوك
تويتر
انستقرام
يوتيوب
بنتيريست