|
|
 لو كنت بحبك؟
|
لو كنت بحبك
ما كنت أستنيتك أسبوع
أو حتى يوم
أو لحظة
عشان عينيك تحضن عيني
محتاجة أعضك في يدك
أو حتى في قلبك
حتنزف حب
وتخلىالدم لأطفال الشارع جملة!
بسملة سميتك
سميتك ليل
غرقان جواه درويش
جوه الدرويش أيقاع نوبة
مليان بذكر الله
وقفت بعيد فى آخر الدرب
وفى السكة سؤال محيرني
سألت الغيمة
المطرة جواب
سألت الشارع
الخطوة جواب
سألت الناس
والطير
وكم نجمات
يا أولاد الحلة
ما شفتو حنين مر بي جاي
يا بنات في لمة ما شفتو الشوق
الشال شبال لغنوة سوط
ما شفتو الشهقة في فم عطشان
ما شفتو الراجل
سارح بخيال
وقصيدة
وفرد جيتار
ما شفتو الطيف
والقيف كيفن نديان
ولسه سؤال محيرنى
مربوط في خيط
على شجرة حنة
والريح جواب
ولسه سؤال محيرنى
مربوط في خيط
على شجرة حنة
والريح جواب!
*******
لو كنت بحبك؟
|
|
 
|
|
|
|
اسماعيل مرغنى
almohndis
توما
عبير خيرى
فيس بوك
تويتر
انستقرام
يوتيوب
بنتيريست