|
|
 المسطول والعرس والجلبطة
|
قال المسطول كرّب الله وجهه
امبارح جاتنى واحد مجلبطة جلبطة بطالا , قلت ليها يا بت الحلال دة شنو دة ؟
قالت لى ياخ انت مسطول ؟ بعدين انا جنى وجن الزول البيمسنى فى اسلاك كهربتى دى
قلت ليها يا بت زحى كدة والله اديك كف كلو كريم يمشى رف .
عشان كدة زعلتنى زعل لو كالوهو او وزنوهو لعمل عمايل بطالة , فقمت كتبت فيها دوبيت الجلبطة..
سلام حروم سلام ما اظن عقلكن يشفى
مجنونكن كريم شوف الرقيص والكشفة
البت ام جضوم تشبه كديس مستشفى
تتنى وتمش ماسكاها حمى ورجفة
سلام حروم سلام دى وصية داير اقولا
عادات ناس اوربا بحالا جات منقولة
ستات الكريم فى حالا ما معقولة
خلن وجيهن فانتا والرجوول كوكا كولا
سلام يالبنوت للعرس غليّتو
ان جاكم عريس دائماً بتقطعوا خيطوا
كيف يقدر يعيش كيفن يأجر بيتو
ياخ العرس انا لا دايرو لا خليتو
سلام حروم سلام حرت ليالى البردة
والمكياج طفح هرد الملامح هردة
شوف عينى الوشيش بقى وشيش قردة
والبت ام جضوم عملت شتات يا فردة
سلام حروم سلام دايرات حزم مربوطة
عادات من قديم والله ما مظبوطة
الخالات تجى ترِب الحكاية تجوطا
اتدّمر انا وام العروس مبسوووووطة
بعدين نفس البت زاتا جات سألتنى قالت لى يا انكل الاسكيرت دة ماشى مع البلوزة ؟
قلت ليها هى البلوزة ماشة وين ؟
|
|
 
|
|
|
|
alfatih
فيس بوك
تويتر
انستقرام
يوتيوب
بنتيريست