كتب الكاتب الفاتح جبرا المتوفرة بمعرض الدوحة
|
|
 دعوة للأخ الكريم بكري أبوبكر بإغلاق المنبر أسبوعا كاملا !
|
أطالب أخي الكريم بكري أبوبكر بإغلاق المنبر الحر لفترة يراها هو مناسبة (وأقترحها أنا أسبوعا كاملا) ، سبب هذه الدعوة واضح جدا: المنبر بشكله هذا يسيء للسودان وللسودانيين، ولا يخدم الغرض الذي من أجله قضي بكري أعواما طويلة يؤسس ويبني، ثم -وببساطة- يأتي البعض لهدم كل شيء!
يا بكري: أهلنا قالو: الباب البيجيب الريح سدو واستريح...
البورد هذه الأياه بيجيب ريح صرصر عاتية... وانت بالتأكيد ما مرتاح... سدّو أسبوع واستريح!
وأؤكّـد حرصي على أن يبقى للمنبر بعض بريقه الذي خبا ويخبو وسيخبو أكثر إن لم يرتقي الجميع فوق الخلافات الشخصية.
أحمد الريّـح عمر
عضو منذ العام 2002 لم ير أسوأ من هذه الأيام في المنبر!
|
|
 
|
|
|
|
|
|
|
|
Re: دعوة للأخ الكريم بكري أبوبكر بإغلاق المنبر أسبوعا كاملا ! (Re: Ahmed Alrayah)
|
عزيزي احمد الريح
اغلاق المنبر لن يحل مشكل..اما سمعتنا فلا تخاف عليها نحن بشر كباقي البشر.. ولو دخلت الي المنابر والمنتديات العربية الاخرى لرأيت عجبا...من ساقط القول..والتنابز.... ان المتضرر الحقيقي ليس المنبر وليس السادة القراء.... المتضرر هو الشخص الذي ياتي بمثل تلك اقوال.... معظم الموجدين بهذا المنتدى مسجلين باسمائهم الحقيقية مدعمه بصور فتوغرافية شخصية....وتوجهاتهم السياسية بينة.... لا تحتاج الي فطنة ولا عناء تفكير للمسها.....الضرر لهم كاشخاص....ولهم كفكر...ولهم كتنظيم سياسي....وبكري لن يتضرر بشئ....
المفترض ان معظم كتاب هذا المنبر من الشريحة المستنيرة .... التي تعي جيدا ماهو غث وماهو ثمين....تعلم اين الخطاء واين الصواب.... وليسو في حوجة الي ان يعاقبو باغلاق المنبر.....او بتعليق عضويتهم.. او بابعادهم عن المنبر.........
لا لاغلاق المنبر
لا لتحميل بكري عيوب واخطاء الراشدين المستنيرين
لا لفصل اي عضو
واخيرا
لا للتنابز...والاساءات الشخصية
| |
|
|
|
|
|
|
|
|
|
Re: دعوة للأخ الكريم بكري أبوبكر بإغلاق المنبر أسبوعا كاملا ! (Re: Ahmed Alrayah)
|
بكرى
يا خلى عندك قوانين و قواعد واضحه للتعامل ما بين الاعضاء وما يكتبونه والما بلتزم بيها يمشى,او قفلوا نهائي النشوف الناس البقا حياتا البورد حيعملوا شنو ؟؟
لا توجد حريه مطلقه ابدا,الحريه مسئوليه فى المقام الاول,والما قادر يميز ما بين حرية التعبير عن الراى و مابين الاسفاف و السفه والركاكه والابتذال يمشى يتعلم فى الاول حتى يجى ينظر عن الحريه
| |
|
|
|
|
|
|
|
|
|
Re: دعوة للأخ الكريم بكري أبوبكر بإغلاق المنبر أسبوعا كاملا ! (Re: Elnasri Amin)
|
إخوتي الأفاضل
سجيمان، رجاء، مراويد والنصري
تباينت وجهات النظر بيننا، والحق أني لم أدع لإغلاق المنبر إلا بعد أن فشلت كل السبل الأخرى في التوصل لصورة مشرقة للمنبر الحر، أو على الأقل (صورة غير التي هو عليها الآن)، بكري متضرر مما يجري هنا باعتباره أمين الموقع، ولا أخفيكم سرا أني سمعت كلاما كثيرا في حقه من جهات لا تكتب في المنبر إبان أزمة الموناليزا الشهيرة، والسبب أن مسئولية الحذف والأيقاف تقع عليه مباشرة.
ظللت -وسأظلّ- معجبا بمثل صينيّ بسيط يحمل بين كلماته القليلة حكمة كبيرة لو اتبعناها هنا لما كان ما كان، المثل يقول: (إذا نظّف كل منّـا ما أمام داره، صار الشارع نظيفا).
لكم مني كلّ التقدير.
أحمد الريّّح
| |
|
|
|
|
|
|
|
|
|
Re: دعوة للأخ الكريم بكري أبوبكر بإغلاق المنبر أسبوعا كاملا ! (Re: Rawia)
|
أختي الكريمة راوية
جرّب بكري سياسة (دق الصدر) من قبل فلم تنفع، يمكن لبكري ترك الحبل على الغارب (بالغين) لأعضاء المنبر، ولكن من يضمن توقّف مطالبات الأعضاء بحذف هذا البوست أو ذاك العضو؟
فاتن حمامة -أو أبلة حكمت- التي نجحت في إدارة مدرستها بنجاح كبير لن تقدر على إدارة بوست واحد في هذا المنبر  !
بعدين الزولة دي حسب رأيي التواضع...ما بتعرف تمثّل!
لأنها تجيد دورها إجادة مطلقة تجبر المتابع لأدائها على تصديق واقعيّة المشهد الذي أمامه!
أحمد الريّـح
| |
|
|
|
|
|
|
|
|
 Re: دعوة للأخ الكريم بكري أبوبكر بإغلاق المنبر أسبوعا كاملا ! (Re: Ahmed Alrayah)
|
من اعظم ما قدمت السينما المصريه فلم (الحرام) اخراج صلاح ابوسيف
والله احس الغصه(بالغين برضو) فى حلقى الى الان من اداء فاتن حمامه
كذلك دورها فى فلم دعاء الكروان ومناداتها امينه رزق ( امها فى الفلم) فين هنـــــادى يا اماى ( تقطع القلب)
اما بالنسبه لبكرى ابو بكر انا شخصيا ارى كلام رودا صحيح وان بكرى يمكنه المحافظه على هذا الصرح
وممكن تقول انى مستبده او متكبره لكنى ارى ان بكرى ابو بكر صاحب القرار الاول والاخير فى هذا المنبر وان التشدق بالحريه وحريه الراى والديمقراطيه دا كلام فارغ نحنا مافى واحد فينا داقى مسمار هنا عشان يطالب ويفرد بوستات
ممكن اقول راى لكن يظل مجرد راى يمكن ان يؤخذ به او لا لكن لا يمكن ان افرض طريقه اداره المنبر
| |
|
|
|
|
|
|
|
|
|
Re: دعوة للأخ الكريم بكري أبوبكر بإغلاق المنبر أسبوعا كاملا ! (Re: Rawia)
|
أختي الكريمة/راوية
لولا أني خشيت أن أوصم (بالميم ) بالإنصرافية لحوّلت دفة هذا البوست لسرد مسيرة الممتلئة فنّـا فاتن حمامة،
دعوتي للأخ الكريم/بكري تبقى كما قلت أنت مجرد رأي يمكن ان يأخذ به أو لا،
وعشان ما ندخّل بكري في (أحذف وأرفد وأشطب) أحسن كلنا نلتزم بقوانين المنبر وكفى الله المؤمنين شر القتال.
لك منّي كل الود
أحمد الريّـح
| |
|
|
|
|
|
|
|
|
|
Re: دعوة للأخ الكريم بكري أبوبكر بإغلاق المنبر أسبوعا كاملا ! (Re: Ahmed Alrayah)
|
يــاااااااااا.....اخواتي وأخواني المنبر ده فيهو ناس كتار جميليييييييين جدا جدا فيهو شعر فيهو غناء فيهو مساهمات نظريه مفيده للغايه ....فيهو تماضر وعاصم الحزين فيهو انور ابو غيدا وطارق ابو عبيده ومنعم شوف وسجيمان وبشري الفاضل واسامه الخواض وعبد الله بولا اخيرا وليس بأخر فيهو اشراقه مصطفي ورجاء وراويه وفيهو وفيهو وفيهو...........الي ما لانهايه كل ده يتقفل عشان في شخصين او ثلاثه يريدون أن يفسدوا هذا العطاء وهذه الاعداد المرموقه من مبدعينا.أن هذا لعمري ظلم ورؤيه متعسفه ومختزله لكل هذا الوجود النابض بالحياة وبالامل مقابل شئ لايكاد يذكر.بل فيه تضخيم لذوات هذه الشخصيات المتسببه في هذا التوتر اليومي.
ليبقي المنبر مفتوحا للجميع ومن اراد الجديه والمعرفه والجمال سيجده ومن اراد غير ذلك من أثاره واستفذاذت فهي هناك قابعه .هذه هي الحياه والمنبر ينبض بالحياه ويحمل كل صفاتها الجينيه. حيوية كانت ام مريضه.
وليد يوسف
| |
|
|
|
|
|
|
|
|
|
Re: دعوة للأخ الكريم بكري أبوبكر بإغلاق المنبر أسبوعا كاملا ! (Re: Elwaid Osman)
|
| Quote: أطالب أخي الكريم بكري أبوبكر بإغلاق المنبر الحر لفترة يراها هو مناسبة |
الاخ احمد الريح تطالبو في دار ابو منو؟؟؟ ثم تانيا...هو مش منبر حر....خلي الناس تتشاكل كلّها هنا وتتمعط والحجاز ليه عكاز...والباشمهندس بكري...متبرع لينا بساحة للفرجة...ما بتحتاج تشب او تقيف علي امشاطك المسرح مفتوح للدواس...بعدين الناس براهم بفتروا
تعليقي دا ارجو ان تعقبو بي شكلة بيني وبينك يفرد لها بوست
كامل عشان لا اخليلك لا ابقيلك ولا تخلي لي ولا تبقي لي...
وما فيش شكلة احسن من شكله...
اها يا احمد الريح
قالو في ناس جنّهم مشاكل ما بمسي عليهم الليل بلا يعملو ليهم شكله
اها الولد وخالو قامو من الصباح...يفتشو لي شكله...راكبين حميرهم وشايلين سفروقاتهم...لامن الشمش قرّبت تغيب عليهم...وما لقو شكله...وفي رجعتهم علي البيت...الولد قال لي خالو...دحين انت آ ...خالي عامانوال...ما قلت لي...انعل ابوك...خالو قالو انا عامانوال ما بطّراها علا هسع انعل ابوك وجدك وجد جدك....والسفروقات دورت....قالو حجّازن...شالو بالنقالة...
دحين نحن راجين النقالة...
| |
|
|
|
|
|
|
| |
ASAAD IBRAHIM
samo
سجيمان
Raja
Rawia
elhilayla
nazar hussien
فيس بوك
تويتر
انستقرام
يوتيوب
بنتيريست