|
|
 ..وتجادعو بالالقاب أوبوست لحكي ماهل
|
السلام عليكوم ...ناس الحله
بكب شكر كتير لي كل عضويه سودانيز اون لاين وبخص الرحبو بينا وبارحونا وفاتو بمحبه دؤوبه... وبسم الاّ ابتديت
اذكر ذات زياره لصديق لنا في منزله فدار هذا الحوار اللطيف
كوكوكو طرقنا الباب كوكو فتخو لينا الباب..
: سلام عليكم
: وعليكم السلام
: باقر موجود
: والله مرق
: مشي وين
: والله ما عارفه
: خلاص بعد يجي قولي ليه ((ماو) و(قرمبوز) و(كتيه) جوك هنا
: سجمي سجمي سجمي ده شنو !! ماعندكم غير الاسامي دي!! )
في تقديري ان مساله الالقاب هي تعبير مكثف للذاكره الشعبيه وهي تعكس قدره عاليه من الكياسه والفطنه وروخ الدعابه ,فنحن لا نستطيع
تحديد تطور واختلاف هذه الالقاب فهي رهينه التاريخ والجغرافيا والبيئه لكن هنالك مراحل لها عبق القابها مثل المراحل التعليميه المختلفه حيث تأخذ الالقاب صياغات المفردات واللغه الاكاديميه الجديده فمثلاً (الوريد, التنجستان ,الحالب) فاذكر ان استاذاً لنا في الابتدائيه ربط لنا ما بين اللون او الوهج والتنجستان ونحن من فرط دهشتنا بهذا الاسم القبناه صديقنا بعلي تنجستان فصار به الان كما تقول العرب وكان شديد الصفار (حلبي)
وهنالك الالقاب تاخذ صيغ المؤسسات والوظايف والمهن مثل (المخزنجي .كنترول.المطبعجي.ود القاضي ...الخ
وهذا حال مفهوم في الشرح والدلاله.
وهنالك القاب عابره للمؤسسات والمهن وهي ذات اتفاق جمعي مثل ابوخليل ابوعلي عباس ركس ولركس هذا قصه شهيره علي عهد الاغتراب والاختلاج الاول ويقال والعهده علي الراوي ان عباس هذا استلم خطاب او جواب (من صديقه له في الاتحاد السوفيتي). معنون باسم عباس REX
فماكان من السلطات السعوديه الا وان استدعته حول فك هذه الشفره الجايه من الروس . وبقيه القصه معروفه(صاحبنا عباس من زقاق لعمود من عمود لمصطبه لليله)
ملاحظه جندريه : يلاحظ ان الالقاب وسط النساء قليله او تكاد تنحصر في فيئات ثقافيه محدده وان وجدت فهي غير ذات ايقاع عالي (المسعاله دي تكون من شنو) من غير مازول يجي يقول لي المجتمع الذكوري...
عموماً لكل لقب حدث ولكل حدث حديث والبورد ده مليان القاب يحدي اضانو ويخلق من اللقب اربعين
عشان كده فكره البوست ده اي زول اليحكي ليناقصه لقبو وانا عارف انو في ناس القابها الغام والستره والفضيحه متباريات . يعني التمبس تمبس ليه والكاجومي كاجومي ليه والشمهروش والقرمبوز والسلطه والبامبي والعجلاتي المهم يعني خلونا نعرفكم من القابكم
|
|
 
|
|
|
|
|
|
|
|
Re: ..وتجادعو بالالقاب أوبوست لحكي ماهل (Re: معاويه بشري)
|
يا سلاااااااااام ياخ
ماو welcome والله بالبوستات اللطيفه وبالناس الالطف ونخش في الموضوع توش
طبعاً مساله الالقاب في الثقافه السودانيه دي الباحثين ما مهتمين بيها شديد ويحدي اسه ما في اي دراسه مكتمله عنها المهم هو موضوع رشيق ويستحق المجادعه
طبعاً اضافه لقولك مساله اللقب البجي من شكل الزول (طوله وقصره ,عاهه دايمه ..الخ) يعني زي حتيته وحجيري واودان وعبد الباسق ... برضو من العلل في الكلام ذي اللدغه واللجنه برضو بجر ليك لقب وكمان من مواقف طريفه تهكم وسخريه وهزل وزعل وانفعال ممكن يجر ليك لقب لي قبرك..
علي كل محاولات لكسر رتابه الفورمل والرسمي تعبير شعبي عن العاطفه والود والقب اخو الدلع عندنا
علي اي حال ما حا حكي ليك ليه انا قرمبوز لانك عارف
لكن بمش وبجي احكي ليك ليه انته ماو!!!
| |
|
|
|
|
|
|
|
|
|
Re: ..وتجادعو بالالقاب أوبوست لحكي ماهل (Re: Ibrahim Algrefwi)
|
ا سلاااااااااام ياخ
ماو welcome والله بالبوستات اللطيفه وبالناس الالطف ونخش في الموضوع توش
طبعاً مساله الالقاب في الثقافه السودانيه دي الباحثين ما مهتمين بيها شديد ويحدي اسه ما في اي دراسه مكتمله عنها المهم هو موضوع رشيق ويستحق المجادعه
طبعاً اضافه لقولك مساله اللقب البجي من شكل الزول (طوله وقصره ,عاهه دايمه ..الخ) يعني زي حتيته وحجيري واودان وعبد الباسق ... برضو من العلل في الكلام ذي اللدغه واللجنه برضو بجر ليك لقب وكمان من مواقف طريفه تهكم وسخريه وهزل وزعل وانفعال ممكن يجر ليك لقب لي قبرك..
علي كل محاولات لكسر رتابه الفورمل والرسمي تعبير شعبي عن العاطفه والود والقب اخو الدلع عندنا
علي اي حال ما حا حكي ليك ليه انا قرمبوز لانك عارف
لكن بمش وبجي احكي ليك ليه انته ماو!!!
| |
|
|
|
|
|
|
| |
Ibrahim Algrefwi
Dia eldin khalil
mohammed alfadla
خضر حسين خليل
فيس بوك
تويتر
انستقرام
يوتيوب
بنتيريست