|
قصيدة الشاعر/سيداحمد الحردلو...مسافره خلاص... مع دعواتنا له بالشفاء
|
-1- مسافرة خلاص ونحن الدوبنا يادوب جينا شايلين في العيون امطار وجايين من ليالي الشوق ودايرنك تكوني نهار وجيناك قلنا نبقى سوا ونكون للحب اهل وديار وجيناك شان تكون ريدتنا للعشاق وطن ومزار عشان الدنيا تبقى حديقة من اطفال.. ومن أطيار تقومي تسافري شن ببقالنا من بعدك وشن ببقالنا من اشعار -2- مسافرة خلاص ولكين كيف منو البكرم معايا الضيف منو البركز معاي في الحارة فوق القيف منو البتحدى في تالايا برد الليل وحر الصيف منو السوداني ابقى جميل بعد ماكت زي الطيف بحبك أيوه ياحليوه لانك لي دعاش وخريف لانك لي وطن جايي من التاريخ.. بحد السيف
سيد أحمد الحردلو
*************
الشاعر سيد احمد الحردلو في غرفه العمليات الان
|
|
|
|
|
|