كتب الكاتب الفاتح جبرا المتوفرة بمعرض الدوحة
|
|
 نعيب بوردينا والعيب فينا وما لبوردينا عيب سوانا
|
| Quote: نعيب بوردينا والعيب فينا و ما لبوردينا عيب سوانا |
يعني إذا كلنا صاح الغلط وين؟
يا جماعة دي دعوة عشان نروق المنقة..
والشايلة المديدة الحارة عليكم الله يكبها من يدو ويمشي يغسل يدو من تحت الزير.
نحاول ننسى جراح البورد ونذكر جراح الوطن..
نحاول نعرف شنو اللمانا..
نحاول نعرف منوالشتتنا..
نحاول نعرف وين الألم..
نحاول نعرف الكلمة الحلوة..
نحاول نعرف الصحبة الطيبة..
نحاول نعرف هدفنا..
نحاول نعرف لينا طريق ــــــــــــــــــ
نحاول نعرف نتناقش..
نحاول نعرف نتشاكل..
نحاول نعرف نتصالح..ونتسامح
نحاول نعرف نضحك .. ونبكي
نحاول نعرف نغيب .. ونجي
نحاول نعرف ...
نحاول نعرف..
نحاول نعرف.
الحب موجود .. لكن نحاول نحب بعض أكتر
شكيتكم لي ألله كان ما حاولتو معاي
|
|
 
|
|
|
|
|
|
|
 Re: نعيب بوردينا والعيب فينا وما لبوردينا عيب سوانا (Re: اساسي)
|
الأخ العزيز كبسيبة
لى أول مرة فى تاريخ حياتى أقول لى زول إنك ماإسم على مسّمى
يعنى بالعديل كدة إسمك ما بيشبهك و مش ممكن تكون حامل لكل هذة
الأفكار الجميلة الداعية للتسامح و فرض التعقـّل و تسـّى نفسك
عدم المؤآخذة ( كبسيبة )
عموماً أوافقك الرأى ولك تقديرى و مودتى
أخوك /طه حسن عبدالله
| |
|
|
|
|
|
|
|
|
|
Re: نعيب بوردينا والعيب فينا وما لبوردينا عيب سوانا (Re: كبسيبة)
|
Quote: يا جماعة دي دعوة عشان نروق المنقة
نحاول نعرف شنو اللمانا
نحاول نعرف منوالشتتنا
نحاول نعرف الكلمة الحلوة.
نحاول نعرف الصحبة الطيبة..
نحاول نعرف نتناقش
نحاول نعرف نتشاكل
شكيتكم لي ألله كان ما حاولتو معاي |
كلام زى الورد
غايتو انا معاك , و ربنا يستر, انا جد خائف على البورد ده ,غايتو لو حصلت ليهو حاجه انا راسى بنقطع و ما حاعرف امشى وين
اعلنها داويه
انا مدمن
, ياخى انا بفتح البورد قبل الايميل
| |
|
|
|
|
|
|
|
|
|
Re: نعيب بوردينا والعيب فينا وما لبوردينا عيب سوانا (Re: كبسيبة)
|
كبسيبة يارايق
البورد دا زى السودان تشرد منو وتلف وتانى تجيه راجع,,موش السودانيين ديل؟ياهو دا طبعهم اى واحد شايف نفسو صاح والباقين غلط ,,حال البورد دا ماحابنصلح الا حال السودانيين ينصلح يعنى بالواضح الا ننضف قلوبنا وندخل حاجة اسمها التسامح والاعتراف بالغلط فى قاموسنا ولحدى دا مايحصل البوست البتلقى فوقه عكاكيز ماتخشو عشان ماتلقى ليك واحد فى راسك الغلط دا
| |
|
|
|
|
|
|
|
|
|
Re: نعيب بوردينا والعيب فينا وما لبوردينا عيب سوانا (Re: كبسيبة)
|
يا أساسي
الناس دي أجهرت إنت لسة في البوليس السري بتاع بكري ده مش حلوه في الثورة الأخيرة دي.
الأخ طه حسن عبدالله
والله نورت البوست ده يا أبو الطاء
يعني لو ما بقيت كبسيبة حكون منو أبو الكباس.
Quote: عدم المؤآخذة ( كبسيبة )
|
كمان جابت ليها مؤاخذة (ما قلنا تسامح ومودة يا طه)
اخوي النصري أمين
والله منور لكن الصلعة منورة أكتر (مسمسمة عديل كده)
بعدين لمن راسك ينقطع تعال بيتنا كويس
بعدين مدمن عديل كده إنت ما عارف هنا في ناس مباحث وبواليس
سجيمان
بتاع الحب .. تعال ابيعو ليك
أنا فعلاً طالي من الشباك لكن المعاي تعال شوفو
يا طه تااااااني جيت ما قلت ليك ياخي
يا ودالديم
ما كفاية فرتقتو لينا حفلات الصحافة جاينا بي عكازك هنا كمان
يا أسعد
تجي نتشاكل عشان نوري الناس ديل
هو في احلى من الكبسيبة حسي عليك الله
البورد ده ما كلو كبسيبة
الباقين وين عايزين الشكية ولا شنو ؟
| |
|
|
|
|
|
|
|
|
|
Re: نعيب بوردينا والعيب فينا وما لبوردينا عيب سوانا (Re: كبسيبة)
|
أساسي تسلم على الطلة
لكن إنت عارف
اليومين ديل البورد
بقى زي التعاون بتاع الخضار
والنساوين (نقه ناقه تنقنقي)
وبكري المسكين ما قادر يوزن البامية
وكل واحدة عايزه توزن خضاره قبل التانية
دي تشيل وتخت في الطماطم ووحدة مصرة توزن
الكوزة ووحدة بتنفض الطين بتع الخضرة في الواقفين
غايتو التعاون بقى مخمج
وكل مرة تجي زبونة والحفلة تسخن زيادة.
ياربي العيب في سيد التعاون ولا الزباين
| |
|
|
|
|
|
|
| |
اساسي
طه حسن عبدالله
سجيمان
ASAAD IBRAHIM
فيس بوك
تويتر
انستقرام
يوتيوب
بنتيريست