كتب الكاتب الفاتح جبرا المتوفرة بمعرض الدوحة
|
|
 الليلة ميلاد فرحنا باركولينا
|
في البداية الشكر الجزيل للربان الاستاذ المهندس بكور
لتفضله بتعديل اسمي من سونيل الى اسمي الحقيقي محمد حسن
وحقيقة الواحد حاسي انو كانو اتولد من جديد ويا ريت لو زعلنا زول
بالاسم القديم يصفح عننا وانشاء الله لا تسمعون الا كل خير من اسمنا الحقيقي
وما اجمل ان يكون الانسان واضح بين الناس وطبعا دا ما تلميح لما قد يتبادر ولكنها حلاوة الحرية بعد تستر افرزته عقلية الدولة البوليسية التي كنا نعيش بداخلها وها انا اتحرر من عقليتي الباطنة لابدو امامكم هكذا محمد ود حسن ود العمدة محمد عثمان سهلا ممتدا بلا حواجز بلا قيود بلا ( حجاب )
ارجو ان تتقبلوني بينكم ابناو اخا وصديقاوصاحبا
ولكم جميعا اهلي اهل البورت الزينين السمحين
|
|
 
|
|
|
|
|
|
|
|
Re: الليلة ميلاد فرحنا باركولينا (Re: عزيز)
|
الحبيب عزيز
تحياتي
الف شكر ليك واخوك امي في شغلانه تنزيل الصور ولكن ارسلتا لاسماعيل وراق عشان يقوم باللازم وقريبا انشاء الله خط وصورة وعقبال الصوت
لك خالص حبي وللاخوان
| |
|
|
|
|
|
|
|
|
|
Re: الليلة ميلاد فرحنا باركولينا (Re: يازولyazoalيازول)
|
الحبيب يا زول / استاذي هشام شيخ الدين
اخبارك وعموم جدة
الف شكر ليك يا سيدي على دعمك و تزيكتك الغالية
ومع انو انا من صرت من انصار حزب الاسماء الحقيقة بزعامة استاذ عزيز الا ان بعض الاسماء صارت كالعلامات التجارية غالية الثمن مثل اسمكم الكريم
ولك الف شكر مجددا على دعمك اخي وحبيبي هشام
| |
|
|
|
|
|
|
|
|
|
Re: الليلة ميلاد فرحنا باركولينا (Re: الصادق خليفة)
|
الاحباب الكرام
خالص حبي وتقديري لحفاوتكم الكريمة
الاخ صديق الموج زمان بنقول الزارعنا غير الله اليجي يقلعنا
حقيقة مافي زول قلعنا لكن الظروف هي القلعتنا من وسط اهلنا واحبابنا ونيلنا واقول انشاء الله نتلاقى من جديد وسط جروفنا وتحت لالوبنا ونخيلنا ونتنسم نفحات مريدي وقهوة شرقنا
الحبيب الفاتح الصادق لقد شغلتنا عنك الدنيا وسرابا وانشاء الله نرجع لايام البالتوك واسماره مع الاحباب
العزيزة الجندرية ابشري والله نحنا تورطتنا عصيدتا مدقلبة بملاح شرموط وحا نسوي السمايا بكرارتابقاموس الشماليي والنعيمية على قول الجزيري وناس قدام بروبن وكمان معاها اخواتا ناس الملوحي والقراصة بوصتين وفي روايه تلاتي واخيهن ملاح الكول واللوبيا وكما قال الشاعر
ملاح اللوبا حاجة تمام
ومغذي زي الحمام
الحبيب الزنجي والاستاذه حنينة وبنت النيل وابو جهينة والصادق خليفة لكم مني خالص الحب والتقدير وارجو ان اكون لكم اخا وصديقا
الاستاذه ام امال طلباتك سجلت الاسماء الاتنين حلوات ويمكن سيدن احلى منهم ( مدعي ) وربنا يتم تنزيل الصورة بس ناقصانا الخبرة
لكم جميعا ايها الرائعون خالص محبتي
واهدي اليكم ابيات الاستاذ الشاعر صلاح احمد ابراهيم
سبع حمائم
سيل عمائم
نحل في البرية هائم
موكب وعد , موكب امكانات أمتنا.
نار ودخان
وثن ,طبل , قرآن
طفل ظل يقوم الليل ويمسك في رمضان
حلم برفاه الأرض وخوف من فتكات الغيب لمقبل امتنا
عذراء كقلب القمة امتنا
| |
|
|
|
|
|
|
| |
عزيز
يازولyazoalيازول
صديق الموج
ابو جهينة
الجندرية
الزنجي
essam&amal
alfatih
haneena
الصادق خليفة
فيس بوك
تويتر
انستقرام
يوتيوب
بنتيريست