|
والله ماكان العشم.......
|
ماكان العشم يابورداب...
يعني الواحد يموت ويبقى بترول وتحولو قروشو عملة صعبة وتبنو بيها واطات والمغتربين يشترو بيها شقق وما تسالو منو...
او يبقى بنزين وتملو بيهو عرباتكم دي وتسوقوها وتلفو بيها شوارع الخرطوم والمناطق المجاورة والمغتربين يسافرو بيها من والى السودان ولااااا تهببو ليهو...
ولا يبقى سماد وتاكلو خدار ولا لحم في بطونكم وبرضو ما تشتغلو بيهو الشغلة...
واللااااااااااااااهي ما كان العشم لكن معليييييييييييييييش الله دة في وااااااااقف وشايف الحقارة البتسوها لي دي...
|
|
|
|
|
|
|
|
Re: والله ماكان العشم....... (Re: Mayada)
|
ميادة حقيقة وين إنتي ؟ افتقدتك ،، وقلت يمكن تطلي علينا في بوست ( صورتك في المنبر ) كل الجندريات شاركونا الجلسة هناك ،، مالك خير ،، وين إنتي ، وين اختفيتي سبتي حوار بيني ، وله وحده ،، إن شاء الله ما شر ..
| |
|
|
|
|
|
|
Re: والله ماكان العشم....... (Re: ودقاسم)
|
غيبي وتعالي تقينا بنفس الأحضان الدافئة منتظرنك أنت لم تموتي ولكن نحن زهرة ميتة طال عليها الإحتضار لا نرى إلا التناسي مهرباً من موتنا موتنا القادم في ضوء النهار
حمداً لله على عودتك خزنتك النعمة الكبرى لنا لتروى مغرب المنبر لم تعد في المنبر ميادة غيرك
| |
|
|
|
|
|
|
Re: والله ماكان العشم....... (Re: EMU إيمو)
|
ست البنيات و الله مقصرين بس إن شاء الله عمرك طويل ،، و إنت حية و عايشة بنتمنى تكوني دايما بترول البورد و بنزين المنبر و سماد بورداب الرياض. رأيك شنو في ( المحسنات البديعية ) دي ؟ أرقدي عافية
| |
|
|
|
|
|
|
Re: والله ماكان العشم....... (Re: Mayada)
|
ميادة
الشر برة وبرية
خوة البورد دي زي خوة المراكبية
ومرة اساسي قال لي خوة البورد حتتها بس الكي بورد وبعدين انسى
ومرحب بعودتك وشدي حيلك لاننا قريب عاوزين نعمل مناسبة لناس الرياض وستعملها اسرية وشوية العذابة الفي الرياض سنحن بحالهم ونعزمهم كمان .
| |
|
|
|
|
|
|
Re: والله ماكان العشم....... (Re: KOSTA)
|
كوستا... والله طبعا ونتيجة للجليد الشديد الايام دي في الرياض فافتكر انو مرحلة تحول الكائن الحي الى الزيت الخام هي الاجمل ولا شنو رايكم ياذوي الخبرة؟؟؟
بعدين تعال هنا، انت ذاااااتك قاطع الخبر، صح ولا ماغلت
| |
|
|
|
|
|
|
Re: والله ماكان العشم....... (Re: Mayada)
|
الأخت ميادة
ما عندك أي مشكلة بنجيب معانا أكلنا وكمان بنزين لزوم الإحتياطي .. ويا أختي الشياب ديل البيخدمهم ليك منو .. وكمان بنرقص وبنهجج زاتو .. زي ما قال الخال ودقاسم ..
نورتي وتاني ما تطولي الغيبة ..
تسلمي
| |
|
|
|
|
|
|
Re: والله ماكان العشم....... (Re: Mayada)
|
الأخت ميادة
سلام .. عشان أوقد ليك الشمعات المنورة دي أظنك ما شفتيها .. وكان شفتينا نحن العزابة ديل طباخين جنس طبيخ .. تاكلي صوابعك وراها زي ما أهلنا المصريين بيقولوا ..
يديك ألف عافية
| |
|
|
|
|
|
|
Re: والله ماكان العشم....... (Re: Mayada)
|
غايتو لو كنتي اتحللتي واتحللتي وتاني اتحللتي وبقتي بترول واستخدموكي في مصانع البترو كيماويات
وبقيتي جزء من عجينة صابونة ثم صابونة امبريال ليذر وقام بتاع المصنع باع الكراتين لي موزع
المنطقة الوسطى وجا مندوب مشتريات من اسواق التميمي واشترا خمسة عشر كرتونة وانتي في واحدة
فيهم وجا ختاكي في العرض في السوق وقام اخوي الكبير جا بالصدفة اشتراكي بي ثمن بخس ..ريالات معدودات
وجابك ختاكي مع مشتريات يوم الخميس مع الخضار واللحمة السواكني وعلبة التونا وجيت انا بتاع الملح ده شلتا الصابونة واستحميت بيها
كنتا حاخجل لاول مرة
| |
|
|
|
|
|
|
|