كتب الكاتب الفاتح جبرا المتوفرة بمعرض الدوحة
|
|
 فـــــوائد قرصة النمـــله...أفضل وسيله للرجيم
|
1 .. قرصة النمله تؤدي الى تنشيط الدوره الدمويه وزيادة عدد كريات الدم الحمراء مما ينعكس على نشاط الجسم وحيويته .
2 .. قرصة النمله تقوم بتنشيط الخلايا العصبيه الموجوده في الدماغ وذلك من خلال اشارات حسيه تنتقل من مكان القرصه الى الخلايا الحسيه الموجوده اسفل الدماغ .
3 .. اذا تعرض الجسم الى اكثر من قرصه في الوقت ذاته , فان ذلك من شأنه ان يؤدي الى تليف الجلد وذلك في حالة كون جميع القرصات في مكان واحد , اما اذا كانت في عدة اماكن فان ذلك سوف يؤدي الى تخثر الدم .
4 .. المقصود بتليف الجلد هو ان الجلد يصبح اكثر مقاومةً للبكتريا و اكثر تحملاً لدرجات الحراره المرتفعه .
5 .. المقصود بتخثر الدم هو تكون طبقه من الدم تكون اقسى نوعا ما من الدم العادي مما يمنح الاوعيه الدمويه قدره اكثر على مقاومة السموم .. وبالتالي مساعدة الكبد وتخفيف العبء عنها .
6 .. قرصة النمله كأفضل وسيله للرجيم عندما تقوم النمله ( الانثى ) بتوجيه قرصتها للهدف المقصود ..فانها تفرز كمية من اللعاب الأيوني .. والغريب ان هذا اللعاب يقوم بحرق جميع الدهنيات الموجوده في العضو المقروص , مثلا , لو ان العضو المقروص هو الذراع فان اللعاب الموجود في مكان القرصه سوف يتنشر تدريجيا في كافة الذراع وبتالي سوف يقوم بحرق مانسبته 99% من الدهنيات التي توجد في هذا الذراع.
لووووووول
|
|
 
|
|
|
|
|
|
|
 Re: فـــــوائد قرصة النمـــله...أفضل وسيله للرجيم (Re: bushra suleiman)
|
وانا اقول السودانيين ديل مالم ضعاف كدة
وبمناسبة ضعاف دي ادك طرفة
استاذنا د. ادم فضل الله (اخصائي العظام)، كان رجلا ساخرا.. وقد كان مرا، يحك ليك الطلبة حك شديد، وعندو كمية من الطرايف
المهم، في اخصائي عظام جديد لنج جا من انجلترا، و كان هو مشرف عليه..
جاء مريض عندو كسر في عظمة الفخذ و قرروا يركبوا حديدة في نخاع العضم..
المهمة الاخصائي الجديد قال عايذ يعملها براه.. ادم فضل الله وافق.. الجراح الجديد فحص الصور و ضرب و حسب و قرر يستعمل مقاس معين..أدم فضل الله قال ليه(يا زول المقاس دا كبير، ).. الجراح (انحنا متعودين نستعمل المقاس دا لمقاييس العضم الذي دي).. ادم فضل الله ( يا زول عضام السودانيين ديل ما زي الخواجات.. ما بتستحمل المقاس دا).. ولما لم يقتنع الاخصائي الجديد، خرج د. ادم فضل الله و وقف خراج غرفة العمليات يدخن (كدوسه)
بعد فترة جاء الاخصايئ الجديد خارج من العملية (يا بوص، الحديدة ابت تدخل كلها.. فاضلة زي 3 سنتمترات)..
د. ادم فضل الله (ما قلت ليك)..
(لكن اعمل شنو هسع)..
ادم فضل الله (خليه يعلق فيها مفاتيح العربية)
و العهدة علي الرواي
| |
|
|
|
|
|
|
|
|
|
Re: فـــــوائد قرصة النمـــله...أفضل وسيله للرجيم (Re: bushra suleiman)
|
إزيك يا بشرى
والله دى قصة عجيبة جدا
طيب الزول كان بقى ضعيف وداير يسمن
يمشى هو يقرص النملة ولا كيف
ما ياهو ده "الريفيرس آكشن" ولا شنو
كدى عليك الله شوف لى الشغلانة "أبليكبل" ولا لا
بس نعرف المشكلة بتكون وين
لو طلع انه الزول الزى خالتنا دى، لازم بقرص نملة أنثى
ودمت يا جميل
أبوذر
| |
|
|
|
|
|
|
|
|
|
Re: فـــــوائد قرصة النمـــله...أفضل وسيله للرجيم (Re: bushra suleiman)
|
العزيز صديق
سبع صنايع والبخت ضايع
يعنى عاوزنا نبقى زى اخونا الحلفاوى العملو ليهو عقد عمل مؤذن فى السعوديه
واحد حلفاوي عايز يغترب باي طريقة في النهاية
لقو ليهو عقد عمل من الشؤن الدينية في مهنة مؤذن
المهم صاحبنا ساكن مع جماعة عزابة جنب الجامع ... وطبعا الكشتينة مدورة 24 ساعة
وصاحبنا كل ما يجي وقت صلاة يمشي يأزن ويرجع بسرعة
مرة امام الجامع قال الزول دا ماشفناهو اصلو في الصف الأول ... لازم نعرف حكايتو
الامام أنتظر الحلفاوي جنب باب الجامع وصاحبنا اذن وعايز يتخارج بسرعة عشان يلحق العشرة
الامام قال ليهو وين رايح يازول لماذا لاتصلي معنا
صاحبنا قام طلع ليهو صورة من العقد ... وقال ليهو هنا مكتوب شنو مصلي ولا مؤذن ؟
| |
|
|
|
|
|
|
|
|
 Re: فـــــوائد قرصة النمـــله...أفضل وسيله للرجيم (Re: Adrob wad Elkhatib)
|
استاذ بشري
الف سلام
عارف مما قريت موضوعك دة بفكر
يعني هم ما حددوا غير جنس النملة؟؟
يعني الباقي ما مهم؟؟
نملة سكر...شحموط...النمل الطاير..النمل الابيض
كلامك دة بذكرني وانا صغيرة والي الآن كنت اخاف من قرصات نمل الشحموط الموجعة وخاصة المدسوس في النجيلة داك
وانا ما عارفة اشمعني النمل في نجايلنا في السودان موجود وبالحقد دة
هنا ما حصل تقرصك نملة وانت في جنينة ..يعني بنحوم حفيانين ومافي اي حاجة تحصل ليك
ودة طبعآ ما كويس..لانه معناها مافي رجيم ولا حاجة
ودة مضيعة وقت وبس
لانه لو مشيت السودان واتقرصت هناك ..مع انه هناك الرجيم قسري..احسن ليك من جناينهم ام نمل المافيه فايدة دة
يا ربي دة من شنو؟؟ نملنا الحاقد من متغيرات جينية و بيئية ولا شنو بالضبط؟؟
كل الود
| |
|
|
|
|
|
|
|
|
|
Re: فـــــوائد قرصة النمـــله...أفضل وسيله للرجيم (Re: bushra suleiman)
|
اهلا وسهلا بيكى ياحنينه
فعلا هنا الواحد لابيتذكر نملنا الحاقد داك ولا ناموسنا المطرطش داك المجنن الناس بالملاريات اشكال والوان..لكن تعرفى النمل بتاعنا البيقرص داك كلو شغال بالعقلية الذكورية لانو طبعا شغال تحت رحمة الملكات عشان كده يتحاوم فى الحدائق والجناين يعكنن على الناس ويتفشى فيهم
| |
|
|
|
|
|
|
|
|
|
Re: فـــــوائد قرصة النمـــله...أفضل وسيله للرجيم (Re: bushra suleiman)
|
خلاس يا بشرى
أنا من زمان بفتش لي في مشروع..
بس عايز لي وكيل بتع تصدير نمل
والفكرة كالآتي :
حعمل صالة كبيرة طبعاً رملة ساكت مرطبة
وأدفس ليك الصالة دي أزيار بااااردة وتحت كل زير
مية حفرة بتعت نمل..
وأخت جم كل زير برش
أقصد برشين عشان كل واحد يحك للتاني طبعاً العض حيكون شديد
وأعمل يافطة كبيرة
المــــركــــز النمــــــلي للرجـــــــيم
ملحوظة : كل قرصة بتنقص 20 سعرة حرارية ده بالنسبة للنمل المحلي
النمل المستودر وطبعاً ده جاي من السودان
كل قرصة تنقص 100 سعرة حرارية
منو يشترك معاي في المشروع ده يا جماعة
| |
|
|
|
|
|
|
| |
bushra suleiman
aymen
THE RAIN
Adrob wad Elkhatib
haneena
ملكة سبأ
doma
Outcast
فيس بوك
تويتر
انستقرام
يوتيوب
بنتيريست