|
|
|
 Re: آهِ و آهِ و آآآآآآآآآآآآآآآآهٍ (Re: منعمشوف)
|
يمه جيت راجع عشانكم
وغربتي مليت دروبها
حزن دائم ودمعه كابه
وكل حاجه كمان غريبه
وناس قدر ما تحب عيونها
ما بتلاقي عيون حبيبه
.
شوق معذب وذكرى مره
وسيره ما بنقدر نسيبها
كل حاجه هنا بدراهم
وبي طرق قاسيه وصعيبه
بلدي أعظم وناسها اصدق
وعيشتهم في الدنيا طيبه
وان غلت في بلادنا حاجه
حتى كان قمره بنجيبها
أصلو عيشة الغربه قاسيه
وحتى ناسها كمان عجيبه
***
عزنا وعزة بلدنا فتنا منها وانخدعنا
موج سراب ودانا ليها ونحن سرنا وانقطعنا
قلنا رايحين قلتي لا لا ويمه قولك ما سمعنا
ودابو قولك جانا واقع إلا قبلو كمان وقعنا
ونحن مما فتنا دارنا في العيون يوم ما ارتفعنا
التمن يا يمه غالي ونحن ليهو الروح دفعنا
هم كبير ودرب خطير وسكه تب ماليها معنى
لا دراهم لا مظالم نحنا بس للعز رجعنا
***
الحياه لحظات قصيره يمه وين نلقاها تاني
وين بنلقى رضا الحبايب صبحوا يا حليلهم أماني
وبلدي مما فت منو ديمه سيرتو معذباني
والمكان الرحت ليهو أصلو يوم ما كان مكاني
ما قدرته أحس بفرحه والجمال غيركم عماني
وعقدة الذنب بي فراقكم يمه والاحباط شقاني
شلته دمعي وباقي شمعي وجيت أفتش عن حناني
ولو هربت أنا من بلادي كيف حاهرب من زمانى
***
يمه جد الغربه ذله والشقى اليوم هو المهاجر
يومو حسره وليلو آهات وعيشتو هم ما ليهو آخر
حتى ناس بلدي الهناك البسالمك يمه نادر
وحتى أقرب اقربائك لا بيحن ليك لا بيزاور
كل واحد يقضي ليلو ساهي في أوهامو ساهر
مره يحلم باللواري وهمو يصبح أغنى تاجر
ولما يصحى يبكي تاني لما يشعر روحو خاسر
أصلو دنيا الغربه سراً البيكشفو ما بيسافر
***
يمه أغفري لينا جينا لي بلدنا ولي ترابها
كلمي النيلين تصفق والصداقه تضوى بابها
والعصافير المهاجره خلى يبقى النيل شرابها
وتوتي بي خضرة جروفها وضىء أماسيها ورحابها
والمدن الزاهيه ترقص بكره بيرجعوا كل شبابها
وكل واحد فات بلادو ضاق شقا الغربه وعذابها
حس إنو بلادو أجمل مهما كل الغاليه جابها
أصلو عزك في بلادك وفيها سيرة الموت حبابها
.
.
الشاعر عزمى احمد خليل
| |
 
|
|
|
|
|
|
|
|
Re: آهِ و آهِ و آآآآآآآآآآآآآآآآهٍ (Re: اساسي)
|
..
.
يمه جد الغربه ذله والشقى اليوم هو المهاجر
يومو حسره وليلو آهات وعيشتو هم ما ليهو آخر
شكرا ليك اساسي وصدوح
وكل المنى بعمر مديد لامهاتنا جميعا متعهن الله
بالصحة والعافية ..
دمتم
| |
|
|
|
|
|
|
|
|
|
Re: آهِ و آهِ و آآآآآآآآآآآآآآآآهٍ (Re: اساسي)
|
بيني وبينكم كلكم كدا قايلين الروب من الغربة .. بنين وبنات السناقل والمتزوجين..
تصدق يا أساسي في الإجازة القريبة دي وكل إجازة بتمنى أخت رأسي في حجر أمي وأخليها تدغدغ رأسي زي لما كنا صغار ..
بس أقول ماذا لو رآني أحمد بن جاد .. وسلم علي باستحياء ولم أسمعه .. ثم أدار مسيقاه المعروفة .. أنا عاوز أطمن يا حبيبي رد السلام ..
السلام عليكم .. السلام عليكم 
جاد المسكين
| |
|
|
|
|
|
|
|
|
|
Re: أحن الى خبز امي (Re: JAD)
|
كل سنه ماما الحبيبه بالف خير
ودائما نبراسي
وحزمات ضيائي
ربنا يخليك لينا دائما
اساسي الشفيف
سلمت ياسيدي على هذه القصيدة الرائعة
على فكره هذه القصيدة للشاعر الفلسطيني محمود درويش
وغناها مارسيل خليفة
لو بعرف انزل الاغاني كنت نزلتها ليك هنا
ايضا فيروز غنتها
pnm://rm.bbc.co.uk/worldservice/live24/gulf28.ra
| |
|
|
|
|
|
|
|
|
|
Re: أحن الى خبز امي (Re: shiry)
|
صديقي اساسي الاساسي
ربنا يخلي ليك الوالدة ويخلي لينا كل امهات الدنيا
ويا صديقي اظهر وبان وفي انتظار رسالة منك تكتب لي فيها رقم موبايلك حتى استطع التواصل ودمت صديقي
ساهدي لك وللشقية شيري احن الى امي لمحمود درويش ومارسيل خليفة مساء اليوم
ولك خالص الود
| |
|
|
|
|
|
|
|
|
|
Re: افتقد.................. عادل عبد العاطى (Re: Ahmed Daoud)
|
الاعزاء والاعزاء جدا
سنتمنتال
تمبس
منعمشوف
صادوح
تبلدينا
ابو حسين
اسعد
جاد (وعليكم السلام)
شيري
اللندي
علي عثمان
احمد داؤد
لكم جميعا الود والتقدير وربنا يحفظ لكم جميعا امهاتكم ويرحم من وؤرت الثري وكل امهات اعضاء المنبر ونساء السودان
حقيقة كل ما ادخل الي هذا البوست من يوم ارسلته يغالبني الحنين فاخرج سريعا ولا استطيع ردا لك التحية والتقدير اماه وحفظ لنا الله نبراسا ووطن يامن تشهديني كل حين انك تعفين عني فليرضي الله عنك ويمد لنا في ايامك
| |
|
|
|
|
|
|
| |
اساسي
سجيمان
Raja
jini
tmbis
منعمشوف
SAdo7
ABUHUSSEIN
ASAAD IBRAHIM
JAD
shiry
الليندي
Ahmed Daoud
شمهروش
طه حسن عبدالله
فيس بوك
تويتر
انستقرام
يوتيوب
بنتيريست