|
|
|
 Re: عجيب أمرك ياوطني : ألم تنجب حواء السودانية غير كوادر الجبهة ليحددون مست (Re: democracy)
|
تقول الاخت سمارت أنا
Quote: Survival for the fittest
مش احتمال لان الباقين اسوا ??? |
أذا كان عبارتك هي الباقي للاقوي ... لقلنا نعم
لأن قانون الغاب يعتمد علي القوة الجسمانية والعنف
وفي حياتنا الاجتماعيةوالسياسية تقوم بعض التنظيمات
بأعتماد هذا المبدأ حينما تعجز عبر صناديق الاقتراع
والصراع الفكري.. تلجأ لقانون الغاب هذا معتمدة
الانقلاب العسكري والاغتيالات والتشريد والتعذيب
وتكميم الافواه ...
أما مبدأ
| Quote: Survival for the fittest |
البقاء للانسب أو الاصلح.. فكنا نتمني أن يكرس
في أرض الواقع بالاحتكام لقوانين اللعبة الديموقراطية
والتداول السلمي للسلطة وأطلاق الحريات وترك
الخيار للجماهير لاختيار الانسب والاصلح ...
اذا أن الذي يجري في بلادنا هو قانون الغاب والبربرية
والوحشية وليس مبداء الانسب والاصلح الحضاري
والانساني ..
كمال
| |
 
|
|
|
|
|
|
|
|
Re: عجيب أمرك ياوطني : ألم تنجب حواء السودانية غير كوادر الجبهة ليحددون مست (Re: kamalabas)
|
الاخ كمال عباس
اولا نضع ارضيه مشتركه للحوار
انا اعرف تماما ما فعله الكيزان ويفعلونه الان من سرقه للديمقراطيه و سرقه لاموال الشعب المسكين,
اتفقنا?
بس انا شايفه انهم كانوا ولازالوا الاكثر نظاما و الاوضح رؤية. و لو قلت غير كده ح تكون بتغالط فى الواقع.
15 سنة و ما فى زول قادر يعمل حاجه,معقوله بس ?
كل الاحزاب الاخرى انشقت مليون مره,و اصلا اى مواطن عادى "ذى انا" ما عارف اصلا شنو الفرق بين الامة و الاصلاح"مثلا"?
هم برضوا انشقوا? نعم ,بس كلنا فاهمين اللعبة كانت قونبنا شنو
| |
|
|
|
|
|
|
|
|
|
Re: عجيب أمرك ياوطني : ألم تنجب حواء السودانية غير كوادر الجبهة ليحددون مست (Re: democracy)
|
الاخت اسمارات أنا تحية..
الواقع أن مداخلتي السابقة كان القصد منها أن
الانقاذيين لم يبقوا في السلطة أستنادا علي مبداء
الانسب والاصلح.. وأنما علي تطبيق قانون الغاب....
Quote: أما قولك
بس انا شايفه انهم كانوا ولازالوا الاكثر نظاما و الاوضح رؤية. و لو قلت غير كده ح تكون بتغالط فى الواقع |
.
أرجوا أن توضحي ماذا تقصدين بالاكثر نظاما ورؤية؟
هل المقصود بهذا أن لهم نظاما ورؤية لادارة شؤون
البلاد وبناء خطة وبرنامج أقتصادي ورؤية لتحسين
مستوي الدخل الفردي وتحسين العلاقات الخارجية ورؤية
لتوفير علاج مجاني وتعليم مجاني؟؟بأختصار هل الرؤية
النظام لمصلحة البلاد والعباد أم تكريس بقاء الانقاذ
وتشديد قبضتها علي السلطة والثروة؟؟
أذا كان المقصود بالنظام والرؤية هو بقاء التنظيم
طيلة السنوات السابقة ... فقد تم هيمن صدام
وشاوسيسكوا علي السلطة بتنظيم دقيق ومتماسك ونظام
بوليسي حديدي لسنوات طويلة ولكن ذلك لم يكتب لهم
البقاء في دفة السلطة .... وأنهارت تنظيماتهم وأستسلمت
.... أما الحديث عن أنشطار الحزب الحاكم فهذه لم
تكن تمثيلية فقد أدي الشرخ لكشف فضائح كبري وشكل
هزيمة لايدولوجيا النظام الجهادية حيث أوضح عراب
النظام أن الذي يجري في الجنوب ليس جهادا مما خلق
هزة نفسية عميقة لكوادر النظام...ودونك أيضا
أشعال المؤتمر الشعبي للفتن العرقية دار فور
اذا أن الشرخ الذي حدث في جبهة الحكومة أخطر مما حدث
في بقية الاحزاب...
000 أما اذا كان مغزي حديثك يصب في نقد تجاربنا
الديموقراطية السابقة وتعثراتها وأخطاء الاحزاب
فأني لا أختلف مع هذا وأن كنت أري أن الديموقراطية
بكل عللها أفضل مما نحن فيها وهذا لايمنع طبعا الحديث
ضرورة الاصلاح والمؤسسية داخل الاحزاب وتفادي سلبيات
الماضي
ولك الشكر
كمال
| |
|
|
|
|
|
|
|
|
|
Re: عجيب أمرك ياوطني : ألم تنجب حواء السودانية غير كوادر الجبهة ليحددون مست (Re: kamalabas)
|
انا متفقة معك تمما فى النقطين اعلاه
نعم ,الكيزان ضيقوا على المواطن المسكين وطلعوا روحه
نعم,تجاربنا الديموقراطية السابقة وتعثراتها وأخطاء الاحزاب كانت بشعه
بس الحال كان ممكن يكون أفضل مما نحن فيها , دى اشك فيهاالظروف العالمية بقت صعبة جدا ,اعنى الاقتصادية , وعشان نكون واقعيين ما فى سبب يخلى الكيزان يخربوا الاقتصاد لو كانوا عارفين ليهم ظريقه تصلحوا , و ما اظن انو الاحزاب عندها حلول لكل المشاكل دى
بالاكثر نظاما ورؤية اعنى عارفين روحهم بيعموا فى شنو
مثلا ,حرروا السوق , كانوا عارفين ان تحرير السوق معناها القضاء على شريحة الوسط , بس they did
it
على الاقل الان هم فاهمين تماما بيعملوا فى شنو , على الاقل على مستوى تنظيمهم
| |
|
|
|
|
|
|
|
|
|
Re: عجيب أمرك ياوطني : ألم تنجب حواء السودانية غير كوادر الجبهة ليحددون مست (Re: democracy)
|
الاخت سمارت انا قلتي
Quote: بالاكثر نظاما ورؤية اعنى عارفين روحهم بيعموا فى شنو
مثلا ,حرروا السوق , كانوا عارفين ان تحرير السوق معناها القضاء على شريحة الوسط , بس they did
it |
عملوها لصالح من؟؟ ولصالح من أضاعوا مكتسبات
شعبنا في مجانية العلاجوالتعليم؟؟.
يأختي عصابات المافيا والاجرام منظمة ومرتبة ولها
خطة ورؤية... ولكن لصالح من خططوا ونفذوا؟؟
وعلي ذكر التخطيط والرؤية الاستراتجية دعيني أتسأل
أين ذهبت الخطة العشرية والاستراتجية القومية
الشاملة؟؟ وماذا طبق منها وأين مردودهاعلي المواطن؟
أين ذهب شعار نأكل مما نزرع وأن ذهب شعار
الاكتفاء الذاتي من القمح؟؟
أين ذهبت الشعارات الاقتصادية الاولي والتي كانت
تحارب تجارة العمل وتعدم من كانت بحوزته كما حدث لمجدي
وجرجس؟؟ وفي العلاقات الخارجية أين ذهبت شعارات
الامريكان ليكم تسلحنا وأمريكيا رؤسيا دنا عزابها
وأيواء الاصولين والارهابين في السودان؟؟
ولماذا تم التخلي عن ذلك وتم تسليم الاصوليين والركوع
للغرب؟؟ ولماذا رفضت الانقاذ أتفاقية الميرغني ـ قرنق
والتي صيغت بأيدي سودانية وبصورة ليس فيها حق
تقرير مصير ولامناطق ثلاث وللتنازلات المهينة الحالية
والضغوط الاجنبية ... فأين الرؤية والنظام مع
هذه التخبطات والتناقضات التي أوردنا جانبا منها
الواقع والتي توضح أنعدام الرؤية والبرنامج
والمنهج ..., ولم يبقي غير قوة السلاح والقهر
كمال
| |
|
|
|
|
|
|
|
|
|
Re: عجيب أمرك ياوطني : ألم تنجب حواء السودانية غير كوادر الجبهة ليحددون مست (Re: kamalabas)
|
اخى كمال عباس
تحرير السوق كان ضروره, وطبعا عارف كل الحاصل الان فى كل العالم.
اما مجانية التعليم و العلاج , صدقنى مستحيل تجى حكومة تقدر ترجع الحجات دى لانها ما منطقيه , افتح السوق , وح يكون فى منافسه , وعلاج على مستويات وكل زول يتعالج قدر قروشو .دى راس ماليه قاسية جدا , بس ما فى اى حل تانى و مكن بعد شويه الامور تصلح
لما طلعت بره السودان عرفت ان احسن (و اقسى حاجه) عملوها هى تحرير السوق , رغم السلبيات ,وهى احتكرهم لراس المال وكل السرقات اللى بيسرقوها الكيزان اتورطوا فى البداية مع الاسلاميين وفى كل الكلام اللى انت قلتوا,
Quote: أين ذهب شعار نأكل مما نزرع وأن ذهب شعار
الاكتفاء الذاتي من القمح؟؟
أين ذهبت الشعارات الاقتصادية الاولي والتي كانت
تحارب تجارة العمل وتعدم من كانت بحوزته كما حدث لمجدي
وجرجس؟؟ وفي العلاقات الخارجية أين ذهبت شعارات
الامريكان ليكم تسلحنا وأمريكيا رؤسيا دنا عزابها
وأيواء الاصولين والارهابين في السودان؟؟
ولماذا تم التخلي عن ذلك وتم تسليم الاصوليين والركوع
للغرب؟؟ ولماذا رفضت الانقاذ أتفاقية الميرغني ـ قرنق
والتي صيغت بأيدي سودانية وبصورة ليس فيها حق |
بس الان فهموا الوضوع كويس جدا .
I ca not say the are pure evil
انا ما كوزه , بالعكس , فى الثانوى كنت مصنفة شى تانى , بس لما اتخرجت من الجامعه لقيت شغل فى شركة بترول ,انا وكتيرين من دفتى , الان بسال عنهم كل الناس شغاله فى البترول. ح تقول لى فى الاف ما لاقين شغل , ح اقول ليك ده صحيح , بس الوضع الان احسن ولو قليل ,
انا ما بدافع عن الكيزان , ابدا .بس انا عندى حالة استياء من الاحزاب .و ذى ما كنا بنقول زمان فى اركان الجامعة , "فى ازمة بديل"
(عدل بواسطة smart_ana2001 on 03-09-2004, 11:56 PM)
| |
|
|
|
|
|
|
| |
Elmosley
smart_ana2001
kamalabas
lana mahdi
فيس بوك
تويتر
انستقرام
يوتيوب
بنتيريست