|
|
 هل تتفقون معي على انسحاب السودان من جامعة الول العربية
|
قبل خروجي من السودان كانت لي قناعات بان السودان دولة عربية لكن بعد ان خرجت واختلط بالعرب في دول المهجر وفهمت بعض ما يجيش بخاطر جزء كبير منهم تبدلت افكاري تماما
قبل فترة كنت في دكان سوري لشراء بعض الاشياء, عرض لي صاحب المحل حلوة جديدة وناولي قطعة لكي اتزوقها وقال لي انها جميلة لانها معمولة بفستق العبيد ولانني كنت على عجل لم انتبه الي ديباجة صندوق الحلوى الا بعد ان اتيت المنزل ووجدت كتابة في الصندوق تشير بان الحلوى معمولة بالفول السوداني فقلت الكلب بان الكلب يقول لي انت عبد وادفع له انا الثمن على ذلك
وبعد هذا الموقف بفترة علمت من اسرة فلسطينية بان احياء السود في فلسطين تعرف بحارات العبيد وحارات الضلام وطبعا السود المتواجدون في فلسطين ذهبوا الي هنالك دفاعا عن فلسطين في حرب تحريرهم ضد اليهود
وهنالك امثلة كثيرة يمكن لنا ان نذكرها ونتيجة لذلك بدءت تتكون عندي فكرة انسحاب السودان من جامعة الدول العربية ولا ادري الي مدى تفقون معي على هذه الفكرة مع العلم بان هذا الموضوع اثير من قبل اكثر من وفي اكثر من مكان وباكثر من وسيلة لكنه جدير بالاهتمام
|
|
 
|
|
|
|
|
|
|
|
Re: هل تتفقون معي على انسحاب السودان من جامعة الول العربية (Re: aosman)
|
اتفق معاك مائه في المائه خلي الشعب الطيب دى يفهم انهم ماعرب بس سؤال بسيط اكلت الحلوه العموله بفستق العبيد والله مااكلته والسؤال التانى السود المشو فلسطيين ديل مالن مارجعو بلادهم لما وجدوا المعامله الزفت ويقلبوا يحاربوا مع الاسرائليين ويدخلوا يعيشوا في اسرائيل احتمال يجدوا معامله احسن
| |
|
|
|
|
|
|
|
|
|
Re: هل تتفقون معي على انسحاب السودان من جامعة الول العربية (Re: aosman)
|
..
.
على الحررراام
لو قلتو دايرين تنسحبوا ما يخليكم ..
بوين انتو ما بقيتو الدجاجة التى تبيض ذهباَ
الناس دى يا دوب عرفت السودان وبقراءة اقتصادية سريعة
بدل ما يدخلوا ريالاتهم واموالهم فى امريكا واروبا وبعد داك
يصادروها منهم احسن ليهم رجل افريقيا المنتعش دا ..
انتو ما زمان عاملين فيها عرب اها حيورثوكم بالحياء
خليكم فى الغربه دى وتشوفوا براكم
تحياتى
بس برضو انا اوافق وبشدة ..
| |
|
|
|
|
|
|
|
|
|
Re: هل تتفقون معي على انسحاب السودان من جامعة الول العربية (Re: aosman)
|
أوافقك !!! ـ لأن الاسم ذاته يوحي ويفوح بالعنصرية ـ وهو الوحيد في العالم الذي يدل علي تجمع عرقي ـ وهو يحمل فناءه فيه ـ حيث بعد قليل سيحتج البربر والاكراد والاقباط و..والفينيقييون وغيرهم ــ
ونحن في السودان علينا أن نخرج سريع، لأن العروبة ان كانت تنطبق علي نصف السودانيين ولو جزئيآ، فهي قهر للنصف الآخر بلا شك ـ
واذكر حكاية مؤلمة حكاها لي أحد الاخوة من ابناء النوبة (ومسيحي كمان) قابلته في بيروت ذات مرة ـ ذكر لي انه كان عابرآ بسوريا ، وأنه اراد ان ينجز اجراء تطلب وقوفه في صف ـ وكان الصف مقسوم الي : عرب وأجانب !! ـ وبحكم كونه سودانيآ وقف في صف العرب ـ فتعرض لأساءة بالغة من شرطة النظام أن: كيييييييف يقيف في صف العرب؟!!!!! ــــ
فلنخرج من هذا المستنقع سرييييع !! ـــ
| |
|
|
|
|
|
|
|
|
|
Re: هل تتفقون معي على انسحاب السودان من جامعة الول العربية (Re: aosman)
|
Salaam
Agreed and the issue is quite interesting. However, it should not just be taken because of the treatment that someone has received. Arabism from the religious perespective is equated to racism, an untoleratable issue. x
I personally think this issue puts the burdern on those who call for a pull out to provide an alternative unifying theme for all Sudanese. Just saying that we are all Sudanese and that is it, is by itself not enough. There is a serious need to find the theme that will distinguish the sudanese from whoever else in this world. (Africanism, as some shallow minded have expressed, also falls short in doing that). Failure in this regard is a serious failure for such a movement.x
Thanks
| |
|
|
|
|
|
|
|
|
|
Re: هل تتفقون معي على انسحاب السودان من جامعة الول العربية (Re: aosman)
|
| Quote: وبعد هذا الموقف بفترة علمت من اسرة فلسطينية بان احياء السود في فلسطين تعرف بحارات العبيد وحارات الضلام وطبعا السود المتواجدون في فلسطين ذهبوا الي هنالك دفاعا عن فلسطين في حرب تحريرهم ضد اليهود |
السودانيون الذين حاربوا في فلسطين عام 1948 ضمن الجيش المصري كان الفلسطينيون يطلقون عليهم لقب عبيد فاروق...نسبة الي الملك فاروق ..بقي البعض هناك ويعيشون في حي معزول..يطلق عليه الفلسطينيون حارة العبيد كما تفضلت..عندما اقرأ واسمع الفلسطينيين والعرب يتحدوثون عن عنصرية اليهود والجدار العازل العنصري..اضحك ساخرا واتذكر اهلنا في حارة العبيد.
| |
|
|
|
|
|
|
|
|
|
Re: هل تتفقون معي على انسحاب السودان من جامعة الول العربية (Re: الوليد محمد الامين)
|
ياشباب المسألة مش مسألة انه العرب يعترفوا بعروبتك او ينكروها لأنه مافي انسان ربنا اداة ميزة انه يحدد الاثنيان والقوميات دا عربي ودا افريقي ودا عب دا عقد الناس بتخلقها لنفسها وبعدين العرب بالمقياس البتتكلموا عنه دا ما في حتى في الجزيرة العربية الا نادرا يعني اللبنانين ديل خلطة بين الفرنسيين والعرب والمصرين خلطة بين الاتراك والشركس والارناؤط والفراعنة والعرب والخليجيين خلطة بين الافغان والبخاريست والاتراك العثمانين والهنود والباكستان والعرب وهكذا فارجوكم ما تتعقدوا يعني لو في زول قال لواحد فيكم عبد بس خليه يشوف اقرب ساطور ويضربه بيه او اذا بقا باله طويلة يقول ليه احسن منك يا ملقط ياغجري يا تافه ياجزمة ومسألة عربي وما عربي حتى في السودان موجودة احنا بننظر للجنوبين كأنهم عبيد وبنشغلهم شغلة بتاعة عبيد وبنضطهدهم وبعض القبائل ذات الاصول غير العربية في جميع انحاء السودان واي زول ابيض بشوف نفسه احسن من الاسود دي طبعن مسألة طبيعية يعني مش جديدة شوفوا العمانيين ديل ما ناس سمر زينا كدا وفيهم ناس اضلم مننا هم ايضا مزيج من الزنجبار الافارقة والعرب زينا كدا بس لأنهم ما معقدين عايشين بأمان وارتياح فمسألة الجامعة العربية دي مفروض احنا ننظر ليها كإطار سياسي مش كإطار إثني طالما انهم بعاملونا مثل كل الدول وفي دول مافيها ولا عربي منضمة للجامعة العربية يعني زي جزر القمر والصومال وجيبوتي وعلى فكرة حتى ارتريا قدمت طلب الانضمام بس السودان ودولة عربية ثانية رفضوها ديل هل هم عرب اكثر مننا بس لأنهم ما معقدين عشان كدا مستفيدين من وجودهم في الجامعة العربية حتى وان كانت فائدة لا تذكر
| |
|
|
|
|
|
|
|
|
|
Re: هل تتفقون معي على انسحاب السودان من جامعة الول العربية (Re: democracy)
|
اسمحولي أن أتدخل
لو اعتبرنا العروبة جينات وهذا صحيح فنحن لسنا عرب ولكن هناك العروبة كمصطلح ثقافي أو كمصطلح سياسي فكمصطلح ثقافي( نحن )عرب لأن ثقافتنا عربية إسلامية بمعنى أن الناس يفكرون بلغة ما ولغتنا التي نفكر بها هي العربية ولكن الإسلام هو أساس هذه الثقافة وهو محورها
وكمصطلح سياسي فنحن كذلك عرب لأننا نعيش في منطقة ينظر إليها من الخارج كوحدة واحدة دول عربية والسودان كدولة ذات دور رئيسي في هذه المنطقة
يعنى مثلا لم يوضح احدا ما هى الفائدة المرجوة من عزل السودان عن الدول العربية ؟
هل المقصود هو عزل السودان ليصبح وحيدا ؟ فاذا نجحت حملة تضعيف الانتماء العربى للسودان ، ضعفت معها روابط أخرى مثل الدين والأرض والعادات واللغة الخ
| |
|
|
|
|
|
|
|
|
|
Re: هل تتفقون معي على انسحاب السودان من جامعة الول العربية (Re: Elsadiq)
|
يا اخ الصادق ـ نحن حتي عرقيأ ربما كان أكثر من نصفنا عرب ـ ونلحظ أن العرب فعلآ هم سكان جنوب الشمال، شمال الجنوب، شرق الغرب وغرب الشرق بالاضافة للوسط ـ ولكن انظر لمشكلة ذلك النوباوي الذي ذكرت قصته في مداخلتي السابقة ـ كيف يفرض عليه وعلي كل الجنوبيين مثلآ انتماءآ لا يحسون به، بل ينفرون منه؟؟ انتماءآ يدخلهم في حرج بالغ عند تقمصه امام أولئك الاعراب ـ؟؟ـ الامر اصبح اكثر تعقيدآ الآن مع بروز النعرات العنصرية المعادية للعروبة عمومآ وخاصة مع اشتداد الحروب اليوم في الجنوب والغرب والشرق ـ
علي العموم الجامعة العربية ذاتها ميتة عمليآ ولا تسهم الا في توريطنا في قضايا غالبها لا تنفعنا ـ كما أن الخروج منها لن يعني عزل عرب السودان عن( عرب الجزيرة) فما أكثر الهنود والبنغال في الخليج ــ
| |
|
|
|
|
|
|
| |
aosman
theNile
OMDRMAN
omar ali
بلدى يا حبوب
Munir
مريم بنت الحسين
Elsadiq
فيس بوك
تويتر
انستقرام
يوتيوب
بنتيريست