كتب الكاتب الفاتح جبرا المتوفرة بمعرض الدوحة
|
|
 مبروك يا مجاهد عمر
|
بالأمس سعدت لدخول فناني المفضل لقفص الزوجيه ( دخل برجوله والله) الظاهر ما لحق يقرأ عنوان الموضوع الذي كان يتصدر الصفحة الأولي في المنبر الحر ( تزوج.. وأندم علي مهلك).
مجاهد عمر فنان شاب ظل يطربني من ثمانينات/ عقد الجلاد إلي الألفية الرابعة/ اسرار بابكر. والذي ظل بينهما يغازل محبوبته ما بين يا شبيه البدر حسناً.. إلي كل الحبايب بزعلوا لكن يا حبيبي ما كدا وبينهما ايضاً ظل يعاني غربة رحل إليها قبل أن يطاله وهج عقد الجلاد الذي امتد طويلاً ولكن وبالرغم من هذا فان له عوداً يمتعك كما يمتعك عود نصير شمه تغني به وجعه وحنينه من حنيني إليك، وأنا والأشواق لمحمد ميرغني، والمستحيل لوردي، والمدينة لود الجبل، وربيع الدنيا لعثمان حسين، ورجع لأهله الشوايقة الذين يقال عنهم أنهم(يتغربوا عشان يغنوا ويبكوا) ليغني لهم ( يا طير يا ماشي لي هلنا). توجع عقد من الزمان ورجع السودان وقد فقد هويته الجلادية، ولكنه لم يفقد صوته وعوده اللذان يصلان الي روحك قبل أذانك. رجع ليواصل ما قطعه من دراسة في معهد الموسيقي والمسرح، الحقهما بدراسته للقانون، وكأنه يعلم أننا سنحاسبه يوماً علي حرماننا لصوته فترة من الزمن، ولكنه اثبت انه قانوني محنك ليفاجأنا بدخوله لعالم التلحين ليلحن للفائزة بجائزة الأغنية العربية الأولي أسرار بابكر وليشكل معها ثنائي يمتلك كل مقومات الجودة الفنية ويكفيهم كل الحبايب بزعلوا.
تهانيا لمجاهد عمر وهو يبدأ مشوار جديد في حياته نتمني أن يكلل بالنجاح كما نجح في غيره. وهذه دعوة لكل محبي مجاهد عمر في سودانيز أون لاين.
|
|
 
|
|
|
|
|
|
|
 Re: مبروك يا مجاهد عمر (Re: Raja)
|
الأخت سارة عمر
تحياتي
الف الف مبروك للفنان المبدع مجاهد عمر وان شاء الله زواج سعيد وهانيء
" يس ما قلتي لينا مين العروس وبعدين مجاهد دا اخوك ولا شنو "
حقا مجاهد عازف عود ماهر
وااعتقد انه وفق جدا في ثنائته مع اسرار من خلال الاغاني التي ادياها معا
كل الحبيايب بزعلو
يا طير يا ماشي لي اهلنا وغيرها
ولعلي لا اخفي اعجابي بهذا الثنائي وصديقي عمك تنقو ايضا مفتون بهما
نرجو له المزيد من النجاح
| |
|
|
|
|
|
|
|
|
|
Re: مبروك يا مجاهد عمر (Re: سارة عمر)
|
الف مبروك للفنان مجاهد ونامل ان يواصل عطاءه الفني وقد خلق الفة حميمة بين صوته واذاننا خصوصا في الغربة .. للامام ولتتواصل ثنائيته مع الصوت الصاعد اسرار
صداح
| |
|
|
|
|
|
|
|
|
|
Re: مبروك يا مجاهد عمر (Re: سارة عمر)
|
sympatico
مرحباً بمحب آخر لمجاهد/ الفنان
مجاهد ما أخوي اي نعم انحنا الاتنين اولاد عمر
لكن معرفتي بيهو من اكتر من خمسة عشر عاما
وهو لسه طالب بقرأ في معهد الموسيقي.
ولكننا لا نحسب له وجوده قبل عقد الجلاد وغناءه خلف
الموسيقار الكبير محمد وردي في زمن الإنتفاضة.
ولا في بدايات فرقة نمارق .
لانني اعتبر بدايته الحقيقية كانت مع عقد الجلاد.
الذي وصل لنا صوته واطربنا من خلالها.
شكراً لك
ودمت لنا..
| |
|
|
|
|
|
|
|
|
|
Re: مبروك يا مجاهد عمر (Re: سارة عمر)
|
الف مبروك اخونا المبدع مجاهد ...
بيت مال و عيال ....
بس سؤال بسيط يا سارة عمر
| Quote: ( دخل برجوله والله) |
هو يعني عشان يوم المرأة العالمي ما يدخل برجوله و لا شنو ....
| |
|
|
|
|
|
|
|
|
|
Re: مبروك يا مجاهد عمر (Re: Hussein Mallasi)
|
الف الف مبروك للاخ الفنان المبدع مجاهد والاخت اسرار
وانشاءالله بيت مال وعيال
والله الواحد كان يتمنى يكون معاك فى اليوم دا لكن معليش فى السمايه انشاء الله
وشكرا ليك ياساره عمر على الخبر الجميل وانشاء الله يكون عندك تلفون لمجاهد
| |
|
|
|
|
|
|
|
|
|
Re: مبروك يا مجاهد عمر (Re: عمر بانقا)
|
الاخت سارة عمر
لك التحية والتقدير
وانت تنثرين علينا هذا الخبر العطر الذى اسكر دواخلنا بشذى الفرح المعتق ..
مبروك لاخى وصديقى مجاهد عمر وعقبال البكارى يارب والله دخل الفرح من باب توارى طويلا .. وكم أفرحنى فرحك يامجاهد ..
الاخت ساره بالله عليك أن توصلى للأخ مجاهد مباركاتى وأمنياتى الطيبه له ولزوجته وأرجو أن تمديه بعنوانى الالكترونى المرفق ضمن مداخلتى هذه .. وارقام تلفوناتى على البروفايل .. فلى مع مجاهد أيام لن ولم تنسى منذ أيام المقرن والكدارى لحدى الداخلية فى بانت انصاص الليالى ويالها من ايام ..
الحبيب الفنان ودبانقا ..
لك الشوق والامانى .. مازلنا ننتظرك بمشاعرنا وما تبقى من صبر..
بالله شوف كيف الزمن شتتنا .. مناسبة مجاهد كانت ستجمعنا حتما نغنى ونسعد بجمعنا ونعيد الكان .. تحياتنا لامنه والعيال
[email protected]
دوما أحباء
| |
|
|
|
|
|
|
|
|
|
Re: مبروك يا مجاهد عمر (Re: عزيز)
|
كل الحبايب يسعدوا
يا رب العالمين
الف مليون مبروك مجاهد عمر واسرار بابكر
وان شاء الله بيت مال وعيال وابداع...
وحقيقة ما كان يكون غير كده يا مجاهد... اسرار هي اسرارك
وانتما مكملين لبعض نغما وحلا...وربنا يحفظكم من العين ونجي
نسمعكم الاتنين...في بيت الحلال...
وشكرا يا سارة علي الخبر...بلغيهما تبريكاتي.....
| |
|
|
|
|
|
|
|
|
|
Re: مبروك يا مجاهد عمر (Re: سارة عمر)
|
الفنان الراااااااااااااااااااااااائع
والخطييييييييييييييييييييييييييييير
عمر بانقا
يكفيني في مناسبة خاصة لينا في العائلة اني اسمع ليك اغنية (انتي ليا) وانت لا زلت طالب في معهد الموسيقي مع مجموعة تحبهم واحبهم معك من ضمنهم مجاهد، أنور ، عوض الله ، عماد أحمد الطيب، وفرقة الاصدقاء المسرحية. حتكون اتذكرتها
ويكفيني انك اطربتنا علي مدي سنوات في عقد الجلاد
تحياتي اولاً لك
وبالجد كلنا كنا متمنين نكون مع مجاهد
بالمناسبة هو عقد بس
يعني ممكن نلحق الزفاف
وحارسل ليك تلفونوا في رسالة لاحقة بأذن الله
دمت لنا ايها المبدع / الفنان
| |
|
|
|
|
|
|
|
|
|
Re: مبروك يا مجاهد عمر (Re: سارة عمر)
|
الأخ نزار
شكرا ليك تهنئتك للعزيز مجاهد
لكن عايزة اصحح معلومة
خلتني ارد علي اكبر عدد من الناس الليلة
عشان اصلك
انو مجاهد ما اتزوج اسرار
وانما تزوج من هاجر احمد
شكرا ليك تواصلك
ونتمني لمجاهد كل التوفيق
| |
|
|
|
|
|
|
|
|
|
Re: مبروك يا مجاهد عمر (Re: سارة عمر)
|
فناننا الكبير
الأستاذ/ حمزة سليمان
اولاً انا سعيدة وانت تشاركنا فرحتنا بمجاهد
وللاسف موضوعي دا اتنشر مرتين فانت رديت في الثاني
لكن وجودك هنا بيننا محبي مجاهد عمر
ومحبيك ومحبي عمر بانقا
وكل عقد الجلاد الغنائية
فلك الشكر كل الشكر
ودمت لنا
| |
|
|
|
|
|
|
| |
سارة عمر
Raja
Hussein Mallasi
عمر بانقا
عزيز
nazar hussien
تراث
فيس بوك
تويتر
انستقرام
يوتيوب
بنتيريست