احتاج مساعده عاجله يا ناس البورد!!!

سلامي أولا للأخت زينه .

بالنسبه للكويزشنير ، زمان كنا شغالين في موقع لسودانير Sudanair وتركنا العمل فيه ، وكل المعلومات بما فيها الصور و كويزشنيرات وحاجات زي دي أعطيتها لصديقي ودالحاج في انجلترا ، سأجعله يبعث ما عنده ان شاء الله في ايميل زينه اذا تبقى شئ

آخر حاجه ما تنسي اشتريت ليك سابقا سبيس من أجل البروجكت ، بس ياريت توررينا دور كل فتاه فيهو كان شنو بالضبط ، والحجم بالضبط
تحياتي لأختنا زينه

صحي يا تبلدينا يا شامخ نقطه مهمه

يا أخت
شوفي البت الاشتغلت الشغل التيكنيكل للبروجكت ، خللوها تعمل نظام فورم و قوائم ، مع زر ارسال الفورم للايميل ، ممكن حتى البت الاشتغلت بالفلاش تعملو بيهو ، فيكون فايل محتاج رفع في موقع و دي بسيطه ما بتصعب عليك ، لو ما مشغول وراسي ضارب زي قليبي كنتا اشتغلتا ليكم ومجاني كمان عموما الموضوع ساهل وما بياخد ساعتين زمن ان شاء الله
وبعدين جيبي اللينك هنا.

نغادركم

الأخت الكريمه
أنا بتكلم عن البت اللي اشتغلت التكنكل بتاع القروب بروجكت ، ما دا وربنا يسهل ليك سعيك

الشامخ تبلدينا
حاضرين ، ما حصل انطلب مننا حاجه نعملها وما عملناها ما حأردك ، وغير الدعا ما قاعدين نطلب ، ولا حتى تقدير العمل والاحترام ما طلبناو فيبقى ما تنسانا من الدعا ونحنا خاشين على ليلة جمعه ، دا كل الدايرينو ، وانتو أقرب مننا للكعبه مين عارف

(سمعتا بغنية زيدان ؟ كنتا أسقيك من وريدي ؟)

الطباعه ممكنه ، لو الفورم معمول بطريقه صحيحه ، بعد ما يترسل تعملي قص ولصق ، لأنو بالطريقه دي بياخد وقت من الناس عشان يطبعوهو ويملو الفراغات ويرسلوهو
بس بقول ليك حاجه أسهل من دا كلو ، وكان نفسي ما أرد طلب تبلدينا فحأعملو خاص ليهو في ايميلو براهو
أها شوفي يا أستاذه أسهل حاجه ليك وللجميع

أكتبيهو في الووردMS-WORD ، وأعملي لينك لفايل الوورد هنا ، فيقوم الزول يملاهو ، ويبعت ليك الأتاتشمينت

تقومي تعملي برنت آوت جميل بكل سهوله


والسلام عليكم

الشامخ هوي
غبطتك للطيش ! الله يجعل ليك عشرأمثال ما تدعو به ، ويا رب تقبل دعوته (حار حار)


click to download the Questionnaire

نسأل الله السداد لكل من يضع طوبه لبناء سوداننا المتجدد
وفي انتظار عودتنا جميعا للبلد ، نساهم بما تعلمناه خارجها
وان لم نتعلم شيئا ، فلنعد لنتعلم و لنملأ قلوب الأهل فرحا

(عدل بواسطة obay_uk on 03-04-2004, 04:35 PM)