|
|
 منبركم بدون شيري زي الشرا في القندول
|
مواضيع مكررة وكتاب متشابهون وافكار مستنسخة
الكتيرين بدوا يكرروا انفسهم ومداخلاتهم اكاد اجزم ان البعض يكفيه ان يكتب نموذجا عام لمداخلاته وينسخه ويلصقه في كل بوست وبعض الاعضاء اجتروا الموضوع الواحد حتي (بِهت ولونه هدا) بعناوين مختلفة
الموضوع الواحد ينزل لعشرون كاتب بعشرون عنوان والفكرة هي هي نفسها
صاحب الموقع يتزمر من ثلاث سنوات علي اهدار الباندوث ويكرر كلامه كل حين ( المنبر دا حقك مافي زول مشاركك فيه عملتو انت ادخل قص المابعجبك وخلي العاوزه ومافي زول بيسالك لانه منبرك انت والماعاجبه يعمل ليه منبر ويكتب العاوزه وانسانا من قصة الباندويث دي _ انت بتارشف ليك تهاني وتعازي واسئلة من غايبين واستقالات وبوستات هشك بشك لشنو ما عارف ؟ودي ما اقل من نص الخمسائة الف بوست القلتها )
وشيري دي لو بطلت تقلتها دي وقعدت تكتب لينا في هترشتها دي باقي المواضيع دي كلها ما فارقة معانا
والبوست دا زاتو زيه زي غيره كان حزفته ما سالك لانه بوردك براك وكان خليته ما فارقة لانك حر برضو في ما هو حقك... حقك انت وبس
|
|
 
|
|
|
|
|
|
|
|
Re: منبركم بدون شيري زي الشرا في القندول (Re: ASAAD IBRAHIM)
|
العزيز اسعد ابراهيم
انا كفرت بالمنبر دا حرا
عارف ليه ؟
اسبوع الرسول وما مان من ردة الفعل تجاهة .. اولا بكري يعمل عنوان للاسبوع باقتضاب وكانه مجبور عليه ..ولم يدعه اكثر من يومان وفي الثالث حزفه باسرع ما استطاع وكانه كان يتحين له الفرصة واستبدله بعنوان مكتبة محمود محمد طه مع رفع بوستات اسبوع محمد طه من قبل الاخوة الجمهورين بالرغم من ان اسبوع محمود القصري تم الاعلان له في المنبر قبلها بعشرة ايام والمنبر مروس بالاسبوع وبعدها بعشرة ايام ظل العنوان كما هو ... وتعامل الاعضاء ومن يفترض ان يحترموا لسنهم وعقلهم مع الاسبوع بنفس سوداء حالكة جعلني ااسي علي مستقبل حريتنا وغدوتنا ؟ فاذا كان من يفترض فيهم غدوة يتعاملون بهذا السواد فغي النوايا فما سيكون الغد ... علي ان تفاعل الجميع مع ما كل يصب في لعنة الدين ايجابا دعاني اتسائل ما بال هذا الاسلام اضحي مغضوب عليه من ابنائه لذا صديقي اصبحت اري في الكثيرين هنا مجرد مسوخ نفوسها سوداء لا داعي للهوس بمجالستهم علي اني اري في البعض امثالك من تقر به العين فتهدا النفس اليهم
| |
|
|
|
|
|
|
|
|
|
Re: منبركم بدون شيري زي الشرا في القندول (Re: PLAYER)
|
العزيز بلير
الحل انه اي زول يعمل ليهو عمل يكون قدره ما سمعنا من الله خلقنا انه في زول عمل ليهو صفحة انترنيت وكل يومين ( يا ناس حاسبوا بتكملوه يا ناس براحة ؟؟؟) يا تكون قدر العمل يا تنسي الموضوع من اساسه ... مواقع تانية مفتوحة للغاشي والماشي التسجيل فيها مفتوح للجميع بدون رقابة تستهلك اضعاف مضاعفة من ما يستهلك هذا من باندويث ولكن لم نسمع لصاحبه يوما ما صوتا ... يعني الحل في النهاية انه الموضوع دا بقي مسيخ ليهو تلاتة سنوات بيتكرر فاحسن يكون عمل جدير او يقيف ونشوف الموضوع البعده
| |
|
|
|
|
|
|
|
|
|
Re: منبركم بدون شيري زي الشرا في القندول (Re: khider)
|
والله يا خدر
شرير امس الشمار شاله وحكي لي بوستك داك كله
وانا ما اكذب عليك كرهتي في الدنيا المراسيل
غايتو كان دا العرس
فانا حاكون فريق اول عزابي
والعهدة عليك انت يا مجرب
يا خدر انحنا متسببين ما تخلونا نلاوز عديل
| |
|
|
|
|
|
|
|
|
|
Re: منبركم بدون شيري زي الشرا في القندول (Re: بت قضيم)
|
بت قضيم
شكرا للنادر انه جعلك تفعلي ...
اما بخصوص الاجابة للسؤال خارج الموضوع
اما اذا كنت تُزرعين وتُحصدين فقد تكوني مقصودة!!
بالرغم من اني وبوبي جنا الخواجات نتحدث عن شئ يفهمه كلانا
لا ادري ما دخلك في الموضوع لتفترضيه لنفسك..
فلا تتحصرمي سيدتي واديها موية تديك طراوة او كما قال
شرير البورد
| |
|
|
|
|
|
|
|
|
|
Re: منبركم بدون شيري زي الشرا في القندول (Re: اساسي)
|
العزيز/ أساسي المحترم
لكم التحية وعاطر المودة.
سألت الأستاذة/ ليلي المغربي (طيب الله ثراها) أستاذنا الكبير/ الطيب صالح في لقاء إذاعي قبل سنوات طويلة بقولها: هل تعتقد أنك كنت تتمتع بهذه الشهرة لو كنت داخل السودان؟؟
أجاب: بالرغم من أن السؤال يعتبر (Hypothetical) إفتراضي لكنني أقول: ربما لا
وأضاف: لأننا أمة للأسف الشديد لا تحترم أدباءها وفنانيها.
وأضف إضافية صغيرة بقول أهلنا لفلان (إن شاء الله يوم شكرك ما يجي) مع الفارق الكبير جداً جداً وأمنياتنا من الله العلي القدير لأختنا شيري بطول العمر، إلا أننا للأسف الشديد لا نعرف قيمة الشخص/الشيء إلا حينما نفتقده، وهذه منقصة عظيمة وكذلك لا نعرف الشخص إلا من خلال ألمعيته وبيننا وبين الإجتهاد لاكتشاف الأشخاص والأشياء عداء مستحكم.
دعواتنا وأمانينا العطرة في أن يكون إنشغال الأخت شيري هو السبب الوحيد.
| |
|
|
|
|
|
|
|
|
|
Re: منبركم بدون شيري زي الشرا في القندول (Re: SalahDirar)
|
العزيز صلاح ضرار
نحن شعب يجيد البكاء علي الاطلال واظهار الاحزان بالرغم من مقدرتنا علي الفرح والاحتفاء وقت الفرح والاحتفاء الا اننا نصر علي ان نبكي علي الذي كان ( ونبتدر حديثنا بياريت ولو ) فلو اننا اعطينا كل ذي قدر قدره ما جئنا يوما لنحزن ثقافة يوم الشكر هي المسيطرة علي افعالنا وردودها لذا اضحينا نمجد ما لا مجد له ونضيع حق صاحب الحق
وليتها تكون بيننا تلك العصفورة الغريدة
| |
|
|
|
|
|
|
|
|
|
Re: منبركم بدون شيري زي الشرا في القندول (Re: اساسي)
|
والله جنس مراسيل و البغيظ انها مراسيل قصيرة
جيب لي الكباية .. عليك الله وطي النار
و اول ما تقعد في الكمبيوتر .. اخ عندي صداع تعال اقعد جنبي .. الخ
دة غير مشوار السوق .. بارعة علي راحتها تتقدل و انا مااااا بريد مشي السوق
والله يا اساسي بس انتو اسألوني و انا بفتها ليكم بارعة دي
| |
|
|
|
|
|
|
|
|
|
Re: منبركم بدون شيري زي الشرا في القندول (Re: khider)
|
غايتو يا خدر بعمل ركشة جوة البيت للمراسيل نص كم دي هي ما متعبة لكن بتحرق الروح تعرف اكتر مرسال بتذكره من قبل 15 سنة وبضحك لاسع ( في مرة كان عندنا لعبة كاس في الحلة وانحنا من الساعة واحدة ظهر لابسين فنايلنا وشورتاتنا وجاهزين ومعنوياتنا في السما والحماس الف واخوك كان في الوقت داك لاعب اساسي في الوسط يوزع الباصات زي بريش بتاع الحركة والفريق تاكل علي اخوك اها في الشوط الثاني كدا والمباراة بقت سخانة الف جاني اخوي الصغير من البيت قال ليك ابوي دايرك وانا علي مضض طنشت ونقنقت لكن مصر انه ابوي دايرني لانه بنادي عليك من قبيل اها اضطريت اطلع وغيروني بي واحد وانا من الزعل داير اطرشق اها مشيت البيت اول ما دخلت امي قالت لي ابوك دا من قبيل بيكورك يا اساسي يا اساسي اها مشيت لقيتو ليك في الحوش التاني راقد في ظل العصرية كدا وقدامه كباية شاي شافني كدا قال لي انت وين اناديك من قبيل سكت ساي وطبعا مقهور من الكورة قلت ليهو نعم قال لي علي الله ناولني علبة السجاير دي من شباك الاوضة البي هناك طبعا مشيت علي اساس انه في مرسال برة البيت للغاز ولا التاون ولا كدا اها جبتها ليهو ووقفت قدامه قام عاين لي كدا وقال لي داير شنو؟ قلت ليهو انت القلت دايرني قال لي ما كنت داير علبة السجار دي ؟!! وتعال شوف جنس طنطنة ونقنقة لحدي بكرة الصباح .
| |
|
|
|
|
|
|
|
|
|
Re: منبركم بدون شيري زي الشرا في القندول (Re: اساسي)
|
العزيز خالد الحاج
الاستاذ حمزة سليمان
افتقادنا للهتروشة ما هو الا لصداها وكتاباتها في هذا المنبر والذي تجمله بوجودها ومشاركاتها المختلفة عن الجميع
لذا نفتقدها كرقم صعب يصعب تجاوزه وبوستاتا لا بد منها ليكون لقرائتنا لهذا المنبر نكهة وطعم خاص بها نتمني الا تحرمنا منه
ونتمني ان نراها قريبا بيننا علي انه علمي علمك في غيابها ونسال الله ان يكون عافية.
| |
|
|
|
|
|
|
|
|
|
Re: منبركم بدون شيري زي الشرا في القندول (Re: EMU إيمو)
|
الاخ العزيز ايمو
تكرار البوستات اضحي من سمات ذا المنبر لا جدال في ذلك
الان يريدونها حرية وديموقراطية اتجا واحد
اقرا بوست للاخ ود قاسم وستضحك ملء شدقيك (حتي يصبح منبرنا نموذجا للديموقراطية المؤطرة بحقوق الانسان
فان شر البلية ما يضحك
| |
|
|
|
|
|
|
|
|
|
Re: منبركم بدون شيري زي الشرا في القندول (Re: ali othman)
|
سلام مربع
اساسي : الشفيف
وصحبة البورد
صلاح درار
الشرير والبرتقاله
دكين
الخاله دومه
بليير
عادل عبد العاطي
خدر
حبيبة البي / بت قضيم
خالد الحاج
الموسيقار حمزه سليمان
ايمو
علي عثمان
دائما تمنحوني الحب بقدر يلملم اطرافي المبعثرة
ويكسبني رصيدا جديدا في القدرة على مجابهة الصعاب
دائما جمائلكم تعينني على تحدى اصعب
يقيني ان محاولات تشكراتي وامتناني بما تفعلونه لي
لن تنقذني من هذه الحالة الجميله التي تبحث لها قدر يساوي ما فعلتموه لي ..
انشاء الله يوم شكركم مايجي
وانا احبكم كلكم
| |
|
|
|
|
|
|
|
|
|
Re: منبركم بدون شيري زي الشرا في القندول (Re: shiry)
|
انت يا شيري اقعدي غيبي لينا شهر وتعالي قولي بتقشروني وبتخجلوني
وبتلمو اطرافي المبعثرة ..
قاعدة تمشي وين انت !
اسع مشيتي ليك زي اسبوعين تلاتة المنبر بقي زي كشمير كله نقاط تماس وتوتر ...
..
.
وحمدا لله علي السلامة ودايما منورانا ان شاء الله
| |
|
|
|
|
|
|
|
|
|
Re: منبركم بدون شيري زي الشرا في القندول (Re: اساسي)
|
الاخ اساسى تحياتى
يا جماعه شيرى دى ما قدر دا اى صاح بتكتب لكن مرات بتكتب كلام خارم بارم ساكت يعنى بصراحه كدا مدينها
حجم اكبر بكتيييييير من حجما هى فعلا هرباشه لكن ما
تختو ليها هاله من الكضب وكلما تحرد ولا تمشى حته
تقعدو تشبكونا شيرى شيرى وتدلعوا فيها كدى صدقونى
البورد براه مسيخ بى شيرى وبدون شيرى فما تطلعوها
فوق راسنا ساكت
يا شيرى ارجو انك ما تاخدو كلامى بيرسونال وانت برضو
يا اساسى
| |
|
|
|
|
|
|
|
|
|
Re: منبركم بدون شيري زي الشرا في القندول (Re: شرير والبرتقاله)
|
الاخ ود الجيلي
هذا موضوع البوست كله وانظر فقرة السؤال عن الاخت شيري التي ساءت فيه بالنسبة الي مجمل الموضوع ...اخي كن جميلا تري الوجود جميلا
مواضيع مكررة وكتاب متشابهون وافكار مستنسخة
الكتيرين بدوا يكرروا انفسهم ومداخلاتهم اكاد اجزم ان البعض يكفيه ان يكتب نموذجا عام لمداخلاته وينسخه ويلصقه في كل بوست وبعض الاعضاء اجتروا الموضوع الواحد حتي (بِهت ولونه هدا) بعناوين مختلفة
الموضوع الواحد ينزل لعشرون كاتب بعشرون عنوان والفكرة هي هي نفسها
صاحب الموقع يتزمر من ثلاث سنوات علي اهدار الباندوث ويكرر كلامه كل حين ( المنبر دا حقك مافي زول مشاركك فيه عملتو انت ادخل قص المابعجبك وخلي العاوزه ومافي زول بيسالك لانه منبرك انت والماعاجبه يعمل ليه منبر ويكتب العاوزه وانسانا من قصة الباندويث دي _ انت بتارشف ليك تهاني وتعازي واسئلة من غايبين واستقالات وبوستات هشك بشك لشنو ما عارف ؟ودي ما اقل من نص الخمسائة الف بوست القلتها )
| Quote: وشيري دي لو بطلت تقلتها دي وقعدت تكتب لينا في هترشتها دي باقي المواضيع دي كلها ما فارقة معانا |
والبوست دا زاتو زيه زي غيره كان حزفته ما سالك لانه بوردك براك وكان خليته ما فارقة لانك حر برضو في ما هو حقك... حقك انت وبس
استغرب انه الفقرة دي بس تخليك تقول الكلام دا في رائعتنا شيري
| |
|
|
|
|
|
|
| |
اساسي
SalahDirar
doma
PLAYER
Abdel Aati
ASAAD IBRAHIM
khider
بت قضيم
HAMZA SULIMAN
EMU إيمو
shiry
WAD ELGAALI#4
فيس بوك
تويتر
انستقرام
يوتيوب
بنتيريست