|
لقياء........ اسماء صديق الطيب الجنيد
|
يوم لاقيتك .. شلت كلامك وكيف صريتك.. اتراجعت .. دفنت حنانى وجيت لفيتك .. قصة طويله .. لونها بدايتك واتمليتك .. فرشت كلامى ..جمب مخلايتك واترجيتك .. تنشر منو.. وتملا عبايتك .. واتحديتك .. انو كلامك نصو حكايتك شارب منك ..ولاقى عنايتك واتعديتك مشيت الخطوه اسابق جيتك واتحاشيتك عرفت الخوف الباعد بيتك وجيت ناديتك اتراجعت ابارى دريبك وتانى رجيتك واستنيتك اقرا حكايتك وما مليتك اتربعت طبقت وصايتك واتوصيتك اطوى الحجوه الفيها كنايتك وكم لوليتك اغنى حجاك الزرعو سقايتك واتحجيتك اسماء صديق الطيب الجنيد
http://www.soomat.net/
|
|
|
|
|
|
|
|
Re: لقياء........ اسماء صديق الطيب الجنيد (Re: waleed500)
|
الحبيب وليد تحياتي أين هذه الشاعرة الفلتة التي غابت كثيراً عن الأنظار، وغيرها ممن كانوا يمثلون الرئة الحقيقة لهذا المنبر ودعزة والعزيز قرشو وتفاحة البورد أبو حراز وبناديها وغيرهم من عمالقة ومؤسسي هذا المنبر بكتاباتهم الثرة ومداخلاتهم الشيقة ومشغباتهم ذات الروح الرياضية ....اسماء لا يمكن بأي حال من الأحوال تجاوزها أسال عنها هنا لعل من بيده الاجابة أن يفيدنا عن هؤلاء وغيرهم . يا ريده لى ابعد مدى يا ريده طاهره معتقه .. واصله لى ابعد مدى.. زى العروس و مجرتقه.. من الزهر.. شايله الندى .. ومن ا لبسيمات الرضا.. اصيله دوم متجددا .. ما عرفت دريبا للصدا.. ماسحه لى هم الردا.. و كيف للحنان متوسدا .. رمز الوفا لى من بدا.. تديه من نفسك عطر.. تسقيه من كاس الفدا .. فاهمه العشق متاكدا .. رضعانه من حكر الهدى.. من سوء الصفات متجردا .. وبى السمح متفردا.. دوا م متوهجه ومتجددا.. ياريده لى ابعد مدى ... كم من عصيفير ليك شدا.. لحن اغانى ورددا... اطرب قلوبنا واسعدا.. توج حياتنا وجددا .. جمع قلوب متشردا يا ريدا لى ابعد مدى كل الكلام ليك مبتدا..
| |
|
|
|
|
|
|
Re: لقياء........ اسماء صديق الطيب الجنيد (Re: ebrahim_ali)
|
ما زال السؤال قائماً عن هذه الشاعرة القامة السامقة وعن أعضاء أفذاذ في هذا المنبر تركوه كرهاً وظلماً قرشو بناديها أبوحراز أبو لسان طويل رقم صفر سوما أبنوسة اشراقة نورالعين ووو ووو ووو اين هم الآن هل ظل البورد طارداً وتهيمن عليه فئة معينة
| |
|
|
|
|
|
|
Re: لقياء........ اسماء صديق الطيب الجنيد (Re: ebrahim_ali)
|
لك التحيه اخى وعزيزى ابراهيم وانت تسال عن الشاعره المخضرمه اسماء صديق الجنيد والتى طال ابتعادها عن البورد واتمنا من لقياء ان تكون لقياء لنا بتلك الانسانه الانسانه التى طالما ابدعت فى مجال الكلمه والحرف كما اتمنا ان تكون لقياء هى لقياء لكل غايب عن البورد امثال قرشو وبناديها ورمانه ونجمه وغدىورقم صفر وووووووو.............
| |
|
|
|
|
|
|
Re: لقياء........ اسماء صديق الطيب الجنيد (Re: waleed500)
|
الاخ وليد 500 الاعزاء في البورد ,,,سلامي لكم و لكل الغايبين الحاضرين جميل الكلام الاخترته يا وليدجميل جدا بالرغم من اني ما شاعره و لا ناقده ادبييه ,,,لكن احسست كانها بتروي قصه بسيطه ممكن يكون اي زول مر بيها بتخيل الشاعر انسان ممكن يختزل كلام كتير ممكن انسان عادي يقولو في الاف السفحات ,,,ممكن يقولو في كلمات بسيطه تخرج من القلب و تدخل الي القلب ... شكرا يا اسماء صديق الطيب ,,,واتحفينا دايما باحلى كلاماتك وشكرا يا اخ وليد
| |
|
|
|
|
|
|
|