|
نكتة جديدة لنج
|
خمسين شايقي جاهم اللوتري وسافروا مع بعض هناك سكنوا في حي واحد سموهو حي اللوتراب
|
|
|
|
|
|
|
|
Re: نكتة جديدة لنج (Re: Abd-Elrhman sorkati)
|
نكتة عن الدكتور كمال ابو سن الجراح الشهير اثناء محاضرة
بالنادي السوداني بأبوظبي
قال 00 واحد عنده حرقان في البول00 مشي المعمل بعد الفحص000 فني الفحص قال ليهو عندك اربعة صلايب سكري000 الراجل زعل وقال والله الزول دة ما بيعرف اي حاجة00 والله اعمل ليك فيهو مقلب ما حصل 0000 اخذ زجاجة العينة ومشي البيت عمل فيها شوية(بول) واخذ من زوجته شوية وخلطهم مع بعض000 وطلع الشارع شال من عربيتوا شوية زيت وخلطهم0000 ادي العينة للراجل0000 الفني قعد ساعة كاملة0000 بعد شويه ناداهوا 000قال ليهو000 اسمع انت عندك نفس الاربعة صلايب بتاعة السكر ي000 ومرتك حامل بي توأم0000 وعربيتك عاوزة شمبر
| |
|
|
|
|
|
|
Re: نكتة جديدة لنج (Re: Abd-Elrhman sorkati)
|
تعرف يا سوركتي عندي صاحبي ابوبكر على سيد احمد من ناس الكرو – ناس اللفة يعني –
اها لمن يجي يشرح ليك حكاية الشرق و الغرب دي تقعد يومين ما تفهم حاجة - مرة يقول
ليك شرق النيل و غرب جعرافي - مرة يقول ليك الشمس بتشرق عندنا في الاول و غايتو كل
مرة يشرحها لي تاني بسألو منها
| |
|
|
|
|
|
|
Re: نكتة جديدة لنج (Re: Abd-Elrhman sorkati)
|
تعرف يا سوركتي عندي صاحبي ابوبكر على سيد احمد من ناس الكرو – ناس اللفة يعني –
اها لمن يجي يشرح ليك حكاية الشرق و الغرب دي تقعد يومين ما تفهم حاجة - مرة يقول
ليك شرق النيل و غرب جعرافي - مرة يقول ليك الشمس بتشرق عندنا في الاول و غايتو كل
مرة يشرحها لي تاني بسألو منها
| |
|
|
|
|
|
|
Re: نكتة جديدة لنج (Re: Abd-Elrhman sorkati)
|
نكات ظريفة شديد يا سوركتى والله فى حوجة لاستراحة زى دى بين الحين والآخر . انا حاديك واحدة لكن خايفة من الشوايقة مع احترامى الشديد ليهم .
قالوا شايقى قروشوا وقعت منه من الطابق العاشر لمن نزل ما لقاها عارف ليه ؟ لأنه نزل قبالها .
امال ام وضاح
| |
|
|
|
|
|
|
Re: نكتة جديدة لنج (Re: Alia awadelkareem)
|
العزيزة آمال أم وضاح غاية الطرافة
Quote: قالوا شايقى قروشوا وقعت منه من الطابق العاشر لمن نزل ما لقاها عارف ليه ؟ لأنه نزل قبالها . امال ام وضاح |
أنا غايتو ح أتصل بزميلة شايقية من ناس مركز شباب أمدرمان أحكيها ليها لأنها ظريفة جدآ. لك الشكر.
| |
|
|
|
|
|
|
Re: نكتة جديدة لنج (Re: Abd-Elrhman sorkati)
|
العزيزة ام وضاح
شكرا للطلة00 انا قصدت اكتب النكتة دي لاني لما سمعتها ضحكت شديد وفي اثناء الضحك اتذكرت انه لي فترة طويلة جدا ما ضحكت عشان كدة قلت يمكن اخواني في البورد يمكن في واحد فيهم طول ما ضحك000 كدي النضحكو معاي000000
| |
|
|
|
|
|
|
Re: نكتة جديدة لنج (Re: Abd-Elrhman sorkati)
|
عالية الغالية000
لك الود وشكرا للطلة000
القصد شريف ويمكن جدا ان نضحك من انفسنا والمسألة جات عفوا
يعني الواحد ما عندو اي مشكلة مع اهلنا الشوايقة الا كل الود
والنكات شملت كل اهل السودان ولكن ليس من سخرية بل من
دعابات للترويح طالت الكل0000000000
خدي عندك مثلا000
حلفاوي قالوا ليهو بكرة عيد الحب
قال ليهم يا ساتر ودة سلاتوا كم ركعة
مع مودتي
| |
|
|
|
|
|
|
Re: نكتة جديدة لنج (Re: Abd-Elrhman sorkati)
|
عالية الغالية000
لك الود وشكرا للطلة000
القصد شريف ويمكن جدا ان نضحك من انفسنا والمسألة جات عفوا
يعني الواحد ما عندو اي مشكلة مع اهلنا الشوايقة الا كل الود
والنكات شملت كل اهل السودان ولكن ليس من سخرية بل من
دعابات للترويح طالت الكل0000000000
خدي عندك مثلا000
حلفاوي قالوا ليهو بكرة عيد الحب
قال ليهم يا ساتر ودة سلاتوا كم ركعة
مع مودتي
| |
|
|
|
|
|
|
Re: نكتة جديدة لنج (Re: Abd-Elrhman sorkati)
|
الطيب بشير شكرا للطلة
وفيانتظار ام وضاح للرد
رجوية00 سلام
والله يا رجاء غايتوا لو بقينا نكفل نوع الناس ديل حا يتعبوا
معاناجنس تعب00000 حا نخلص كل الشفناهوا في كل الدول العربية
وغير العربية
| |
|
|
|
|
|
|
Re: نكتة جديدة لنج (Re: Abd-Elrhman sorkati)
|
قالواالترابى يوم القيامة دخلوة النار.... قام شاف حواء الطقطاقة فى النار... زعل زعل شديد جدا وقال ليها ما ممكن انا شيخ حسن الترابى اكون معاك اتى فى حتة واحدة قالت ليهو سجمى يا راجل نار شنوه كمان...انا جيت احمى دلوكتى ده وراجعة الجنة....هىهىهىهييييييييي
| |
|
|
|
|
|
|
Re: نكتة جديدة لنج (Re: Abd-Elrhman sorkati)
|
الاخ العزيز الطيب بشير زميلتك الفى مركز شباب ام درمان امرها هين الكلام والدور على انا مع الشايقى الكبير ابو وضاح قلت قبال مابقرأ البوست احسن اكلمه بالتلفون عشان ما يدق لى خروج لما كلمته قال لى مش احسن من هبالت اهلك الجعليين واحد جعلى ضرسه واجعه الليل كله الصباح مشى الدكتور قال ليه اقلعهم كلهم خليه قاعد براه زى الكلب . امال ام وضاح
| |
|
|
|
|
|
|
Re: نكتة جديدة لنج (Re: maia)
|
مسطول دخل بيتهم لقى امو شاره كميه بتاعت جلاليب فى حبل الغسيل
وقف قدماهم وقال ليهم استوا
----------------------
واحده بتكورك لى بتها فى الشارع
يا شيرين .. يا شيرين
فى نبوايه جمبها قالت ليها
ههههاى ... شيرين ولا تلاتين
ديكو
| |
|
|
|
|
|
|
Re: نكتة جديدة لنج (Re: Abd-Elrhman sorkati)
|
maia مرحبتين حبابك
ديكو000 تسلم 00حلوين
وبمناسبة المسطول بتاعك دة اتذكرت واحدة
مسطول اشترك في مسابقة لاسرع رسمة رسم نقطة (0) زي دي قالوا ليهوا دة شنو قال دة فيل جايي من بعيد
| |
|
|
|
|
|
|
Re: نكتة جديدة لنج (Re: Abd-Elrhman sorkati)
|
سلامات احبتى كل عام وانتم بخير
طبعا بمناسبه الشوايقه دى هاااكم دى كمان اضافه للرصيد الشايقى
قالوا فى 3 شوايقة كانوا فى البحر اتفقوا على الغطس وانو الزول البطلع الاول يدفع قروش للباقين. اها قاليك الجماعه غطسوا وحتى الان ما طلع منهم زول
| |
|
|
|
|
|
|
Re: نكتة جديدة لنج (Re: Abd-Elrhman sorkati)
|
بالغت يا فيصل
لكن هاك دي
واحد مسطول في العمرة الناس طايفين وماشين في اتجاه واحد كلهم 000 صاحبك جاري بالاتجاه المعاكس000 قالوا ليهوا ياخ ما كدة 000قال ليهم انا زدت شوط عاوز امسحوا
| |
|
|
|
|
|
|
Re: نكتة جديدة لنج (Re: Abd-Elrhman sorkati)
|
الاخ عبدالرحمن سوركتي
البوست ده اعاين فيهو وامشي واجيهو راجع
(واحد مسطول في العمرة الناس طايفين وماشين في اتجاه واحد كلهم 000 صاحبك جاري بالاتجاه المعاكس000 قالوا ليهوا ياخ ما كدة 000قال ليهم انا زدت شوط عاوز امسحوا )
بااااااالغت فيها دي ، شكلي نشرت النكتة دي وبتعت الفيل وحقوق النكتة محفوظة لديكم
شكرا على الضحكة
| |
|
|
|
|
|
|
Re: نكتة جديدة لنج (Re: maia)
|
سوركتى
هاااااااااااك دى كماااااان
واحد جعلي وشايقي قالوا لي بعض الليلة نتباطن الجعلى قال ليهوا انا اول بعدين الشايقي نزل في الجعلى جلد لحدي وصل عشرة بعدين لمن جاء دور الشايقي الجعلي رجع لى ورة ورفع الصوت فوق شديد ومن اول صوت الشايقي قال تســـــعة.
| |
|
|
|
|
|
|
Re: نكتة جديدة لنج (Re: Abd-Elrhman sorkati)
|
رباطابى وشايقى سكاهم مرفعين وقاموا جاريين والمرفعين وراهم وبعد مسافة قام الشايقى قال للرباطابى ياخوى ما تشوف ليك تراب تكشح المرفعين دة قام الرباطابى قال ليه- وانت جارى فى برش ؟
شايقين كل واحد فيهم بعبر عن ضعفت مرتو قال الأول:من كترت مرتى ضعيفة نط علينا حرامي خبتوا بيها قايلها عصاية.الثاني قال :من كترة مرتي ضعيفة بلعت ليها نبكة قايلهاحامل.......
واحد شايقى حالته تعبانه زوجته ولدت ،الدكتور قال ليه:شوف ليك مرضعة لولدك لأن زوجتك عندها مشكلة فى ادرار اللبن،بعد بحث مضنى زوجته وجدت مرضعةواتفقت معاها،زوجها سألهااتفقتى معاها بكم؟قالت ليه:غايتو بعد تعب اتفقنا على أربعين ألف،قال ليها بانفعال:ليه؟انا مرتبى كله خمسين ألف،خلاص نديها العشرة ألف الباقية ونرضع كلنا
| |
|
|
|
|
|
|
Re: نكتة جديدة لنج (Re: faisal44)
|
سوركتي .. سلام .. طبعا أناشايقي وفي رواية أخري (روسي) لكن والله ضحكتني الله يديك العافية بس الله يلمني في قبيلتك أخلي الروس يلموا فيك يمعطوا صوفك
فيصل44
Quote: واحد شايقى حالته تعبانه زوجته ولدت ،الدكتور قال ليه:شوف ليك مرضعة لولدك لأن زوجتك عندها مشكلة فى ادرار اللبن،بعد بحث مضنى زوجته وجدت مرضعةواتفقت معاها،زوجها سألهااتفقتى معاها بكم؟قالت ليه:غايتو بعد تعب اتفقنا على أربعين ألف،قال ليها بانفعال:ليه؟انا مرتبى كله خمسين ألف،خلاص نديها العشرة ألف الباقية ونرضع كلنا |
حلوة
| |
|
|
|
|
|
|
Re: نكتة جديدة لنج (Re: خالد الحاج)
|
Quote: قال ليها بانفعال:ليه؟انا مرتبى كله خمسين ألف،خلاص نديها العشرة ألف الباقية ونرضع كلنا |
و الجايين يباركوا و يهنوا بالمولود الجديد يقدموا ليهم شنو يعني .... و لا يمرقوا خشمهم ملح ملح ....
| |
|
|
|
|
|
|
Re: نكتة جديدة لنج (Re: essam&amal)
|
سلام شباب لوووول من النكات الظريفة
قالوا في واحد زبون دايم لست العرقي وبعد ما وثقت فيه بقي يشيل منها بالدين والدين كتر شديد وصاحبنا يماطل والمرة زهجت شديد في الاخر قالت ليه ما عافية ليك حقي وشكيتك لي الله وبخلصو منك يوم القيامة قال ليها كدا اقدري جيبي سيرة الكلام دا يوم القيامة
تحياتي وتقديري
| |
|
|
|
|
|
|
Re: نكتة جديدة لنج (Re: tasneem)
|
دي قديمة لكن بيكون من كترة الشتيت في ناس ما سمعوها
الرباطابي فارش جنازير للبيع في السوق جاء واحد سألو يا عمنا ديل لي البيع قال ليه لا
شاريهن ييبسن
| |
|
|
|
|
|
|
Re: نكتة جديدة لنج (Re: Abd-Elrhman sorkati)
|
خالد الحاج يديك الصحة ويعافيك000 انا كدة حا أكون ضمنت جانبك00 زما حا تقدر تعمل لي اي شي لانه الحلة واحدة اقصد القبيلة واحدة عشان كدة بدأت بي ناسي عشان ما تكون في اي شبهة00 ونتقي نطيط الحلوق
فيصل 0000 خطيرات000 حسين ملاسي بس ما تمشي تحمد السلامة اكتر من مرة واحدة00
شيبا00 لك الود000 حلوة شديد
ابو حسين 00 فيصل 00مايا000 كل الود
| |
|
|
|
|
|
|
Re: نكتة جديدة لنج (Re: Abd-Elrhman sorkati)
|
تسنيم ونزار حسين لكما الود00
وهاكم دي000
امام شايقي بيصلي بالجماعة العشاء00 وهو في التشهدالاول جاء الجعلي متأخر وكبر وجلس الامام عرف دة صوت صاحبه 00 سلم ونهي الصلاة
| |
|
|
|
|
|
|
Re: نكتة جديدة لنج (Re: Abd-Elrhman sorkati)
|
رباطابي كا بيصلي في الحرم .. بعد خلص صلاته وسلم في واحد جنبه قال ليهو حرما ياحاج ,, الرباطابي رد عليهو وقال : امال دا ميدان ابو جنزير .. مع الاحترام لكل قبائل وبطون السودان -- من عثمان عووضة ,, مهداة لود قاسم وخالد الحاج
| |
|
|
|
|
|
|
Re: نكتة جديدة لنج (Re: Abd-Elrhman sorkati)
|
سلام يا شباب قالوا فى جنوبيه زوجها ضابط استشهد فى الجنوب جاها اخوها فرحان وقال ليها مبروك يا ميرى البشبر اداك كشك . قالت ليه وهههه يا جون سلام ده بجى بوين ناس بعرسوهم وناس بدوهم كشك .
اما اهلنا الرباطاب مع الشوايقة ناس خالد الحاج وسوركتى وابو وضاح لسه كلامهم كتير لكن خوف ساكت نكتب فيه بالقطاعى
قالوا رباطابى راجع من البحر شايل ليه سمكة لاقاه شايقى قال ليه السمكة دى قبضها الرباطابى قال ليه لالا سلمت نفسها براها .
امال ام وضاح
| |
|
|
|
|
|
|
|