|
|
 ****يــــــــوم الــقــراصــة ....الــعــالــمــــي****
|
اليوم جمعة..ويصادف13 في الشهر..الجماعة ملاوذين و متشائمين من يوم زي دة
ذهبت للبقالة بعد يوم عمل متعب ..منهكة
افتش في مكونات وجبة سريعة
ابحث عن بيض ولبن وعسل
صعقت..يا للهول .... ماذا حدث؟؟ الرفوف شبه خالية منها
ذهبت بصِرّة وجه للمسئول:
في شنو..وين الاساسيات..مافي بيض ولبن
أجاب والسرور يملأه...وبلهجة فيها إعتذار
sorry... it is gone... we will soon have another supply
وليه في شنو..ما شفت الرفوف دي فاضية قبل دة..في مجاعة حتحصل؟؟ ولا ناس السوق السوداء متوقعين ذيادة الاسعار ولموا الموجود؟
رد والابتسامة تذداد
...............................PANCAKE DAY
يوم القراصة العالمي؟؟؟؟؟؟؟!!!
طيب مش كان تئولوا 
اتضح ما برانا البنريد القراريص..حتي بروتس يحبها
مع قليل الاختلاف
الجماعة بيحتفلوا كل سنة ببداية الصيام المسيحي عن اكل ما هو من اصل حيواني..55 يوم قبل عيد القيامة
اي بيض...زبدة..لبن...مطلوب التخلص منها
مع انهم لا بيصوموا ولا يحزنون
عمل قراريص او قراصة كبييييرة والتهامها مع الاصحاب و الاهل قبل الصيام بيوم
واهو صادف مع الفالانتاين
وخلوا الفرحة تبقي اتنين
ادام الله افراحكم
وعاشت القراصة للجميع
|
|
 
|
|
|
|
|
|
|
|
Re: ****يــــــــوم الــقــراصــة ....الــعــالــمــــي**** (Re: yumna guta)
|
يمني أختي
عارفة..أول حاجة فكرت فيها هي سؤالك دة
لكن طبعآ قلت لازم انو نحنا العولمناها ووصلناها ليهم
يعني ليه هم الدايمآ بدوا
اهو في دي نحنا والعالم يشهد اننا اسياد الصنعة والإسم
والمغالط..يمشي يحفر اكيد حيلقاها في الاثار..قراصة كاربة كدة
وما في حد أحسن من حد
يعني براهم اليعولموا...دة كان زمااااان
| |
|
|
|
|
|
|
|
|
 Re: ****يــــــــوم الــقــراصــة ....الــعــالــمــــي**** (Re: ali othman)
|
حنينة
تحياتي
طالبت قبل هذا بتوحيد إتحاد العواسات بالسودان مع رابطة عواسات الخليج ،، لأن مقادير القراصة بتختلف عند الرابطة و عند الإتحاد ،، و أخشى ما أخشاه أت يقوم تجمع عواسات جديد و يأتينا بمقادير جديدة و خاصة بعد رفع سعر العيش في السودان 100%
ما علينا يا حنينة ،، تعالي نعمل مشروع نسميه ( بانقراصة ) على وزن بانكيك
أرقدي عافية
| |
|
|
|
|
|
|
|
|
 Re: ****يــــــــوم الــقــراصــة ....الــعــالــمــــي**** (Re: ابو جهينة)
|
Quote: تعالي نعمل مشروع نسميه ( بانقراصة ) على وزن بانكيك
أرقدي عافية |
ابو جهينة
والله فكرة..انا معاك مادام فيها بيزنس ولقمة حلوة
والمفروض طبعآ الاتحادات تتفق..وناس ضبط الجودة لازم يتدخلوا
وعشان التسيب الحصل في الاول دة..اتدخلوا الخواجات وجونا بالبانكيك بتاعتهم الممصمصة دي
البان قراصة جاياهم..بس كيف نحنا نتفق
باقي ليك روابط العواسات ديل بيتفقوا؟؟
غايتو لينا أجر المحاولة
وارقد بالف عافية
| |
|
|
|
|
|
|
|
|
|
Re: ****يــــــــوم الــقــراصــة ....الــعــالــمــــي**** (Re: ali othman)
|
| Quote: البعرفو العكس قراصة الدناقلة 1بوصة والشوايقة 1 سم |
علي عثمان
وانت طيب ..وانا كويسة
الا ضهبة القراصة مزعلاني لليلة
بخصوص مقاييس القراريص بت القبايل...باتفق معاك
الا قولوا لي..انتوا بتاكلوا القراريص دي ولا بتقيسوها
انا غايتوا النوع البينسف بس..بوصة قدم.. ياردة.. ما فارقة معاي
كلو قراصة في قراصة
| |
|
|
|
|
|
|
|
|
|
Re: ****يــــــــوم الــقــراصــة ....الــعــالــمــــي**** (Re: Raja)
|
| Quote: القراصة والعصيدة والكسرة ديل انا بريدهم شديييد لكن ألغوس وألحوس بأيدي "ده اللي مش ممكن" |
ويقولوا الصحفيين في العالم التالت ما بيغطوا مناطق الشدة(حروب مجاعات)
أسه يا رجاء لو ودوكي تغطي الحرب في دارفور والله إلا تشيلي معاكي دربات
جلكوز
وغايتو كان إتزوجتي ليكي شايقي ولا ضنقلاوي
برجعوك لي أمك في تلاتة أيام
| |
|
|
|
|
|
|
|
|
|
Re: ****يــــــــوم الــقــراصــة ....الــعــالــمــــي**** (Re: haneena)
|
حنينة كل سنة وأنتي طيبة وكل سنة كل أيام حب وأعياد وكل سنة وجباتنا ووجباتك كلها قراريص وعصيدة وكسرة وفطيرة
والله بوستك جرا ريقي ومشتهي لي لي قراصة بي دمعة مسبكة على إشتهاء راوية او بي اي ملاح مفروك أبيضا كان أو أحمرا او حتى أخضرا وريق خضرة مفروكة
وبمناسبة عولمة القراصة هي معلومة من بدري خالص وذكرها اليعقوبي في كتابه الشهير
وحتى قراصة المكادة (عيش الريف أو الذرة الشامية) وبي رطانتنا(جقرنكابد) قريبة من (البان كيك) مش كدا يا جماعة وهذه الأخيرة تأكل باللبن الحليب او الرايب او مع العسل و:لة شعبية معروفة ومشهورة جدا في أمريكا وما بيتعزم بيها إلا شخص عزيز جدا
ونخليكم في أمانيكم وحقيقة بوستك زكرنا بي يما وحبوبة وريحة الريف السوداني المميز في أوقات الوجبات حيث تنبعث من كل بيت قصدي من كل صاج أبخرة العواسة والقراصة
| |
|
|
|
|
|
|
|
|
|
Re: ****يــــــــوم الــقــراصــة ....الــعــالــمــــي**** (Re: Habib_bldo)
|
حبيب بلدو
| Quote: وحتى قراصة المكادة (عيش الريف أو الذرة الشامية) وبي رطانتنا(جقرنكابد) قريبة من (البان كيك) ..وهذه الأخيرة تأكل باللبن الحليب او الرايب او مع العسل |
والله انا ريقي جاري اكتر منك.. وكمان جابت ليها قراصة بالرطانة؟؟
أما ذكرك للعواسة والدوكة..فو الله دي جرت دموعي
قاتل الله الغربة..حرمتنا الكتير ولو ما عولمة القراصة ما كان صبرنا
بالله جيب لي وصفات عمل كل القراصات القلتها دي..انا جادة في الموضوع
يديك العافية
| |
|
|
|
|
|
|
|
|
|
Re: ****يــــــــوم الــقــراصــة ....الــعــالــمــــي**** (Re: haneena)
|
يحكى صديق لنا ان قريبهم العايش فى بلاد الخواجات رجع السودان بعد غيبة خمسة وعشرين سنة
الجماعة قاعدين الصباح فى صينية الفطور وملمومين احتفاءا" بعودة الغايب
واحد من وليدات اخته وزيادة فى اكرامه رفع قطعة جبنة من الصحن وختاها للضيف قدامو
فما كان من الضيف الا ان قال ليهو الرفعتها بيدك دى الا تاكلها انت
اها يا رجوية غايتو انا القراصة والكسرة ما بجامل فيهن
وكان جيتينى باشيل بيدى واخت ليك
وياكى القايلة لى الشلتيها بيدك دى الا تاكليها انتى
قلتى لى قراصة بالشوكة والسكين
والبوش كيف يا ربى
| |
|
|
|
|
|
|
|
|
|
Re: ****يــــــــوم الــقــراصــة ....الــعــالــمــــي**** (Re: haneena)
|
حنينة يا حنينة {التانية بكسر الحاء و فتح النون} راسك سخن؟
| Quote: عمل قراريص او قراصة كبييييرة والتهامها مع الاصحاب و الاهل قبل الصيام بيوم |
دة نظام خم رماد خواجاتي؟
لما أطلب قراصة و أم بشير تعنقد ما بتقول لي لا, لكن بتقول لي الجو بارد و العجين ما ح يفور! يعني يا حنينة أنا لو إشتهيت القراصة أشوف النشرة الجوية بالأول و لا كيف؟
| |
|
|
|
|
|
|
|
|
|
Re: ****يــــــــوم الــقــراصــة ....الــعــالــمــــي**** (Re: haneena)
|
حنينة انشاء الله يكون عندكم (حريف) مفضل - حريف بكسر الحا
وبرضو انا من انصار الدمعة المسبكة المرشوشة بفوق
وتغيظنى خالص حركة ناس البنادر البيكبو الملاح المفروك برضو بفوق
ونفسى اعرف سر انو الدمع من دون ملاحات الله هى البتبقى بفوق
وعاجبنى حكايةالفالانتاين المقترن بيوم القراصة
ومضحكانى حكاية الشوكة والسكين فى القراصة
يابنوت هووووى وياناس رجوية هوى
ما تهجمن لينا القراصة دى وتخلعوها علينا باقى هى ياها الوحيدة البترقد قلبنا وتخت الرحمن فرقات ضلوعنا
وللمعلومية لو عايزين تحلو فى قراصة متمرة (مخمرة) تحت الطلب
وكدى اتمعنو المخبازة دى
| |
|
|
|
|
|
|
|
|
|
Re: ****يــــــــوم الــقــراصــة ....الــعــالــمــــي**** (Re: ملكة سبأ)
|
| Quote: انشاء الله يكون عندكم (حريف) مفضل - حريف بكسر الحا |
الملكي
فسري وإعربي ما تحته خط..غلبتني تب
امانة في ذمتك يا الملكيِ..لما أجي السودان تعملي لي القراصة المتمرة دي..إتفقنا؟؟ ولا ترسليها بالدي اتش إل..قلتي شنو؟؟
اما شوك ناس رجاء دي..فدي تنفع مع بانكيك الخواجات
اما قراصتنا..فلع و ألف لع
| |
|
|
|
|
|
|
|
|
|
Re: ****يــــــــوم الــقــراصــة ....الــعــالــمــــي**** (Re: Ehab Eltayeb)
|
ايهاب الطيب
الف سلام
والله الموضوع هو بتاع كلو
لكن الالهام...واخد بالك.... جاء من الpancake day
المرتبط بعيد القيامة
أما عن القراصة
معقولة مع كل القراريص القالوها دي..ما لقيت ليك واحدة مسخنة؟؟؟
يازول دي قراريص بكل اللهجات..شايقي دنقلاوي
تحلية ومالح ...وغيره وغيره
لكن لو برضو ما نفعت..أعزمك أنجيرا...إيه رأيك؟؟ وأسال خالد الحاج عنها
في الانتظار
| |
|
|
|
|
|
|
|
|
 Re: ****يــــــــوم الــقــراصــة ....الــعــالــمــــي**** (Re: Rawia)
|
راوية العزيزة
سلامات..
الوداك عند ناس آتكنس شنو؟؟
اعملي حسابك وما تستمري فيهو اكتر من شهر شهرين...الفاتس بتعمل ارتفاع في الكوليستيرول...بيقولوا
والنتائج مقارنة بالدايتس التانية بعد شهر واحد هي نفسها
فبالله ما تحرمي نفسك من القراريص..الدايت يطير و يقع في البير
قال آتكنس قال
it is not for me....FOR SURE
| |
|
|
|
|
|
|
| |
haneena
lana mahdi
manubia
yumna guta
ودقاسم
yasiko
عشة بت فاطنة
ابو جهينة
إيمان أحمد
nada ali
Raja
Rawia
Habib_bldo
الطيب بشير
ملكة سبأ
Ehab Eltayeb
فيس بوك
تويتر
انستقرام
يوتيوب
بنتيريست