|
الحاجات المشتهاة
|
يا هشام شيخ الدين
اتذكر اذ كنت مشتهي حاجات كتيييييرة تعملها ودخل عليكم بورداب بشهيات من الذاكرة رصدتموها هنا....
من بينها ركوب كارو وحصان وصوت عنج وراكوبة ودلديل كرعين في النيل الازرق وشراب شاي عند ست شاي وحوامة وابريق وشربوت وجنزاية وكسرة ومرارة وشطة بالدكوة وحضور حفلات... وعييييييك
والله سويتهن كلهن...واخير ليكم تشتهوهن في الذاكرة بس
YOU BETTER SAVE YOUR DREAM
لان جدة غير...
وامسك ليكم من الآخر يا تمبس هل في احفل من محمد الامين ووردي وردي في نادي الضباط الحفلة حاضرنها معاي خمسين زول بس مع ان التذكرة بي سبعة الف وهو مبلغ زهيد جدا هناك...كنت احلم بحفلة تعج بالناس البشيلو كتف الغنا الميل وما لقيتهم وبقت الحفلة زي الجمعية الادبية والناس مربعين ايديهم لا بشيلوا ولا بصفقوا وحرقني الكلام سألت الجنبي بدهشة لماذا حضر الحفلة قال لي والله بس زهجة ساكت..بقيت اصفق براي واغني مع وردي وبرغم وجود زوجتي وبنتي معي بدوا الناس يعاينوا لي وكأني سكران...اها دي يحلوها كيف..
وردي طبعا واضح عليه الاحباط من عدد الحضور ولكن برغم ذلك غنا اروع اغانيه ومنها دوري دوري يا ايام يا اشواق عدينا نحن الليلة يا الحبان من سفرا بعيد جينا
اها محمد الامين حضرت ليه حفلة اجباري...عرس جارنا في الصحافة كانت في نادي سوداتيل وبالمناسبة هو من اروع النوادي حاليا في السودان برضو قريب لينا..يقع علي شارع محمد نجيب قصاد الامتداد
الحفلة مسييييييييييخة والببشروا ويغنوا مع محمد الامين كانوا تلاتة انا واخو العروس وعلوب دهب...برضها كانت حفلة ندوة
اما الكارو يا هشام فهي وسيلة مواصلات رسمي في الاحياء الطرفية يعني ممكن تاجرها زيها وزي امجاد من الشارع العام اذا كنت عايز تدخل داخل الحي حينما ينتهي حد الالف جنيه...عادي تركب وتسوق ويدوك السوط المهم تدفع الكشكوش...او هكذا يسمون الدنانير
الرواكيب والشاي والابريق وباقي الحاجات ساخبرك عنها لاحقا
|
|
|
|
|
|
|
|
Re: الحاجات المشتهاة (Re: Habib_bldo)
|
يا حبيب بلدو
ازيك وازاي حالك
الحاجات دي انا كنت مشتهيها معاهم بس لما مشيت عملتها لقيتها ما قدر الاشتهاء,,,حتي ستات الشاي...ديل بطعموا الشاي بي كمشة....وان قلت ليهم طاعم...الله قال بي قولك...آآآآآآي ما اتفلهمتوا...نحن يا اخوي السكر دا ياهو طاقتنا...انتوا تاكلوا العنب والتفاح وتجوا تابوا سكرنا...عليك الله انا داير اسالك سؤال آخر مرة اكلت تفاح متين مش بكون زي اربعة سنين كدي؟؟؟
اها زي دا تقول فيه شنو!!!!!
مشيت شبعت علامات تعجب ورجعت!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
| |
|
|
|
|
|
|
Re: الحاجات المشتهاة (Re: nazar hussien)
|
يا نزار قالو الساكن في مكة ما بيحج ونحن بينطبق علينا المثل دا ثلاثة أنواع من التفاح في الثلاجة احمر واخضر واصفر بس تحالفا مع قوى الشعب الكادح في وطني بتفرج عليه ساكت لغاية ما يخرب ويمشي كيس القمامة وحكاية كمش السكر دي مشتهينها والله وعلى رايك الشاي عسل السكر يومي كان عامل لي طمام بي كترته ويا ويلك لو أحتجيت واله قلت قللي السكر يمكن بيجيبوا السكر بلاش واله سكر مصري لأن ما في مقارنة بين سعر السكر المصري والسوداني تعرف عندنا في الشمالية يا نزار شوال السكر المصري (50 كيلو) وسكر أبيض ونقي بي (50 الف جنيه) والسكر السوداني (110 الف جنيه) لأننا بنسقي قصبنا بموية الورد والمصريين بيسقوا قصبهم بموية النيل
| |
|
|
|
|
|
|
Re: الحاجات المشتهاة (Re: Habib_bldo)
|
انا غايتو يا حبيب بلدو ماني متحالف مع اي زول بس مكجنو ساكت..
انت في السكر....... البامبراية الواحدة بي الف وخمسمية جنيه... وسعرها هنا لا يزيد عن الميتين جنيه سوداني...
وقطعة الارض في ناس المعمورة والطايف ولا تفكر فيها من كترة قروشها وهنا بتجيب ليك فيلا بي حوض سباحتها
غايتو في حاجات غلط كتييييييييييييييييييييييييييييرة ما فهمتها وجيت راجع...
ناس خمسمية مليون ومليار وبالدولار بس
ما تديك الدرب...
وشغل مافي
الناس دي بتجيب القروش من وييييييييييييييييييييييييييييييين
والبلد قايمة عمارات ومسلح ومشلخ وطلب تنزل وطلب تطلع....
ورقشات وامجاد...والخريجين قاعدين في الضللة وشايلين سيرتهم الزاتية وشهاداتهم في اكياس نايلو...
| |
|
|
|
|
|
|
Re: الحاجات المشتهاة (Re: nazar hussien)
|
أنا بقى لما سافرت السودان آخر مرة،، كنت أفكر في حاجة واحدة،، فول في صحن طلس وعلبة ببسي مليانة تراب في قعرها،، وهبمبريب بااااارد،، وقد طرقعت صحن الجيران (طبعا احنا حناكيش ما عندناإلا صحون صيني) وأكلت بوش كارب في مطرة شقشاقة ، وقد كانت تلك لحظة من أمتع لحظات حياتي ما نكدها إلا الباعوض والحمد لله فشيت فضولي وعرفت أخيرا كارو يا زول مقصود بيه شنو (عكليتة انا صح؟) سوط العنج ده بصنعوه من شنو وانا جادة في السؤال لاني مغالطة لي زول وبلقى عندك إجابة أكيدة ظنيتك بتعروفوا
| |
|
|
|
|
|
|
Re: الحاجات المشتهاة (Re: بت قضيم)
|
Quote: وقد كانت تلك لحظة من أمتع لحظات حياتي ما نكدها إلا الباعوض |
بت قضيم حبابك وكل سنة وانت بخير وعافية....من كلامك الفوق دا الحنكشة بي عينك ما شفتيها الا كان حنكشتا جاتك علي كبر...لان البعوض الحناكيش بسموه الحشرة الفايولينا..
وصوت العنج من جلد الابل او البقر حسب الغرض منه....في صوت عنج عنج البعسم في البطان وفي صوت عنج فرطاق دايرة تعرفي ياتو فيهن
| |
|
|
|
|
|
|
Re: الحاجات المشتهاة (Re: bushra suleiman)
|
الله يسلمك استاذي بشري سليمان اعذرني لم اتمكن من توصيل تحيتك للتيجاني من كترة زحمة الرقشات..وبطء الحركة..وقفيل الكباري والفواتح...فحملتها لحسن الزبير بالاشارة لتوصيلها قابلته صدفة بمجمع الزكاة والضرائب ورسوم الخدمات والفورمات
| |
|
|
|
|
|
|
Re: الحاجات المشتهاة (Re: nazar hussien)
|
ياخي صوت العنج من جلد الخرتيت وما تبقى ذي زولي المغالطاه غالاط
وبمناسبة البطان قالوا الجعلي شابكم ليك ،، انحنا الفوق رقاب الناس وانحنا المسوحنا قشاف وانحنا الساس وانحنا الراس..الخ الخ الخ من حشمنت الجعلية الجعلي سواق لوري،، أها يوم مسافرين بلد بعيد والكمساري متغايظ من الجعلي شديد،، في حتة مقطوعة قابلوهم ليك رباطية،، امسكك امسكك شلحوا ليك الجماعة كل حاجة،، الجعلي كلمة ما قالها،، واحد من الرباطية شاف شلوخ الجعلي،، قال ليه قوم ارقص رقبة،، الجعلي اتضايق شديد قال ليه ارقص كيف يعني غنا مافي،، الرباطي شال صحن مرمي واداه للكمساري،، قال ليه دق ليه،، الكمساري اتكيف دق ليه بمزاج الجعلي رقيص رقبة قاطع لما خلوهم الرباطية الصباح بدري الجعلي قال للكمساري قوم جيب الفطور،، الكمساري جاب ليه عيشة وكيس جبنة،، الجعلي شتموا،، يا حمار،، خت الجبنة دي في صحن،، الكمساري قال ليه والله يا ريس الصحن نسيناوه في بيت قطع الرحط
يا ساتر بالله عليك دي نكتة واللا قصة قصيرة بس انت برضو اضحك واوعك تقول للجعلي انا قلت كده بشلخونا رسمي
بعدين انا والله حنكوشة كان قلت (يعقوب) بتجيني لوز
| |
|
|
|
|
|
|
Re: الحاجات المشتهاة (Re: بت قضيم)
|
لووووووووووووووووووووووووووووووووووووووول يا البتول وصحن الفول
مبالغة يا بت قضيم...
الخرتيت كان زمان الرمز قبل صقر الجديان هل تلك كانت اشارة واضحة لصوت العنج والقهر...عموما ماني مغالطك ...وكلو في النهاية عنج
| |
|
|
|
|
|
|
Re: الحاجات المشتهاة (Re: بت قضيم)
|
سلام مربع
وانا نفسي اللحظة امشي مدرسة الاساس القريبة لي بيتنا في السودان واتفن في الواطة جمب الحاجات واطلب صحن شطة بالتبش وفي اليد التانية كيس عرديب معطون بالليمون والشطه ... وانا راجعة معاي كـــيس تساااااااااااالي
وعشان ماتقول علي حنكوشه وداقسه صوت العنج بصنعو من العطرووووون انا سألت هسع
| |
|
|
|
|
|
|
Re: الحاجات المشتهاة (Re: shiry)
|
الرائعة شيري...كل سنة وانت طيبة..وتقبل الله منك صالح العمل... دعيتي لي هناك...ام روحتيني في جقليب السعي...
وفي اليد التانية كيس عرديب معطون بالليمون والشطه ...
صوت العنج بصنعو من العطرووووون
عرديب بالليمون دا ما بضرس!!
اما صوت العنج المن العطروووون دا توديه بوست الطيب بشير ويكون بذلك بلغتي قمة الحنكشة يا شيري
| |
|
|
|
|
|
|
Re: الحاجات المشتهاة (Re: nazar hussien)
|
لووووووووووول على كده يا نزار الواحد يشرب ليه كم سوط عنج تفاديا للحيرقان،، اقصد حموضة تماشياً مع خط سير الحنكشة. ولوووووووول تاني يا شيري حنكشتك ماركة مسجلة
| |
|
|
|
|
|
|
Re: الحاجات المشتهاة (Re: بت قضيم)
|
دي حنكشة حامضة الصوت عنجها عطرون..
يا شيري العطرون دا بقتلوا بيه الخدرة وبمطروا بيه التمباك
صوت العنج بقطرنوه مش يعطرنوه,,,,
اتلقي كلامي دا علي وزن يعقوبك البجيب اللوز يا بت قضيم
| |
|
|
|
|
|
|
Re: الحاجات المشتهاة (Re: بت قضيم)
|
الحكاية جرت لسيطان يا جماعة بت قضيم ما شفتي الحنكشة بي عينك فعلا صوت العنج من الخرتيت او أجود أنواع الصياط من جلد فرس البحر أما صياط الطرقعة البيهشوا بيها الغنم ممكن من جلود البقر او الابل ما بيفرق
| |
|
|
|
|
|
|
|