|
عذرا سالقي بعض احزاني اليك ...............
|
عندي رغبه عارمه في الكتابه لكن للاسف لاادري كيف تكون البدايه ولا حتى النهايه عارفه انو كلام ( خارم بارم) لكن عندي شعور بالغربه ماعادي مع اني اتخيلته اني اعتدته عليها لكن .............. مالقيت الا اني الجاء للبورد الوطن في زمن الا وطن من اول يوم غادرت فيهو السودان احسست اني في ورطـــــــــــــــــه مابعدها ولليوم ولي بكره بحس بنفس الاحساس الهم بدل واحد يبقى همين احساس مقيت مسيخ.. لمن تحس بانو كل الحاجات ماشه غلط وكل الاحلام سراب وكل الاهداف اوهام ساعتها بتقول اكيد دي الغربه اكيد مافي غيرا اصلها دي بقت الشماعه لكل الاخطاء ولكل الهموم .... الله يستر علينا ويرجعنا اهلنا سالمين غانمين دي الله اعلم افقدوني كان غبته لي كم يوم نوف
|
|
|
|
|
|
|
|
Re: عذرا سالقي بعض احزاني اليك ............... (Re: ASAAD IBRAHIM)
|
Quote: ما عوايدك يا .......
ما عوايدك
ما عوايدك يبقى حزنك حاجة منك وابتسامتك تمشي ترحل والدموع ترسم وسامتك وانت عارف لما تحزن كل حزنك ببقى فيني وبحتويني والدموع تمشي وتجيني وابدأ أسأل وينك إنت وحتى ويني
الدروب الجاية منك رددت سؤالي عنك ليه بتحزن وللزمان الفات بتلعن وأنت أحسن في الزمن العايشو هسه وفي الفرح الجاي ولسه وليك فيهو كمان معزة وانت لي حبيب أعزّّ وأحلى عشرة جاية بكرة وخلي حزنك وسيبو ظنّك وابدا غني وقول قصايدك زي عوايدك
|
نـــــــــــــــــوف
منقولة من بوست ما عوايدك يا .......... للاستاذ جمال السنوسي
أسعد
| |
|
|
|
|
|
|
Re: عذرا سالقي بعض احزاني اليك ............... (Re: WaD OmI)
|
نوف تحياتي
كل واحد منا يحتاج الي وطن بمساحة مليون ميل مربع
وحانبنيهو البنحلم بيهو يوماتي وطن شامخ وطن عاتي وطن خير ديموقراطي
وحتي >لك الوقت دعينا نصنع وطنا افتراضيا علي البورد ونكتب فيه ما نستطيع لا رقيب ولا حسيب علي كتابتنا سوي
قلب اكثر انفتاحا وعقل اكثر تطورا
فهما الشرطان الوحيدان ( المشروعان للحوار )
هذا الوطن الافتراضي يتم بناؤه وتصوره بوجود الاخرين فوجودك يعني لي ان هنا وطن وغيابك يعني لي ان هنالك منفي
كلنا في الافتراض شرق اتركي لنفسك العنان الا ترين كل تلك الاعنة في ارض الوطن الافتراضي انهم فقط يطلقونها كيفما اتفق فقط اطلقيها
| |
|
|
|
|
|
|
Re: عذرا سالقي بعض احزاني اليك ............... (Re: Abo Amna)
|
ابو امنه بكل صدق ووضوح الدنيا كلها بقول ليك لولا وجود الوطن الافتراضي ووجودكم البزينو وبطفي عليهو مزيد من النقاء والشفافيه حقيقي ماكان معروف ممكن يحصل لي كتيــــــــــــــــر مننا شنو؟؟؟؟؟ ما اظن انا براي الفي اشد الحوجه لوطن واهل واحباب واصدقاء وعلى فكره الواحد مننا ما بعرف حقيقة الوطن وحقيقة الحبيب وحقيقة الصديق الا لمن يبعد ويهاجر ويسافر ويفقد............. لك كل الود والتحايا نوف
| |
|
|
|
|
|
|
|