|
تمنيته هند فأتاني محمد
|
أكمل اليوم إبني محمد عامه الثالث من قبل أن أتزوج كنت أرغب بأن أرزق ببنت وأسميها هند وكان كل من يعرفني يعلم بهذا وكنت أكنى بأبوهند ، وعندما علمنا بقدوم طفل لنا حلقت من الفرح بقدوم هند وبدأت أعد لها العدة ، وحفاظا على صحتها وهي في بطن أمها اقلعت عن التدخين إلى غير رجعة ، ولما أتم الشهر السابع رأت زوجتي بضرورة معرفة نوع الجنين إلا أنني رفضت خوفا من أن تتلاشى احلامي ، ولكنها سامحها الله رأته دون علمي ومن ثم أخبرتني وفي عيناها ترى بريق إنتصار وفرحة . وسلمت أمري لله .. ولكن للحق منذ أن وعيت لم تكن المصائب تأتيني إلا في شهر فبراير وهو شهر مولدي أيضاً ، ولكن بعد قدوم محمد بدأ هذا الشهر في تصليح علاقته معي وأصبح يأتيني بأشياء مفرحة .
|
|
|
|
|
|
|
|
Re: تمنيته هند فأتاني محمد (Re: ali othman)
|
الاخ علي عثمان تحياتي وعيد سعيد اعاده عليك وام محمد ومحمد بالخير انا ايضا كنت اتمني ان يكون الاول شروق ولكن ارادة الله جعلتة محي الدين وفي كل خير حفظ الله لك محدما وجعله من عباده الصالحين مع ودي
| |
|
|
|
|
|
|
Re: تمنيته هند فأتاني محمد (Re: ali othman)
|
الأخ أسعد كل سنة وأنت طيب وسلامي للأسرة الكريمة متعكم الله بالصحة والعافية . يتمنى المرء ولكن إرادة المولى فوق كل شئ ، والحمدلله بقدوم محمد فمعه قدم الخير إلي
| |
|
|
|
|
|
|
Re: تمنيته هند فأتاني محمد (Re: ali othman)
|
الاخ العزيز على كل عام وانت بخير وعافيه ويخلى ليك محمد وام محمد ربنا يحفظه ويمتعه بالصحه والعافيه ويديك هند1 وهند2 ووووعثمان واحمدوووو وعقبال ما يطفى الشمعه ال1000000 مستظل بحطنكم الدافئ يارب
الهديه محفوظه!!
| |
|
|
|
|
|
|
Re: تمنيته هند فأتاني محمد (Re: ali othman)
|
الاخوان اسعد وعلى
طبعا انتو ناس ..غير طبيعين ..لانو المعروف عن الازواج ..خاصة السودنيين اهم بيتمنو المولود الاول ولد ..كوريث .. وكحامل لى اسمو .. حتى الزوجات بيتمنو الولد ..لى شي واحد وهو غلط فى رايي .. وهو انو الاسر في السودان بينظرو للاولاد كاستثمار .. يعنى المولود الاول لازم يكون ولد ..عشان بعد ما يقروهو ويكبروهو ..يقوم هو يشيلهم وهم كبار ..؟ والبنت بنظرو ليهو اكتر السودانيين كحمل .. وكانها شي مالازم وما ليهو اى اهميه .. بس كتمامة عدد ..يعنى لو بعد 5 اولاد بنت واحده ما مشكله
وانا بعرف بيوت كتيره اتخربت بي سبب خلفة البنات المتكرره
وعندى واحده قريبتى مهدده الايام دى ..لانها جابت 3 بنات وحامل هى الان ..وزوجها حالف طلاق ...ما تجيب بت
طبعا انا لسه ما دخلت حتات زى دى ..لاكن بي صراحه بفضل الاول يكون ولد..ولو جات بنت ..برضو شي جميل ... لانو الزمن اثبت انو في شي اسمو (انـــــــــــثى ولا دســـــــــتة رجال ) على العموم هنيئا لكم بالاولاد .المهم الصلاح ... والبر بالوالدين ومبروك ليكم وسلامى الحااار لاسركم بي اباء زيكم وفى فهمكم
| |
|
|
|
|
|
|
Re: تمنيته هند فأتاني محمد (Re: ali othman)
|
أبو محـمـد
عقبال ميـة شمعــة لمحمــد إن شــاء الله.. ما شــاء الله.. قلت لى 3 سنـة.. ما شــاء الله.. لكن بينى وبينك أمانة ما راجياه كترة قراية.. إن شــاء الله.. بس ما تقطع قليبو وتكلمـو من هسـى!
| |
|
|
|
|
|
|
Re: تمنيته هند فأتاني محمد (Re: ali othman)
|
الأخ سامو كل سنة وانت طيب إذا نظرت في أسرتك والأسر التي حواليك حتما ستجد أن البنت هي قمة الحنان والعطف على والديها وهي سندهما الحقيقي ( هدية ورضية ) . فالولد غير الشقاء والتعب لاطائل وراءه
| |
|
|
|
|
|
|
Re: تمنيته هند فأتاني محمد (Re: ali othman)
|
الأخ الكريم علي عثمان لك التحية ، ولإبننا محمد كل الأماني الطيبة ,عقبال يطفي الشمعة المائة وعشرين ،، مع تمنياتي له بمستقبل مشرق ، وهند ستأتي إن شاء الله ، نسأل الله لك ولأم محمد الصحة والعافية ، ومزيد من الاخوة والأخوات لمحمد ..
| |
|
|
|
|
|
|
Re: تمنيته هند فأتاني محمد (Re: ali othman)
|
الأخوان ود قاسم _ حسين ملاسي _ زمراوي كل سنة وانتو طيبين وتتحقق امانيكم انشاء الله . لكم الشكر على الامنيات الطيبة وأمنياتي لكم من العمر مديدا انشاء ليجد محمد فيكم نبراسا يقتدي به .
| |
|
|
|
|
|
|
Re: تمنيته هند فأتاني محمد (Re: ملكة سبأ)
|
الله يحفظكم ... ويخلي ليك محمد وددت ان يكون لي ولد ولكني بكرت ببنت ..وسكيت الولد وتاني جاءت بنت اخي له سبعة بنات .. ولا ولد واحد وكان دائما يطمانني ويقول (ان الرجل (الحمش) هو الذي ياتي بالبنات ؟؟! ولكن انا يظهر كدة طلعت (تعبان) لاني انجبت توائم (اولاد) ورفضت ان اعطي اخي دورة في كيفية انجاب الاولاد لانه لا يزال جاهلا ..اقصد .. عالما في انجاب (البنات) الهم اجعل محمد بن علي من رجال الوطن العاملين اللا مجاهدين
| |
|
|
|
|
|
|
Re: تمنيته هند فأتاني محمد (Re: ali othman)
|
ونحن كذلك00000000 تمنيناها ولاء وجاء وضاح ووضح معه كل جميل فى الحياة اخى على مبروووك يا ابو محمد وام محمد وعقبال تطفى الشمعة المليون اخى العزيز سامو الزمن زمن البنات البشيلوا اهلهم انت من زمن الولد البرسل لى امه باذن من زوجته ( الله يكفينا شر اليوم ده ). ايه رأيك نعمل استفتاء وشوف حرائر البورد شايلين حمل قدر شنو ؟
ولكم التحايا امال ام وضاح
| |
|
|
|
|
|
|
Re: تمنيته هند فأتاني محمد (Re: ali othman)
|
تسلمى يا بنت العباسى ولا اسكت الله لك حسا00 وانا طالبت باستفتاء عديل كده من الشايفاه بعيونى البنت كل همها بقى فى المسؤولية بتاعت البيت يا حليل البنت يا رجاء الكان همهافى الازياء والمكياج . النسوان شايلين الحمل فى داخل السودان وخارجه 0
تسلمى تانى ويسلموا معاك كل نساء السودان يا رجاء يا حقانية وما اروع كلمة الحق 00000 امال ام وضاح
| |
|
|
|
|
|
|
Re: تمنيته هند فأتاني محمد (Re: ali othman)
|
الأخت أم وضاح تحياتي لك ولأ بو وضاح المشكلة في حبوباتنا وأمهاتنا فمثلاً والدتي لما كنت أحاول إنتغم من أخوي الكبير المدلل لديها كانت تقول حسادتن تولدك بنات إنشاء الله ، وكنت بفرح بدعوتها دي الفاكراها دعا . فالنساء جزء من توارث هذه العقلية . الأخت رجاء مرحب بيك تاني وتالت والبيت بيتك . الأخ العزيز الموصلي تسلم لا أعترض فبشقيهم هم زينة الحياة .
العزيز أبنوسي دعواتنا شئ طبيعي بس أدوهم دفرة بدعواتكم
| |
|
|
|
|
|
|
Re: تمنيته هند فأتاني محمد (Re: ali othman)
|
الاخ علي عهدنا الدائم في الرجل الشرقي و بالاخص السوداني ذاك الحب الازلي والحرص علي ولادة الزكور دون الاناث ناسيين ام متناسيين مكانة المراة العظيمة في حياة كل منهم .......اما او اختا او زوجة او ابنة اليوم ان لم تكن البنت متساوية مع الولد فهي ارفع واعظم مكانة منه هنيئا لنا..بنات حواء بهذه المفاهيم المتحضره و المحبة!! من الجنس الاخر.......
عزيزي علي.. ابو محمد كل سنة و محمد و هند و انت و ام محمد بالف خير ان شاء الله عمر سعيد و مديد لهم حافل بالنجاح والتوفيق
ISHRAGA ELMALIK
| |
|
|
|
|
|
|
|