|
** اخيــرا"..العيــــد جــــانا ..حنيــــنة معــــانا**
|
فى زول فيكم عيدو زينا؟؟
فى اطار تمتين العلاقة بين بورداب البلدين,اوفد بورداب بريطانيا ممثلتهم حنينة الى ممثلات بورداب امريكا هالة ويمنى.. وقد تمت عدة اجتماعات بين الطرفين تم فيها مناقشة عدد من الاجندة من ضمنها كيفية صناعة الشربوت مستفيدين بذلك من بوست الجندرية بهذا الصدد كما تمت مناقشة اهم الفروقات ما بين العيد فى امريكا والعيد فى بريطانيا هذا ونعلن لبورداب العالم اننا نستقبل التهانى والتبريكات يوميا" على مدار الاربعة وعشرين ساعة ولمدة خمسة واربعين يوما" من تاريخه
والعاقبة عندكم فى المسرات
|
|
|
|
|
|
|
|
Re: ** اخيــرا"..العيــــد جــــانا ..حنيــــنة معــــانا** (Re: tabaldy)
|
الأخت هالة والاخت حنينة وكل بورداب بريطانيا وأمريكا وكل بورداب العالم اولا أزف إليكم تهاني العيد أعاده الله علينا وعليكم باليمن والخير والبركات كنت اود ان أكون اول المهنئين ولكن سبقني تبلدينا والاول أول ولو كان كبة وبما أن تبلدينا ينتمي لأهل الهشاب والتبلدي فمعلوماته قليلة عن الشربوت الذي يتعتق ويحلو كلما مكث مدة طويلة وأكيد العيد عيدين بالنسبة ليكم يا هالة وأنتم تتذجون بين عيد بورداب أهل الضباب وأعياد بورداب أمريكا وكذلك بوصول حنينة بالسلامة لدياركم في الاراضي الجديدة المهم أن نفرح جميعا بالعيد السعيد ونغسل من خلال المناسبة همومنا وأحزاننا ونستقبل الغد بنفوس صافية وقلوب رضية وأنتهز الفرصة لتهنئة الجميع بعيد الاضحى المبارك وكل عام وأنتم بخير
| |
|
|
|
|
|
|
Re: ** اخيــرا"..العيــــد جــــانا ..حنيــــنة معــــانا** (Re: Abo Amna)
|
والله حظكم عيدكم جميل مافى شك وكل ساعه ونسه حميمه وانتن ترفلون صحه وسعاده بس ماتتقلوا من الشربوت وما تكتروا من الخميرة فيهو لانو الخمسه واربعين يوم طويله ونخاف بعدين تقوم الغابه تتملى قرود ....... ولاشنو ياهاله اقامه طيبه ياحنينه بين هذه الروائع
فى انتظار انشاءالله فتيل شربوت مع قليل من المرارة وياحبذا صحن كمونيه
| |
|
|
|
|
|
|
Re: ** اخيــرا"..العيــــد جــــانا ..حنيــــنة معــــانا** (Re: hala guta)
|
ابو امنة من سمع ليس كمن راى والشربوت ما بيجى بالماسنجر
حاج محمد ود الشيخ
Quote: [فى انتظار انشاءالله فتيل شربوت مع قليل من المرارة وياحبذا صحن كمونيه |
فتيل شربوت يا حاج؟؟
كل سنة وانت طيب كمان
ايا يزيد
الغريبة الخواجية جات عاست الكسرة عندنا
دى خواجية بت قبايل
كل سنة وانت طيب
ندى امين وانت طيبة يارب
غريبة والله يا ناس الرياض الفيكم اتعرفت غايتو كل سنة وانت طيب وكلام الله ما بناباه
قال هدية قال
ندى على شكرا" لمرورك هنا وكل سنة وانت بالف خير
سمندلاوى
كل سنة وانت واسرتك بخير يا رب
| |
|
|
|
|
|
|
Re: ** اخيــرا"..العيــــد جــــانا ..حنيــــنة معــــانا** (Re: Elmosley)
|
العزيزات بنات قوته كل سنه وانتو طيبين وضيفتكم طيبه والسنه الجايه ربنا يحقق الامانى لو غايتو ما عارف لكن لو دايرين تجو ناس عمورى بى جاى تعيدو عليهم قولو لى عوك عشان خاطر حنينه بجى اخدكم وكمان ارجعكم والله بتكلم جد اصلو اليومين ديل عاطل بس شغال فى مشروع التخرج بتاعى يومين س فى الويك
| |
|
|
|
|
|
|
Re: ** اخيــرا"..العيــــد جــــانا ..حنيــــنة معــــانا** (Re: hala guta)
|
ابو جهينة كل سنة وانت واسرتك بالف خير وانشاء الله العيد الجاى نلاقيكم كلكم فى السودان يا رب
الموصلى كل سنة وانت طيب والله كنا دايرين نجيب حنينة ونجيكم بس الجليد والجو الكعب مسكنا منكم
الجوابات وصلت بس ما اشتغلت معاى ما عارفة المشكلة شنو؟
ود الجعلى كل سنة وانت طيب وشكرا" لعرضك السخى بس فى الجو الكعب دة ما بنقدر نتحرك من بيوريا شبر انشاء الله العرض دة يكون مستمر لحدى الصيف نجيب حنينة ونجيكم
| |
|
|
|
|
|
|
Re: ** اخيــرا"..العيــــد جــــانا ..حنيــــنة معــــانا** (Re: hala guta)
|
رجوية كل سنة وانتى طيبة وراوية كلمناها لكن قالت شربوت جابو وصفتو بالانترنت ما بلزمها يعنى ما واثقة وكدة بعدين انتى هسي كلمناك بيتان السفارة ما فات منو شي كلميهم انو حنينة هنا وما اظن ناس الملايات المتحدة الامريكية يابو ليك وملاياتك تعالى شيليها بنفسك ومعاها كمان الكوندشنر قصرنا معاك؟ كل سنة وانتى طيبة واستعدى العيد الجاى فى القاهرة انشاء الله
| |
|
|
|
|
|
|
Re: ** اخيــرا"..العيــــد جــــانا ..حنيــــنة معــــانا** (Re: hala guta)
|
امانى الجندرية كل سنة وانت طيبة وربنا يحقق امنياتك ويخلى ليك وليداتك وهبو وابوهم/ا ويجعل ايامكم كلها اعياد اسعدتنا طلتك هنا
تمبس بطل الحركات ورد على تلفوناتك اول.. بعد كدة ممكن نشوف قصة العزومة دى وكلمتك..الببارى ود العجمى.......... اسالنى انا من مباراة ود العجمى وكان ما مصدقنى اسال بورداب الخرطوم
غربة كل سنة وانت طيبة طالت غيبتك وسعدنا بطلتك هنا
ووصفة الشربوت بافتشها فى الصفحات الورا وباجيبها ليك فى البوست دة وكان اديتينا العنوان بنرسل ليك جركانة شربوت بفيديكس رايك شنو
| |
|
|
|
|
|
|
|