|
تعالو شوفو خمة ود وراق لود شندي
|
دي قريبه من قومه نمر من شندي ..موش؟؟ اول من نزلت جنب ترعه المويه يقيت اتلفت ... جاي وجاي عاينت علي الحيطه لقيت اسم الاستراحه المايغباني اربعه وجيهين قابلوني .. بالبشر والترحاب مافي شك واحد فيهن ديل السلام بنفس الحراره قفلت عربيتي .. وجيت ماشي عليهن تاني ... قلت والله ماشاء الله ود عويس دا سمن سولو جضيمات.. نان .. ياربي .. المعلقه في البورد دي حقت البطاقه اللمتحن بها المتوسطه والله شنو... المهم جيت وقلتو كيف يا استاذ انشاء الله تمام ... وديت الواطه شخته بي مركوبي .. وانا مدنقر ساعه ساعه .. ازح عليهو ... زي العندي ولدي قبضوه ناس اللزاميه... وهو يزح غادي... بعد شويه الراجل ظهر لي يجهز في العضه ... ويضاير في الناس... هييي ... دا مو ايهاهو ود عويس ... نان يبقي ياهو وجاعل الحاله واحدي بقيت قدر ما ... اتلصق علي وليدات النعيم .. الشفع الصغار ... قلت النسعلن ... نان يقو عارفنو... نان اقول يا منو الليله عاد يا الجيلي وابواتك الشيخ حسن ود حسونه طباب المجنونه هيي الشيخ الياقوت الليله ندهتكن الشيوخ تقيفو لي ،،، ،،، ،،، كف لقطها نامن غريبه عوركلو يا وراق حتين شلت نفسي وبقيت اشيل واخت مع الجماعه
الراجل ماقصر يتصل علي انا من ما قمت من الهفوف مع العلم البطاقه سوا والجيب سوا ... جعلنا الله سواسيه وبرضو عواس من الدرجه الاولي
اها هججنا في الحفله ما قصرنا هو ودقاسم ابوجهينه غريبه حلفو الا امشي ابيت معاهن انتو في دا ودشاموق اداني مفتاح شقتو قال لي انت والضيوف غايتو يا ودابوبكر لميت في حوشك جنس ناس يفوتو الرقبه عدددددددددييييييييييييييييييييييل الله يديك العافيه
|
|
|
|
|
|
|
|
Re: تعالو شوفو خمة ود وراق لود شندي (Re: ود شندي)
|
ود شندي تحياتي لك و أنت محاصر ( بالشيعة ) نضمك سمح بالحيل و ما قصرت تب. بس ما تنسى أحمد حنين ، هو القال لي عمار السنوسي في أضانو : كدي أنهر المكرفون دة بأغنية أللت دلوكة خلي ود شندي ياخدلو نقزة نقزتين. و بعد داك إنت عارف شن حصل. بس يا ود شندي عندي سؤال : ليه معظم أيقاعاتنا بتدق للواحد جوة في قلبو و بيتخيل ليك إنو قلبك بدل الدم بيضخ تم تم ؟ فوق دربك
| |
|
|
|
|
|
|
Re: تعالو شوفو خمة ود وراق لود شندي (Re: ود شندي)
|
ودشندي سلام والله ربنا يديك العافية ويخليك ، لن أنسى تلك الابتسامة وتلك البشاشة ، وتلك العرضة ، وتعرف يا ود شندي لو دقوا لينا الدلوكة للصباح ما كنا وقفنا من العرضة ، بس بالجد أنا كنت عايزك تبيت معاي أو مع أي واحد من الاخوان في الرياض وتاني يوم نقعد براحتنا ونسولف على ماقالوا جماعتنا ، الأيام بيننا إن شاء الله ،
| |
|
|
|
|
|
|
Re: تعالو شوفو خمة ود وراق لود شندي (Re: ودقاسم)
|
ودشندى
ات آزول ماك " هفوفى " ؟؟؟ نان البوديك لناس " البندر " شنو ؟؟؟ و بعدين انت دحين ما مقدم لينا طلب عضوية فى رابطة " الشرقية " ؟؟؟ نان مالك بتغازل فى ناس " الرياض " ؟؟؟
المعنى " قلبك مع على و سيفك مع معاوية "؟؟؟ خاصة و انت محاط " بالشيعة " زى ما قال ابو جهينه ؟؟؟
دحين آخوى ابقالك على راى واحد
و على قول بوش " الولد " من ليس معنا فهو ضدنا "
1000 لوووووووووووووووووووووووووولس
| |
|
|
|
|
|
|
Re: تعالو شوفو خمة ود وراق لود شندي (Re: KOSTA)
|
العزيز عماد ود شندي الزول الجعلي السمح بالحليل قلت كيفن يا أخوي قايلني ود عويس بس وصلت الميس وما قصرت تب كنت إنسان رائع كنت ضيفنا ولكنك فقتنا شهامة حينما شمرت ساعد الجد وبقيت تعشي في الناس أياها المحرية فيك لكن يا ود شندي أنا داير أحمد سعيد ولا تمبس ولا معتصم ينزلوا لينا صورتك وإنت بتعرض يا جماعة الخير العرضة ما كانت عرضة صح الزول والله العظيم رجع للبلد تب غايتو كانت ليلة لا تنسى أبدع فيها عمار السنوسي الفنان الرائع إزدانت ليلتنا جمالاً بحضوركم وضيوفك الكرام أها لغاية ما نتلاقى ترقد عافية
| |
|
|
|
|
|
|
Re: تعالو شوفو خمة ود وراق لود شندي (Re: ود شندي)
|
يا ودشندي وودقاسم وودوراق
ماشين حز حز...علي الجماعة غناء وعرضة...لامن يوم تدقوا النحاس في السهلة...والله انا زمان قايل الناس في السعودية رادي ما بشغلوه...
مرة من كم سنة جيت المنطقة الشرقية بي عربيتي...اول حاجة فكيت المسجل خليتو قبلو قبل ما اتحرك علي السعودية...بلاي المشوار كلو صننننننننننننننننننن ولا كلمة زي العندي زول في الانعاش..
الهوية يا زول....فلفل فلفل فلفل...ولاهسي قلبي مقطوع......
انتو سويتوها عرضة اليصبروا لي ساكت..المرة الجاية
| |
|
|
|
|
|
|
Re: تعالو شوفو خمة ود وراق لود شندي (Re: nazar hussien)
|
Quote: اول حاجة فكيت المسجل خليتو قبلو قبل ما اتحرك علي السعودية...بلاي المشوار كلو صننننننننننننننننننن ولا كلمة زي العندي زول في الانعاش..
|
مالك يا ود امي فاطنه مقفله علي رقبتك
نحنا الما إجتمع لي فارغه كوور لمتنا تيجان الملوك تعمل حساب عمتنا
الهويه: عامل تربيه مواشي ... برضو
| |
|
|
|
|
|
|
Re: تعالو شوفو خمة ود وراق لود شندي (Re: nazar hussien)
|
الحبيب ود شندي
تحية طيبة .. عندما إتصلت على أخونا إسماعيل وراق كنا وقتها مع بعض وذكر لي أنك سوف تحضر للرياض لوداع الأخوين خالد وعلاء حينها أيقنت أنك جعلي حر وأصيل وكنت في أشد الشوق لرؤياك ولم تخيب ظني ، فوجدناك هاشاً باشاً .. شكراً لحضورك أخي ودشندي فقد قضينا وقتاً ممتعاً معك ، وسوف نظل ننتظر قدومك إلينا في أي وقت . سلمت يا زول يا رائع .
| |
|
|
|
|
|
|
Re: تعالو شوفو خمة ود وراق لود شندي (Re: ghariba)
|
ياعمـــــدة
غايتو ما خليت حاجه بتتقال .. بس عليك الله في جعلي بينسي ( السوفت وير ) بتاعو ويجي من غيرو ؟؟ والله الصوط ده كان جبتو معاك كان في ناس عرفت حاجه .. تاني كان جايينا جيب صوطك معاك .. وبنحدده معاك ..
| |
|
|
|
|
|
|
Re: تعالو شوفو خمة ود وراق لود شندي (Re: ود شندي)
|
ود اختي تمبس ما تفقد عزيز مشتاقين ود شندي من جعلية هفوف وودقاسم من جعلية الملز وقرشو من جعلية الرويس وتماضر من جعليات نيويورك ودينق من جعلية امستردام وسنتمنال من جعلية جدة والله اخوانا الجعليين اتوزعوا في بلاد الله وقبيل قالوا الجعلي يقضي يومه خنق والمصيبة حسع هم الخانقننا
| |
|
|
|
|
|
|
|