|
|
 ظاهره في المنبر.
|
سيداتي ,سادتي
السلام عليكم ورحمه الله تعالي وبركاته.
لا اعرف تجميل الحديث او تنميقه ولكن لاحظت بعض الظواهر في هذا المنبر. قبل الدخول في سرد ماهي الظاهره التي لاحظتها, احب ان اوضح ذلك لا امتلك اي ضغينه او مشكله ضد اي عضو في هذا المنبر ولست هنا لصنع اعداء ,بل بالحري اصدقاء واخوه واخوات لي. اعرف ان هنالك عدد مقدر من الاعضاء يعرفون بعصهم البعض شخصيا وهنالك تواصل يتم عبر الهاتف او الايميل او حتي باللقاء وجه لوجه. انا مع كل الذي ذكرت , ولكن لاحظت كثره البوستات التي تحمل المضمون الشخصي اكثر من المضمون النقاشي الذي يفيد الكل. عندي بعض الامثله. فلانه تعرضت لحادث حركه ألخ ( والله العظيم احب فلانه ولكن لما لا تتم المواصله عبر الهاتف للتاكد من حاله فلانه الصحيه). سافر فلان من البلد الاوروبي او القطر العربي الي السودان او الي القطر العربي الاخر في زياره عمل , او حتي للاستجمام!!!!!!!!. فلان عضو جديد في المنبر , اهلا به او بها!!!!!! لما لا تتم المشاركه الفعليه من اول يوم للعضو الجديد ( لقد فعلتها). فلان غائب عن الساحه ( اين انت يا فلان). احبائي , الغائب عزره معه ( لما يتم المواصله عبر الايميل)!!
رساله مفتوحه الي فلان!!!!! الرساله الي فلان واحد فلما يتم اعلامي واعلام الاخريين؟؟ تزوج فلان في حفل بهيج!!!!!!!!! يبدو انني سوف اسمع عن طلاق فلان وفلانه في القريب العاجل. والله العظيم افرح لفرحكم واحزن لحزنكم , ولكن هل فتح المنبر لهذا؟؟ قد اكون علي خطاء ولكن احس ان هنالك شئ خطاء في ايراد بعض الامور الشخصيه علي ساحات المنبر.
فما ترون؟
اقف هنا وعزرا ان اصاب حديثي احدكم بجرح .. ( من احبني اهداني عيوبي) ..محب لكم
|
|
 
|
|
|
|
|
|
|
 Re: ظاهره في المنبر. (Re: Muhib)
|
سلام يا محب والله صورة الفول الفوق دي خلتني افتش محل بوستاتك فتيش!
بالنسبة لي اجتماعياتنا في المنبر من فراش لي عرس لي كفارة دي اجمل حاجاتنا علي الاطلاق!
ده ياداب علي قدر الطلب من حيث كميتو ومن دون الجانب ده نبقي ما سودانين.
بس العيب ببقي لو المسألة تمت علي اساس "شللي"! رايك شنو في عربيي ده!
| |
|
|
|
|
|
|
|
|
|
Re: ظاهره في المنبر. (Re: rani)
|
المحب محب تحية طيبة
اولا احي فيك روح عدم تغليف الاشياء كي تبدو جميلة حتى وان لم
تكن كذلك
فمن الحسنات انك تكون صادق مع نفسك امام الكل
ذلك ما التمستهو احاسيسي من طرحك اعلاه مع روح التسامح
التى تبدو في حديثك.
قلت
Quote: . فلانه تعرضت لحادث حركه ألخ
( والله العظيم احب فلانه
ولكن لما لا تتم المواصله عبر الهاتف للتاكد من حاله فلانه الصحيه).
|
من وجهت نظرى لم ارى عدم موضوعية في انو يكتب بوست للفت
الانتباه لحادثة وقعت لاحدنا
انت بترى انو من المفترض شكل الحاجات يتم عبر التليفون وماشابه ذلك
دى وسيلة وفي الضفة الاخرى سوف تجد انو البوست وسيلة اسهل
الحاجة التانية ما كل الناس في البورد وصلت بيهم العلاقة انو يتبادلو
تليفونات بعض بغض النظر عن الاسباب
انا حا اضرب ليك مثل
انو الزولا الحصل ليها الحادث دى انا ما عندى معرفة بيها لا من قريب
لا من بعيد اللهم انو الحمد لله سودانين
في البورد ,ما اسعدنا الحظ لنتعرف ببعض اكتر غير انو معرفتي بيها
من خلال ما يكتب وبنفس الفهم ممكن هى تكون ما بتعرفني ولا حتي من خلال
كتاباتي
ذلك ما يبعد وبدون شك انو امتلك تليفون ليها وما دى القضية
الفهم الاكبر انو الواحد لمن يكون في محنة يحتاج ليد عون
عشان يعدى الازمة الهو فيها
اكد تماما الانسانة الحصل ليها الحادث دى اذا كان لا قدر الله
وحصل ليها حاجة من جرا ما حدث
كدى اتخيل معاى انو كان حيكون شعورها شنو لمن تدخل البورد
وتحس انو الناس دي كلها قلوبهم معاها البيعرفها و الما بتعرفو
والله لو في اشد انواع الازمات حتتحسن حالا مما كانت سوف تكون
عليها حالتها من دون ذاك البوست
دى حاجة انعكاساتها السيكولوجيه اكبر بكتير مما نتخيل
وذكرت ايضا
Quote:
فلان عضو جديد في المنبر , اهلا به او بها!!!!!!
لما لا تتم المشاركه الفعليه من اول يوم للعضو الجديد
|
برضو ما اظن انو حاجة مزعجة الناس تعرف بقادم جديد
وبنفس البساطه اتخيل معاي انك
مشيت ضيف لناس في بيتهم والناس ديل ما بتعرف فيهم الا
نفر واحد المهم دقيت الباب كو كو كو فتح ليك واحد ما بتعرفو
وبعادة سودانية قال ليك اتفضل خش وتوووووووووووووش خشيت
دخلت الديوان واتوهطة في العنقريب المهم الحصل صاحبك قاعد
لكن بقادى ولا طلع مشوار وجاى
انت قاعد مع الشله ومافي واحد بيعرفك فيهم ومافي واحد فيهم سالك ولا
اشتقل بيك والناس تضحك وتتونس وانت ما عارف تضحك ولا تسكت
وعلي الضفة الاخرى من الخيال انك جيت ولقيت صاحبك قاعد وقام عرفك
علي بقيت الناس القاعدين فردا فرد
في الحالة دى ما تستبعد انو تلقي واحد من القاعدين ديل تتونس معاهو
اكتر من صاحبك الجاى ليهو
باختصار
حتلقي نفسك ماخد راحتك
يتبع
النقطة التالتة
| |
|
|
|
|
|
|
|
|
|
Re: ظاهره في المنبر. (Re: rani)
|
النقطة التالتة
Quote: سافر فلان من البلد الاوروبي او القطر العربي
الي السودان او الي القطر العربي الاخر
في زياره عمل او حتي للاستجمام!!! |
والله ما اظن انو دى حاجة ممكن تكون سلبية اكتر من ايجابية
ايجابياتها بتتمثل انو بتتيح فرصة للبورداب انو يتعرفو ببعض اكتر
وانو يتشاوفو
الحاجة لمن واحد يكتب فلان ما شي من ابوظبي للسعودية وبعداك للسودان
وهو حيكون سايق عربيتو اول حاجة بوست زى دا حيسهل للزول المسافر دا
انو البورداب يستقبلو ويتعرف من خلالهم علي البلد بشكل افضل
ويوروهو الطرق الاسهل وماهي المخاطر الممكن تحصل
يعني حيقدمو ليهو اورنتيشن افضل من انو يسمع اصحابو الاتنين ديلك
حتختلف الحاجة هنا لانو الناس حيكونو كتار وليهم تجارب كتيرة
وعلى دراية بما يجري علي تلك البلاد.
في النهائية البورد دا عمل انساني اكتر من اى حاجة
يلم الناس تحت شجرة نيم اللا وطن ليشرب الجميع من زير المودة والتواصل
ويتعرفو ببعض اكتر يفرحو مع بعض ليكون الفرح فرحين
ويحزنو مع بعض ليكون الحزن كالحزن النبيل
وهكذااااااااااااا
ترى عيني الاشياء
مع فائق ودى وكل ماتيسر من احترام
ودالسماني
| |
|
|
|
|
|
|
|
|
|
Re: ظاهره في المنبر. (Re: Rawia)
|
الاخ محب
يامحب الكل اجمل حاجة فيك انك قاعدتخدم فى المطبخ الناس تتفرج فى الدجتال , انا مرة سافرت مكة ايام الحج ومالقيت فندق انزل فيه مشيت اقرب انترنت كافى وارسلت ماسنجر لهوب فل وقلت ليه اتصل على جوالى دا والشاب ما قصر استضافنى فى غرفته وانا ما بعرفه قبل كدا بقيت اوصف له فى شكلى, العيد الماضى كان من المفترض انزل انا امى مع ابو الحسن فى المدينة وابو الحسن دا عرفت بورد وبس ,فى ناس فى البورد دا بدخلو عشان السياسة وناس عشان المواصلة وناس عشان الشعر وناس عشان تعرف بعض ,طبعا اكتر ناس بعرفوا بعض على المنبر دا هم شباب الهند لاننا عشنا هذا البورد حى ,بمعى فى مجتمع طلابى حر يتكلم على كيفه ويخرج على كيفه لا خايف من ريس ولا رجل امن,الان انا لما القى اتنين على البورد متزاعلين او متناكفين بكون فرحان اكتر مما يكون متحابين لان مصيرهم يرجعوا لبعض ويكونو اكثر صلة واحترام
على فكرة انا امس حاولت اقلدك فى فكرة الفول دى وقلت للشباب المعاى اليوم الفول دا سيطلع زى فول محب, قالو لى محب دا شنو قلت ليهم فوال البورد بس هم ما عارفين البورد دا شنو
بالمناسبة انا اكتر واحد بدخل البورد 9 ساعات دوام وساعتين اضافيات يعنى 11ساعة ويومين بكون اوف فى البيت ما قاعد ادخل
يعنى 55 ساعة فى الاسبوع ودا كله عشان اشوف من الموجود ومنو الغائب قبل اشوف المواضيع بشوف منو على الخط عشان اسلم عليه وافرفش معاه بالضبط زى شباب دار الطلاب حقنا وبجد كدا يامحب انا مبسوط 24 قيراط وكن عاوز اقولك كلام راوية دا لكن هى سبقتنى
بالمناسبة عندى بوست حانزله يوم الخميس لو ما دخلت على بزعل منك ما تنسى كويس ...ولك ودى
| |
|
|
|
|
|
|
|
|
|
Re: ظاهره في المنبر. (Re: abuguta)
|
إزيك يا محب..
كل سنة وإنت طيب.. بالله مش دي دعوة حلوة؟؟
تعرف يا صديقي أجمل ما في المنبر أنه ليس كصحف الحائط وأكاد أزعم أنه ينبض بالحياة..
نشارك بعض همومنا وأفراحنا، ونستمد من ذلك إحساس الأسرة الواحدة..أسعدني الحظ بمقابلة بعض البورداب وأغرب إحساس تملكني حينها هو أن الوجه غريب علي ولكن هذا الإنسان/نة يجمعني به
شئ ما بين الخوة والقرابة..ووجدتني في كثير من الأحيان أتعامل دون شكليات الإفتعال والمجاملة التي تحدث في الغالب حين تلتقي شخص لأول مرة.. شئ أخر يا عزيزي محب..رزم الحياة في الغرب سريع
جدا عكس الحال في السودان والخليج..ونادرا ما يجد الأعضاء في المنبر الوقت للإلتقاء والتفاكر
في كثير من الأمور مشاكل المنبر، تطويره، دعمه، المهرجان،هم السودانين الكبير ،الوضع في الوطن والمساهمة في تقديم ما هو إيجابي ولو بالفكرة...دعم النفاج وأستاذنا محجوب شريف وهو يسطر ملحمة في الوطنية بمعالجة الأثار السلبية للحرب (أطفال الشمس) وتوفير ما يمكن توفيره ليكون لطفل أو طفلة كرسي للدراسة وملابس تقيهم من برد وحر..وهذا بعض ما نوقش في الزيارة التي أثارت حفيظتك..ولو تحدثنا عن مجاملات الأعضاء في فرح وترح..فهذا يا صديقي ما يميزنا عن الأخرين ..أننا قوم نتعامل بمكارم الأخلاق..إذا إشتكي منا عضو.... نفرح لفرح الأخرين ونحزن لحزنهم..هنا يا محب يكمن التفرد..هنا يا محب ما يجعل المنبر يكاد يكون كائن حي...
ألم تقرأ  الكلام دخل الحوش )... ألم تشارك في الملحمة؟؟ يا أخي هونا عليك ورحماك بنا..
لك عميق مودتي..
| |
|
|
|
|
|
|
|
|
|
Re: ظاهره في المنبر. (Re: خالد الحاج)
|
Quote: في النهائية البورد دا عمل انساني اكتر من اى حاجة
يلم الناس تحت شجرة نيم اللا وطن ليشرب الجميع من زير المودة والتواصل
ويتعرفو ببعض اكتر يفرحو مع بعض ليكون الفرح فرحين
ويحزنو مع بعض ليكون الحزن كالحزن النبيل
وهكذااااااااااااا
ترى عيني الاشياء |
يسلم لسانك يا راني
| |
|
|
|
|
|
|
|
|
|
Re: ظاهره في المنبر. (Re: ايهاب)
|
اقسم بالله يا محب لولا هذا الحب و هذا التواصل ما وصل البورد لهذه المكانه
فهو قائم على هذه المحبه الخالصه السمحه قبل كل شي
انه ينبض يا محب كما قال خالد
| |
|
|
|
|
|
|
|
|
|
Re: ظاهره في المنبر. (Re: ايهاب)
|
شكرا احبائي للتفهم الجميل , وشكرا علي الحديث الودي المفتوح معي , سوف اعود لاحقا فقد دقت ساعه السعي خلف الرزق , حتي عودتي حبي لكم .. محب
| |
|
|
|
|
|
|
|
|
|
Re: ظاهره في المنبر. (Re: Muhib)
|
الاخ العزيز محب
كل عام وانت بالف خير
انا اتكلم فى السياسه والفكر والفن والرياضه والثقافه
ويهمنى جدا ان اعرف اخبار راويه وفرح حنينه بى خالد ويهمنى جدا ان اعرف الى اين وصلت صحة عاصم وماذا اهدى تمبس لهاله وماذا فعلت يمنى فى الامتحان وهل تماضر خرجت من داثرة الزهج وهل ودفاسم متغدى بى باميه ولا بى فسيخ ولازم احى اى زول جديد ولو فى طريقه اعمل ليه حفله ولازم اواصل وانقل تعازى لكل من فقد عزيز لديه.واتمنى ان اقرأ
لاى زول عن قصة حياتو ولازم يكون فى ناس فى البورد جمعت بينهم احاسيس جميله من حقهم يتاهادوا ويخصصوا مابينهم يكتب ليها وتكتب ليهو ويثمر البينهم ونحن ندعمن بشدة ونتابع اخبارهم جوه وبره
عزيرى
هى ليست شمارات هى حميميه ندعوا لها داخل حوش واحد
اظن هكذا قصد سيد الحوش العزيز بكرى.
صدقنى يا اخى محب حينما اقعد قدام الجهاز وافتح سودانيز اون لاين اول حاجه بعملها بشوف القاعدين منو وبعدها يمتلكنى احساس حقيقى انا معاى ناس لاتفصل بينى وبنهم اى مسافه قاعدين فى اوضه واحده ليست اغراب على تربطنى بهم اشياء كثيره تهمنى جدا معرفة اخبارهم وبتفصيل الدقبق .
البورد يامحب حبيبى اصبح فينا كائن حى له روح والروح تروح وتتواصل وتتآلف.
| |
|
|
|
|
|
|
|
|
|
Re: ظاهره في المنبر. (Re: ghariba)
|
احبائي لقد عدت لكي ارد علي تعقيباتكم. اولا شكري الجزيل ارسله لك من نقر علي الكيبورد رادا علي ملاحظتي واحب ان اضيف ان درسكم لي كان رائعا فالشكر الجزيل. من الناحيه الاخري احب ان اؤكد ان مقصدي كان ولازال ابداء ملاحظه نحو ظاهره (ظننت انها غير زو جدوي) ولكن رد بعضكم لي كان شافيا وديا يحكي عظمه كل مشارك في هذا المنبر فلكم التحيه ولي قدام.
اعزروني ودعوني ان ابداء من الاسفل.
قرابي
كل عام وانت بخير و عقبال السنه المائه و لك خالص حبي .
اوتكاست
بدمي الغير هائج لك السلام وشكرا علي ابداء الملاحظه ومرحبا بك في اي وقت رادا علي .
محمد الشيخ
اخي , ردكم شافي وكافي وكما قلت لست هنا لكي اشتت الجمع فقط حسبت نفسي داع الي التواصل عبر الآليات الاخري المتاحه( الهاتف او الايميل), ولكن اخي بعد ردكم المقبول اقول ( انها لكم فلن اشاكس مره اخري فاعزروني علي الملاحظ الكثر) ولك التحيه .
ايهاب
لك كلمه واحد
لك الحب فخزه مني واعطيه لغيري , واعلم انك فاعل.
خالد الحاج
اصابت كلماتكم موضع حسن عندي فلك التحيه .
ابوقوته
صحيحه كانت كلماتك وشكرا علي الايضاح ونعم مزيد من المحبه مطلوبه. اما عن صاحب الفول والله ماادري من هو ولكن اعجبني منظر تلك اللوحه التي تتكرر في كل زاويه في بلدنا الحبييب السودان , الا تتفق معي ؟
راويه
مرحبا بك في كل الاوقات هذا صوتي فضميه لقائمه المنتخبين المضمونيين.
قارجا
جدا.
راني
صاحب الرد الشافي . كانت نقاطك واضحه ومفهومه لك التحيه
ان لي عمر سوفاعود لاحقا ..
| |
|
|
|
|
|
|
|
|
 Re: ظاهره في المنبر. (Re: Muhib)
|
الاخ محب
لك مني وردة محبة
انت راقي يا صديقي محب لو احدهم مكانك ، مثلا انا ، لرأي هولاء الاخوة هجمات مضادة
شرسة لا فائدة منها غير اضاعة وقت الجميع، اشكرك اخي علي هذا الدرس المجاني وهذا التواضع.
والله معاك
مع كل الحب والود 
| |
|
|
|
|
|
|
|
|
 Re: ظاهره في المنبر. (Re: Outcast)
|
عزرا عزيزتي راوية
ان كانت الاشياء لازالت تتساقط سهوا من ذاكرتى الخربة
واسي برضو
Don't worry about a thing
because ey'ry little thing
gonna be alright
......
?alright
......
ايهاب
التسلم لينا شفافيتكـ ياغالي
مع فائق ودى
المحب محــب
لك عظيم الشكر
لروح التسامح والاستيعاب المصنقر في كراسي زواتكـ الجوانية.
*
*
وايه الدنيا غير لمة ناس في خير او ساعة حزن...........????
ودى
ود السمانى
| |
|
|
|
|
|
|
|
|
|
Re: ظاهره في المنبر. (Re: mohamed elshiekh)
|
احبائي
اعود مره اخري ويستمر مسلسل الحب ا لاخوي بيننا
الاخ اسعد ابراهيم
لك التحيه واسف ان سقط اسمك سهوا من قائما من رددت اليهم سالفا , وبالمناسبه انا الي اخذت الدرس , فهل اقوي علي مقارعه ردود الاخوه والاخوات هنا؟؟ والله حجتهم قويه واذابت كل الجليد حولي وانا راض وسعيد ولي قدام
اوتكاست
فاهمك صاح يا حبيب وعزرا ان اعطيتك الاحساس اني فهمتك بشكل خاطئ فلك العتبي حتي ترضي وشكرا لك ان رائيت حديثي راق ووجد قبولا وموافقه عندك . اخوك في كل الاوقات محب
راني
شكرا قليله لكي ارسلها لك , عزيزي من اين لك هذا الحديث العزب فقد اخذت كل مفرده جميله وعزفتها لي. لازلت ارقص طربا وكل ما املك ان اقول (شكرا) واعلم انها لاتفي ,ورغم تقبلها مني عزيزي . محب لكم دوما
محمد الشيخ
والتحيات الطيبات موصولات اليكم ..
محب .
| |
|
|
|
|
|
|
| |
Muhib
Bashasha
ASAAD IBRAHIM
rani
garjah
Rawia
abuguta
ايهاب
mohamed elshiekh
Outcast
ghariba
فيس بوك
تويتر
انستقرام
يوتيوب
بنتيريست