كتب الكاتب الفاتح جبرا المتوفرة بمعرض الدوحة
|
|
 يوماً ..... ما
|
تنوية:
اتمنى ان لا تصنف مادة هذا البوست كمادة دعائية او اعلانية.
و ان صنفت كمادة دعائية او اعلانية؛ فاتمنى ان اجد من يتوسط لدي
عندما يحين وقت العقاب و تنفيذ المواد القانونية؛
و ان تجدوا لي مخرجاً حينها؛
و لو بالواسطة.
|
|
 
|
|
|
|
|
|
|
|
Re: يوماً ..... ما (Re: Hussein Mallasi)
|
قبال اسبوعين؛ قريت في الجريدة؛ انو فرقة ساورا طلّعت شريط جديد؛
اسمو " يوماً .... ما " و انو شريط ظريف و انو أغنية " يوماً .... ما "
تأليف محمد عبدالخالق و تلحين طارق ابوعبيدة.
المهم طوالي مشيت امدرمان؛ المحلات الورا السينما؛
طبعاً اي دكان ورا السينما بقى شركة انتاج اشرطة كاسيت.
اول دكان كا بتاع واحد هندي كدا؛
سألتو: عندك يوماً ... ما .
عاين لي باستغراب؛ و قال لي مافي.
الشركة التانية كانت شركة كابلي؛ سألتا الشباب:
يا اخوانا عندكم شريط ساورا الجديد بتاع يوماً .... ما؟
رد المعلم؛ لا ابداً؛ ما سمعنا بيهو حتى.
و بينما انا متشاغل بالنظر في الاشرطة التي لديهم
سمعتا حوار جانبي بين المعلم و احد العاملين بيقول ليهو:
انتا ساورا عندها شريط جديد؛ قال ليهو ايوا؛ سألو انتاج منو؛
قال ليهو انتاج ناس السناري.
مرقتا؛ و مشيت للدكان التالت؛ طلع ياهو ذاتو شركة السناري.
| |
|
|
|
|
|
|
|
|
|
Re: يوماً ..... ما (Re: Hussein Mallasi)
|
ارجح ان يكون محمد عبدالخالق؛
هو صديق عادل عبدالعاطي الذي حدثنا عنه كثيراً؛
و شقيق زميلتنا في البورد الاخت الهام ( ام جعفر)
و ارجح ان يكون طارق ابو عبيدة هو طارق ابو عبيدة.
| |
|
|
|
|
|
|
|
|
|
Re: يوماً ..... ما (Re: Hussein Mallasi)
|
اها ناس السناري قالوا لي؛ ايوا كيف؛
طبعاً عندنا الشريط.
و حينها يبدو انني لم استطع ان اكتم سروري؛
لانو الزول قال لي:
و الله فعلاً شريط سمح ....
فأجبته - في سري - سمح و لا ما سمح؛
برضو حأشتريهو.
| |
|
|
|
|
|
|
|
|
|
Re: يوماً ..... ما (Re: Hussein Mallasi)
|
غايتو لو كان كتر معاي و قال لي صاحبك من وين؛
و قلتا ليهو صاحبي من سودانيز اون لاين؛
كان استغرب زي الهندي الاولاني داك.
و طبعاً الناس الماجربت خوة سودانيز اون لاين ما بتقدر
تعرف و لا تقدر الحكاية دي.
بس الحمد لله ما كتر .....
| |
|
|
|
|
|
|
|
|
|
Re: يوماً ..... ما (Re: Hussein Mallasi)
|
Quote: و طبعاً الناس الماجربت خوة سودانيز اون لاين ما بتقدر
تعرف و لا تقدر الحكاية دي. |
خوتك بنعرفها يا ملاسي في عدد الكاسيتات الإشتريتها.
العنوان في بريدك الخاص
| |
|
|
|
|
|
|
|
|
|
Re: يوماً ..... ما (Re: jini)
|
لو البايع كان كانتونا يا جني؛
كنتا رهنتا الساعة و الحزام؛ و اضفتهم لما عندي؛
لشراء اكبر كمية من الاشرطة.
يا زول صاحبك دا الله ما يرمي زول في مدى يسراهو.
______
ما شاء الله تبارك الله
| |
|
|
|
|
|
|
|
|
 Re: يوماً ..... ما (Re: 3mk-Tango)
|
ملاسي
خدر صحبك ده مع الجماعة ديل
| Quote: الناس الماجربت خوة سودانيز اون لاين ما بتقدر |
وكان كده خدر إلا يرسل لي شريطو ده... إن شاء الله بالإيميل.. عشان خوة www.sudaneseonline.com
قلنا مبروك...
ليوماً.... لا.. يريكم إلا الفرح...
يوماً... ما..
| |
|
|
|
|
|
|
|
|
|
Re: يوماً ..... ما (Re: A.Razek Althalib)
|
| Quote: وكان كده خدر إلا يرسل لي شريطو ده... |
كدي خلينا في الاول نسألو يا عبدالرازق؛
و لو هو ذاتو ما عندو؛ نرسل ليهو واحد؛
يمضي لينا فيهو و يرجعو.
و بعد داك نشوف نرسل ليهو واحد تاني هدية و لا ما نرسل.
| |
|
|
|
|
|
|
|
|
|
Re: يوماً ..... ما (Re: Hussein Mallasi)
|
على ذكر شركات الانتاج و المحلات المتخصصة في بيع
شرايط الكاسيت؛ خلوني احكي ليكم الحكاية دي:
مرة قبل شهر و شوية؛ جابو في تلفزيون النيل الازرق؛
اقصد قناة النيل الازرق؛ لقاء مع الفنان حمزة سليمان؛
كان لقاء خيالي؛ و غنى فيهو حمزة اغاني خيالية؛
و كان كل ما يجي زول ماشي و انا بتفرج؛ اناديهو؛
و اقول ليهو : بالمناسبة حمزة دا صاحبنا
و بيكتب معانا في البورد.
المهم بعد مشاهدتي للحلقة امتلأت طرباً؛
و من فوري توجهت للمحلات اياها الورا السينما.
المهم في الموضوع؛ اول دكان - شركة - دخلتو سألتهم:
يا اخوانا عندكم شريط لحمزة سليمان.
قام واحد اطرش كدا سألني: هو في فنان اسمو حمزة سليمان
قلت ليهو و انا اميز من الغيظ:
نفترض انك ما بتقرا سودانيز اون لاين و دا مؤكد؛
و نفترض انك ما بتشوف تلفزيون النيل الازرق و دا احتمال ضعيف؛
ما معقول ياخي ما تكون سمعتا بي فرقة عقد الجلاد في الفترة التي
تلت عهدها الذهبي؛ او عهدي - انا - الذهبي كمستمع متابع لعقد الجلاد.
| |
|
|
|
|
|
|
|
|
|
Re: يوماً ..... ما (Re: Hussein Mallasi)
|
وفى جهرك اجبته كيف؟؟
طبعا مستلفة طريقتك فى دخول البوسات يا معلم...
والبادى اظلم..
لكن الجابنى حقيقة ...حسة الشريط ده نلقاه كيف ...نحن كهاربين من الوطن ومحتميين بالعواصم الامبريالية؟
و ياااااااا للفداحة
| |
|
|
|
|
|
|
|
|
|
Re: يوماً ..... ما (Re: Tumadir)
|
_________
الشريط دا هدية مني ليكي؛
ما عليكي الا انك تمشي لناس ادم؛
و تقطعي تذكرة للسودان؛
و اي عدد من النسخ انا مستعد يا تماضر.
| |
|
|
|
|
|
|
|
|
|
Re: يوماً ..... ما (Re: Hussein Mallasi)
|
اها؛ اول ما اشتريت الشريط طوالي فكيتو؛
و قعدتا اقرا في اسماء الاغاني و السماء الملحنين؛
عشان اطمئن انو اسم طارق ابوعبيدة موجود.
اغرب حاجة لقيت انو اغنية "يوماً .... ما" و على الرغم
من كونها عنوان الشريط؛ الا انها موجودة في الوجه التاني؛
و ليس الاول.
طبعاً استغربتا؛ و لحسن الحظ انو الدكان يا هو ذاتو الشركة
المنتجة؛ قمتا سألتا الزول المسؤول و قلتا ليهو:
ياخي ما دام اسم الشريط "يوما ..... ما" ليه ما ختيتو
الاغنية دي كأول اغنية على الوجه الاول؟
قال لي كلام كدا ما مقنع؛ غايتو القدرتا افهمو انو طول الاغاني
هو الخلاهم يرتبوا الاغنيات بالشكل دا.
طيب ما يرتبوها بنفس الترتيب بس الوش التاني يجيبوهو بالاول.
المهم؛ طبعاً ما حبيت اكتر معاهو يقوم يقول لي يا زول ما دايرين نبيع ليك؛
و اخد خازوق؛ قصرتا الكلام و شلتا الشريط و مرقتا.
| |
|
|
|
|
|
|
|
|
|
Re: يوماً ..... ما (Re: Hussein Mallasi)
|
شكرا ملاسى
على الاعلان الجميل
للذهاب خلف السينما
وحليل السينما
وشكرا مرة اخرى
للشريط
غالبا بكرة يكون عندىنسخة
وساحاول ان اسمعه 1500مرة
عشان موضوع الرقم القياسى وكده
سلام
| |
|
|
|
|
|
|
|
|
|
Re: يوماً ..... ما (Re: Hussein Mallasi)
|
Quote: طيب عندكم هاجر كباشي.
قال لي: الله كيف؛ طبعاً.
قلت ليهو : طيب يا شاطر اديني بجي بجي. |
شاطر صحي صحي...
اوعا "صحي" دي تتفهم غلط زي بتاعت سبيل... وتنهال السباب الجندرية علينا
| |
|
|
|
|
|
|
| |
Hussein Mallasi
إسماعيل التاج
jini
A.Razek Althalib
Tumadir
عصام عبد الحفيظ
Walid Safwat
فيس بوك
تويتر
انستقرام
يوتيوب
بنتيريست