|
|
 عاجل جداً جداً من الخرطوم!!
|
افادني مصدري - الذي اتحفظ عن ذكر اسمه -
ان سعر الطماطم قد بلغ الخمسة الف جنية
بسوق الخضار بالخرطوم بحري.
و سأوافيكم بالتفاصيل فور ورودها من مصدري؛
و ان لم اوافيكم بالمزيد من التفاصيل؛ فاعلموا
انني قد راهنت على ضعف ذاكرتكم.
|
|
 
|
|
|
|
|
|
|
|
Re: السلق الصحفي ... (Re: Hussein Mallasi)
|
الحسين سلامات ومودة
كنت قبل نحو ثلاثة اعوام في العاصمة الاردنية عمان
وكانت حينها تكاد تموت من العطش
حتي " اخذ دش" بالدور
وتم تفريغ احواض السباحة
وكل الاعلام يتحدث عن مشكلة ندرة المياه
ومن عمان طرت الي الي الخرطوم
وكان وقتها سعر كيلو الطماطم
5 الف جنيه!!
وفي نفس الوقت سعر الكيلو في لندن اغلي عواصم العالم يساوي ما قيمته وقتها 1250 جنيه سوداني!!
وازداد حيرتي عندما علمت ان الطماطم مستورد من الاردن
وعندها تخيلت نهر النيل وفروعه والخيران وغيرها من مصادر المياه في وطني
مقارنه بعطش الاردن وتهافت الارادنة علي المياه.. وترضو يصدروا لنا طماطم!!
والغريبة ان الثوم يستورد من الصين
والفول من البرازيل ..( يا حليلك يابيليه وشواطين وسانتوس والهلال)
في زمن نأكل مما نزرع
حتي الزيت اصبح اولين مستوردا من اندونيسيا
وغدا عجور من مصر وجرجير من ماليزيا
وطحنية من سنغافورة
بالمناسبة السوق مليان بحنية حلاوني السعودية
واللبنانية
والجتنة من كل ارجاء العالم
يابلد الثروة الحيوانية
والله حكاية تغيظ
وتحرق الحشا كما تقول حبوبتي الله يرحمها
وهي كانت بنفسها تزرع التوم والفول والشمار والبطيخ.. في حوض السليم
بعد سفر بالحمار من مشرق الشمس الي مغربها!!
| |
|
|
|
|
|
|
|
|
|
Re: عاجل جداً جداً من الخرطوم!! (Re: Hussein Mallasi)
|
حسين
أصدّقّك ،،، فقبل ثلاث سنوات مررت بسوق الخضار بأم درمان وقلت أشتري طماطم ،، وسألت الرجل فقال لي أن الكيلو بستة ألف جنيه ،،، وكنت أقف أمامه وأنا أسمع أحد بائعي اللحمة من الزنك الآخر ينادي ويقول :
العجالي بي خمسة ،،،
قلت لبائع الطماطم ألا تسمع نداء ذاك الرجل ؟
قال لي : نعم أسمعه ولكنه يبيع لحما ،،
قلت : كم من الأشخاص يمكن أن يتغدى على كيلو من اللحم وكم منهم يمكن أن يتغدوا على كيلو من الطماطم ؟
قال : والله لو بتفكر كده ما حا تاكل طماطم ،،،
قلت له لا سآكلها لأني بعد يومين فقط سأكون بالسعودية ، تلك البلاد القاسية التربة ، النادرة المياه ، لكن سعر الطماطم فيها يتيح لي أكلها طول العام ،،،
غضب الرجل من حواري معه ، واعتبرني محرضا للزبائن ، وكاد يدخل معي في مضاربة ..
وكانت ابنتي ترافقني في هذا المشوار ،، وأقسمت أنها لن ترافقني مرة أخرى في أي من اسواق السودان ...
حتى لو أن السودان يستورد الطماطم فسيكون سعرها أقل من ذلك ... فسعر الطماطم في السعودية مثلا لا يمكن أن يتعدى 4 ريالات في أغلى المواسم ، وهي مبلغ يقل عن 3 ألف جنيه
| |
|
|
|
|
|
|
|
|
|
Re: عاجل جداً جداً من الخرطوم!! (Re: Hussein Mallasi)
|
تعرف يا ودقاسم؛
في الجماعة القاعدين يبيعو البطيخ في الشارع؛
مرة كنتا ماشي و شفتا واحد منهم و هو رافع ايدو و يشير
باصابعة الخمسة ما يعني ان البطيخة ب 5 الف.
اها مشيت ليهو و عزلتا لي بطيخة؛ و سألتو:
اها البطيخة دي بي كم ( تذكرت قبل اجابته اشارته الخماسية تلك)
قال لي: بي 12 الف بس.
 
و عندما تركتها بدأ في التخفيض:
شيلها بي 10 ..... 8 .... 7 .... خلاص بي 5 ... طيب جيب اربعة.
| |
|
|
|
|
|
|
|
|
|
Re: عاجل جداً جداً من الخرطوم!! (Re: Hussein Mallasi)
|
مرة مريت بي واحد تاني و شلتا لي بطيخة و سألتو:
- دي بي كم!
قال لي بي 12؛ قلت ليهو كتيرة.
قال لي دايرا بي كم؛ قلت ليهو بي 5 الف.
اجابني: لو البطيخ دا كلو جات شالتو حكمات* ما ببيعا ليك بي 5.
* حكمات هي معتمد الخرطوم.
| |
|
|
|
|
|
|
|
|
|
Re: عاجل جداً جداً من الخرطوم!! (Re: Hussein Mallasi)
|
مرة تانية مشيت اشتري ملوخية؛
المهم شلتا لي 4 ربطات ملوخية؛ و سألت البائع؛
اها الملوخية بتبيها بي كم؟
رد و قال بي 1500 جنيه.
حسبتها سريعا و وجدت ان الاربعة ربطات بي 6000 الف.
و لما كنت متيقناً من ان هنالك هامشاً للمفاصلة؛ فقد
عاجلت البائع بقولي:
بديك 5 الف بس.
الا انني اندهشت لاصرارة الشديد على حكاية ال 1500 دي.
فقلت له يا زول انت ما داير تبايع مالك.
ثم خطر لي خاطر مدهش؛ و هو ان البائع انما يقصد 1500
للاربع ربط .....
و فعلاً كان ذلك الخاطر هو الصحيح ....
| |
|
|
|
|
|
|
|
|
|
Re: عاجل جداً جداً من الخرطوم!! (Re: Hussein Mallasi)
|
سلامات يا احمد علاء الدين؛
Quote: 00هل الصحافة حرفة أم هواية بربقندة أم علاقات
بأصحاب النفوذوالملتميدياأم مزيج من هذا الكم |
الصحافة مطالعة لجريدتي الرأي العام و الصحافة يومياً؛
و الاضواء كل يوم ثلاثاء؛ و الحياة ( بتاعت ناس الخازن و سمعان)
عندما كان الحصول عليها متيسراً.
بالاضافة للاطلاع على كتابات كبار صحفيي البورد.
| |
|
|
|
|
|
|
|
|
|
Re: عاجل جداً جداً من الخرطوم!! (Re: أحمد علاء الدين)
|
سلامات يا فخر الدين؛
Quote: وفي نفس الوقت سعر الكيلو في لندن اغلي عواصم
العالم يساوي ما قيمته وقتها 1250 جنيه سوداني!! |
كلامك دا ذكرني اسعار الاراضي في الخرطوم؛
اها باستعمال نفس النسبة دي ممكن نقارن بين
سعر الارض في الخرطوم و لندن و تدي ربك العجب.
| |
|
|
|
|
|
|
|
|
|
Re: عاجل جداً جداً من الخرطوم!! (Re: Hussein Mallasi)
|
سلامات يا احمد؛
Quote: وما عارف ليه ماذكرت ولا واحدة من مطبوعاتنا
و اقصد مطبوعات المجموعة السعودية للابحاث
و التسويق (جريدة الشرق الاوسط وشقيقاتهامن المطبوعات) |
لو لم تصرح بانها مطبوعاتكم؛ لكنت قد
اخذت راحتي - في الحديث عنها - على الاخر.
| |
|
|
|
|
|
|
|
|
|
Re: عاجل جداً جداً من الخرطوم!! (Re: Hussein Mallasi)
|
عزيزى الاستاذ ملاسي 00 والله متمنين نقابلك ونتعرف بيك أكثر من قريب -- عموماخد راحتك بالكامل و انا اتذكر مرة فى منتصف التسعينات شيخنا الكبير (فى الوقت داك )الدكتور حسن شبه الشرق الاوسط بخضراء الدمن وهى المرأة الحسناء فى منبت السوء والعياذبالله ونسأل الله لنا ولكم العافيه والله المستعان .
| |
|
|
|
|
|
|
|
|
|
Re: عاجل جداً جداً من الخرطوم!! (Re: Ali Alhalawi)
|
الأخ / حسين
لك التحية
كعادتي لا أتوب كل سنة أحجز وأسافر على السودانية (بالرغم من تكرار تخلف عفشي) ، حينما توجهت لشارع الستين بالملز (الرياض) قاصداً المبنى الذي يضم مكتب الخطوط السودانية فوجئت برحليهم لموقع آخر ، وحينما تحركت للمكاتب المجاورة حتى أسأل من يعرف الموقع الجديد ، وجدت صدفة شخصين أعرفهما وبعد السلام وتحية السودانيين ، دلني أحدهم الموقع الجديد بشارع الأربعين في نفس منطقة الملز ، إذا أنا لست ببعيد
وتوجهت شمالاً ومن ثم شرقاً حتى وجدت مكتب السودانية ، المهم انتظرت دوري وعملت الحجز اللازم وقبل إصدار التذاكر ، دخل علينا صلاة الظهر وحيث هناك مسجد بجوار المكتب أديت صلاة الظهر وأنا خارج من المسجد ، وجدت أحد الباعة بسيارته يبيع الخضروات وقد التف حوله جموع المصلين للشراء ، أقتربت حتى أرى المعروض ، وإذ بطماطم أحمر يعجب قلبك مرصوص داخل كراتين الفلين والمحتوي حوالي 5 كيلو
تخيل خمسة كيلو بخمسة ريالات وكمان من أجود الأنواع وبعد ده كلو مستورد من سوريا.
يعني الكيلو = 680 جنيه
يابلاش
| |
|
|
|
|
|
|
|
|
|
Re: عاجل جداً جداً من الخرطوم!! (Re: ولياب)
|
والله يا حسين لو عارف الحكاية دي فيها سبق صحفي كان جبت ليك صفيحة طماطم من السوق المركزي..
تعرف في واحد في سوق الشجرة هارينا هري بي حكاية الطماطم دي .. تجي العربية تكورك بي الفين الكيلو تمشي تلقاها عندو بي (3) ولما العربية ما تكورك تعرف انو الكيلو بي 4 أو 5 في السوق وآخر مرة جبت فيها طماطم قبل يومين كانت حاجة تخجل تشيلها في يدك.. شكلها تعبان ..ولونها اصفر ..والزول مُصر انو الكيلو بي 4 الف ..وقدر ما تلف في السوق ما تلقا طماطم احسن منها ..؟
حاجة كدا دايرة جريدة الدار
| |
|
|
|
|
|
|
|
|
|
Re: عاجل جداً جداً من الخرطوم!! (Re: عادل فضل المولى)
|
سلامات يا عادل؛
Quote: والله يا حسين لو عارف الحكاية دي فيها سبق صحفي
كان جبت ليك صفيحة طماطم من السوق المركزي.. |
السوق المركزي ذاتو ما منو فايدة؛
الاسبوع الفات لقيت انو دستة المنقا - الممتازة - ارخص
من كيلو الطماطم المتوسطة!!
| |
|
|
|
|
|
|
|
|
|
Re: عاجل جداً جداً من الخرطوم!! (Re: luai)
|
سلامات يا لؤي؛
لعلك لم تلاحظ:
Quote: سأترك مصدري و اخباره - مؤقتاً - و ساتونس
قليلاً مع ود قاسم عن البيع و الشراء باسواق
الخضار. |
فمعين مصدري لا ينضب؛ و ممكن بمكالمة قصيرة من جواله؛
او حتى رسالة مختصرة؛ ان يردمنا بأخبار لا في السما لا في الو ا ط ة.
فقط انتظر حتى يشحن هاتفه بكرت العشرة الف جنية.
| |
|
|
|
|
|
|
|
|
|
Re: عاجل جداً جداً من الخرطوم!! (Re: Hussein Mallasi)
|
هاتفت مصدري قبل قليل استحثه على ان يمدني
بالاخبار - اي اخبار - الا انه اعتذر؛ و ذكر
لي بأن كل الاخبار عادية.
لم يرق لي الامر؛ فطلبت منه ان يشحذ ذهنه و اقترحت عليه
ان يقرأ صحف اليوم عسى ان يستطيع فبركة اي اخبار منها.
وعدني خيراً و اقفل الخط ......
على الرغم من كوني المبادر بالاتصال الهاتفي !!
| |
|
|
|
|
|
|
|
|
|
Re: عاجل جداً جداً من الخرطوم!! (Re: jini)
|
عزيزي الملا ( سي)
تفتكر ماري انطوانيت كانت حتنصح الشعب السوداني يأكل ايه بدل الطماطم؟هل أفادك مصدرك ببدائلهاالراقيةالأرستقراطية؟على الأقل كان ناكل شي في الخيال.
انت كتبت هنا
| Quote: ان سعر الطماطم قد بلغ الخمسة الف جنية |
خمسة آلاف جنية واللا عفريت؟
ايه رايك ما اتعلمت منك ؟
| |
|
|
|
|
|
|
|
|
|
Re: عاجل جداً جداً من الخرطوم!! (Re: jini)
|
سلامات يا جني؛
Quote: لو سمعت يوما بأنك عضضت لسانك فسوف
أوقن تماما بأنها محاولة انتحار ناجحة 100% |
ان كان كذلك يا جني؛ فالراجح انك تكتب الان
من انترنت كافيه مواجه للرويس؛ الفيصلية او امنا حوا*.
* فقط لمن له معرفة جيدة بجدة .
| |
|
|
|
|
|
|
|
|
|
Re: عاجل جداً جداً من الخرطوم!! (Re: Hussein Mallasi)
|
حسين
يعنى اللى عنده طماطم يدسو من ست أم فتفت
وبعدين مالك ما باركت لإبنى صالح صديق صالح ضرار
النجاح فى بوست منفصل
وهو جاب 89.9 % المساق العلمى ( الحاسوب )
ومنتظر هديته من إبن أستاذ ابيه الفاضل ( أستاذ أبيه )
صديق ضرار
| |
|
|
|
|
|
|
|
|
|
Re: عاجل جداً جداً من الخرطوم!! (Re: Hussein Mallasi)
|
حسين
يعنى اللى عنده طماطم يدسو من ست أم فتفت
وبعدين مالك ما باركت لإبنى صالح صديق صالح ضرار
النجاح فى بوست منفصل
وهو جاب 89.9 % المساق العلمى ( الحاسوب )
ومنتظر هديته من إبن أستاذ ابيه الفاضل ( أستاذ أبيه )
صديق ضرار
| |
|
|
|
|
|
|
|
|
|
Re: عاجل جداً جداً من الخرطوم!! (Re: siddieg derar)
|
افادني مصدري قبل قليل؛ بانه ان استطاعت طيرة
ان ترك في مطار الخرطوم النهاردة؛ تكون بالغت.
و اضاف - مصدري - من مكان ما بالخرطوم؛ ان التراب
الذي يلبد اجواء الخرطوم؛ احاله و ساكنيها الى ما يشبة
راكبي - طيبة الذكر - القطارات بعد عبورها للنمر.
| |
|
|
|
|
|
|
|
|
|
Re: عاجل جداً جداً من الخرطوم!! (Re: Hussein Mallasi)
|
يبدو أن كاميرا مصدركم الفي الخرطوم ( نظيفة) أكثر من اللازم ( ماشاء الله )
لأن الغبار الموجود في الخرطوم أسوأ بكثير مما هو عليه في الصورة
وعليه فإننا نطالب مصدركم (الفي الخرطوم) أن يوسخ كميرتو بما يتناسب وهول الغبار .
| |
|
|
|
|
|
|
|
|
|
Re: عاجل جداً جداً من الخرطوم!! (Re: Hussein Mallasi)
|
سلامات يا بشرى؛
| Quote: تفتكر ماري انطوانيت كانت حتنصح الشعب السوداني يأكل ايه بدل الطماطم؟ |
ياكل بعضو طبعاً.
Quote:
انت كتبت هنا
| Quote: ان سعر الطماطم قد بلغ الخمسة الف جنية |
خمسة آلاف جنية واللا عفريت؟
ايه رايك ما اتعلمت منك ؟ |
مش 100% لانك لم تلاحظ:
| Quote: حسبتها سريعا و وجدت ان الاربعة ربطات بي 6000 الف |
| |
|
|
|
|
|
|
|
|
|
Re: عاجل جداً جداً من الخرطوم!! (Re: Hussein Mallasi)
|
سلامات يا احمد؛
Quote: عموماخد راحتك بالكامل و انا اتذكر مرة فى منتصف التسعينات
شيخنا الكبير (فى الوقت داك )الدكتور حسن شبه الشرق الاوسط بخضراء الدمن |
و انا ايضاً اتذكر بانني قد سمعت هذا التشبيه من
العديد من ائمة المساجد في مدينة جدة.
و لكن ليس للامر علاقة ما كان يقوله الشيخ حسن او ما يردده
الائمة - انتقلت الحملة الان على الوطن و تسمى الوثن و جريدة عكاظ -
و لكن للامر علاقة باستهانة الجريدة بقرائها؛ و من الامثلة على ذلك
ان تقرأ خبراً ما في الصفحة الاولى ثم تقرأ ان تتممته في الداخل
- صفحة 4 على ما اذكر - لتفاجأ بأن الخبر مكتوب في صفحة 4 من بدايته.
| |
|
|
|
|
|
|
|
|
|
Re: عاجل جداً جداً من الخرطوم!! (Re: Hussein Mallasi)
|
هذا بالاضافة الى انو المنافسة بينها
و بين الحياة لم تكن في صالحهاو ذلك حتى العام
الماضي؛ لانني سمعت ان الحياة اصبحت في النازل
و الشرق الاوسط اصبحت في الطالع؛ و بالتأكيد
لهامش الحريات اثر كبير في الامر.
| |
|
|
|
|
|
|
|
|
|
Re: عشان تعرفونا بس. (Re: Hussein Mallasi)
|
فقد كتب الحاج وراق في عموده المقروء مسارب الضي؛
المنشور في صحيفة الصحافة الصادرة صباح اليوم 27 يوليو
تحت عنوان الاولوية القصوى الان :
عوائد النفط على موائد العاملين و الفقراء
ارتفع سعر كيلو الطماطم الى اكثر من 7 الاف جنيه!
و الطماطم مع الدكوة تمثل اخر الاسوار التي يتحصن بها الفقراء؛
اذ وصلت اسعارها الان الى ما يقارب سعر اللحوم؛
فيبدو ان اخر الحصون قد تم احتلالها!
الى آخر المقال.
و الرابط بعد صدور العدد الكترونياً.
| |
|
|
|
|
|
|
| |
Hussein Mallasi
فخرالدين عوض حسن
هاشم نوريت
ودقاسم
mamkouna
ولياب
عادل فضل المولى
waleedi399
Osman M Salih
luai
jini
Bushra Elfadil
banadieha
ياسر مكاوي
فيس بوك
تويتر
انستقرام
يوتيوب
بنتيريست