*** مواقف وطرائف ,,, لما رجعوني من بيت البكاء مرتين ***

كسلا الوريفة يحاصرها الموت
الوضع في كسلا يحتاج وقفتنا
مواطنة من كسلا توضح حقيقة الوضع في المدينة و اسباب وباء الشكنغونيا حمي الكنكشة - فيديو
منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 24-09-2018, 11:21 AM الصفحة الرئيسية

مكتبة الشاعرة اسماء الجنيد(soma)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
19-10-2012, 09:48 PM

اسماء الجنيد
<aاسماء الجنيد
تاريخ التسجيل: 31-03-2010
مجموع المشاركات: 4730

للتواصل معنا

FaceBook
تويتر Twitter
YouTube


*** مواقف وطرائف ,,, لما رجعوني من بيت البكاء مرتين ***

    سلام يا الحبان
    حوش بكري فاير فوران عدوكم ,, اها قلنا نغير الموجة ونرجعكم لي قصص واقعية ومواقف حصلت لي كل زول فيكم
    تعالوا انبهلوا بي جاي كلكم من طرف جــــت عليكم
    ناس القصص والحكاوي
    ود المدير
    ود الجنيد
    ودالموج
    ود اب حراز
    ود اب زهانة لوولز السمبرية عارف روحو
    ود البشاري
    ود البوش سيد الحوش
    ود اللذينة برضو عارف روحو لووولز
    ود جبرين المسخوت وهو زاتو سبب فتح البوست ده
    والأعداء الألداء من فريق المريخ الكسيح
    ابو حسين ومن لف عمتهم
    والقائمة تطول وما بتقصر
    حبيباتي
    سامية
    مهوية
    امونة بت مختار
    وامونة بت عيسى
    وامونة بت العجب
    وباقي الحبيبات والحبان بدون فرز يا جماعة
    الخرف حصل والأسامي طشت مع شبكة العينين والله صحي
    اها النحكي ليكم القصة البدت في حيطة طارق ود جبريل , النعمنو طراني ليها بي محنو البسوي فيها بي غادي
    اها يوم جيت من السفر نصة نهار وطيران على الحلة وصلنا مع المغارب وقبال السلام
    اتشالبني امي وخالاتي أمشي عزي فلانة وعزي فلان
    وامي وحاتكم لقيتها كاتبة كشف عديييل ,, والله صحي
    كشف متل ختة العرس , والعجب الفروع بت فلانة وبت خالتها في الفريق الورا
    وبت اخت الميت وجارتها لأنه واجعها الميت بالحيل
    وبت عمتو الكانت مربياهو وود اختها وريثو الوحيد ,, اها لقيت روحي بدخل الجنيد جــــــــــــــــت من طرف
    قلت صباحات الله بيضاء
    شمرت لي خالتا كدي خواااااااااااافة من لسان الحريم ووقفت ألف أحمر علا في ليلي ده امشي اعزي ,
    قلت ليها راسى لاااااااااااااافي من طيارة الجن دي ,
    قالت لي لا اتيمنت ما بتصبحي لي الصباح , اصلو بكا ناس عشة حااار يا سوما لازما ولا بد تمشي في ليلك ده
    ومسكتني بتها وقالت ليها إن ما تميتن الناس ديل ما تجن راجعات ,, لامن نحن مرقنا حتى خالتي طبت توبها ومشت بيتها ,,
    اها مرقنا لي بيت ناس البكاء
    مشيت تكشك ,, تكشك اتدبا بالبطارية معاي بت خالتي ,, اول ما قربنا لي بيت البكاء لاقانا راجل خالتي عشة زاتو في الزقاق يا حليلو ماشي صلاة العشا’
    ولع البطارية في عينينا لامن جهرنا ههههههههه قال لينا ديل منو البتحاومن مع العشا في الضلام ده؟ قالت ليه بت خالتي ، دي سوما جات قبل شوية من السفر ماشة عليكم تعزي في فلان,
    قال لي لا حولااااااااا الله يا بنيتي بي تعب سفرك ده جايباتنك في الليل ده عشان تعزي؟ اصلو الميت بدور يرجع في عقاب الليل ده ؟
    حرررم كان تصدي بي دربك لي اهلك, بي تعبك وفترك ده زولا واحد لايمك مافي,, حيرني الراجل يا حليلو ,, رجعت كلمت امي قالت لي شيلي شيلتك مع بناتو بكرة ؟
    قلت ليها بقول ليهم ابوكم حلف علي.. طبعا بت خالتي مشت كلمت امها في ليلها داك, بعد خلاص دايرين ننوم اشوف ليك خالتي جات مكركبة الباب وجارية علينا
    اخوي لذيييييذ قال لي سوما خالتك دي بتكون اتذكرت ليها زول ميت قبال يحفروا البحر وجاتك جاريةههههههه
    خالتي برا سلام طوالي قالت لي سوما صحي فلان رجعكن ؟؟ قلت ليها ايوا نعمل شنو حلف علينا ...
    قالت لي يحلفوا عليكن من مشي السوق قولي آمين هسي كان الحليفة دي من عرس ولا حفلة كنتن عزيتنها ؟ هههههههه ما كان كسرتن الحلف وجريتن,,
    باااااااااااكر إتي بتسافري وناس عشة بقعدني انا في نارا جمرها حي قلت ليها اها يا خالتي اعمل شنو ؟ قالت لي الهوا اسكتي ولا كلمة ما تقوليها وانا الليلة ما نايمة كلو كلو
    لامن الصبح يأذن تمشي قدامي لي بيت البكا,,وإنتي نوم ليك مافي ,,, قعدت لي في رأسي للصباح آذان الصبح الأول نهزتني ليك . قومي قدامي نمشي نعزي هسسسسه قبال الشمس تطلع
    امي قالت ليها والله ما بتمشن هسه تخلعن ناس البكاء يقولوا جاهم خبر جديد,,, هههههههههه !! اصبري شوية خلي الناس يصحو من نومهم ,
    والخالة تتململ التقول الجنازة برة ,,, بعد صلاة الصبح بي شوية وقبال طلوع الشمس طلعنا والدنيا لسه يا دوووووب خيط الصباح الأول ..
    اول ما قربنا نصل الباب اشوف ليكم عمنا الحاج زاتو جاي راجع من الجامع ههههههههههههه لما شافنا اتخلع تاني
    طبعا عرف القصة كلها قبل ليك على خالتي شكلة لامن هي زاتها آمنت يا ولية مالك على البنية ؟ والعوا وقفت ناس البكاء جونا برة ا من الكواريك
    لقوني ليك حالفين علي وطاردني تاني من قدام بيتهم ,,, أديتهم الفاتحة في الشارع ،الراجل حلف تاني ما ادخل كيتااااااااا في خالتي وخوفها من اللوم,,
    وقبل على ناس بيتو اداهم شكلة في صمة خشمهم قال ليهم بي سبب اللوم شوفوا تعبتوا الناس كيف؟؟
    لكن انا لي يوم باكر خالتي ماسكاها لي ,, خاصة وإني ضحكت فيها لما رجعنا البيت
    هي بتشاكل فيني وانا بقول ليهم زحوا دايرة انوم من السهر والفتر الحاصل علي ,, والله صحي ,,,

                   |Articles |News |مقالات |بيانات

19-10-2012, 10:41 PM

بثينة تروس
<aبثينة تروس
تاريخ التسجيل: 17-08-2012
مجموع المشاركات: 696

للتواصل معنا

FaceBook
تويتر Twitter
YouTube


Re: *** مواقف وطرائف ,,, لما رجعوني من بيت البكاء مرتين *** (Re: اسماء الجنيد)

    يا أسماء الجنيد
    الله يفرحك يا أخ انتى أجمل زول، جد جد ضحكت حتى سالت دموعى ،لكى ان تتخيلى ان تدخلى فرحه على أنسان لم يجمعك معه غير حرف لطيف وكلمة طيبة،واليك ولكل من ذكرتى من بورداب فى بوستك هذا:
                   |Articles |News |مقالات |بيانات

19-10-2012, 10:48 PM

حيدر حسن ميرغني

تاريخ التسجيل: 19-04-2005
مجموع المشاركات: 20142

للتواصل معنا

FaceBook
تويتر Twitter
YouTube


Re: *** مواقف وطرائف ,,, لما رجعوني من بيت البكاء مرتين *** (Re: بثينة تروس)

    سلامات أسماء
    ده الحكي ولاَ بلاش

    _
    شكرا بثينة على الفيديو
    قصي مجي سليم (عضو المنبر) ابدع في إلقاء القصيدة
                   |Articles |News |مقالات |بيانات

19-10-2012, 10:59 PM

الفاتح ميرغني
<aالفاتح ميرغني
تاريخ التسجيل: 01-03-2007
مجموع المشاركات: 7486

للتواصل معنا

FaceBook
تويتر Twitter
YouTube


Re: *** مواقف وطرائف ,,, لما رجعوني من بيت البكاء مرتين *** (Re: حيدر حسن ميرغني)

    لوووووووووووول يا سوما
    حمدا لله على سلامة النضمي السمح
    ضحكتيني شديد ياخ يضحك نهارك، يا قولة محسن خالد.

    محبتي
                   |Articles |News |مقالات |بيانات

19-10-2012, 11:08 PM

اسماء الجنيد
<aاسماء الجنيد
تاريخ التسجيل: 31-03-2010
مجموع المشاركات: 4730

للتواصل معنا

FaceBook
تويتر Twitter
YouTube


Re: *** مواقف وطرائف ,,, لما رجعوني من بيت البكاء مرتين *** (Re: الفاتح ميرغني)

    Quote:
    يا أسماء الجنيد
    الله يفرحك يا أخ انتى أجمل زول، جد جد ضحكت حتى سالت دموعى ،لكى ان تتخيلى ان تدخلى فرحه على أنسان لم يجمعك معه غير حرف لطيف وكلمة طيبة،
    واليك ولكل من ذكرتى من بورداب فى بوستك هذا:

    يا اللــــــــــه يا بثينة ,, يعلم الله طلتك زاتها حنييينة جنس محنة وسمحـــــــــــة ساي لي الله سيدها متل سماحتك دي
    تعرفي دميعاتي انا نزلن فرحة بيك وبي نيتك الصافية دي
    ولي الشرف اتعرف عليك عن قرب يا حنينة من بطن الأهل
    شكرا ماااااااااااارقة من الجوف على الإهداء الرائع ومن الزول الرائع قصي
    يا سلااااام يا بثينة والله
    تسلمي يا حبيبة وإن شاء الله يا يمة دائما فرحانة



    متاوقة
    النبي شفتي خالتي ما جابتو براها لي رقبتها ؟؟
    لووووووووولز اظرف شيء لي هسه صاراها لي صرة في دلقون
    وكل ما تجي مناسبة تقوم ليك على امي وبتها المشت معي ديك ههههههههه
    تقول ليهن السوتها فيني سوما نجار في خشبها ما سواها لوووولز
    ياخ ناس جميلين ياخ الله يديهم ويغرف منهم لينا
                   |Articles |News |مقالات |بيانات

19-10-2012, 11:17 PM

اسماء الجنيد
<aاسماء الجنيد
تاريخ التسجيل: 31-03-2010
مجموع المشاركات: 4730

للتواصل معنا

FaceBook
تويتر Twitter
YouTube


Re: *** مواقف وطرائف ,,, لما رجعوني من بيت البكاء مرتين *** (Re: اسماء الجنيد)

    Quote: سلامات أسماء
    ده الحكي ولاَ بلاش

    _
    شكرا بثينة على الفيديو
    قصي مجي سليم (عضو المنبر) ابدع في إلقاء القصيدة

    حبااااااااابك يا حيدر كيفنك يابا واريتك طيب
    تسلم يا عشانا على الطلة الحنيييينة دي

    قصي فعلا مبدع
    يا قصي يا ود امي اديتك الإذن تـــــــــب يابا
    قبل على نضميني المتواضع في المكتبة وسمحوا لي بي قرايتك السمحة دي ما شاء الله ودقر العين

    ولو داير ارسل ليك برسل ليك تب
    والبركة في حبيبتنا بثينة المرقت الجمال السمح ده
                   |Articles |News |مقالات |بيانات

19-10-2012, 11:10 PM

جدو
<aجدو
تاريخ التسجيل: 19-03-2003
مجموع المشاركات: 731

للتواصل معنا

FaceBook
تويتر Twitter
YouTube


Re: *** مواقف وطرائف ,,, لما رجعوني من بيت البكاء مرتين *** (Re: الفاتح ميرغني)

    أضحك الله سنك يا أستاذة سوما


    :)
                   |Articles |News |مقالات |بيانات

19-10-2012, 11:22 PM

اسماء الجنيد
<aاسماء الجنيد
تاريخ التسجيل: 31-03-2010
مجموع المشاركات: 4730

للتواصل معنا

FaceBook
تويتر Twitter
YouTube


Re: *** مواقف وطرائف ,,, لما رجعوني من بيت البكاء مرتين *** (Re: جدو)

    Quote: لوووووووووووول يا سوما
    حمدا لله على سلامة النضمي السمح
    ضحكتيني شديد ياخ يضحك نهارك، يا قولة محسن خالد.

    محبتي

    اووووووووووووه الفاتح الأنيق وحرفو رشيق
    الدبلوماسي الطلبو قاسي مشتااااااااقين يا ولدنا
    والله يا الفاتح لو عارفة القصة دي بتمرقك لا برة كان رسلتها ليك في مكانك ,, والله صحي
    إن شاء الله يا يابا دائما ضاحك وفرحان
    صاحبك ابو حمامة بسأل منك
    سمح كلام محسن خالد ياخ
    الله يسمح ايامك يابا
    العيد مبارك عليك مقدما
                   |Articles |News |مقالات |بيانات

19-10-2012, 11:30 PM

اسماء الجنيد
<aاسماء الجنيد
تاريخ التسجيل: 31-03-2010
مجموع المشاركات: 4730

للتواصل معنا

FaceBook
تويتر Twitter
YouTube


Re: *** مواقف وطرائف ,,, لما رجعوني من بيت البكاء مرتين *** (Re: اسماء الجنيد)

    Quote: أضحك الله سنك يا أستاذة سوما


    اووووووووه الناس الدفعة ,, سلام يا جدنا كلنا
    لكن بيني وبينك يا جدو إت كنت قبالي في حوش بكري ده ,,والله صحي
    طبعا انا زمان بكري سوالي سماية وغير إسمي لكن إن مشيت لا ورا بتلقاني جيت بعدك بي ستة شهور ظنيتها بي الإسم الزمان
    بعدين انا لما جيت حوش بكري كنت صغيرة وبلعب في التراب , حتى اسأل عمي ابو حراز هو الجابني هنا


    إنت من يومك جدو هههههههه

    تسلم يابا على الطلة وبركة في ضحيكتك دي بالدنيا والله ...
                   |Articles |News |مقالات |بيانات

19-10-2012, 11:40 PM

جدو
<aجدو
تاريخ التسجيل: 19-03-2003
مجموع المشاركات: 731

للتواصل معنا

FaceBook
تويتر Twitter
YouTube


Re: *** مواقف وطرائف ,,, لما رجعوني من بيت البكاء مرتين *** (Re: اسماء الجنيد)

    Quote: إنت من يومك جدو هههههههه


    انا ذاتي كنت سغير وكتها

    علا الكبر والشيب حصل في حوش بكري دا...

    ايام لكن..تصدقي لي هسة بحن للأيام ديك

    ايام تمبس كان بقولو ليه تمبوستي هههههههههههه

    وأساسي كان رومانسي هههههههههه

    الله يديك العافية أديتينا جرعة من joy*


    * معليش والله غلبني القالا ترجمة ضمة ضمة والمخ شكله كبس خلاااااس
                   |Articles |News |مقالات |بيانات

19-10-2012, 11:47 PM

ساميه حامد
<aساميه حامد
تاريخ التسجيل: 24-07-2010
مجموع المشاركات: 1567

للتواصل معنا

FaceBook
تويتر Twitter
YouTube


Re: *** مواقف وطرائف ,,, لما رجعوني من بيت البكاء مرتين *** (Re: اسماء الجنيد)

    Quote: حبيباتي
    سامية
    مهوية
    امونة بت مختار
    وامونة بت عيسى
    وامونة بت العجب
    وباقي الحبيبات والحبان بدون فرز يا جماعة


    حبيبتنا حبيبة الكل سوما

    مشتاقييييييين والله يا حبيبة

    وكالعادة حكي ظريف ونضمي حلو شديد

    انت عارفة زكرتيني مرة مشيت إجازة السودان بعد تلاتة سنين وعندنا قريبتنا امها ميتة
    وهي تربية مصر المهم مشيت اعزيها لقيتها في عرس جيرانهم بناتها نادوها لي اول ما جات داخلة شلت معاها الفاتحة
    قالت لي الله يخرب بيتك الواحد فرحان تقي تنكدي عليه هههههههههه طبعا كانت قاشرة بالتوب المطرز وآخر حنن وحركات
    وجيت انا خربت عليها البرنامج ده كلو ههههههههههههه

    ها ارجع ليك تاني لانو عندي قصص ليك كتيرة زي دي
                   |Articles |News |مقالات |بيانات

20-10-2012, 00:04 AM

الامين موسى البشاري
<aالامين موسى البشاري
تاريخ التسجيل: 09-08-2009
مجموع المشاركات: 15238

للتواصل معنا

FaceBook
تويتر Twitter
YouTube


Re: *** مواقف وطرائف ,,, لما رجعوني من بيت البكاء مرتين *** (Re: اسماء الجنيد)

    سوما

    حبابك وحباب حكاويك ياخ
    وما دام جبتي سيرة أهلي الحنان الطيبيين
    أها شلنا الصــواني حقتنا وجينا اتوهطنا في بوستيك دا .. والله صحي

    عارفة حصل لي موقف مع البكيات دي أصلا ما بنساهو
    مرة عندنا جارنا امو اتوفت الله يرحمها
    وبقى لازم يسافر عشان يحضر العزاء هناك في البلد
    المهم قال لينا أنا وود عمي تعالوا عليكم الله احرسوا لي البيت دا من الحرامية
    مرتو كانت في الوضوع عند أهلها
    المهم قلنا يا زول ماف مشكلة انت اتوكل علي الله وأمشي
    زولنا مشى المطار ونحن مشينا على البيت
    الزمن داك يا سوما جهاز الفيديو ابو شريط كبير جديد وطالع موضه
    اها لقينا صاحبنا دا عندو فيديو جي في سي جديد
    وطبعا نحن ما صدقنا من دربنا داك وعلى محلات ايجار الشرايط
    اجرنا 5 شرايط أفلام كل واحد كارب أكتر من التاني
    كلامي دا أظنو زولنا لسه ما لحق المطار زاااتو
    طبعاً نحن ضامنين مشيتو تب لأنو زولنا دا قاضي كبير ولا مستشار ما بعرفو
    لا ووين يا سوما في وزارة العدل .. أها انا وود عمي قلنا الزول دا مسافر مسافر
    نحن بهناك في البيت اخدنا راحتنا تب وشغلنا أول الافلام
    صاحبنا فعلا ركب الطيارة وطوالي على الابيض الكلام دا كان الصباح
    اها نحن في قعدتنا وبهجتنا ديك وبعد شغلنا لينا فيلم فيلمين
    زولنا زي الساعة 3 عصر كدا جانا راجع وتنقش وتنقش
    لامن وقف فووووووووق راسنا والفيلم شغال وسجايرنا مالي الاوضة
    المهم يا زولة موقف الله لا خته فوقو زوووووول
    اتاري طيارة الجن دي مشت لغاية مطار الابيض
    ولقت ليك المطرة شغالة ألف برعودها وما قدرت تنزل وتاني جات راجعة الخرطوم
    ورجعت معاها زولنا دا عشان فضيحتنا تبقى بجلاجل

    اها الموقف التاني بكرة كان الله حيانا بحكيهو ليك

    تحياتي
                   |Articles |News |مقالات |بيانات

20-10-2012, 00:11 AM

طارق جبريل
<aطارق جبريل
تاريخ التسجيل: 11-10-2005
مجموع المشاركات: 22532

للتواصل معنا

FaceBook
تويتر Twitter
YouTube


Re: *** مواقف وطرائف ,,, لما رجعوني من بيت البكاء مرتين *** (Re: الامين موسى البشاري)

                   |Articles |News |مقالات |بيانات

20-10-2012, 00:12 AM

طارق جبريل
<aطارق جبريل
تاريخ التسجيل: 11-10-2005
مجموع المشاركات: 22532

للتواصل معنا

FaceBook
تويتر Twitter
YouTube


Re: *** مواقف وطرائف ,,, لما رجعوني من بيت البكاء مرتين *** (Re: طارق جبريل)
                   |Articles |News |مقالات |بيانات

20-10-2012, 00:14 AM

اسماء الجنيد
<aاسماء الجنيد
تاريخ التسجيل: 31-03-2010
مجموع المشاركات: 4730

للتواصل معنا

FaceBook
تويتر Twitter
YouTube


Re: *** مواقف وطرائف ,,, لما رجعوني من بيت البكاء مرتين *** (Re: الامين موسى البشاري)

    Quote: انا ذاتي كنت سغير وكتها

    علا الكبر والشيب حصل في حوش بكري دا...

    ايام لكن..تصدقي لي هسة بحن للأيام ديك

    ايام تمبس كان بقولو ليه تمبوستي هههههههههههه

    وأساسي كان رومانسي هههههههههه

    الله يديك العافية أديتينا جرعة من joy*


    * معليش والله غلبني القالا ترجمة ضمة ضمة والمخ شكله كبس خلاااااس

    يا جدو يا حليلك ياخ والله ضحكتني
    ياخ إنت من زمن البدلة الكارهوات وأستديو مواهب اب سبت ملان شدر و ورد
    يوم العيد يجروا الشفع يتصوروا بي هدوم العيد يطبوا ليك سبت الزهور ده قدامهم وحاتك ما تظهر إلا وشوشهم متل التعاريف
    لكن وحات الله كان اساسي رومانسي انا نانسي عجاج عدييييل صوت وصورة والله صحي
    من يوم عرفتو اساسي ده خشن ودشن والله صحي ,, كان جانا مارق غايتو بتدرق فيك إنت ابقى راكز هههههههه
    يا اساسي والله صحي دي قاصداك فيها عدييييل وحبابك تــــب , بس تعال لينا بي صورتك القديمة اللت جدو دي
    والعجب اب حراز إن جاء ناطي ولقوا روحو فجعتن بقى عمي ,,, الله قال بي قولي ههههههههه
    شكرا يا جدو ياخ وفعلا يا حليل الزمن القبيل بي سماحتو ونداوتو ,, كلنا وحشنا وإشتقنا ليه ,,
                   |Articles |News |مقالات |بيانات

20-10-2012, 00:23 AM

اسماء الجنيد
<aاسماء الجنيد
تاريخ التسجيل: 31-03-2010
مجموع المشاركات: 4730

للتواصل معنا

FaceBook
تويتر Twitter
YouTube


Re: *** مواقف وطرائف ,,, لما رجعوني من بيت البكاء مرتين *** (Re: اسماء الجنيد)

    Quote:
    حبيبتنا حبيبة الكل سوما

    مشتاقييييييين والله يا حبيبة

    وكالعادة حكي ظريف ونضمي حلو شديد

    انت عارفة زكرتيني مرة مشيت إجازة السودان بعد تلاتة سنين وعندنا قريبتنا امها ميتة
    وهي تربية مصر المهم مشيت اعزيها لقيتها في عرس جيرانهم بناتها نادوها لي اول ما جات داخلة شلت معاها الفاتحة
    قالت لي الله يخرب بيتك الواحد فرحان تقي تنكدي عليه هههههههههه طبعا كانت قاشرة بالتوب المطرز وآخر حنن وحركات
    وجيت انا خربت عليها البرنامج ده كلو ههههههههههههه

    ها ارجع ليك تاني لانو عندي قصص ليك كتيرة زي دي


    الحنيــــنة جات يا اخوانا ازحفوا لا غادي
    تعالي تعالي بي جاي يا سمو حبيبة قساي
    جدو زح بي عصايتك دي غادي , عامل نظاراتك المتل قعر الكباية ديل . إت وقت آآآ بتشوف جاي تكابس مع المغارب مالك

    امشي لي ود البشاري ده بجيهك تب في الصواني الحايمة دي

    سمو والله كتلتيني بالضحك لوووووووووولز
    يا حليلا هجمتيها زي هجمة خالتي لي في صمة خشمي لوووووووووولز
    والله يا سمو عندنا ناس في حلتنا لو ونستك بيهم تموووووووووووتي بالضحك
    ياخ ناس نضااااااااااف وقلوبهم رهييييفة وملانة محنة

    تعالي ساااي حبابك شايفة ود اعمك البشاري جااااااري كداري ولافي ورا الصواني بكفي في الضيوف
                   |Articles |News |مقالات |بيانات

20-10-2012, 00:37 AM

امينة عيسى
<aامينة عيسى
تاريخ التسجيل: 20-11-2010
مجموع المشاركات: 618

للتواصل معنا

FaceBook
تويتر Twitter
YouTube


Re: *** مواقف وطرائف ,,, لما رجعوني من بيت البكاء مرتين *** (Re: اسماء الجنيد)

    سوما يا وجه القمر لكى ولضيوفك كل المحبة
    اضحك الله سنك يا اخية والله خالتى قرررررررررررريبة من خالتن لينا
    المشكلة انا اهل امى ربى يديهم العافية مقسومين اتنين
    اهل امها ديل ناس كبوشية واهل ابوها ناس جبل ام على واهل ابوى انا غرابة
    اتخيلى لما وقتى كله اكون برا البلد واجى طايرة لمدة اسبوعين
    والله يا سماسم البتبقى ما يعلم بيها الا الله
    بجيك بالرواقة لقصص الفواتح والمباركات
    لكن بس تتحملوا البحصل ليكم هههههههههههههه
                   |Articles |News |مقالات |بيانات

20-10-2012, 00:51 AM

اسماء الجنيد
<aاسماء الجنيد
تاريخ التسجيل: 31-03-2010
مجموع المشاركات: 4730

للتواصل معنا

FaceBook
تويتر Twitter
YouTube


Re: *** مواقف وطرائف ,,, لما رجعوني من بيت البكاء مرتين *** (Re: اسماء الجنيد)

    Quote: سوما

    حبابك وحباب حكاويك ياخ
    وما دام جبتي سيرة أهلي الحنان الطيبيين
    أها شلنا الصــواني حقتنا وجينا اتوهطنا في بوستيك دا .. والله صحي

    ود اعمي لززززم ,و حبااااااااااب الحنين ود الجروف والطين
    هي لكن نااااااااااان يا عشانا صوانيك دي ما قلبن علي المواجع ,, والله صحي
    اها قووووووومت كده اتشابا اشوف الخدرة وين ؟ في ياتو صينية والرجلة في ياتو وملاح القرع

    ياخ ده منظر يشبع ويطمن الحائر والمحتاس ,, يا سلام على اهلنا ولمتهم السمحة زيهم ,,,


    لكن اماااااااااااااااانة ما وقعوا رجال ؟؟
    اتلووومتوا تـــــــــــــب إت ورفيقك
    حركتكم مي ظريفة وعمليتكم جــــبــــاااااانة على قول الفنانة لووووولز
    خجلت ليكم يعلم الله
    لكن ضحكت لامن بطني وجعتني
    النعمنو إتخيلت الراجل واقف في رأسكم لوووووووولز

    النبي تعال صاد يا ود البشاري خلونا نتونس شوية
    تسلم يابا وسلام عبرك لكل العقاب
                   |Articles |News |مقالات |بيانات

20-10-2012, 01:12 AM

اسماء الجنيد
<aاسماء الجنيد
تاريخ التسجيل: 31-03-2010
مجموع المشاركات: 4730

للتواصل معنا

FaceBook
تويتر Twitter
YouTube


Re: *** مواقف وطرائف ,,, لما رجعوني من بيت البكاء مرتين *** (Re: اسماء الجنيد)

    طارق ود ابوي , يعلم الله الليلة ضحيكتك دي لي بالدنيا ,, إن شاء الله دائما فرحااااان ومبسووط قول آمين يابا

    لكن محن حبوبتك نفيسي وعمتك وبكا ناس زهرة ’ فايت اهلنا بي غادي
    ههههههههههه
    يا حليلهم ياخ
    ناس سمحين وطيبين بالحيييل


    تتذكر يا طارق صاحبك القال حبوبتو عندهم مرا عيانة ومركبين ليه ا الأكسجين
    شابكة الناس فلانة تعباااااااااانة وغازين ليها الجمكسين لووووووووووووولز
    انا قلت ليه ياخي حبوبتك قلبت المرا جعرانة عديييل لووووووووووووولز
                   |Articles |News |مقالات |بيانات

20-10-2012, 01:27 AM

اسماء الجنيد
<aاسماء الجنيد
تاريخ التسجيل: 31-03-2010
مجموع المشاركات: 4730

للتواصل معنا

FaceBook
تويتر Twitter
YouTube


Re: *** مواقف وطرائف ,,, لما رجعوني من بيت البكاء مرتين *** (Re: اسماء الجنيد)

    Quote: سوما يا وجه القمر لكى ولضيوفك كل المحبة
    اضحك الله سنك يا اخية والله خالتى قرررررررررررريبة من خالتن لينا
    المشكلة انا اهل امى ربى يديهم العافية مقسومين اتنين
    اهل امها ديل ناس كبوشية واهل ابوها ناس جبل ام على واهل ابوى انا غرابة
    اتخيلى لما وقتى كله اكون برا البلد واجى طايرة لمدة اسبوعين
    والله يا سماسم البتبقى ما يعلم بيها الا الله
    بجيك بالرواقة لقصص الفواتح والمباركات
    لكن بس تتحملوا البحصل ليكم هههههههههههههه


    امووووووووووونة يا حليلك يا الحنيييينة ورزينة ، تسلمي إنتي يا ضي الرتينة
    مشتاقين يا ست الناس , والله شوقنا ما بنقاس ,, ياختي تعالي لينا بي حكاويك السمحة
    والله اهلنا الكبار ديل امانة ما فيهم ونسة حنيييينة وسمــــــــــــحة ، قلوبهم بيضاااء وصافية

    طبعا إتخيلت جكتك في ال 15 يوم ههههههههههه , غايتو انا الجنيد بلفها في يومين
    عشان بسكوني سك اهلي وما بدور لوم الناس الطيبة دي
    اظرف شيء ناس كتااااااار بكون عزيتهم مرتين وتلاتة ههههههههه
    اها راجينك يا خية صباحاتها الله بيضاء مافي زول مضايقك ضـــمة


    يا اخواني يعلم الله ويشهد باكر عندي إمتحان , با كر شنو؟ بعديييين والله , النعمنو الصباح جانا تب

    عليكم الله انا ماني غبيانة ؟ههههههههههههههه
    لكن ونستكم بالدنيا والله
    تصدقوا فتحت البوست ده افرق بيه شوية من القراية
    وحاتكم نسيت القراية وسرحت في الحلة وفي صواني ود البشاري وتوب جارة ناس سامية
    وشريط بثينة الحنينة وقصي الحنين ايام صغرته يا حليلو , وجدو وحكاويهو السمحة و الفاتح ود ميرغني الشفيف
    وود جبرين المسخوت وسمح وحيدر الظريف
    اها عييييك مرقتها في الحلة كداري ولاقتني امونة الحنونة تمت الناقصة
    حبابكم كلكم والله ونتم ونستنا بي رواقة لا بعدين
    لكن عليكم الله ادعو لي كلكم القاعدين والبجوا صادين والجديدين
    ادعولي ربنا ينجحني في إمتحاني المزرزرني ده ,,
    والله قراية الكبر امانة مي صعبة وقاااااااسية
    غايتو الحمد لله وربنا يسهلا
    ودعتكم الله

                   |Articles |News |مقالات |بيانات

20-10-2012, 02:14 AM

امينة عيسى
<aامينة عيسى
تاريخ التسجيل: 20-11-2010
مجموع المشاركات: 618

للتواصل معنا

FaceBook
تويتر Twitter
YouTube


Re: *** مواقف وطرائف ,,, لما رجعوني من بيت البكاء مرتين *** (Re: اسماء الجنيد)

    سماسم بالتوفيق يا جميلة ربنا يسهل امرك ويشرح صدرك
    ولما تخلصى الامتحان تعالى شوفى المحن
    نزلت مرة فى اجازة سريعة عندنا قريبات امى شديد ابوهن الله يرحمو اتوفى وطبعا امى الله يرضى عليها
    ما بتقبل بت اهلها كلو كلو ..انا يا دوب وصلت قالت لى اسمعى تمشى لبنات فلان تعزيهن فى ابوهن
    والبنات ديل يوم وفاة ابوك ما خلن فرضن ناقص.. قلت ليها حاضر يا حجة بس انا محلهم الفى الحتانة دا ما بعرفه
    قالت لى خالتك توديك ولما خالتى الله يديها العافية بتريد اللوم ..المهم جننتنى جن لحدى ما طلعنا وفجاة خطر
    فى بالها نغشى السوق قبل نمشى ليهم ..ربكم رب الخير نلاقى اتنين من بنات الراجل فى السوق
    قبل ما نصلهم خالتى قالت لى تسلمى عليهن ساكت وتقولى ليهن الله يأجركن فى ابوكن لكن نصل البيت تعزيهن
    طبعا دى اصلها ما وقعت لى كلو كلو لكن قلت سمح..قابلت البنات وسالمتهن وعزيتهن بالكلمات
    والحقيقة كان سلامهم بارد اظنهن دايراتنى اتكتح واتنخج فى السوق .عموما وصلنا معاهم البيت
    وطول المسافة كانت الونسة عادية يعنى اتكلمنا فى السوق وغلاء المعيشة والملايات والتياب واللحمة
    وكل ما يمس الناس حتى الفحم والغاز وصلنا البيت وانا طبعا موضوع العزاء والبكى طار من راسى
    وقدر ما استجمعت كل الحزن الفى الدنيا عشان ابكى واتنخج النصيحة لى الله ما قدرت
    شلت الفاتحة وقدر ما سالمتهن تانى ومسكتهن قووووووووووووى الدمعة ابت
    خالتى دى وشها بقى بمبى من الزعل المهم ما فضل ليها الا تدينى ام دلدوم
    اتخارجنا منهم بعد قمت بالواجب والطريق كلو خالتى
    انتى يا بت مريم جنيتى ولا سعرتى مالك ما بتعرفى البكى؟؟؟هى تهرج وانا اضحك
    لامن وصلنا البيت
                   |Articles |News |مقالات |بيانات

20-10-2012, 07:50 AM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: *** مواقف وطرائف ,,, لما رجعوني من بيت البكاء مرتين *** (Re: امينة عيسى)

    لقيت اسمي ما مكتوب من اصحاب الدعوة
    عشان كدي بقول سلاااام لاخت حنينة وطيبة
    بس نست اخي ليها في زحمة البكالما رجعوها

    مودتي
                   |Articles |News |مقالات |بيانات

20-10-2012, 09:02 AM

ismeil abbas
<aismeil abbas
تاريخ التسجيل: 17-02-2007
مجموع المشاركات: 10789

للتواصل معنا

FaceBook
تويتر Twitter
YouTube


Re: *** مواقف وطرائف ,,, لما رجعوني من بيت البكاء مرتين *** (Re: خالد علي محجوب المنسي)

    ألأخت العزيزة سوما..لك التحية وللأسرة الكريمة...

    Quote: ود اللذينة برضو عارف روحو لووولز


    اللهم أجعلنا من أولاد اللذين آمنوا وعملوا الصالحات...

    دى حاجات قيمة وبتدل على التواصل والحميمية بين الناس...

    عندنا عادات كده لو غنتهت بنيقى مسيخين رغم تغيير ألحال ...يعنى بعد ما تتصل وتعزى وأهلك هناك يمشوا العزاء لما تحضر لابد من أن تحضر..

    مرة أنا وعفشى فى العربية غشبت ناس خالى وعمى أعزى لما وصلت البيت أول شىء سألونى ناس البيت إن شاء الله تكون عزيت ناس فلان وفلان ..

    اللستة بتاعة الوفيات بتراجعة قبل السفر وتختها مع جواز السفر زى الماشى تشترى ليك حاجات من السوق..

    ذكرتينى النكتة يتاعة الراجل الهميم الجاء من السفر وقالوا ليهو ناس فلان عندهم عزاء وساق صاحبو ولقى فى صيوانين وهو غلظ مشى ليجرانهم الأقباط..وهو بشيل فى الفاتحة صاحبو لكزو عشان يوريهو ديل ما مسلمين..طوالى رشاهم بقل يا أيها الكافرون..
                   |Articles |News |مقالات |بيانات

20-10-2012, 10:22 AM

عبدالله ود البوش
<aعبدالله ود البوش
تاريخ التسجيل: 12-08-2009
مجموع المشاركات: 6639

للتواصل معنا

FaceBook
تويتر Twitter
YouTube


Re: *** مواقف وطرائف ,,, لما رجعوني من بيت البكاء مرتين *** (Re: ismeil abbas)

    سوما السمحة بت الناس السمحين
    سلام وتحية واحترام
    اولا بالتبادي قزقزي بالبوست ادناه شوية كدي
    وبجيك صاد وضاد وطا وظا لحدي لام الاف ويا نقطتين من تحت
    .
    .

    حكايات عمايك وعولق
                   |Articles |News |مقالات |بيانات

20-10-2012, 01:23 PM

عبدالله احيمر

تاريخ التسجيل: 24-02-2008
مجموع المشاركات: 3011

للتواصل معنا

FaceBook
تويتر Twitter
YouTube


Re: *** مواقف وطرائف ,,, لما رجعوني من بيت البكاء مرتين *** (Re: عبدالله ود البوش)

    ياســلالالام يا أسـماء

    أحي خالتك الأصيلة ســت الأصـول الخاتية اللـوم ربنا يطول عمرا

    و بالله بالجـد ( لو كانت حفلة ولا عرس كان عزيتـن الحليفة )

    ولا كنتن قلتن ليهـو ( قـوم لف ) و زغتن جاي ولا جاي وواصلتن مشـواركن

    والله يا أسـماء بقدر ما ضحكت على الموقف بقدر ما حزنت لانحسـار المواقف

    الانسـانية الجميلة في حياتنا
                   |Articles |News |مقالات |بيانات

20-10-2012, 02:09 PM

جدو
<aجدو
تاريخ التسجيل: 19-03-2003
مجموع المشاركات: 731

للتواصل معنا

FaceBook
تويتر Twitter
YouTube


Re: *** مواقف وطرائف ,,, لما رجعوني من بيت البكاء مرتين *** (Re: امينة عيسى)

    Quote: يا جدو يا حليلك ياخ والله ضحكتني
    ياخ إنت من زمن البدلة الكارهوات وأستديو مواهب



    لا لا نحن زمنا الكاروهات بقت موضة قديمة ,,الناس بقوا يلبسوا البدلة المشوطة ديك

    وكنا بتصور في استديو الحاوي في الحارة السابعة, والشباب بجنصصوا بي تحرمني منك والخنفس



    الكلام دا شفتو في الصور وجزء حكوهو لي

    يعني ما حضرته
                   |Articles |News |مقالات |بيانات

20-10-2012, 02:31 PM

مها عبد الله
<aمها عبد الله
تاريخ التسجيل: 13-07-2008
مجموع المشاركات: 2271

للتواصل معنا

FaceBook
تويتر Twitter
YouTube


Re: *** مواقف وطرائف ,,, لما رجعوني من بيت البكاء مرتين *** (Re: جدو)

    هههههههههههههههههههههههههه أكمَل ضحك وأخش أبكي ، أقصد أحكي

    سومتنا يا خ ورب الكعبة مشتاقين
                   |Articles |News |مقالات |بيانات

20-10-2012, 02:50 PM

حبيب نورة
<aحبيب نورة
تاريخ التسجيل: 02-03-2004
مجموع المشاركات: 18578

للتواصل معنا

FaceBook
تويتر Twitter
YouTube


Re: *** مواقف وطرائف ,,, لما رجعوني من بيت البكاء مرتين *** (Re: مها عبد الله)

    هههههههههههههههههههه

    بت الجنيد تتجازي وتاخد الإجازه
                   |Articles |News |مقالات |بيانات

20-10-2012, 03:41 PM

بله محمد الفاضل
<aبله محمد الفاضل
تاريخ التسجيل: 27-11-2007
مجموع المشاركات: 8617

للتواصل معنا

FaceBook
تويتر Twitter
YouTube


Re: *** مواقف وطرائف ,,, لما رجعوني من بيت البكاء مرتين *** (Re: حبيب نورة)

    سلامٌ ومحبة



    النصيحة
    حيلي برد
    والله يا سوما
    أخوك قطع شك
    راجيتنو تلاتة دفاتر وعكاز مضبب (من الخال والحاجة)
    من 96 شتات

    قطعتي مصاريني ربنا ينولك الفي مرادك
    واكتر



    تحياتي واحترامي
                   |Articles |News |مقالات |بيانات

20-10-2012, 05:24 PM

اسماء الجنيد
<aاسماء الجنيد
تاريخ التسجيل: 31-03-2010
مجموع المشاركات: 4730

للتواصل معنا

FaceBook
تويتر Twitter
YouTube


Re: *** مواقف وطرائف ,,, لما رجعوني من بيت البكاء مرتين *** (Re: بله محمد الفاضل)

    Quote:
    سماسم بالتوفيق يا جميلة ربنا يسهل امرك ويشرح صدرك
    ولما تخلصى الامتحان تعالى شوفى المحن
    نزلت مرة فى اجازة سريعة عندنا قريبات امى شديد ابوهن الله يرحمو اتوفى وطبعا امى الله يرضى عليها
    ما بتقبل بت اهلها كلو كلو ..انا يا دوب وصلت قالت لى اسمعى تمشى لبنات فلان تعزيهن فى ابوهن
    والبنات ديل يوم وفاة ابوك ما خلن فرضن ناقص.. قلت ليها حاضر يا حجة بس انا محلهم الفى الحتانة دا ما بعرفه
    قالت لى خالتك توديك ولما خالتى الله يديها العافية بتريد اللوم ..المهم جننتنى جن لحدى ما طلعنا وفجاة خطر
    فى بالها نغشى السوق قبل نمشى ليهم ..ربكم رب الخير نلاقى اتنين من بنات الراجل فى السوق
    قبل ما نصلهم خالتى قالت لى تسلمى عليهن ساكت وتقولى ليهن الله يأجركن فى ابوكن لكن نصل البيت تعزيهن
    طبعا دى اصلها ما وقعت لى كلو كلو لكن قلت سمح..قابلت البنات وسالمتهن وعزيتهن بالكلمات
    والحقيقة كان سلامهم بارد اظنهن دايراتنى اتكتح واتنخج فى السوق .عموما وصلنا معاهم البيت
    وطول المسافة كانت الونسة عادية يعنى اتكلمنا فى السوق وغلاء المعيشة والملايات والتياب واللحمة
    وكل ما يمس الناس حتى الفحم والغاز وصلنا البيت وانا طبعا موضوع العزاء والبكى طار من راسى
    وقدر ما استجمعت كل الحزن الفى الدنيا عشان ابكى واتنخج النصيحة لى الله ما قدرت
    شلت الفاتحة وقدر ما سالمتهن تانى ومسكتهن قووووووووووووى الدمعة ابت
    خالتى دى وشها بقى بمبى من الزعل المهم ما فضل ليها الا تدينى ام دلدوم
    اتخارجنا منهم بعد قمت بالواجب والطريق كلو خالتى
    انتى يا بت مريم جنيتى ولا سعرتى مالك ما بتعرفى البكى؟؟؟هى تهرج وانا اضحك
    لامن وصلنا البيت


    ههههههههههههههههه أمونة
    كيفنك يا خية وكيف اصبحتي ؟
    والله يا أمونة ضحكتيني لامن دمعت على قول بثينة الحبيبة
    عارفة اصعب شيء موقفك وإنتي بتتونسي ما ناس وبعد شوية ماشة تقالديهم وتعزيهم ههههههههههههه
    غايتو دي كان انا كان طمبجتها من اولها لي آخرها , قطع شك كان فقعتها ضحكة , ولقيتلي نهرتين تلاتة من خالتي
    مرة مشينا نعزي واحدة في حلتنا برضو وإتقابلنا نحن 3 بنات اهلي جايين من السفر, وبقينا حايمين نتونس في الشارع ونضحك اول ما نقرب بيت بكاء نحاول نبقى رسميين
    اها دخلنا على المرأة لقيناها في نص الحوش بتشر ليها في ملابس في الحبل
    اول ما شافتنا خلت هدومها في محلهن وجري على جوة البيت لبست ليها توب وقعدت لينا زي الضيفة في نص السرير ودنقرت عشان نعزيها
    انا وقريبتي ضحكنا بي صوت , بعد شوية حاولنا نقلب الضحكة بكية ، غلبنا كلو كلو ,
    اها هي زاتها ضحكت معانا وقالت لينا الله يرحمها ويغفر ليها يا خواني عافية ليكن ههههههههههههه
                   |Articles |News |مقالات |بيانات

20-10-2012, 06:04 PM

اسماء الجنيد
<aاسماء الجنيد
تاريخ التسجيل: 31-03-2010
مجموع المشاركات: 4730

للتواصل معنا

FaceBook
تويتر Twitter
YouTube


Re: *** مواقف وطرائف ,,, لما رجعوني من بيت البكاء مرتين *** (Re: اسماء الجنيد)

    Quote: لقيت اسمي ما مكتوب من اصحاب الدعوة
    عشان كدي بقول سلاااام لاخت حنينة وطيبة
    بس نست اخي ليها في زحمة البكالما رجعوها

    مودتي

    اوووه اهلنا الحنان
    ود المنسي يا عشانا حبابك يا الحنين
    يا خوي الحبان كتااار وما كتبت كل الأسامي يابا
    نسبة للزهايمر ’’ بعدين ود اللذينة ده يفوتك وين إنت ؟ لوووووولز
    يعلم الله نورتني وشرفتني يا العشا بي لبن ,, ويعلم الله ماني نسيتك ضووومة
    عارفاااك مسخووت ’ دحين تعال احكيلنا عن واحدة من محنك المضحكة
    تسلم يا خالد وحبابك ألف والله

                   |Articles |News |مقالات |بيانات

20-10-2012, 06:27 PM

اسماء الجنيد
<aاسماء الجنيد
تاريخ التسجيل: 31-03-2010
مجموع المشاركات: 4730

للتواصل معنا

FaceBook
تويتر Twitter
YouTube


Re: *** مواقف وطرائف ,,, لما رجعوني من بيت البكاء مرتين *** (Re: اسماء الجنيد)

    Quote: ألأخت العزيزة سوما..لك التحية وللأسرة الكريمة...

    اللهم أجعلنا من أولاد اللذين آمنوا وعملوا الصالحات...

    دى حاجات قيمة وبتدل على التواصل والحميمية بين الناس...

    عندنا عادات كده لو غنتهت بنيقى مسيخين رغم تغيير ألحال ...يعنى بعد ما تتصل وتعزى وأهلك هناك يمشوا العزاء لما تحضر لابد من أن تحضر..

    مرة أنا وعفشى فى العربية غشبت ناس خالى وعمى أعزى لما وصلت البيت أول شىء سألونى ناس البيت إن شاء الله تكون عزيت ناس فلان وفلان ..

    اللستة بتاعة الوفيات بتراجعة قبل السفر وتختها مع جواز السفر زى الماشى تشترى ليك حاجات من السوق..

    ذكرتينى النكتة يتاعة الراجل الهميم الجاء من السفر وقالوا ليهو ناس فلان عندهم عزاء وساق صاحبو ولقى فى صيوانين
    وهو غلظ مشى ليجرانهم الأقباط..وهو بشيل فى الفاتحة صاحبو لكزو عشان يوريهو ديل ما مسلمين..طوالى رشاهم بقل يا أيها الكافرون..


    حباااااااابك اخوي العزيز إسماعيل حبابك يا العزيز عقابك
    اشرقت الأنوار يعلم الله , تسلم يا خوي وعجبتني بالحيل الطلة الصباحية ,,
    شفت الناس ديل محنتهم سمحة قدر شنو ؟ انا كت قايلة روحي براي , لكن شوف نفس الخالة العندي ياها العند امونة
    وياها حال امهاتنا كلهن وخلاتنا وعماتنا
    ربنا يعمر قلوبنا بالطيبة المعتقة من اهلنا القبيل والزمن العديل
    وياااارب الحاجات دي تنتهي لا تنعدم , رغم التعب والمعاناة ، لكن فيها متعة ما بعدها متعة

    لكن ضحكتني بي جاركم الدخل صيوان البكاء بالغلط ههههههههههههه ده اظرف زول

    شكرا يا إسماعيل وليك السلام يا خوي وعبرك للأسرة الكريمة
    والعيد مبارك عليكم مقدما إن شاء الله
                   |Articles |News |مقالات |بيانات

20-10-2012, 10:19 PM

اسماء الجنيد
<aاسماء الجنيد
تاريخ التسجيل: 31-03-2010
مجموع المشاركات: 4730

للتواصل معنا

FaceBook
تويتر Twitter
YouTube


Re: *** مواقف وطرائف ,,, لما رجعوني من بيت البكاء مرتين *** (Re: اسماء الجنيد)

    Quote: سوما السمحة بت الناس السمحين
    سلام وتحية واحترام
    اولا بالتبادي قزقزي بالبوست ادناه شوية كدي
    وبجيك صاد وضاد وطا وظا لحدي لام الاف ويا نقطتين من تحت
    .

    ود البوش سيد الحوش والحيشان كلها .. حباب الكلس الما بعرف لم القرش
    الأجواد ركازة الأجداد,, حبابك بالكتير ما شوية والله

    اها انا ماني خاااابراك كريم واجواد ، اصلك ما بتجينا فاضي ضمـــــة
    حبابك سااااااااااي تعال صاد وإتحكر فوق برشنا وعنقريبنا الهباب ده
    اما بوستيك ده مش يقزقزوا بيه بس ؟ ده وجبة كااااملة الدسم ، والله صحي
    بجيهو بي روااااقة وبتحكر بي بنبري وجبنتي ...
    تسلم يا ود البوش وحبابك والله
                   |Articles |News |مقالات |بيانات

20-10-2012, 10:42 PM

امينة عيسى
<aامينة عيسى
تاريخ التسجيل: 20-11-2010
مجموع المشاركات: 618

للتواصل معنا

FaceBook
تويتر Twitter
YouTube


Re: *** مواقف وطرائف ,,, لما رجعوني من بيت البكاء مرتين *** (Re: اسماء الجنيد)

    سماسم يا جميلة طمنينا الامتحان كيف؟؟؟
    عندى صحبتى شديد الله يطراها بالخير عندها صحبة امهم ومربياهم
    بقولوا ليها خالتى آمنة ومرة الله يرحمها عديلة وطيبة بس عيبها الوحيد
    كان اتفتحت فى البكى والعزاء تانى ما بتسكت
    المهم جارنا فى الحة زول مشهور جدا ومعروف فجاة وقع اجارك الله واتوفى الله يرحمو
    المهم الحلة كلها بقت تتجارى وتكورك مخلوعة..المهم صحبتى وامها والله يرحمها والخالة امنة الله يرحمها
    كلهم بقوا مراحيم هههههههههههه المهم جروا جرى على بيت البكى والناس تس###### وتعزى
    وطبعا خالتى امنة ما بوصوها جرى على زوجة المرحوم ومسكت فيها
    الليلة يابا يا حليلك ويا حليل جسدك من الغبار وشن حالك من السؤال
    وافليلى وافليلى يا صبى العرضات انا انضريت و..و... والدموع والمخاخيت
    وتتنهد وتتشهود وتوصف فى عجلة ومع خلعة الوفاة الفجاة
    بدات تسال فى زوجة المرحوم
    قولى لى قولى ورينى المرحوم( نعلتو )الله عليه الجاهو شنو؟؟ وطبعا هى قاصدة رحمتو الله عليه
    وطبعا الناس اتهجمت وصحبتى شكيتها على الله فكت الضحكة لامن امها طردتها من بيت البكى
    دا كان يوم رهيب
                   |Articles |News |مقالات |بيانات

20-10-2012, 11:10 PM

ضحيه ابراهيم
<aضحيه ابراهيم
تاريخ التسجيل: 28-12-2005
مجموع المشاركات: 2140

للتواصل معنا

FaceBook
تويتر Twitter
YouTube


Re: *** مواقف وطرائف ,,, لما رجعوني من بيت البكاء مرتين *** (Re: امينة عيسى)

    الاستاذه سوما والله اضحكتينى حد الضحك ورجعتينا لى زمن suma يالانجليزى وناس عشه بت فاطمه وكل الحلوين الكانو بيزينو المنبر بابداعاتهم
    متابع للبوست من بدايتو وكل مره اضحك لمن اقهقه الله يديك العافيه كتب مداخله طويله ونزلت مرتين قلت امسح التانيه وكنت فاتح صقحتين ونسيت
    مسحتهم الاتنين من الضحك والعجله وما نتبهت ليهم الا هسي ونفس المداخله شاغلت الاخت الاستاذه امينه عيسي وينا اصدقاء مشتركين ووصتيت
    كانت من ا لصديق المخرج الاستاذ ناصر يوسف

    سلامى واحترامى

    (عدل بواسطة ضحيه ابراهيم on 21-10-2012, 08:13 PM)
    (عدل بواسطة ضحيه ابراهيم on 23-10-2012, 00:48 AM)

                   |Articles |News |مقالات |بيانات

20-10-2012, 11:10 PM

ضحيه ابراهيم
<aضحيه ابراهيم
تاريخ التسجيل: 28-12-2005
مجموع المشاركات: 2140

للتواصل معنا

FaceBook
تويتر Twitter
YouTube


Re: *** مواقف وطرائف ,,, لما رجعوني من بيت البكاء مرتين *** (Re: امينة عيسى)
                   |Articles |News |مقالات |بيانات

20-10-2012, 11:26 PM

الامين موسى البشاري
<aالامين موسى البشاري
تاريخ التسجيل: 09-08-2009
مجموع المشاركات: 15238

للتواصل معنا

FaceBook
تويتر Twitter
YouTube


Re: *** مواقف وطرائف ,,, لما رجعوني من بيت البكاء مرتين *** (Re: ضحيه ابراهيم)

    الليلة انا ما فاضي ليكم ....... والله صحي
    الليلة يوم فرح المريخ وما عندنا زمن للبكيات
                   |Articles |News |مقالات |بيانات

20-10-2012, 11:41 PM

اسماء الجنيد
<aاسماء الجنيد
تاريخ التسجيل: 31-03-2010
مجموع المشاركات: 4730

للتواصل معنا

FaceBook
تويتر Twitter
YouTube


Re: *** مواقف وطرائف ,,, لما رجعوني من بيت البكاء مرتين *** (Re: ضحيه ابراهيم)

    Quote: ياســلالالام يا أسـماء

    أحي خالتك الأصيلة ســت الأصـول الخاتية اللـوم ربنا يطول عمرا

    و بالله بالجـد ( لو كانت حفلة ولا عرس كان عزيتـن الحليفة )

    ولا كنتن قلتن ليهـو ( قـوم لف ) و زغتن جاي ولا جاي وواصلتن مشـواركن

    والله يا أسـماء بقدر ما ضحكت على الموقف بقدر ما حزنت لانحسـار المواقف

    الانسـانية الجميلة في حياتنا

    حبابك يا عبد الله حبابك والله يا خوي وحباب طلتك الملانة حنية متل حنية خلاتك المدفقة في السهلة
    تسلم يابا على تحية الخالة والدعوات السمحة , اللهم آمين ربنا يتقبل إن شاء الله , وليك دعواتك السمحة دي مطبوقة

    لكن بيني وبينك فعلا كان الحليفة دي كانت عرس ولا حفلة كنا إتجرسنا تــــــــــب ههههه
    وما عزيناها على قول خالتي ,,,,
    تعرف يا عبد الله خالتي دي محنها كتير ومحنتها اكتر منها يا حليلا
    والله لو قعدت معاها يوم وااااحد بس تمووووووووووت من الضحك
    وأجمل شيء عندها بتقول اي كلام يجيها حتى لو غلطت ما بهمها , وكلامها كلو مقلب ومضحك
    عندها بتها ماشاء الله صوااامة , وكل ما تصوم بتكلم امها تقول ليها فضل صيام اليوم بالتفصيل
    اها يوم كان صابح عاشوراء , كلمتها وقالت ليها فضل عاشوراء وصيامو ,
    طوااااالي قالت لي بناتها النمشي لي خالتكن نكلمها بتكون ما عارفة ، باقي بناتها مطرطشااات ( لينا نحن ) ما بعرفن الحاجات السمحة دي هههههه
    اها جاتنا ليك يا حليلها تتكروش مع المغارب عشان تورينا فضل صيام عاشوراء
    لقت امي راقده بره في الحوش ، من بعيد كوركت ليها
    قالت ليها يا ختي قومي شوفي ليك سحور وصومي إنتي وبناتك صيام ينفعكن قالوا يا ختي باكر عشرة رمضان
    هههههههههههههههههههههههه
                   |Articles |News |مقالات |بيانات

21-10-2012, 00:03 AM

اسماء الجنيد
<aاسماء الجنيد
تاريخ التسجيل: 31-03-2010
مجموع المشاركات: 4730

للتواصل معنا

FaceBook
تويتر Twitter
YouTube


Re: *** مواقف وطرائف ,,, لما رجعوني من بيت البكاء مرتين *** (Re: اسماء الجنيد)

    Quote:
    لا لا نحن زمنا الكاروهات بقت موضة قديمة ,,الناس بقوا يلبسوا البدلة المشوطة ديك

    وكنا بتصور في استديو الحاوي في الحارة السابعة, والشباب بجنصصوا بي تحرمني منك والخنفس

    الكلام دا شفتو في الصور وجزء حكوهو لي

    يعني ما حضرته



    يا جدو ياخ من كلمة تجنصص دي وحات خوتك إنت تلقاك زااااتك من جيل الخنفس والشارلستون ,, والله صحي


    قال ما حضرت قال ؟؟

    قوووم لف
                   |Articles |News |مقالات |بيانات

21-10-2012, 00:14 AM

فايزودالقاضي
<aفايزودالقاضي
تاريخ التسجيل: 27-11-2007
مجموع المشاركات: 10091

للتواصل معنا

FaceBook
تويتر Twitter
YouTube


Re: *** مواقف وطرائف ,,, لما رجعوني من بيت البكاء مرتين *** (Re: اسماء الجنيد)

    Quote: لما رجعوني من بيت البكاء مرتين


    غير بكاء الليلة يااستاذة؟!!!
                   |Articles |News |مقالات |بيانات

21-10-2012, 01:27 AM

امينة عيسى
<aامينة عيسى
تاريخ التسجيل: 20-11-2010
مجموع المشاركات: 618

للتواصل معنا

FaceBook
تويتر Twitter
YouTube


Re: *** مواقف وطرائف ,,, لما رجعوني من بيت البكاء مرتين *** (Re: فايزودالقاضي)

    ضحية ابراهيم شكيت محنك ومحن الويكة لى الله
    طبعا لو قلت ليك ناس البوستة رجعوها لى بتقول كضابة هههههههههههه وما بلومك
    لكن متيمنة ومتنضرة نضرن سدادو عمرى اجيبها ليك بنفسى ياخ ناصر ما عافية ليهو كلو كلو
    اسمع دى يا ضحية
    كنا فى الابيض الجميلة وزمان فى حكاية فلان مات وقام (قصص البعاعيت) الله يغفر لينا من الجهل كانت مالية البلد
    المهم عندنا جيراننا حبوبتهم ماتت الله يرحمها ويحسن اليها وكانت عليها الرحمة بتفرش فى السوق
    ويكة وشطة ودوم ونبق وحاجات الموسم . يوم العزاء وبنات بتها صحابتنا شدييييييييد اتلمينا انا وصحباتى
    كلنا وعاملين فيها مجاملين صحباتنا وبايتين معاهم فى بيت البكى ..لسوء حظنا لما جاء وقت النوم كان نصيبنا
    انحنا الصحبات اننا ننوم فى قطية العجوز الله يرحمها وانا شخصيا محل نومى كان جمب قفتها حقت السوق
    واصلا ما خطر ببالنا حكاية البعاتى دى ..بعد ما خلاص الونسة كملت وقررنا النوم عندى صحبتى بت لزينا
    وخوافة فجاءة وبدون مقدمات قالت لينا (يا بنات هوى انتوا حبوبة ناس فلانة دة بتقوم؟؟)...
    الجماعة كلهم صنوا..قالت سكتوا مالكم ؟؟هسى العجوز دى كان قامت جات قالت دايرة قفتها بتسون شنو؟؟؟
    لما فكينا الضحكة والناس كسرت فينا الله وكيلك البقت فينا ما يعلم بيها الا الله هههههههههههههههههههه
    كل زول كضب بى بطريقتو


    ضحية لك وللاسرة كل المحبة

    (عدل بواسطة امينة عيسى on 21-10-2012, 02:41 AM)

                   |Articles |News |مقالات |بيانات

21-10-2012, 01:44 AM

اسماء الجنيد
<aاسماء الجنيد
تاريخ التسجيل: 31-03-2010
مجموع المشاركات: 4730

للتواصل معنا

FaceBook
تويتر Twitter
YouTube


Re: *** مواقف وطرائف ,,, لما رجعوني من بيت البكاء مرتين *** (Re: امينة عيسى)

    Quote: هههههههههههههههههههههههههه أكمَل ضحك وأخش أبكي ، أقصد أحكي

    سومتنا يا خ ورب الكعبة مشتاقين


    يا مهوية يا عزنا ويا حبنا ويا يا عيون بتعرف قدرنا
    و يا بسمة هلت عندنا يا عديلة لمت شملنا و رقصوا الحبايب حولنا
    مشتاااااااااقين والله شوقنا غيمة ومطرتين

    خلاص كملتي ضحكك تعالي احكي يا خ ههههههههه
                   |Articles |News |مقالات |بيانات

21-10-2012, 06:49 AM

معاوية المدير
<aمعاوية المدير
تاريخ التسجيل: 24-03-2009
مجموع المشاركات: 12609

للتواصل معنا

FaceBook
تويتر Twitter
YouTube


Re: *** مواقف وطرائف ,,, لما رجعوني من بيت البكاء مرتين *** (Re: اسماء الجنيد)

    Quote: طبعا عرف القصة كلها قبل ليك على خالتي شكلة لامن هي زاتها آمنت يا ولية مالك على البنية ؟ والعوا وقفت ناس البكاء جونا برة ا من الكواريك
    لقوني ليك حالفين علي وطاردني تاني من قدام بيتهم ,,, أديتهم الفاتحة في الشارع ،الراجل حلف تاني ما ادخل كيتااااااااا في خالتي وخوفها من اللوم,,
    وقبل على ناس بيتو اداهم شكلة في صمة خشمهم قال ليهم بي سبب اللوم شوفوا تعبتوا الناس كيف؟؟
    لكن انا لي يوم باكر خالتي ماسكاها لي ,, خاصة وإني ضحكت فيها لما رجعنا البيت
    هي بتشاكل فيني وانا بقول ليهم زحوا دايرة انوم من السهر والفتر الحاصل علي ,, والله صحي ,,,


    بت الجنيد،،،،. أريت حالك زين ؟؟؟
    مسويالك لمّة وقِلل وحكاوي بجاي، ومنبر بكري بقى زي قطر كريمة ؟؟؟
    الناس يختو في قِحف الجداد، وبعد شويّة كل زول ينزّل زوادتو ويقعدو
    يا كلو ويتونسو مع بعض. ايّ، مياهُن ناس السودان القالّن الوليد في الشِعِر
    الجابتو بثينة. إنتو، إن شاء الله تتباركو.

    عارفة، مرّة ماتلنا زول الدغش والوآطة صقط يرمي اللضان، وعندنا جاراً لينا عرف
    الخبر عِلآ الوآطة بقت باردة عليهو وصهين من حكاية يمشي الدآفنة. قال أصلآ الوآطة
    في الليل ومافي زول بيشوفو دحين اخير يرقد في محلو، ويقوم الصباح عااااادي زي
    كأنوا مشى المقابر مع الناس. أها، عندنا جداً لينا الضُلُمة الشدييييدة دي ما حالت بينه
    وبين البحلقة في الناس. بيدور يعرف الجا من الما جا. أها، زولنا دا وكت الوآطة
    أصبحت قال كدي شال براد شاهيهو ولقيماتو ومرق علي ناس البِكا. طوالي ختّ
    برادو ولقيماتو، ويعني الود خلآس البارح اكان في الدافنة قالهم: كيف أصبحتو؟؟؟
    طوالي جدنا نطّ قالوا: أصبحنا عندنا بِكا...
                   |Articles |News |مقالات |بيانات

21-10-2012, 01:24 PM

اسماء الجنيد
<aاسماء الجنيد
تاريخ التسجيل: 31-03-2010
مجموع المشاركات: 4730

للتواصل معنا

FaceBook
تويتر Twitter
YouTube


Re: *** مواقف وطرائف ,,, لما رجعوني من بيت البكاء مرتين *** (Re: معاوية المدير)

    Quote:
    هههههههههههههههههههه

    بت الجنيد تتجازي وتاخد الإجازه

    نوارة وحبيبتو حلاتكم وإزيكم
    قلت لي عملت رايح من السمبر ؟ هع هع هع

    والله ياخوي الإجازة ما بناباها تـــب
    ربنا ينولنا ليها قريب ونلاقي حبانا بركة الأيام السمحة ومبروكة دي

    لكن شايفااااااااااك إنت بتقلع في شدر الإمارات
    الإجازات البتحرق روحك دي , ما تجينا بي جاي انا ومهوية حبيبة روحي
    والله عندنا جو عجيييييب علا تطلع ليك بي سمبرية جديدة اقصد رواية جديدة
    في رجاك يا ضلنا
                   |Articles |News |مقالات |بيانات

21-10-2012, 01:41 PM

اسماء الجنيد
<aاسماء الجنيد
تاريخ التسجيل: 31-03-2010
مجموع المشاركات: 4730

للتواصل معنا

FaceBook
تويتر Twitter
YouTube


Re: *** مواقف وطرائف ,,, لما رجعوني من بيت البكاء مرتين *** (Re: اسماء الجنيد)

    Quote: سلامٌ ومحبة

    النصيحة
    حيلي برد
    والله يا سوما
    أخوك قطع شك
    راجيتنو تلاتة دفاتر وعكاز مضبب (من الخال والحاجة)
    من 96 شتات

    قطعتي مصاريني ربنا ينولك الفي مرادك
    واكتر

    تحياتي واحترامي

    بلة يا بلة حبابك يا ود الأهل جملة
    يطيبن ايامك إن شاء الله
    قلت لي من 96 ؟؟؟؟؟
    لا لا إنت لازمك تجيكم خالتي دي زاتها ومعاها امي بي كشفها الخاتاه تحت راسها
    العمنو الحاجة براها نوهاااائي ما بتقدر على الحسبة والمساككة
    لكن الخال ده بنفعنا تب الله يديهو ألف صحة وعافية ,, باقي بساسق لينا معاك وبحرسك من الزوغة ,,

    عندا ود خالتا لينا يا بلة برضو طووووول زيك كدة وهو ما ساكن الحلة وما بحفظ كل البيوت , لما تكون في مناسبة بستسلم لي خالاتو
    وبقول بس قولو لي امشي وين ؟
    اها جاء اإجازة عيد وخايف من اللوم لما يلاقي الناس في صلاة العيد , قطع شك بلاقيهم كلهم
    قعد في نص السرير ومرق ليهو ورقة وقلم
    وبدأ يكتب بيت ناس فلان ,, وفلان ,, وفلان و و و عييييك لقى روحو ما فط بيت في الحلة
    شرط الورقة وقام قال ليهم ياخ بمشي وما بتلوم مع زول .. قلنا ليه انتظر يمشي معاك زول يحوم معاك . قال لا احسن ابدأ من هسه وبمشي براى
    اها زولك خت في رأسو يحوم الحلة كلها ويديها الفواتح من طرف هههههههه
    وحاتك مشا كل الحلة اداهم الفاتحة واكييييد في ناس ما عندهم بكى
    لما رجع سألته خالته , اها تميت حوامة الحلة كلها ؟ قال ليها اي بيت بكى مشيتو
    قالت لي كدي وريني مشيت لي منو ومنو ؟
    بدأ يحسب ، ما خلى بيت , فجأة كده قال إسم جارنا التالت في الفريق , والزول ده ما عنده اي بكى , قدر ما قعدنا وحسبنا لي مدة كم سنة لي ورا
    ما لقينا الزول ده عنده ولا بكى صاحبو زاتو هههههههههه
    يعني قريبي ده خلع الراجل في صمة خشمو
    تسلم يا بلة وشكرا ليك للطلة الحنينة والعيد مبارك عليك مقدما يابا
                   |Articles |News |مقالات |بيانات

21-10-2012, 02:06 PM

اسماء الجنيد
<aاسماء الجنيد
تاريخ التسجيل: 31-03-2010
مجموع المشاركات: 4730

للتواصل معنا

FaceBook
تويتر Twitter
YouTube


Re: *** مواقف وطرائف ,,, لما رجعوني من بيت البكاء مرتين *** (Re: اسماء الجنيد)

    Quote: سماسم يا جميلة طمنينا الامتحان كيف؟؟؟
    عندى صحبتى شديد الله يطراها بالخير عندها صحبة امهم ومربياهم
    بقولوا ليها خالتى آمنة ومرة الله يرحمها عديلة وطيبة بس عيبها الوحيد
    كان اتفتحت فى البكى والعزاء تانى ما بتسكت
    المهم جارنا فى الحة زول مشهور جدا ومعروف فجاة وقع اجارك الله واتوفى الله يرحمو
    المهم الحلة كلها بقت تتجارى وتكورك مخلوعة..المهم صحبتى وامها والله يرحمها والخالة امنة الله يرحمها
    كلهم بقوا مراحيم هههههههههههه المهم جروا جرى على بيت البكى والناس تس###### وتعزى
    وطبعا خالتى امنة ما بوصوها جرى على زوجة المرحوم ومسكت فيها
    الليلة يابا يا حليلك ويا حليل جسدك من الغبار وشن حالك من السؤال
    وافليلى وافليلى يا صبى العرضات انا انضريت و..و... والدموع والمخاخيت
    وتتنهد وتتشهود وتوصف فى عجلة ومع خلعة الوفاة الفجاة
    بدات تسال فى زوجة المرحوم
    قولى لى قولى ورينى المرحوم( نعلتو )الله عليه الجاهو شنو؟؟ وطبعا هى قاصدة رحمتو الله عليه
    وطبعا الناس اتهجمت وصحبتى شكيتها على الله فكت الضحكة لامن امها طردتها من بيت البكى
    دا كان يوم رهيب


    امووووووووونة حبيبة قساي وبت اماتي براااااى ,, ياخ الله يفتحها عليك شقيق ما تقبلي يمة
    والله يا أمونة ظنيتها دعواتكم الحنينة دي ,, يعلم الله مشيت الرجفيبة كاتلاني وشايلة الهم
    احــــــــــــــمد الله واكون من عبيدو الشاكرين الإمتحان طلع لي اسهل ما تتخيلي ,,
    وإشتغلت تمام احمد الله ورجعت بيتي مبسوطة وفرحانة بيكم يعلم الله
    يا سلام عليكم وعلى الدعوات المارقة من الجوف بي نية صافية
    ربي يقدرني على جزاكم


    اها قلتي لي خالتي آمنة بعد يا فليلي ده كلو قالت ليها ال نعلتو ؟؟؟
    والله يا امونة لامن وقعت من الضحك , واشيل وارسل في النكتة من امس بالأميل
    طبقت كلامك كلو ورسلتو لي اهلي جت وصاحباتي
    الناس كلها من امس تضحك وتنشقل ههههههه والله صحي
    ياخ الله يا حرمنا من عينة ناس خالتي آمنة ..
    النبي كان تطولي يا امونة وتعالي مارقة بي قصصك السمحة دي

    انا حبوبتي الله يرحمها ام امي ما بنقول ليها حبوبة بناديها يمة
    اها يمة الشام دي الله يوسدها الباردة مرة مشت بكا مع ناس امي جو من السفر
    وحالتها هي معزية قبل كدة , خلاص يعني المرا دايرة توري بتها (( ال هي امي )) عشان ما تتلوم
    مشن لي قريبتهم في حلة جمبنا راجلها إتوفي الله يرحمو , بعد وصلن وعزن , امي الشام سرحت من ونستهن
    فجأة قبلت لقت امي بتسأل في مرت الميت مالو كان عيان ؟ ومرت الميت قالت ليها والله إلا مرض الموت
    لكن ما مرضا بخوف ,, طوااالي دخلت في الونسة عكس الهواء وقالت لي مرت الميت , اها وبقى شديد ؟؟؟
    امي إتخلعت ومرت الميت زاتها , امي قالت ليها يمة هو مات ونحن هسه جينا نعزي في منو ؟
    قالت ليها ودعنا الله والرسول الله يرحمو ههههههههه
    مرت الميت وامي ماااااااااااااااتن من الضحك ,,
    شوفي الناس ديل طيبين كيف , لو في زمنا ده كان مرت الميت طردتهن من البيت

                   |Articles |News |مقالات |بيانات

21-10-2012, 04:45 PM

Zomrawi Alweli
<aZomrawi Alweli
تاريخ التسجيل: 04-08-2007
مجموع المشاركات: 3368

للتواصل معنا

FaceBook
تويتر Twitter
YouTube


Re: *** مواقف وطرائف ,,, لما رجعوني من بيت البكاء مرتين *** (Re: اسماء الجنيد)

    اسماء يا ذات النطاقين
    سلام من واحد معرفتو للغة العربية الدارجية كمعرفتو باللغة الصينية

    صدقيني وانتي بتحكي بعربي ناس الخرتوم خليت البوست خفيف ولزيز
    ومتابع البوست شديد لاسلوبك في الكتابة غبر القصص المضحكة رغم جدية امك وخالاتك الله يحفظهم ليكي

    عندي ودخالن لي قال نازل السودان بعد3 سنوات من فارق الاهل
    وشايفو عاملة صفحة ايه فورسايز وطبقها نصين وملاهن اسماء صفين من يعني 32 مرتين
    قلت دا شنو يا زول
    قال كشف العزاءات
    وانت اجازتك كم
    45 يوم
    طيب انا القاعد تمانية سنين بحتاج لي كم صفحة وخاستن علاقتي اقوى منو بحكم العمر
    المهم الزول دا اجر امجاد من الكلاكلة الاسكان لغاية ما مرق بمحطة واحد انتهى اليوم الاول
    بي سبوعميت الف واليوم التاني مشى الحاج يوسف والسواق قال عايز ارنب كامل المهم
    لازم يدفع والسواق انتهز فرصة انو الزول دا لازم يكمل العزاءات يعني لازم
    ولمن خلص الستين عزاء مع العزاءات الجديدة التي تحصل في الاسبوع الواحد اكتر من عزاءين تلاتة
    مش قلنا ناسنا كلهم خلوا البلد وبقوا يموتوا في الخرطوم؟
    المهم حصيلة العزاءات المادية حوالي ثلاثة مليون

    اها يا اسماء اذا الواحد مات ليهو زول قريب شديد هل تنتهي مفعول العزاءات القديمة ولا كيف؟
    شكرا يا سومة
                   |Articles |News |مقالات |بيانات

21-10-2012, 06:23 PM

ابوحراز
<aابوحراز
تاريخ التسجيل: 27-06-2002
مجموع المشاركات: 5345

للتواصل معنا

FaceBook
تويتر Twitter
YouTube


Re: *** مواقف وطرائف ,,, لما رجعوني من بيت البكاء مرتين *** (Re: Zomrawi Alweli)

    ياسلام على هذه البساطة والألق
    أتيتي لنا باهلنا الطيبين
    كثيرة هي حكاوي البكيات 00 شكرا لإختياري من ضمن القائمة
    وسوف اشارك بالكثير من المواقف
    لكن سأبدها بما حدث معي قبل سبع سنوات
    حيث اتيت بسيارة افراج مؤقت عن طريق بورتسودان
    وقبل دخولي مدني بقليل { انكسر العادم } بسبب الحفر الكثيرة
    المهم ذهبت الى استاد وادمدني حيث يوجد الكثير من الورش
    وكثيراً ما يكون بعض من اهل { الحلة } متواجدين بالقرب من الأستاد لأعمال تخصهم
    نفس الورشة التي اتيت لها اجد أثنين من ناس { الحلة }
    أحدهم عمنا باللفة زول نكتة وظريف جدا
    اها طوالي قال لي كدي شيل الفاتحة لأسامة دا
    قلت ليهو خير 00 قال لي حبوبته اتوفت
    اها شلنا الفاتحة مع اسامة
    طوالي قام قال لي طبعاً انا برضو { أمي } اتوفت ليها عشرين يوم
    وانا رفعت يدي عشان الفاتحة
    فقال لي نزل يديك 00 ماعايزين فاتحة { أدينا عشرة الف بس }
    دخلت يدي في جيبي وطلعت ليهو عشرة جنيهات
    قلت ليهو كده كيف
    قال لي تم اجرك مرة واحدة وصلني البيت بعد تصلح العربية
    وقال لي توصيلة البيت دي حاتريحك خالص
    قلت ليه كيف
    قال لي حا اكلم ليك اخواني وأخواتي واقول ليهم { عثمان } جاء وما لقاكم !!!

    فعلاً بعد يومين قابلتني اخته قلد شديد وبكاء وقالت لي شكرا ليك مانسيتنا ومانسيت امنا قالوا جيت ومالقيتنا
    اليوم التاني قابلني أخوه برضو فرحان شديد وقال لي قليل والله البعملوها
    قبليك جو مغتربين ولاسألوا مننا

    واحد من الجماعة سمع هذا الشمار وذهب به الى المدينة المنورة
    وحكى ليهم الموقف
    بعد فترة واحد من الجماعة ديل عمته اتوفت وانا والله ما سمعت بيها نهائيا

    الراجل بعد يومين اتصل وقال لي انت ماشلت معانا الفاتحة في عمتنا
    لكن ما مشكلة حول لينا رصيد 50 ريال

    (عدل بواسطة ابوحراز on 21-10-2012, 11:51 PM)

                   |Articles |News |مقالات |بيانات

21-10-2012, 06:59 PM

ABUHUSSEIN
<aABUHUSSEIN
تاريخ التسجيل: 14-08-2002
مجموع المشاركات: 31060

للتواصل معنا

FaceBook
تويتر Twitter
YouTube


Re: *** مواقف وطرائف ,,, لما رجعوني من بيت البكاء مرتين *** (Re: ابوحراز)

    سلام (3) مرات يا سوما ... بالله قصرت معاك ...؟؟؟
                   |Articles |News |مقالات |بيانات

21-10-2012, 11:39 PM

اسماء الجنيد
<aاسماء الجنيد
تاريخ التسجيل: 31-03-2010
مجموع المشاركات: 4730

للتواصل معنا

FaceBook
تويتر Twitter
YouTube


Re: *** مواقف وطرائف ,,, لما رجعوني من بيت البكاء مرتين *** (Re: ABUHUSSEIN)

    سلاااااااااااام وتحية للأخ العزيز ضحية ’ اريتك طيب وكل المعاك يا خوي
    وكل سنة وإنتو طيبين وسالمين ولامين

    يا ود امي قدر ما فتشت لامن عيني برقن ما لقيت مداخلتك , مع إني قريتها قبيل الصباح

    جيتك بالحيل شرفتني والله وطلتك حنينة زي اهلنا السمحين
    الناس الزمان ديل يا ضحية لو فتشت ليهم في زمنا ده قدر ما تفتش ما بتلقاهم
    ناس عفويين ونيتهم طيبة وقلوبهم اصفى من الحليب
    احكي ليك الموقف ده حصل لي برضو في إجازة
    في الحلة عندنا قريبتنا ابوها مات الله يرحمو ويمي الوصلت كان ليه قريب سنة وصادفت جيتي عرس ولدها
    ما عرفت اعمل شنو ؟ وكان يوم السيرة , ناس البيت قالوا لي احسن تمشي بعد السيرة لأنه الناس بتكون خفت
    ولازم إنتي تعزيها ولا تشيلي الفاتحة , يعني ما تسلمي ساي , قلت ليهم طيب لو الأم سارت مع العريس وما لقيتها اعمل شنو ؟؟
    المهم مشيت قبل السيرة ودخلت البيت و الدلوكة واصلة السماء وسرير الجرتق والعريس قاعد والزغاريت تقول يا ليل
    المهم مع الزحمة دي بديت اسلم بس على الناس وبفتش القى المرا قلت اقلدها بس اقول ليها البركة فيكم ، لأنه الموقف لا يسمح لا بي فاتحة ولا بكاء خالص
    تصور شافتني هي , قالت لي واحدة جمبها سوقي سوما دي ودخليها البيت داااك , عندهم غرفة بعيدة مطرفة في الحوش
    قالت ليها انا بجيكم هناك ولو في اي زول امرقيه قولي ليه في ضيوف, وفعلا مشيت مع المرا على اساس دايرة تضيفني وتشوف لي ست البيت .
    بعد شوية جات لقتني براي دخلت رفعت الفاتحة هي , وسلمت على وبكينا شديييد , وقالت لي خلاص يا سوما , غسلي وشك وارح اقعدي معانا برة
    يعني ست البكاء زاتها مرقتني من اللوم والحرج بي طريقة دبلوماسية ، شفت كيف الناس ديل حنان

    شكرا من تاني اخي ضحية وحبابك والله ألف

                   |Articles |News |مقالات |بيانات

21-10-2012, 11:48 PM

اسماء الجنيد
<aاسماء الجنيد
تاريخ التسجيل: 31-03-2010
مجموع المشاركات: 4730

للتواصل معنا

FaceBook
تويتر Twitter
YouTube


Re: *** مواقف وطرائف ,,, لما رجعوني من بيت البكاء مرتين *** (Re: اسماء الجنيد)

    Quote:
    الليلة انا ما فاضي ليكم ....... والله صحي
    الليلة يوم فرح المريخ وما عندنا زمن للبكيات


    ود البشاري امشي افرح ساااااي مبروك عليك المريخ إن شاء الله يضوي ليك

    قال مريخ قال

    قووووم لف برا بطيخ معاك
                   |Articles |News |مقالات |بيانات

21-10-2012, 11:56 PM

اسماء الجنيد
<aاسماء الجنيد
تاريخ التسجيل: 31-03-2010
مجموع المشاركات: 4730

للتواصل معنا

FaceBook
تويتر Twitter
YouTube


Re: *** مواقف وطرائف ,,, لما رجعوني من بيت البكاء مرتين *** (Re: اسماء الجنيد)

    Quote: غير بكاء الليلة يااستاذة؟!!!


    أم سيسي التعضيك في صنقورك ده
    قال أستاذة قال

    قوم لف مع ود البشاري , عالم ماسكاها ام فريحانة على فريق مهلهل ومرخرخ
    قال مريخ قال
                   |Articles |News |مقالات |بيانات

22-10-2012, 00:00 AM

اسماء الجنيد
<aاسماء الجنيد
تاريخ التسجيل: 31-03-2010
مجموع المشاركات: 4730

للتواصل معنا

FaceBook
تويتر Twitter
YouTube


Re: *** مواقف وطرائف ,,, لما رجعوني من بيت البكاء مرتين *** (Re: اسماء الجنيد)

    Quote: اسمع دى يا ضحية
    كنا فى الابيض الجميلة وزمان فى حكاية فلان مات وقام (قصص البعاعيت) الله يغفر لينا من الجهل كانت مالية البلد
    المهم عندنا جيراننا حبوبتهم ماتت الله يرحمها ويحسن اليها وكانت عليها الرحمة بتفرش فى السوق
    ويكة وشطة ودوم ونبق وحاجات الموسم . يوم العزاء وبنات بتها صحابتنا شدييييييييد اتلمينا انا وصحباتى
    كلنا وعاملين فيها مجاملين صحباتنا وبايتين معاهم فى بيت البكى ..لسوء حظنا لما جاء وقت النوم كان نصيبنا
    انحنا الصحبات اننا ننوم فى قطية العجوز الله يرحمها وانا شخصيا محل نومى كان جمب قفتها حقت السوق
    واصلا ما خطر ببالنا حكاية البعاتى دى ..بعد ما خلاص الونسة كملت وقررنا النوم عندى صحبتى بت لزينا
    وخوافة فجاءة وبدون مقدمات قالت لينا (يا بنات هوى انتوا حبوبة ناس فلانة دة بتقوم؟؟)...
    الجماعة كلهم صنوا..قالت سكتوا مالكم ؟؟هسى العجوز دى كان قامت جات قالت دايرة قفتها بتسون شنو؟؟؟
    لما فكينا الضحكة والناس كسرت فينا الله وكيلك البقت فينا ما يعلم بيها الا الله هههههههههههههههههههه
    كل زول كضب بى بطريقتو

    ضحية لك وللاسرة كل المحبة

    ههههههههههههههههههههههههههههه بااااااالغتن يا أمونة إتي وصاحباتك

    التحية ليك ولي اخونا ضحية
                   |Articles |News |مقالات |بيانات

22-10-2012, 00:24 AM

اسماء الجنيد
<aاسماء الجنيد
تاريخ التسجيل: 31-03-2010
مجموع المشاركات: 4730

للتواصل معنا

FaceBook
تويتر Twitter
YouTube


Re: *** مواقف وطرائف ,,, لما رجعوني من بيت البكاء مرتين *** (Re: اسماء الجنيد)

    Quote: بت الجنيد،،،،. أريت حالك زين ؟؟؟
    مسويالك لمّة وقِلل وحكاوي بجاي، ومنبر بكري بقى زي قطر كريمة ؟؟؟
    الناس يختو في قِحف الجداد، وبعد شويّة كل زول ينزّل زوادتو ويقعدو
    يا كلو ويتونسو مع بعض. ايّ، مياهُن ناس السودان القالّن الوليد في الشِعِر
    الجابتو بثينة. إنتو، إن شاء الله تتباركو.

    عارفة، مرّة ماتلنا زول الدغش والوآطة صقط يرمي اللضان، وعندنا جاراً لينا عرف
    الخبر عِلآ الوآطة بقت باردة عليهو وصهين من حكاية يمشي الدآفنة. قال أصلآ الوآطة
    في الليل ومافي زول بيشوفو دحين اخير يرقد في محلو، ويقوم الصباح عااااادي زي
    كأنوا مشى المقابر مع الناس. أها، عندنا جداً لينا الضُلُمة الشدييييدة دي ما حالت بينه
    وبين البحلقة في الناس. بيدور يعرف الجا من الما جا. أها، زولنا دا وكت الوآطة
    أصبحت قال كدي شال براد شاهيهو ولقيماتو ومرق علي ناس البِكا. طوالي ختّ
    برادو ولقيماتو، ويعني الود خلآس البارح اكان في الدافنة قالهم: كيف أصبحتو؟؟؟
    طوالي جدنا نطّ قالوا: أصبحنا عندنا بِكا...


    ههههههههههههههههههههههههههه ود المدير جدك تحــــــــــــــــفة والله صحي

    عارف مرة برضو جيت من إجازة والبكيات كتااار ’ وحاتك يا ود المدير راسي لامن يسوي زننن من كترة الحوامة نصة نهار
    اها عندنا اهلا لينا في حلة جمبنا , كمان انا حوامتي بي الحلال هههههه
    اها اهلنا ديل عندهم بكا وعندهم مرتين بتشابهن شبه التعاريف داك , إلا تلاقيهن الإتنين سوا حتى تفرز دي فلانة ودي اختها
    واحدة مسكينة والتانية امانة مي شايلة وش القباحة , المسكينة دي ساكنة بعيدة شوية من بيت اهلها والتانية ساكنة مع اهلها
    انا التعترني جيت بيت البكاء الكبير وولقيت المسكينة اظنها قاعدة معاهم , قايلاها دي اللوامة ,
    وحاتك عزيت ومشيييت قلت لي اختى باقي الفروع خليها لي مرة تانية , وفلانة المسكينة ديك قلت اصلي ما بصلها هسه
    بجيها تاني على راحتى ’ والمهم وصلت بيت البكاء الكبير ، وحوامتي قدر سبيب الرأس
    يوم ماشة في طريقي قلت احوم باقي الناس واغشي زولتي المسيكينة , فجأة لقيتها قدامي وما بعيدة من بيتها
    طوالي قلت ليها السلام عليكم يا فلانة إن شاء الله كويسين ,وناس فلانة اختك كيف ؟, والله ما قدرت وصلتهم اليوم داك يا دوب ماشة عليهم
    قبلت ليك على , قالت لي الخوخة التعدمك الضرس ؟ مالك غبيانة ولا صغيرة ما بتفرزيني من أختي ؟
    قالت لي اختي ما عزيتيها وما قصرتي معاها, وانا الكبيرة تخليني على راحتك؟
    يلا امشي ليها التنفعم انا بعد ده ما عندي بكاء زاتي ,, هههههه
    طبعا ما عرفت اسوي شنو. بقيت ساكاها واعتذر واعتذر وهي ولا شغالة بينا لما وصلت بيت اختها
    دخلت لقيت المسكينة قاعدة , قعدت ابكي ليهم ههههههههه قلت ليها انا لما جيتكم في البيت الكبير ليه ما قلتي لي دي إنتي فلانة
    قعدت تضحك قالت لي فلانة اختي دي اصلها لوامة لكن قلبها ابيض
    قلت ليها لوما عفت لي من هنا ما بطلع , هي سمعتني جوة , قالت لي بعفا ليك لكن على شرط تقعدي تفطري معانا
    وحاتك قعدت وفطرت لما جيت ماشة قلدتني شدييييييييييييييد وبكت قالت لي سوما اعفي لي
    انا كان ما بريدك والله ما بلومك ,, شفت المحنة دي يا ود المدير

                   |Articles |News |مقالات |بيانات

22-10-2012, 01:29 AM

اسماء الجنيد
<aاسماء الجنيد
تاريخ التسجيل: 31-03-2010
مجموع المشاركات: 4730

للتواصل معنا

FaceBook
تويتر Twitter
YouTube


Re: *** مواقف وطرائف ,,, لما رجعوني من بيت البكاء مرتين *** (Re: اسماء الجنيد)

    Quote: اسماء يا ذات النطاقين
    سلام من واحد معرفتو للغة العربية الدارجية كمعرفتو باللغة الصينية

    صدقيني وانتي بتحكي بعربي ناس الخرتوم خليت البوست خفيف ولزيز
    ومتابع البوست شديد لاسلوبك في الكتابة غبر القصص المضحكة رغم جدية امك وخالاتك الله يحفظهم ليكي

    عندي ودخالن لي قال نازل السودان بعد3 سنوات من فارق الاهل
    وشايفو عاملة صفحة ايه فورسايز وطبقها نصين وملاهن اسماء صفين من يعني 32 مرتين
    قلت دا شنو يا زول
    قال كشف العزاءات
    وانت اجازتك كم
    45 يوم
    طيب انا القاعد تمانية سنين بحتاج لي كم صفحة وخاستن علاقتي اقوى منو بحكم العمر
    المهم الزول دا اجر امجاد من الكلاكلة الاسكان لغاية ما مرق بمحطة واحد انتهى اليوم الاول
    بي سبوعميت الف واليوم التاني مشى الحاج يوسف والسواق قال عايز ارنب كامل المهم
    لازم يدفع والسواق انتهز فرصة انو الزول دا لازم يكمل العزاءات يعني لازم
    ولمن خلص الستين عزاء مع العزاءات الجديدة التي تحصل في الاسبوع الواحد اكتر من عزاءين تلاتة
    مش قلنا ناسنا كلهم خلوا البلد وبقوا يموتوا في الخرطوم؟
    المهم حصيلة العزاءات المادية حوالي ثلاثة مليون

    اها يا اسماء اذا الواحد مات ليهو زول قريب شديد هل تنتهي مفعول العزاءات القديمة ولا كيف؟
    شكرا يا سومة

    حبااااااااااابك يا زمراوي حبااااابك ود عمي الولي
    يعلم الله طلتك بدرت بي خريفنا باكرية
    هههههههههههههههههه قلت لي ما بتفرز نضمي اهلك الغبش ؟
    ياخ إنت أظرف زول ,,
    عارف يا زمراوي ذكرتني جارتنا في حلفا المصنع ,, زولة ظريفة شديييييد
    الوالد الله يرحمو كان مدير مدرسة المصنع وبدرس اطفال في الصف الأول والسادس عربي ودين
    قال ما بعتمد على اي معلم للطلبة في المرحلتين ديل لأنه مهمات شديد
    والعربي اصلو ما بتساهل فيهو
    اها ماسك ليك ناس صف اولى ده داعكهم ليك عربي شدييييد وواجبات , والأم المسكينة هي البتعمل الواجبات مع ولدها
    زهجت ليك جدا لأنه مشاويرها كل يوم مؤجلة بي سبب واجبات الناظر للطلبة هههههه
    جاتنا في البيت , لقت الوالد قاعد الله يرحمو . قالت لي امي مقصرين معاك والله . لكن ياخ والله الناظر ده العربي البصرفوا في المدرسة
    مؤخر مصالحنا ومشاويرنا كل يوم,, ابوي ضحك قال ليها كيف يعني ؟؟؟
    قالت ليه يا استاذ ياخ إنت زاتو منو القال ليك نحن دايرين عربيكم ده ؟
    ياخ خلونا مع رطانتنا دي والله مستمتعين للاخر وكمان نديكم على رأسكم في وشكم بدون ما تعرفوا هههههههههه

    من أجمل ايامنا العشناها في حياتنا يا زمراوي كانت وسط احبابنا في حلفا الجديدة تحديدا المصنع
    يا اللـــــــــــــــــــــــــــه ناس احلا من سكرهم زاتو

    اما إنت بعد ال 8 سنة دي , تعرف تشوف ليك مركوب كااارب للحوامة
    وتشتري ليك امجاد تجيبها معاك , والله صحي
    مدام بقت بالملايين كده اخير تتحرك بي عربيتك وبعدين تخليها للجماعة وتقول ليهم تاني ما تسألوني من مصاريف
    ولا حل أخير
    امشي شيل الفاتحة في الجامع وقول ليهم 8 سنة دي لو حمت كل الناس بتجيني ملاريا
    اما حكاية البكاء الجديد يسقط القديم ، دي غايتو في حلتنا مافي نهااااااائى
    مرة مشيت لي ناس عندهم بكايين , يعني امهم ماتت وولدهم
    مشت معاي بت عمتي , قالت لي تعزي المرة وتقولي ليها البركة فيكم في امك
    وتقيفي شوية و ترجعي تاني تقلديها وتقولي ليها والبركة فيكم في فلان هههههههههههههه

    يعني يا زمراوي بكي دورين ,,, والله المستعان

    ياخ شكرا ليك مااااااااااااارقة من الجوف للطلة الحنينة دي وتسلم والله
                   |Articles |News |مقالات |بيانات

22-10-2012, 09:33 AM

Rabab Elkarib
<aRabab Elkarib
تاريخ التسجيل: 15-10-2002
مجموع المشاركات: 1406

للتواصل معنا

FaceBook
تويتر Twitter
YouTube


Re: *** مواقف وطرائف ,,, لما رجعوني من بيت البكاء مرتين *** (Re: اسماء الجنيد)

    ياخى شكرا ليكم كلكم
    بوست لطيف وظريف بنكهتك ياسوما

    الله يخليكم
                   |Articles |News |مقالات |بيانات

22-10-2012, 10:46 AM

اسماء الجنيد
<aاسماء الجنيد
تاريخ التسجيل: 31-03-2010
مجموع المشاركات: 4730

للتواصل معنا

FaceBook
تويتر Twitter
YouTube


Re: *** مواقف وطرائف ,,, لما رجعوني من بيت البكاء مرتين *** (Re: Rabab Elkarib)

    Quote: ياسلام على هذه البساطة والألق
    أتيتي لنا باهلنا الطيبين
    كثيرة هي حكاوي البكيات 00 شكرا لإختياري من ضمن القائمة
    وسوف اشارك بالكثير من المواقف
    لكن سأبدها بما حدث معي قبل سبع سنوات
    حيث اتيت بسيارة افراج مؤقت عن طريق بورتسودان
    وقبل دخولي مدني بقليل { انكسر العادم } بسبب الحفر الكثيرة
    المهم ذهبت الى استاد وادمدني حيث يوجد الكثير من الورش
    وكثيراً ما يكون بعض من اهل { الحلة } متواجدين بالقرب من الأستاد لأعمال تخصهم
    نفس الورشة التي اتيت لها اجد أثنين من ناس { الحلة }
    أحدهم عمنا باللفة زول نكتة وظريف جدا
    اها طوالي قال لي كدي شيل الفاتحة لأسامة دا
    قلت ليهو خير 00 قال لي حبوبته اتوفت
    اها شلنا الفاتحة مع اسامة
    طوالي قام قال لي طبعاً انا برضو { أمي } اتوفت ليها عشرين يوم
    وانا رفعت يدي عشان الفاتحة
    فقال لي نزل يديك 00 ماعايزين فاتحة { أدينا عشرة الف بس }
    دخلت يدي في جيبي وطلعت ليهو عشرة جنيهات
    قلت ليهو كده كيف
    قال لي تم اجرك مرة واحدة وصلني البيت بعد تصلح العربية
    وقال لي توصيلة البيت دي حاتريحك خالص
    قلت ليه كيف
    قال لي حا اكلم ليك اخواني وأخواتي واقول ليهم { عثمان } جاء وما لقاكم !!!

    فعلاً بعد يومين قابلتني اخته قلد شديد وبكاء وقالت لي شكرا ليك مانسيتنا ومانسيت امنا قالوا جيت ومالقيتنا
    اليوم التاني قابلني أخوه برضو فرحان شديد وقال لي قليل والله البعملوها
    قبليك جو مغتربين ولاسألوا مننا

    واحد من الجماعة سمع هذا الشمار وذهب به الى المدينة المنورة
    وحكى ليهم الموقف
    بعد فترة واحد من الجماعة ديل عمته اتوفت وانا والله ما سمعت بيها نهائيا

    الراجل بعد يومين اتصل وقال لي انت ماشلت معانا الفاتحة في عمتنا
    لكن ما مشكلة حول لينا رصيد 50 ريال


    حرووزة يا قريبي من اهل العوض
    مشتاقين يعلم الله والشوق قمر دورين ,, قمر اربعتاشر عديييل والله صحي
    طبعا حروزة بتعجبك بالحيل , وبتطريك ايام شبابك و ايام حوش بكري كان مقشوش و مرشوش والهمبريب ضارب قبلي
    والضيفان نضاااااااااااف ومريحين بي كلونيا 555 والله صحي
    اها إنت قاعد بي المركوب النمري والجلابية الجاي راجع بيها من السعودية
    تتكشم زي نار القصب , وحناكيش حوش بكري يقولنلك حرووووزتي ههههههههه

    ما اجمله من زمن مكتح بي الجمال ومضرضر بالسماحة
    هسه والله في زمنا ده تقول لي زول سلاااااااااااام بي شوق
    يقول ليك مالك ماااااااااطيها كده ؟؟ عالم فارغة ووهم !!!
    اها زي ده تقول عليهو شنو عليك الله ؟؟؟ تضحك بس ههههههههه

    غايتو نحمد الله , لكن كلامنا البسيط ده حبابو ألف بطرينا اهلنا السمحين ناس الجروف والطين
    قلت لي الراجل باع اهلو كلهم بي فد عشر ألف ؟؟ وتوصيلة لآ عند بابو ؟ هههههههههههههه ياخ ده اريتني كان لاقيتو في الجنيد
    نحن المشكلة يا ابو حراز الحلة لازم تلفها بي كريعاتك ديل
    وطبعا بتكون السنة كلها معسم في الخليج , ايام قعادنا في مسقط
    اها شيء رطوبة وشيء برياني , وشي نوووم سااااااااي وتدنلة , وحوامة بالعربات
    تجي الجنيد كان قالوا ليك شوف القمرة خنقت يجيك ابو عديلات هههههه
    وكان قالوا ليك قوم من الكرسي لي السرير داير ليك عشرة دقائق وكان جاك زول داير يسلم عليك
    من تشوفو جاي من الباب تحاول تقوم لآآآآآآ فوق ما تقدر , لامن هو يصلك ويعمتك في محلك إنت بتكون ما حركت كراع واحدة
    والعجب كان الزول طويل ,, نفسك يقوم عشان ترفع رأسك تعاين ليه ..
    اها الحلة والحوامة بالحالة دي تمشي تلفها اليوم الأول عندك خمة نفس شديدة خلاس
    وبالليل وحيح عدووووووووووك يا يابا , والكيرعات يقولن تح تح تح
    باعوضة السكر البتأكل في اللحم الحي يغلبك تكرشها
    عشان كده انا بنفع معاي نوع حول لي رصيد ده .. وبنفع معاي زولك الباع اهلو زاتهم هههههههههه
    ابو حراز يعلم الله جيتك بالدنيا ومداخلتك طااااااااااااااعمة ومميزة
    ما تحرمنا ها الطلة على قول اهلك الشوام

    بعدين دحين ما شفت قطيعتنا انا وجدو فيك في اول البوست ؟؟
    ولا رجعت الخليج ورقبتك بقت معسمة من التصنقعة ؟ ههههههههه
    غايتو الحمد لله مرقنالنا من هبرة منك يا عمي ابو حراز ( وش كيف كيف كده ما عارفة )

    ودعتك الله يابا والعيد مبارك عليكم علينا وعليكم يتبارك العفو لله والرسول
                   |Articles |News |مقالات |بيانات

22-10-2012, 10:57 AM

اسماء الجنيد
<aاسماء الجنيد
تاريخ التسجيل: 31-03-2010
مجموع المشاركات: 4730

للتواصل معنا

FaceBook
تويتر Twitter
YouTube


Re: *** مواقف وطرائف ,,, لما رجعوني من بيت البكاء مرتين *** (Re: اسماء الجنيد)

    Quote: سلام (3) مرات يا سوما ... بالله قصرت معاك ...؟؟؟

    السلام مطبوق ليك 9 وإن شاء الله اجي اردها ليك يا ابو حسين قول آمين
    إتيمن إن ما الدنيا عيد وعشان خاطر حبيبتي أم ريدا سماوي ،
    كنت الليلة يا ابو حسين مرقت ليكم شناتكم الزمان يا ناس الفسيخ والله صحي


    لكن قالوا عشان خاطر الأزرق السماوي خليك حنين ومسامح
    مش زيكم إنتو قبلكم وقبالكم ديمة مشمرين للشي

    ولا اقول ليك
    قوووم لف مع رفاقتك البرة ديل
    طردناهم قبل شوية
    ود البشاري
    وود القاضي
    وبالله اتلافوا معاكم ود الموج ود الجنيد قبال يدخلوا علينا بي جاي
    ما لازمننا نوهاااااااااااائي
    ودعناكم الله والرسول والله يعدلا عليكم
    معاكم مهوية السختوها معاكم . خلوها التسوي ليكم جبنة
                   |Articles |News |مقالات |بيانات

22-10-2012, 11:03 AM

عبدالله ود البوش
<aعبدالله ود البوش
تاريخ التسجيل: 12-08-2009
مجموع المشاركات: 6639

للتواصل معنا

FaceBook
تويتر Twitter
YouTube


Re: *** مواقف وطرائف ,,, لما رجعوني من بيت البكاء مرتين *** (Re: Rabab Elkarib)

    اول اغترابي قعدت فت طقة ثمانية سنين حتين رجعت البلد
    وفي الحالة دي الهم الكبير هو الفواتح
    فا شنو اتخذت قرار أئ زول الاقيني طوالي اكشحو بفاتحة هو انا خسران حاجة
    واكيد بكون مات ليهو زول يا امو يا ابوهو يا أئ زول تاني ببقى ليهو
    شفتي كيف يا سوما لو لاقتني العنز بشيل ليها الفاتحة
    وقلت كدي درشت ليك الحلة فواتح
    في اليوم التاني جات فاطنة بت البطحاني لامي قالت ليها سمح عبدالله ولدك وسمح الوعا
    جاني شال لي الفاتحة في اخوي وفي ناس هنا في الحلة دي ما جوني عشان باقي انا غريبة
    واخوها دا من ابودليق ولا انا بعرفو ذاتو بس جاتا فاتحة طايرة ساهي
    .
    .
    في اليوم التاني بالليل ولافي في كشح الفواتح لاقتني اختي في الشارع ماشة قدام نسوان
    طوالي اكشحا ليك بالفاتحة انا اقرأ في قل هو الله احد وهي تضحك والله صحي زي ما اقوليك
    قلت المرة دي جنت ولا شنو ؟ القاها لي دي فاطنة اختي
    .
    .
    الزول لمن اطول من البلد ببقى زي اهل الكهف
    لكن اسع الحمد لله طولة مافي سنة بالكتير ولستة الفواتح لا تتجاوز السبعطاشر فاتحة بس
    لكن الواحد كان اتقطع تقطع ما بختا اللوم
                   |Articles |News |مقالات |بيانات

22-10-2012, 12:09 PM

عبد الباقي الجيلي
<aعبد الباقي الجيلي
تاريخ التسجيل: 23-06-2004
مجموع المشاركات: 1484

للتواصل معنا

FaceBook
تويتر Twitter
YouTube


Re: *** مواقف وطرائف ,,, لما رجعوني من بيت البكاء مرتين *** (Re: عبدالله ود البوش)

    سوما الجميلة وضيوفا الكرام ..

    الفواتح محنا كتاااااااااااار ....

    لكن آ ود البوش ... شكيت محنك على الله ...

    قلت لي كشحت أختك بالفاتحة ...؟؟

    علا لكن فاتحة زكية بت خالتي دي ... لا حصلت لا بقت ...

    التقول علي يا سوما آختي حكيتا ليك في بوستاً قديييييييييييم كدي ...

    بس بحكيها لزي ناس ود البوش ديل ...

    أصلو زكية بت خالتي دي زولة مسكيييييييييينة كدي .. الغنماية تاكل عشاها وغداها وفطورها داتو .. وتبيتا ليك القوا ...

    أها مرة عندها ليك بنية ضارباها ملاريا حااااااااارة .. وبعدين رسلوا يجيبوا الحكيم ... وهو وليداً ما من الحلة

    يلا قامت واحدة من بنياتها فتحت ليها حقنة خلتا جاهزة ... وبعدين لما الحكيم جا .. زكية بتدور تفتح ليهو حقنة جديدة

    قامت بتها قالت ليها : يمة أديهو الفاتحة (تقصد الحقنة الفاتحة) ...

    عليك أمان الله زولتك قامت طوالي كاشحة ليك الجنا المسكين بفاتحة وهي تردد (الفاتحة ... هي لكن في منو؟)

    ـــــــــــــــــــــــــــــــــــــــــــــــــــــــــــــــ

    أها واحدة كدي كمان من الحلة ... عندها سلك ضارب شوية كدي ...

    لكن عادي بتزور الناس وتمشي الفواتح والمناسبات ... يعني ما مقطوعة من الناس ...

    أها في واحدة من الحلة عرسوها ... وزولتنا دي ما باركت ليها العرس ...

    وبعد شهر كده .. قام العريس اتوفى ... ربنا يتولاه برحمته ...

    أها زولتك قامت تمشي تعزي ... وفي بالها إنها ما باركت العرس ذاتو في رقبتو ...

    قامت والله وما طالبني حليفة قالت ليك للمرة المسكينة (أولاً بالتبادي آبتي .. مبروك عليك العرس ... وبعدين) وقامت تعزي إييييييييي !!!!

    والله صحي ... شوفوا جنس الضهب ده

    بجيك صاد كان الله هون ...
                   |Articles |News |مقالات |بيانات

22-10-2012, 02:47 PM

اسماء الجنيد
<aاسماء الجنيد
تاريخ التسجيل: 31-03-2010
مجموع المشاركات: 4730

للتواصل معنا

FaceBook
تويتر Twitter
YouTube


Re: *** مواقف وطرائف ,,, لما رجعوني من بيت البكاء مرتين *** (Re: عبد الباقي الجيلي)

    Quote: ياخى شكرا ليكم كلكم
    بوست لطيف وظريف بنكهتك ياسوما

    الله يخليكم


    يا سلاااااااام يا رباب يا المن ريحة الأحباب ,, حبابك بي قلدة محنة وشوقنا المنكم طولنا
    يعلم الله مافي الطف ولا اظرف منك ولا من طلتك الحنينة
    ربي يسعدك ديمة وشرفتيني بالحيل يا خية واتفضلي ادخلي لاآآآآآ جوة
    العيد مبارك عليك مقدما يا حبيبة القسا
                   |Articles |News |مقالات |بيانات

22-10-2012, 03:33 PM

اسماء الجنيد
<aاسماء الجنيد
تاريخ التسجيل: 31-03-2010
مجموع المشاركات: 4730

للتواصل معنا

FaceBook
تويتر Twitter
YouTube


Re: *** مواقف وطرائف ,,, لما رجعوني من بيت البكاء مرتين *** (Re: اسماء الجنيد)

    Quote: .
    في اليوم التاني بالليل ولافي في كشح الفواتح لاقتني اختي في الشارع ماشة قدام نسوان
    طوالي اكشحا ليك بالفاتحة انا اقرأ في قل هو الله احد وهي تضحك والله صحي زي ما اقوليك
    قلت المرة دي جنت ولا شنو ؟ القاها لي دي فاطنة اختي
    .


    ود البوش ود امي وابوي إت ,,, قت لي اديت فطين الفاتحة ؟؟ في صمة خشمها ؟؟؟
    هههههههههههههههههههههههههههههه
    مالك آآآ الدخري طششن عينيك ولا خيفة سااااااااااااي من اللوم؟؟
    والله ضحكت لامن عشرقت ,,
    انا غايتو الطشاش ده بجيني اليومين الأولانيات , النعمنو زنة طيارة الجن دي بتسويلي صنننننة تردح في نافوخي يومين
    بعد داك بستعدل وبقبل ليك على الحوامة بي مزاج وقريفة كمان
    تاني إن جيت في بيتنا ما بتلقاني ضمة , من فريق لي فريق ومن ضل ضحى لي ضل ضحى
    ومن لمة جبنة لي مرقة عصرية
    بكمل الونسة جــــــــــــــــــــت عليها
    ولامن اقرررب اسافر الجرسة بتحصل , دموع وشجن وحنين
    وآخر يوم بفك الجوعارة ,, والله صحي
    وحكمة الله يا ود البوش يومي البجي من السفر برضو بفك ليهم جوعارة من الباب , يقالدوني ويبكوا
    وانا اغلب السكات , ودمعي يتشتت ويقلب اللقاط
    يعني يا ود البوش بكون جاااهزة مع تمارين شديدة لحوامة البكيات
    قبل اصل بيت اي زول دموعي بتلبن قبالي

    تسلم يا ود البوش ويا خوي ما تنقطع مننا
    حكاويك بالحيل سمحة وحنينة
    تسلم يابا

                   |Articles |News |مقالات |بيانات

22-10-2012, 03:42 PM

معاوية المدير
<aمعاوية المدير
تاريخ التسجيل: 24-03-2009
مجموع المشاركات: 12609

للتواصل معنا

FaceBook
تويتر Twitter
YouTube


Re: *** مواقف وطرائف ,,, لما رجعوني من بيت البكاء مرتين *** (Re: اسماء الجنيد)

    Quote: اول اغترابي قعدت فت طقة ثمانية سنين حتين رجعت البلد
    وفي الحالة دي الهم الكبير هو الفواتح
    فا شنو اتخذت قرار أئ زول الاقيني طوالي اكشحو بفاتحة هو انا خسران حاجة
    واكيد بكون مات ليهو زول يا امو يا ابوهو يا أئ زول تاني ببقى ليهو
    شفتي كيف يا سوما لو لاقتني العنز بشيل ليها الفاتحة


    ههههههههههههههههههههه،

    ود البوش يا صديق.
    حدثنا زول صديق سمح بالحيل،
    قال: وآحد من حِلتُن غاب من البلد فترة طويلة بالحيل.
    أها، وكت رجع البلد رجع يوم جمعة ومن المطار أخدلو تكسي،
    وفوووووووو، علي الجامع. حضر مع الناس صلآة الجمعة. أوآت
    ما الإمام سلّم، زولنا فت، وقف علي حيلو وقال للناس، يا ناس هوي
    أنا فلآن ود فلآن الكنت برا البلد لي سنين دحين ميتينا وميتينكم. الفاتحة،
    ورآح كاشح ليك الجماعة بفاتحة ومرق...
                   |Articles |News |مقالات |بيانات

22-10-2012, 06:33 PM

اسماء الجنيد
<aاسماء الجنيد
تاريخ التسجيل: 31-03-2010
مجموع المشاركات: 4730

للتواصل معنا

FaceBook
تويتر Twitter
YouTube


Re: *** مواقف وطرائف ,,, لما رجعوني من بيت البكاء مرتين *** (Re: معاوية المدير)

    Quote: سوما الجميلة وضيوفا الكرام ..

    الفواتح محنا كتاااااااااااار ....

    لكن آ ود البوش ... شكيت محنك على الله ...

    قلت لي كشحت أختك بالفاتحة ...؟؟

    علا لكن فاتحة زكية بت خالتي دي ... لا حصلت لا بقت ...

    التقول علي يا سوما آختي حكيتا ليك في بوستاً قديييييييييييم كدي ...

    بس بحكيها لزي ناس ود البوش ديل ...

    أصلو زكية بت خالتي دي زولة مسكيييييييييينة كدي .. الغنماية تاكل عشاها وغداها وفطورها داتو .. وتبيتا ليك القوا ...

    أها مرة عندها ليك بنية ضارباها ملاريا حااااااااارة .. وبعدين رسلوا يجيبوا الحكيم ... وهو وليداً ما من الحلة

    يلا قامت واحدة من بنياتها فتحت ليها حقنة خلتا جاهزة ... وبعدين لما الحكيم جا .. زكية بتدور تفتح ليهو حقنة جديدة

    قامت بتها قالت ليها : يمة أديهو الفاتحة (تقصد الحقنة الفاتحة) ...

    عليك أمان الله زولتك قامت طوالي كاشحة ليك الجنا المسكين بفاتحة وهي تردد (الفاتحة ... هي لكن في منو؟)

    ـــــــــــــــــــــــــــــــــــــــــــــــــــــــــــــــ

    أها واحدة كدي كمان من الحلة ... عندها سلك ضارب شوية كدي ...

    لكن عادي بتزور الناس وتمشي الفواتح والمناسبات ... يعني ما مقطوعة من الناس ...

    أها في واحدة من الحلة عرسوها ... وزولتنا دي ما باركت ليها العرس ...

    وبعد شهر كده .. قام العريس اتوفى ... ربنا يتولاه برحمته ...

    أها زولتك قامت تمشي تعزي ... وفي بالها إنها ما باركت العرس ذاتو في رقبتو ...

    قامت والله وما طالبني حليفة قالت ليك للمرة المسكينة (أولاً بالتبادي آبتي .. مبروك عليك العرس ... وبعدين) وقامت تعزي إييييييييي !!!!

    والله صحي ... شوفوا جنس الضهب ده


    ااوووه اهلي الحنان اللي منهم زماااان
    يا حليلك يا عبد الباقي الحنين ,, يا حليلك والله بالكتير ما شوية,, لينا زمن من الونسة الحنينة دي ولينا زمن من اللمة الملانة سماحة وطيبة
    من ريحة اهلنا الطيبين, والله يا عبد الباقي قصة زكية بت خالتك دي كل ما تحكيها بضحك كأنك حكيتها لي أول مرة ,,,
    يا حليلا والله,,, مسيكينة كانت الشفقة مكركباها على بنيتها,,,,
    لكن زولتكم الباركت العرس يوم البكاء دي بالغت جنس بوليغة هي لكن هههههههههههههههههههه
    يعلم الله ضحكت كما لم اضحك من قبل , لكن والله ما ضهب يا عبد الباقي يا خوي ,,, دي بساطة وعفوية حد الغرق في الطيبة والحياة السهلة
    ديل ناس ملانيييين محبة ومودة ومحنة حد السقف , وعفويين لأبعد حد , ونبيلين وصادقين
    وتصرفاتهم العفوية دي تحسها من تعاملهم,,,

    احكي ليك الموقف ده قريب من موقف قريبتكم الطيبانة دي
    حبوبتي الحنينة الله يرحمها الحكيت ليكم عنها في البوست ده زاتو
    بناديها يمة ,, عارف مرة مشت لي اهلنا عندهم سماية , وجات داخلة الله يرحمها لقت الحوش ملاااان نسوان
    دخلت جوة لقت البرندة ملانة لي جمب الباب , في اوضة مقابلة باب البرندة فيها دولااااب كبير كلو مرايات ’
    اها حامت سلمت على نسوان البرندة والفي الأوضة جوة, قبلت لقت نفس رصة النسوان دي مقابلتنها في المراية
    المراية عاكسة والحريم مرصوصات, إتخيلت ديل زاتن ضيوف
    طوالي رفعت يدها وناغمت ليهن , كيفنكن , طيبات هى يا الجوة ؟ والله فترااانة ماني قادرة احوم عليكن واسالمكن ههههههههه
    النسوان كلهن فكن ليك ضحكة كبييييرة وقالن ليها ديل نحن زااااتنا يا حبوبة بس دي مراية الدولاب عاكس الصورة ههههههه
    اها شوف زي ديل يا عبد الباقي يا خوي , النبي فيك حنيتهم مي براها ؟
    لا بزعلوا ولا بتعقدوا ولا بغلطوا عليك,,,
    زمنهم غير زمنا ده , وطيبتهم تريااانة تكفي الفريق كلو , وحنيتهم يقسموا منها لي الحلال القريبة

    تسلم يا عبد الباقي يا خوي والعيد مبارك عليك مقدما علينا وعليك يتبارك , العفو لله والرسول ,,,
    يديك يا خوي قدر يرضيك إن شاء الله ...
                   |Articles |News |مقالات |بيانات

22-10-2012, 07:09 PM

اسماء الجنيد
<aاسماء الجنيد
تاريخ التسجيل: 31-03-2010
مجموع المشاركات: 4730

للتواصل معنا

FaceBook
تويتر Twitter
YouTube


Re: *** مواقف وطرائف ,,, لما رجعوني من بيت البكاء مرتين *** (Re: اسماء الجنيد)

    Quote: ود البوش يا صديق.
    حدثنا زول صديق سمح بالحيل،
    قال: وآحد من حِلتُن غاب من البلد فترة طويلة بالحيل.
    أها، وكت رجع البلد رجع يوم جمعة ومن المطار أخدلو تكسي،
    وفوووووووو، علي الجامع. حضر مع الناس صلآة الجمعة. أوآت
    ما الإمام سلّم، زولنا فت، وقف علي حيلو وقال للناس، يا ناس هوي
    أنا فلآن ود فلآن الكنت برا البلد لي سنين دحين ميتينا وميتينكم. الفاتحة،
    ورآح كاشح ليك الجماعة بفاتحة ومرق...


    ود المدير تتجااااااااازا إنت يا يابا ’’ بالسمح مو بي شيتن تاني ,,

    يا خوي زولكم ده فاتحتو كاااافرة تــــــــــب والله صحي
    جدعهم فد جدعه وإتوكل على الله مو ياهو كدي ؟ ههههههههههههه
    إنتو يا ود المدير الفاتحة دي مريحاكم كلكم يا الرجال من طرف ,, وراحة برضو للميت
    لكن نحن الحريم المشاترات ناس إهي ‘هي ‘هي البقلوعها قلع دي انا آ بعرفها تب
    لامن اعمت ببكي بالصح بالصح ، حتى إن الميت كان جد الحيين و الميتين و عمره مية سنة ببكيهو من جوة يعلم الله ,,,
    بكى الإستهبال ده اصلي آبعرفو احمد الله ...
    عشان كدي تاني يوم لي جيتي تلقاني كاربة راسي بي طرحتين والعيون تحلف تقول مضرضرين لي فيهن شطة قبانيت حمممممممر ومشطشطات
    من البكا واللهلهة والحوامة , وبعد ده ما بتختا ليك نهرتين تلاتة من اللوم ولا من الأهل ,,
    غايتو الله يعظم الأجر إن شاء الله

                   |Articles |News |مقالات |بيانات

23-10-2012, 00:35 AM

اسماء الجنيد
<aاسماء الجنيد
تاريخ التسجيل: 31-03-2010
مجموع المشاركات: 4730

للتواصل معنا

FaceBook
تويتر Twitter
YouTube


Re: *** مواقف وطرائف ,,, لما رجعوني من بيت البكاء مرتين *** (Re: اسماء الجنيد)

    وييين ود الموج يا أخوانا ؟ وينها أمووونة بنية مختار وينهم باقي الحبان...؟

    مهوية راجين قصصك يلا امرقي تعالي
                   |Articles |News |مقالات |بيانات

23-10-2012, 01:24 AM

ضحيه ابراهيم
<aضحيه ابراهيم
تاريخ التسجيل: 28-12-2005
مجموع المشاركات: 2140

للتواصل معنا

FaceBook
تويتر Twitter
YouTube


Re: *** مواقف وطرائف ,,, لما رجعوني من بيت البكاء مرتين *** (Re: اسماء الجنيد)

    سلام لبكى يا سوما وكل الضيوف مره حكى لى شقيقى الاصغر انه عند وفاة احد اقربائنا جاتنا اسره من اهلنا بالدويم بعد الوفا ة بى اسبوع وقامن نسوانهم برسم اخر صيحات الموضه من الحناء والنقش ولبسن اخر صيحات الثياب من التوتال والشفون اوالحرير وماخلن دهبايه مالبسنها وجاءو للعزاء وكانهم جايين عرس الحته دى اغضبت ناس البيت شديد وقالو الا يلبدو ليهم فى اقرب لفه اها شال الزمن والدهم اتوفى تقريبا قوم يااخوى تعال من الشغل بلغ ناس البيت بى خبر الوفاة وقال ليهم لازم نمشي كلنا نسافر للعزاء والكلام دا كان زى المساء اها هو على بال ما يتغدى فتش نسوان البيت كلهم ولا مره واحده ما لقاها اتاريهن جرى على الحنانات جن نص الليل كل واحده راسمه للركبه طبعا مافى طريقه يسافروا فى الليل داك اها الصباح النسوان كلهن لبسن الجديد والشديد وماخلن دهب واساور الطريف انو عندنا اخونا زوجتو كانت حامل فى شهورها الاخيره حلفت الا تمشي والا تلبس دهبها كلو واليدين متورمات والغوايش حلفن مايدخلن لاخلو ويكه لا كريمات لاصابون حلفت الا تلبسن كلهن المهم اتحركو على الدويم بى عربتين والعزاء جاك زول قالو بس نمشي والعصر نجى راجعين لما فاتو جبل اولياء وكانو مسرعين ومتسابقين اها عربيه واحده اتعطلت والعربيه الاولى وصلوا زى الساعه 3 مع الغداء وشالوا الفاتحه العربيه التانيه كانت فىها الحامل دى ذاتها خلوها واقفه فى الشارع وركبو المواصلات وصلوا بعد المغرب وهم يضحكو بعد العشاء قالوا نتحرك جو راجعين لما وصلو جبل اولياء جروا العربيه الخسرانه ووصلو تانى يوم الصبح عندنا حبوبتن لينا الله يرحمه اتوفت هسي بغد ماعرفت الحصل ضحكت عليهم وقالت ليهم بركه عجبنى ليكم انتو مشيو تتقشخروا فى اهلى والنيه زاملة سيدا الله جازاكم
                   |Articles |News |مقالات |بيانات

23-10-2012, 09:40 AM

اسماء الجنيد
<aاسماء الجنيد
تاريخ التسجيل: 31-03-2010
مجموع المشاركات: 4730

للتواصل معنا

FaceBook
تويتر Twitter
YouTube


Re: *** مواقف وطرائف ,,, لما رجعوني من بيت البكاء مرتين *** (Re: ضحيه ابراهيم)

    Quote: سلام لبكى يا سوما وكل الضيوف مره حكى لى شقيقى الاصغر انه عند وفاة احد اقربائنا جاتنا اسره من اهلنا بالدويم
    بعد الوفا ة بى اسبوع وقامن نسوانهم برسم اخر صيحات الموضه من الحناء والنقش ولبسن اخر صيحات الثياب من التوتال والشفون اوالحرير
    وماخلن دهبايه مالبسنها وجاءو للعزاء وكانهم جايين عرس الحته دى اغضبت ناس البيت شديد وقالو الا يلبدو ليهم فى اقرب لفه
    اها شال الزمن والدهم اتوفى تقريبا قوم يااخوى تعال من الشغل بلغ ناس البيت بى خبر الوفاة وقال ليهم لازم نمشي كلنا نسافر للعزاء
    والكلام دا كان زى المساء اها هو على بال ما يتغدى فتش نسوان البيت كلهم ولا مره واحده ما لقاها اتاريهن جرى على الحنانات
    جن نص الليل كل واحده راسمه للركبه طبعا مافى طريقه يسافروا فى الليل داك اها الصباح النسوان كلهن لبسن الجديد والشديد وماخلن دهب واساور
    الطريف انو عندنا اخونا زوجتو كانت حامل فى شهورها الاخيره حلفت الا تمشي والا تلبس دهبها كلو واليدين متورمات والغوايش حلفن مايدخلن
    لاخلو ويكه لا كريمات لاصابون حلفت الا تلبسن كلهن المهم اتحركو على الدويم بى عربتين والعزاء جاك زول قالو بس نمشي والعصر نجى راجعين
    لما فاتو جبل اولياء وكانو مسرعين ومتسابقين اها عربيه واحده اتعطلت والعربيه الاولى وصلوا زى الساعه 3 مع الغداء وشالوا الفاتحه
    العربيه التانيه كانت فىها الحامل دى ذاتها خلوها واقفه فى الشارع وركبو المواصلات وصلوا بعد المغرب
    وهم يضحكو بعد العشاء قالوا نتحرك جو راجعين لما وصلو جبل اولياء جروا العربيه الخسرانه ووصلو تانى يوم الصبح
    عندنا حبوبتن لينا الله يرحمه اتوفت هسي بغد ماعرفت الحصل ضحكت عليهم
    وقالت ليهم بركه عجبنى ليكم انتو مشيو تتقشخروا فى اهلى والنيه زاملة سيدا الله جازاكم

    لووووووووووووووولز يا ضحية ,,,
    حبابك تاني وحباب رجعتك النورت صباحنا في بلد العجم ديل

    تعرف أكتر شيء ضحكتني الحامل الدايرة تلبس دهبها بي لايوق الويكة ههههههههههههههههه
    طبعا إتخيلت منظرها . بيني وبينك الغبينة حاااارة والله , خاااصة في مواقف زي دي
    لو بديت احكي ليك حكاية التسدي في البكيات وفلانة حدت معانا وفلانة لبست توب ولا إتحننت !!!
    تضحك لا باكر ,,
    والله اشهد الله في قصة واقعية لو حكيتها ليكم تقولوا سوما نجرتها من رأسها , نسبة لغرابة القصة ,
    لكن يشهد الله الشخوص الفي القصة المضحكة دي انا شفتهم وإتكلمت معاهم شمااار ساااااي عشان اتأكد من الحدوتة العجيبة دي
    احكي ليكم القصة , مرة كنا في بكى قريبتنا الله يرحمها ، وبدينا نناقش إنه مافي داعي الناس تحزن بي حكاية الحد ( بكسر الحاء)
    الحزن في القلب فما في داعي للبشتنة ولوم الناس في كلام فارغ,
    يلا الروايات بتاعة الحد بدت, قالوا لي في حلة قدام حلتنا فيها مرا ظريييييفة لأبعد حد وبيني وبينك عندها سلكين ضاربات فيوز
    لكن بس بظهرن في ونستها وعفويتها , وبتحوووم وتجامل في البكيات والأعراس,,
    اها الناس مرات بحقروا بيها في حكاية إنه هي زولة شوية بسيطة وبتمرق برة اللشبكة احيانا , لكن جنها وجن زول يحقر بيها ,, طوالي تشاكلك في وشك
    قووومي يا ام المرا صاحبتنا دي موتي الله يرحمها , وهي مجاااملة شديد ,, في إتنين في الحلة اخوات , واحدة جاملتها وحزنت معاها
    والتانية قالت ها الزولة دي ما بتفرزني زاتها كان إتحننت ولا لا.!! وإتحننت ومشت ليها كم عرس كده ، وديك سامعة بيها ووصلها الكلام
    وما سألتها , سبحان الله بعد كم شهر يموت ابو الأخوات ديل ,,, اها يا صاحبتنا جات عزت وتمت ليها يومين وقامت من الصباح
    حننت كراعها اليمين ويد ها اليمين وكحلت عينها اليمين برضو هههههههههههه والله صحي
    اها لبست توبها وجات من الصباح وقت لمة الفطور والنسوان كتار
    رفعت اليد المححنة وسالمت بيها الما حدت معاها وقالت ليها اصبحتي كيف يا فلانة؟
    ورفعت يدها التانية لي الحزنت معاها , وقعدت تتونس مع الزعلانة منها بي يدها المحننة و ولما تتونس مع التانية ترفع يدها الشمال
    نظام يعني الجزء المتغشف ده تايع ليك إنتي , والمحنن ده لي اختك المتسدية فيها ههههههههههه
    قالوا لي بيت البكاء كلو كان عبارة عن ضحك حتى بنات الميت زاتو .
    بيني وبينك والله انا سألت المرا المتسديين فيها دي شمشرة مني ساي
    قلت ليها صحي فلانة عملت كده ؟ قالت لي آآي والله يا بتي ماها مطرطشة سااااي مافي زولا بسعلها ههههههههه
    شكرا يا ضحية لي طلتك الجميلة والله فرقت علي من الصباح ، ربي يسعدك شقيش ما تقبل يابا
                   |Articles |News |مقالات |بيانات

23-10-2012, 10:36 AM

عادل الباهي عبدالرازق
<aعادل الباهي عبدالرازق
تاريخ التسجيل: 18-10-2010
مجموع المشاركات: 4878

للتواصل معنا

FaceBook
تويتر Twitter
YouTube


Re: *** مواقف وطرائف ,,, لما رجعوني من بيت البكاء مرتين *** (Re: اسماء الجنيد)

    بت الجنيد وضيوفك سلام وكل عام وانتم بخير

    لمن الشغلانية جابت ليها حكاوي هاكم دي .

    كانت معدات حفر الموتي والكفن بحوزة والدي علية رحمة الله ، فكنت
    من أوائل من يعرف خبر الموتي بالحي ، والدي كان عاصر علي أنا،
    وانا ترتيبي الثاني في المنزل بحكم شقيقي الاكبر زول متدين وكان يطلق
    علية لقب مولانا في الحي ، وانا زول بتاع هجيج ، بكتل ليك حفلات الديم
    والحله الجديدة عن بكره أبيهن ومن ثم أرجع اتلبد لدخول المنزل ، المهم
    عندنا صاحبنا أسموا الضيء خالتوا جابوها عيانه من البلد ، تقوم المرا
    ماتموت الا يوم الخميس ومع مواعيد برنامج عالم السينما ، بلاهي حضرت ليكم
    في التربيزة باغة زيت عافية الصفراء ديك مليانة موية باردة وبحسب في الثواني لبدء البرنامج
    ، الباب يدق والدي فتح الباب الضيء بيقول ليهو ياخال خالتي ماتت ، وأنا منتظر
    برنامج عالم السينما والدي جاب لي الكواريك ومعدات الحفر وقال لي شوف باقي
    الشباب وعلي مقابر الرميله عدل لحفر القبر ، شلت معدات الحفر أول بيت دقيتوا
    لود جيرانا جاني فاتح الباب قال لي في شنو يا الدائش قلت ليهوا خالة الضيء ماتت
    قال لي أمشي وتعال بعد عالم السينما ينتهي وقفل الباب . أنتظرت دقائق وشلت لي طوبة ووقعت
    ليكم في باب الجيران خبط ، أبوهوا جاني جاري وفتح الباب في شنو ياولدي ؟ قلت ليهوا خالة
    الضيء ماتت وماشين نحفر القبر ونزار ولدك قال بعد ماينتهي عالم السينما ، كورك ليك في نزار
    وطلعوا لي وقفل الباب ، نزار زهجاني مني وانا زهجان من الوضع كلوا ومشينا مع بقية الشباب
    مقابر الرميلة من حسن الحظ لقينا لينا مكان هش و وقعنا فيهوا حفر. باعوضة وريحة مجاري
    الخرطوم تزكم الانوف ، جهزنا القبر يقوم يجيء الوفد الاول قبل حضور الجثمان ومن ضمنهم شقيقي
    المتدين ، أول ما نزلوا في واحد شايب دقدق برجلينوا وقال يا أولادي المكان دا مجري سيل. طوالي
    شقيقي قال لمن المكان دا مجري سيل نلغي فكرة الدفن هنا ونشوف لينا محل تاني نحفر فيهوا ، قبل
    مايكمل كلاموا جريتوا من يدوا بعيد وقلت ليهوا شوف ياعاطف بطل تنظير نحن ندفن الان وبعد مايجي الخريف
    أنشاءالله خالة الضيء تصل الرصيرص نحن مالنا

    آسف للأطالة
                   |Articles |News |مقالات |بيانات

24-10-2012, 06:37 AM

عبدالله علقم

تاريخ التسجيل: 04-12-2009
مجموع المشاركات: 176

للتواصل معنا

FaceBook
تويتر Twitter
YouTube


Re: *** مواقف وطرائف ,,, لما رجعوني من بيت البكاء مرتين *** (Re: فايزودالقاضي)

    كلامك سمح بلحيل، وحروفك تتراقص فرحة،أيا كان الموضوع..
    يطول عمرك ويديك الصحة والعافية يا بت أمي حرم موسى وأبوي الطيب الصديق
                   |Articles |News |مقالات |بيانات

24-10-2012, 07:50 AM

عبد الباقي الجيلي
<aعبد الباقي الجيلي
تاريخ التسجيل: 23-06-2004
مجموع المشاركات: 1484

للتواصل معنا

FaceBook
تويتر Twitter
YouTube


Re: *** مواقف وطرائف ,,, لما رجعوني من بيت البكاء مرتين *** (Re: عبدالله علقم)

    سوما بت الحيكومة ...

    وضيوفها الأكارم ...

    يلا ... (كما يفتتح شباب هذه الأيام أحاديثهم) ..

    أو ... و .... كما يفتتح إسحق أحمد فضل الله مقالاته ...

    لا أقرأ غير هذه الــــ و ... في كتابات إسحق ...

    أفتح ليك عمودو عشان بس أتأكد من وجود هذه الـــ و ... وأشوف لي موضوع تاني ...


    المهم ...

    جيراناً لي ناس عمي في البندر ... (الخرتوم يعني) ... جابوا ليهم عمتهم عيانة من البلد (الشمالية) ...

    وأخذت ليها كم شهر كده تعبانة ....

    بعدين يوم كده أنصاص ليالي ... يقوموا ينادوا على مرة عمي بالحيطة ... يا فلانة يا فلانة ..

    خير ... في شنو ... : والله عمتنا دي ماتت أسه ونحن ما دايرين نفتح البكا إلا الصباح ...

    تقوم مرة عمي تلفح توبا ... وبالراحة تمشي ليهم ... ثم نسمع بكاء خفيفاً كما النحيب ...

    ثم تعود أدراجها ...

    ثم نسمع حركة مقاشيش ونفيض ومضايرة ... وكلو زي الهمس ...

    والجنازة عليك أمان الله متندلة جوة البيت !!!!

    أها نحن قمنا نمنا ... وصحينا بعد الفجر بشوية على صوت البكا ....

    بكا بوصفو ... التقول المرحومة دي ماتت هسسسسسسسسسسسسسسسة ...

    سبحان الله ...

    ما عارف بعدها سألت نفسي ... هل هذا هو التصرف السليم ...

    ولا السكلي البنسويهو داك في الحلة ...

    غايتو جنس ده نحن ما عندنا ليهو صبر ...
                   |Articles |News |مقالات |بيانات

24-10-2012, 10:28 AM

اسماء الجنيد
<aاسماء الجنيد
تاريخ التسجيل: 31-03-2010
مجموع المشاركات: 4730

للتواصل معنا

FaceBook
تويتر Twitter
YouTube


Re: *** مواقف وطرائف ,,, لما رجعوني من بيت البكاء مرتين *** (Re: عبد الباقي الجيلي)

    Quote: بت الجنيد وضيوفك سلام وكل عام وانتم بخير

    لمن الشغلانية جابت ليها حكاوي هاكم دي .

    كانت معدات حفر الموتي والكفن بحوزة والدي علية رحمة الله ، فكنت
    من أوائل من يعرف خبر الموتي بالحي ، والدي كان عاصر علي أنا،
    وانا ترتيبي الثاني في المنزل بحكم شقيقي الاكبر زول متدين وكان يطلق
    علية لقب مولانا في الحي ، وانا زول بتاع هجيج ، بكتل ليك حفلات الديم
    والحله الجديدة عن بكره أبيهن ومن ثم أرجع اتلبد لدخول المنزل ، المهم
    عندنا صاحبنا أسموا الضيء خالتوا جابوها عيانه من البلد ، تقوم المرا
    ماتموت الا يوم الخميس ومع مواعيد برنامج عالم السينما ، بلاهي حضرت ليكم
    في التربيزة باغة زيت عافية الصفراء ديك مليانة موية باردة وبحسب في الثواني لبدء البرنامج
    ، الباب يدق والدي فتح الباب الضيء بيقول ليهو ياخال خالتي ماتت ، وأنا منتظر
    برنامج عالم السينما والدي جاب لي الكواريك ومعدات الحفر وقال لي شوف باقي
    الشباب وعلي مقابر الرميله عدل لحفر القبر ، شلت معدات الحفر أول بيت دقيتوا
    لود جيرانا جاني فاتح الباب قال لي في شنو يا الدائش قلت ليهوا خالة الضيء ماتت
    قال لي أمشي وتعال بعد عالم السينما ينتهي وقفل الباب . أنتظرت دقائق وشلت لي طوبة ووقعت
    ليكم في باب الجيران خبط ، أبوهوا جاني جاري وفتح الباب في شنو ياولدي ؟ قلت ليهوا خالة
    الضيء ماتت وماشين نحفر القبر ونزار ولدك قال بعد ماينتهي عالم السينما ، كورك ليك في نزار
    وطلعوا لي وقفل الباب ، نزار زهجاني مني وانا زهجان من الوضع كلوا ومشينا مع بقية الشباب
    مقابر الرميلة من حسن الحظ لقينا لينا مكان هش و وقعنا فيهوا حفر. باعوضة وريحة مجاري
    الخرطوم تزكم الانوف ، جهزنا القبر يقوم يجيء الوفد الاول قبل حضور الجثمان ومن ضمنهم شقيقي
    المتدين ، أول ما نزلوا في واحد شايب دقدق برجلينوا وقال يا أولادي المكان دا مجري سيل. طوالي
    شقيقي قال لمن المكان دا مجري سيل نلغي فكرة الدفن هنا ونشوف لينا محل تاني نحفر فيهوا ، قبل
    مايكمل كلاموا جريتوا من يدوا بعيد وقلت ليهوا شوف ياعاطف بطل تنظير نحن ندفن الان وبعد مايجي الخريف
    أنشاءالله خالة الضيء تصل الرصيرص نحن مالنا

    آسف للأطالة


    حباااااااابك اخوي عادل ود الباهي ,, اب طبعا زين و باهي وطلة بهية
    العيد مبارك عليك يابا ، علينا وعليك يتبارك , العفو لله والرسول
    يعلم الله نورت يومي الطويل ده وفرهدت جوة الدار ضحكة جلجلت اركان البيت كلو ومليتنا فرحة ونضار
    هههههههههههههههههههه لكن ما لقيتك غتييييت خلاس يا ود الباهي والله صحي
    طبعا ضحكت في الرصيرص دي ضحك الجن
    وآآآ شريري يا عادل ود امي , بتدور تودي الحرمة لي سد الرصيرص ؟؟
    غايتو إنت مغيستك هينة , لكن الكلام مغيسة صاحبك نزار ههههههههههههههههه
    نزار قطع شك بكون شاميك لآآآآآ يوم باكر , وبحكيها لوليداته كل ما يتذكر مواقف غيااااظة
    ذكرتني موقف قريب من موقفك ده بس بي طريقة تانية
    وبما إنه الأيام أيام اضاحي والعيد مبارك على الجميع , النحكي ليكم الطرفة دي , حقيقية والله العظيم
    اها طبعا معروفين اصحاب البهائم الله يكرمكم بغلوا سعرها في ايام الأضاحي
    عندنا ود خالتا لينا بالحيييل محمووول , وحكى لي القصة دي براه
    قال لي تعرفي يا سوما كل ما اتذكر البنيات وامهن واتذكر راجياني كسوة عيد وخروف ضحية اقعد نص الليل في نص السرير وافكر لامن الصبح يأذن
    واقول يا ربي الدبارة شنو؟
    قال لي عندي غنماية قلت لي صاحبي هسه الغنماية دي إن مشيت اديتها حبة جير في قرونها ديل وجيت جاريها للمرا والبنيات ما بصدقن ده خروف ؟
    قال لي بتجرها نص الليل ولا بتجيبها بعد صلاة العيد؟ يا خوي مافي ليك طريقة زوغة و مافي مفر من شراية الخروف..
    اها مشوا ناس الحلة كلهم ركبوا البكاسي وجري على سوق البهائم, وصاحبنا موكح معاهم,
    قال مافي طريقة يشتري نهاااائى مع الغلا,, عاين جاي وجاي كل الخرفان سعرها في السماء
    فجعتن جاء عريبي سايق ليه حملان صغااار ,, جمع ( حمل بفتح الحاء والميم واللآم)
    يعني يا الحناكيش البجونا حايمين في البوست ده ، الحمل هو جنا الخروف.
    اها قال لي مشيت عليه قلت لي يا زول إن اشتريت منك الحمل ده دحن ما بضحي لي ؟
    طبعا صاحبنا داير يبيع , قال لي افو ... افو .. كيفن ما بضحي ليك ؟؟ حرررم يضحي ليك زي العجب
    وزولنا يا حليلو في قرارة نفسو عارف الحمل صغير لكن المهم من سلالة الخرفان . وسعره اقل مافي شك
    اشتراه واتوكل’ البوكسي ملان خرفان تضج بأصوات الباع باااااع , والحمل يا حليو وسطهن بيـــــع بيـــــع لووووووولز
    اها وصلوا الحلة , كل زول تلب جاري خروفو, هو بالراااحة آخر زول تلب بي خريفو ..
    اها استنوهم ليكم اعمامنا الكبار اصحاب النظريات جوا إتلموا في الخور محل موقف البوكسي,, وقبلوا على الجماعة المشترين من طرف
    اها يا زول والله ما شاء الله ضحية تمااااااام , مروا على كل الناس الإشتروا خرفانهم,,
    في عما لينا الله يرحمو لسانو صليييط, شاف ليك صاحبنا لااااابد ورا البوكسي بي خريفو
    مشا عليهو بالراحة و مسك الحمل وهبشو جاي وجاي , وصاحبنا لااااابد سااااااااااي
    فجأة عمك قال ليهو يا فلان هوي , الله واحد ولا إتنين؟ قال لي وااااااااحد يا عمك مالك في شنو ؟؟
    قال لي الحمل ده ما بضحي ليك!!! قال لي ليه يا حاج مالو؟
    قال لي يا زول الحمل ده ما مسن ! يعني عمره صغير وما مكتمل للضحية , عشان كده بنقول عليهو ما مسن
    قا ليهو يا زول هوي ما مسن شنو ؟؟ انا اصلي داير اضبحو ولا داير ادخلوا كلية الهندسة ..
    خلى ليك الجماعة يتدردقوا من الضحك لووووووووولز
    تسلم يا عال يا خوي وشكرا على الإستراحة الظريفة دي

    ربي يحقق كل امنياتك الجميلة إن شاء الله
                   |Articles |News |مقالات |بيانات

24-10-2012, 10:36 AM

اسماء الجنيد
<aاسماء الجنيد
تاريخ التسجيل: 31-03-2010
مجموع المشاركات: 4730

للتواصل معنا

FaceBook
تويتر Twitter
YouTube


Re: *** مواقف وطرائف ,,, لما رجعوني من بيت البكاء مرتين *** (Re: اسماء الجنيد)

    Quote: كلامك سمح بلحيل، وحروفك تتراقص فرحة،أيا كان الموضوع..
    يطول عمرك ويديك الصحة والعافية يا بت أمي حرم موسى وأبوي الطيب الصديق

    يا سلاااااااااااااام على الصباح الباهي لونو
    ابوي وعمي وطبيق اعمامي وعماتي ود بطن اماتي الأديب الأريب استاذي الجليل عبد الله علقم
    حبابك يابا بي قلدة محنة وحبابك يابا بي شوق اهلنا وحبابك يابا يا ضل السحابا
    العيد مبارك عليكم إنت وست بيتك ووليدات علينا وعليك يتبارك العفو لله والرسول
    ربي يخليك ويجعل البركة فيك وفي وليداتك وامهم ويديكم قدر يرضيكم ويحقق امنياتكم ويحفظكم ويغطيكم
    طلتك امانة مي حنينة وضوت لي متل الرتينة واسعدتني ايما سعادة وعبتني فرح حد السماء
    كتـــــــــــــــر خيرك والله الكلام السمح بادي منك والنضمي الزين ورزين إت ياكا سيدو
    شكرا مااااارقة من الجوف وملونة بكل الوان الطيوف
    السلام عبرك لكل المعاك وإن شاء الله في العيد اطايبكم بالتلفون
    تسلم يابا شرفتني وشرفت ضيوفي و نورت البوست وحوش بكري كلو يعلم الله
                   |Articles |News |مقالات |بيانات

26-10-2012, 02:07 AM

اسماء الجنيد
<aاسماء الجنيد
تاريخ التسجيل: 31-03-2010
مجموع المشاركات: 4730

للتواصل معنا

FaceBook
تويتر Twitter
YouTube


Re: *** مواقف وطرائف ,,, لما رجعوني من بيت البكاء مرتين *** (Re: اسماء الجنيد)

    Quote:
    سوما بت الحيكومة ...

    وضيوفها الأكارم ...

    يلا ... (كما يفتتح شباب هذه الأيام أحاديثهم) ..

    أو ... و .... كما يفتتح إسحق أحمد فضل الله مقالاته ...

    لا أقرأ غير هذه الــــ و ... في كتابات إسحق ...

    أفتح ليك عمودو عشان بس أتأكد من وجود هذه الـــ و ... وأشوف لي موضوع تاني ...


    المهم ...

    جيراناً لي ناس عمي في البندر ... (الخرتوم يعني) ... جابوا ليهم عمتهم عيانة من البلد (الشمالية) ...

    وأخذت ليها كم شهر كده تعبانة ....

    بعدين يوم كده أنصاص ليالي ... يقوموا ينادوا على مرة عمي بالحيطة ... يا فلانة يا فلانة ..

    خير ... في شنو ... : والله عمتنا دي ماتت أسه ونحن ما دايرين نفتح البكا إلا الصباح ...

    تقوم مرة عمي تلفح توبا ... وبالراحة تمشي ليهم ... ثم نسمع بكاء خفيفاً كما النحيب ...

    ثم تعود أدراجها ...

    ثم نسمع حركة مقاشيش ونفيض ومضايرة ... وكلو زي الهمس ...

    والجنازة عليك أمان الله متندلة جوة البيت !!!!

    أها نحن قمنا نمنا ... وصحينا بعد الفجر بشوية على صوت البكا ....

    بكا بوصفو ... التقول المرحومة دي ماتت هسسسسسسسسسسسسسسسة ...

    سبحان الله ...

    ما عارف بعدها سألت نفسي ... هل هذا هو التصرف السليم ...

    ولا السكلي البنسويهو داك في الحلة ...

    غايتو جنس ده نحن ما عندنا ليهو صبر ...


    عبد الباقي الحنين , الشوق نيلين يابا
    العيد مبارك عليك , علينا وعليك يتبارك العفو لله والرسول
    يا اللـــــــــــه يا عبد الباقي اخي
    باكر الصباح النغيمة الحنينة دي تجوب كل البيوت من طرف تسمعها ماااارقة من الجوف بي طيبة خاطر
    والكلام الدعوات ,, يا سلااااام على محنة اهلنا ,, ربنا يجمع شملنا ويلمنا بيهم قريب إن شاء الله

    اولا بالتبادي ابراااااااا من الحيكومة كان قاصد حيكومة الجن دي هههههههه مالك على آآ يابا

    اها نجي لي ناسكم البدسو جنازتهم لا باكر
    غايتو الكلام ده انا سمعتو , لكن لو حلتكم ولا فريقكم فيه مرا شمشارة وحات الله الحلة كلها والحلال الجمبها يسمعوا
    نحن زاتنا ما عندا ليه صبر , حي زاتو مافي ليه صبر خلي ميت , والله صحي
    واسمع دي والله حصلت جد وحضرتها في الحلة في واحدة من الإجازات

    اها سمعت ليك النسوان يتصايحن فلانه هييي ارحكي الحلة القدام قالوا فلان مات
    وفرررر إتلملمن , ويعجبوك اصحاب العربات , جري جوا وقفوا بالصف
    اها خالتي وامي ناغموا ليهن بي فوق الحيطة وأستعجلوهن عشان العربية ما تفوتن
    ونحن في قعدتنا ديك انطبقن جرن وتسمع العربات دي التقول سوق رفاعة والحصاحيصا حولوه عندنا في الجنيد
    اها ما فاتت نص ساعة جن راجعات امي وخالتي الله يديهن العافية
    إستغربنا قلنا ليهم ما شاء الله عزيتو وجيتو سريع
    ردت امي بالراحة وخجلانة لأنه خالها الله يرحمو كان قاعد وما بتعجبوا شفقة النسوان دي ,,
    قالت لينا الراجل قالوا ما مات هههههههههه
    طوالي قبل عليهن جدي خال امي واداهن ليك شكلة معتبرة
    وفي قعدتنا ديك وهن لابدات وخجلانات
    ناغمتهن جارتنا بي فوق وما عارفة جدي قاعد , قالت ليهن هي خليكن قرااااب الراجل ده قالوا بموت قبال عقاب الليل ده هههههههه
    والله جدي ده بدون ما يشعر فقعها ضحكة ,, قال لي شوفي ديل عليك الله. جهل مركب , دخلن في حق الله زاتو هههه
    وبعد الشكلة الأداهن ليها مصرات يسمعن كلام جارتنا وقعدن جاهزات فعلا ,,
    شفت كيف يا عبد الباقي اهلنا ديل بسطاء للحد البعيد !!
                   |Articles |News |مقالات |بيانات

04-11-2012, 00:26 AM

اسماء الجنيد
<aاسماء الجنيد
تاريخ التسجيل: 31-03-2010
مجموع المشاركات: 4730

للتواصل معنا

FaceBook
تويتر Twitter
YouTube


Re: *** مواقف وطرائف ,,, لما رجعوني من بيت البكاء مرتين *** (Re: اسماء الجنيد)

    العيد مبارك عليكم يا الحبان ,, علينا وعليكم يتبارك , العفو لله والرسول
    جيناكم يا أهلنا بعد إجازة العيد , ربنا يحقق للجميع امنياتهم الطيبة


    اها تعالوا نواصل ونستنا , حبابكم ألف
                   |Articles |News |مقالات |بيانات

04-11-2012, 12:37 PM

عبد الباقي الجيلي
<aعبد الباقي الجيلي
تاريخ التسجيل: 23-06-2004
مجموع المشاركات: 1484

للتواصل معنا

FaceBook
تويتر Twitter
YouTube


Re: *** مواقف وطرائف ,,, لما رجعوني من بيت البكاء مرتين *** (Re: اسماء الجنيد)

    كل سنة والجميع بخير ..

    سوما .. تحياتي ليك ولضيوفك ..

    أها ... واحداً كدي من الحلة الجنبنا اسمو عبد الله ... شوية عندو سلك ضارب .. وبجي يتضهب طوالي في البكيات ... عشان ياكل وكده

    .. أها مرة جا ليك فراشاً كارب كده ... قام واحد من ناس الفراش مستاء منو كده طرده ..

    زولك وقف قربة ... وما مشى بعيد ... فجأة كده الناس سمعت ليك كواريك من الفريق اللي غادي داك .. فريق ناس عبد الله ده ..

    خير آناس المات منو؟؟؟ .. قالوا المات فلان .. فلان ده خال صاحبنا عبد الله ده وساكن معاهو في نفس البيت ..

    زولك تهللت أساريره ووقف ليك في نص الفراش وقال : هلا هلا يا عبد الله ... الله بريدك .. جاب الفراش في بيتكم!!!!
                   |Articles |News |مقالات |بيانات

13-11-2012, 08:27 PM

اسماء الجنيد
<aاسماء الجنيد
تاريخ التسجيل: 31-03-2010
مجموع المشاركات: 4730

للتواصل معنا

FaceBook
تويتر Twitter
YouTube


Re: *** مواقف وطرائف ,,, لما رجعوني من بيت البكاء مرتين *** (Re: عبد الباقي الجيلي)

    Quote: كل سنة والجميع بخير ..

    سوما .. تحياتي ليك ولضيوفك ..

    أها ... واحداً كدي من الحلة الجنبنا اسمو عبد الله ... شوية عندو سلك ضارب .. وبجي يتضهب طوالي في البكيات ... عشان ياكل وكده

    .. أها مرة جا ليك فراشاً كارب كده ... قام واحد من ناس الفراش مستاء منو كده طرده ..

    زولك وقف قربة ... وما مشى بعيد ... فجأة كده الناس سمعت ليك كواريك من الفريق اللي غادي داك .. فريق ناس عبد الله ده ..

    خير آناس المات منو؟؟؟ .. قالوا المات فلان .. فلان ده خال صاحبنا عبد الله ده وساكن معاهو في نفس البيت ..

    زولك تهللت أساريره ووقف ليك في نص الفراش وقال : هلا هلا يا عبد الله ... الله بريدك .. جاب الفراش في بيتكم!!!!


    عبد الباقي الحنين حبابك يابا والعيد مبارك عليكم إن شاء الله ’ تتبارك ايامك والله رجعتك بالحيل فرحتني
    لكن عليك الله اعفا لي كنت مشغووولة شغلة شديده يا دوب امس بس قدرت رفعت رأسي
    هههههههههههههههه قلت لي عبد الله فرحو بكاهم الجاهم في بطن البيت ؟؟؟

    ذكرتني نكتة برضو حصلت عندنا قريبة من قصتك دي
    اها جماعتنا منضفيييين ديوانهم تب عشان ابوه تعبان, اي شيء مجهزنو
    فجعتن قام مات جارهم الله يرحمه, اها الجيران كلهم متعودين يفرشوا في الديوان ده زاتو
    كل الجماعة جو على ديوان الفريق
    واصاحبنا التعبوا في الديوان وجهزوه ، حرقتهم جيبة الفراش التاني قبال فراشهم هههههههههه مع إنه زوولهم لسه حي
    اها والعوا قامت في يوم البكاء, قالوا ناس فلان ما يفرشوا في بيتنا
    وديلك (ناس البكاء ) يقولوا ليهم ولاااااا على كيفكم ونحن زينا زيكم وعندنا فراش .
    الشكلة قامت والأجاويد جات ... فجأة بت الراجل التعبان ردت بدون ما تحس قالت ليهم نحن زاتنا عندنا بكى جاي هههههههه
    قالوا ليها هو عرس ولا حفلة الجاي ده ؟؟ في زول بعلم الغيب وبقدر يحدد البكاء بجي متين ؟؟؟
    غايتو ضحكت الناس فيها لكن الفراش قام في محلو ,,
    شكرا اخوي عبد الباقي وكتر خيرك كتير والله
                   |Articles |News |مقالات |بيانات


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de