|
دعواتكم لزميلنا المفكر د.الباقر العفيف بالشفاء العاجل
|
|
 Re: *** صيوان العرس ما رفعوا الأمير وليم طلق العروس *** (Re: اسماء الجنيد)
|
سوما بت الجنيد اسعد الله مساك يا اختى العزيزه
انا عندى عدة اراوى ارواى دى بى كلامنا المتعورب
منها اعجبت بهذه الزيجه من البدايه وبنيت اعجابى بانو الحب لايعرف الطبقات
طال ما فى فهم وتفاهم بين الشريكين انتهى الامر الى السعاده الزوجيه وهذا هو لب الامر كله
وعندى راى تانى لابد من الموازنه بين الزوجين فى النواحى الثقافيه والاجتماعيه والا بتحصل مشاكل
فى المستقبل القريب او البعيد
تحياتى
| |
 
|
|
|
|
|
|
|
|
Re: *** صيوان العرس ما رفعوا الأمير وليم طلق العروس *** (Re: garjah)
|
الاخت الكريمة سوما اللكومة
حسب رواية الناطق الرسمي لقصر بكنجهام
يقال ان العروسين بعد استفردا ببيعضهما في الغرفة الامير وليم
طلع
الحقة وخت سف
عندها انفجرت العروس باكية
وليم
انت بتسف
يخخخخخخخخخخخخخخخخخخخخخخخخخخخخخخخخسي عليك ما كلمتني ليه
وانفجرت باكية واغمي عليها
اها حلفت بي راس ابوها مايبوسها بي خشمو ابو تمباك
وقالت ليه يا انا يا الحقة
قال ليها الحقة
وبس
| |
|
|
|
|
|
|
|
|
 Re: *** صيوان العرس ما رفعوا الأمير وليم طلق العروس *** (Re: د.محمد حسن)
|
Quote: سوما بت الجنيد اسعد الله مساك يا اختى العزيزه
انا عندى عدة اراوى ارواى دى بى كلامنا المتعورب
منها اعجبت بهذه الزيجه من البدايه وبنيت اعجابى بانو الحب لايعرف الطبقات
طال ما فى فهم وتفاهم بين الشريكين انتهى الامر الى السعاده الزوجيه وهذا هو لب الامر كله
وعندى راى تانى لابد من الموازنه بين الزوجين فى النواحى الثقافيه والاجتماعيه والا بتحصل مشاكل
فى المستقبل القريب او البعيد
تحياتى |
ود عمي المحرب حبابك يا ود القبائل
هسة الكلام ده إن حصل في بطانتنا ديك وعند اهلنا
كان الحرامات وقعت هبطرش وعلا يصافحولها في ساعتها كيتا في الجنا الغبيان ده,
ولا برجوا العدة زاتها
والله صحي
ديل يا خوي ما بعرفوا شريكين ولا بعرفوا توافق
دي ناس صحبة سااااااي والفرتيقة عندهم متل جغمة الموية
والله صحي
| |
|
|
|
|
|
|
|
|
 Re: *** صيوان العرس ما رفعوا الأمير وليم طلق العروس *** (Re: اسماء الجنيد)
|
Quote: اسماء سلام عليك
دا خبر شنو يا بت امي دا ؟ اريتو حبر العدو الما صليح
ويا اختي علي حسب السمعتو تحت تحت الشكلة قالو دورت في
حق البنات ما جابوه مع الشيلة اها من وقتهاوالحكاية بانت
نهايتهالكن برضو بنقول الله يحلب اللبن بيناتهم |
لوووووووووووووووولز يا حيوتة
يأختي قالوا والله يكفينا شر القول
من يوم الصفاح البنية ام برنيطة متل تربيزة النجار ديك خاتة عينها عليهو
اها قالوا كشحت ليهن في الدرب عمل جابتوا معاها ومعلقاها في برنيطتتها
عشان كدي رأسها كان معسم
والله صحي
تسلمي يا حياة ياخ ,, ضحكتيني من الصباح
| |
|
|
|
|
|
|
|
|
 Re: *** صيوان العرس ما رفعوا الأمير وليم طلق العروس *** (Re: اسماء الجنيد)
|
Quote: انا من ما عرفت العروس حامل قبل العرس ...
قلت "اللهم اجعلو خير" ....
(دي بركات "أوباما" والسفير السوري والجماعة الما عزمومهم)
|
تبارك ,,, دي بهيتة والبهيتة احررر على الميتة
الليلة الجمعة والأمة مجتمعة والشماشرة مستمعة
ما تبقى على البنية إنت ووليم والطلاق المبكر
دي إشانة سمعة منك سااااااي
والله صحي
ما تودي لي بوستيني ده الخور رجاء
بعدين إنت ما بتخاف ياخ
قالوا الكضب حرام والقبر لي قدام
والله صحي
| |
|
|
|
|
|
|
|
|
|
Re: *** صيوان العرس ما رفعوا الأمير وليم طلق العروس *** (Re: خالد المحرب)
|
Quote:
ما فى فهم وتفاهم بين الشريكين انتهى الامر
|
المحرب .. سلا م
هو القصه مما تبقى ( شريكين )
اعتبرالموضوع منتهى ..
.
.
حبوبه سوما .. الحكايه ..
مالك مقابله برانيط المعزومات
بالذات بُرج الحمام وتربيزة النجار !!
.
.
تبارك
كان قلعت النضاره أُخُدها منى .. بتكتِب شِعِر
اُخُدها منى
( كيت وكيت ) - ( صُرَه فى كيت )
.
.
ود عيسى عبدالعزيز
مشيت بالقصه فى دروب تانيات .. ودى واحده من توسلات
التابه الابداعيه , فواصلوا انت وبت الجنيد القصه ,
أُخدوا احوال الكائنين .. المتطالقين حديثاً
ينالكم ثواب
فانتم برغم كونكما غير مدعوين للعُرس الملكى , لكنكما
كاحفاد رعايا الامبراطوريه التى لا تغرب عنها الشمس ,,
يحق لكم بل من اولى اولوياتكم ان تتدخلوا لرأب الصدع
اخوتى فى الانساسيه ..
وفى .. البوست ..
اقول قولى هذا وانتو عارفين الباقى باقى
التحيه من الفنان صلاح بن الباديه
لو تكرم مهندس الصوت
.
.
| |
|
|
|
|
|
|
|
|
|
Re: *** صيوان العرس ما رفعوا الأمير وليم طلق العروس *** (Re: WAD ELGAALI#4)
|
| Quote: قطع شك عين يا بت الجنيد |
انا شاكى فى العين الغطست حجر اليابان ...لو مذكرين..
بت الجنيد اريتك طيبة والولاد...
اها البت عندها نفقة ولا...لا...
انا بقترح تكوين لجنة من هنا بقيادة شيخنا ود الباوقة وصلاح غريبة والمكاشفى
يا.. رجعوا المرة دى. يا كمان غطسو حجر ...القصر الملكى بعين ود الباوقة ولحقوه
اليابان......
دخول طارق جبريل اللجنة خطر على الملكة ....نرجو الحذر...
...
| |
|
|
|
|
|
|
|
|
 Re: *** صيوان العرس ما رفعوا الأمير وليم طلق العروس *** (Re: معاوية عبيد الصائم)
|
Quote: الرابعة سلامات
للاسف الخبر عار من الصحة
والاكيدة هنا
|
حبابك يا هشام اخوي واريتك طيب يابا
الشكية لي الله ما يجيبك لينا إلا طلاق البنية دي لووولز
والله الخبر شين بالحيل وخسارته فادحة للطرفين
النشوف بعتذر ليها وللجمهور ولا لا؟
اكييييييد الحاسدات كتااااار بشمتن فيها وآآ شريري عليها
الليلة اصبحت وشها ينعل قفاها
كر يا يمة كرررررر
| |
|
|
|
|
|
|
|
|
|
Re: *** صيوان العرس ما رفعوا الأمير وليم طلق العروس *** (Re: اسماء الجنيد)
|
بت ابوي سوما
حبابك وكيفكنك..
قالوا القرعة انكسرت......
راس الخيط وقع لي..
في يوم كدي بتكلم مع بت ابوي حواء سليمان وقالت لي في ضيف قالوا من النيل الازرق.. من الكندي ولا وين كدا..!!
الضيف ده من الجماعه القويين خالص ونازل على حساب ناس كيت ديل..
في غرفته في الفندق قالوا القبعات دي يمين وشمال..
شئ ازرق, شئ بنى.. وردي من كل لون..
المسكينة كيت نست وصية الشيخ السوداني ده..
قال ليها القبعة ما تنزل من راسك الا وتضعيها على راس الامير وليم..
اختنا كيت اول ما مراسم الزواج تمت افتكرت خلاص مافي لازمة للشئ السوداني..
في لحظة شاردة نزلت القبعة بيدها ونست الوصية..
والشغل النجيض انهار والحمام طار.
والامير سافر الالزامية في الاوكلاند والمفعول فك بعد كم سنة ماسك فيه قوي..
وفعلا فتح ووجد نفسه بعيدا عنها مسافة وذات.. مشاعر ووجدان..
ونسي كل الطلوع والنزول في زمن الغفلة معاها.. وطبعا ما تذكر يتصل عليها حتى..
وفي لحظة
دقت عليه: حبيبي.. قلبي..و و ..
وليم: انت منو..؟
ردت: حبيبتك.. زوجتك.. معقول ما تعرف صوتي..
: مين قال لك انا متزوج من اصلو.. بلاش استهبال!!
: بتهظر معاي خشن كدا ليش؟ ما وحشتك؟
: هظار ايش ووحشة ايش؟ بالله سيبي العبط وقولي انتي منو؟ وعايزة شنو؟
: لا لا ده كتير.. حرام عليك يا حبيبي..
: كتير منك.. ومن فضلك بطلي.. وانا ما فاضي للعب ده..
طااارخ.. ضربت الموبايل بلارض واغمي عليها..
ابوها دخل عليها واتصل بطبيبها وبعد عمل اللازم.. خبروه بالموبايل الضحية..
شافوا الشريحة وآخر اتصال كان منها الي زوجها الامير..
الاب اتصل على الامير..
:سلامات سعادتك.. معاك نسيبك ...
: كمان.. حصّلت وجابت ليها نسابة.. ده فيلم غريب..
: يا ابني كلمني ايه الحصل؟ ولو في اشكال بسيط او سوء تفاهم بينكم ممكن يتحل..
: لو سمحت مافي داعي تمثل معي وانا في مهمة رسمية!!
: رسمية ولا شعبية.. ليش بتزعل مراتك بالشكل ده!!!
الامير طراااخ يرمي الموبايل: ده شنو الناس الوهم ديل.. انا لا حبيبت ولا اتزوجت ولا كنت مجكس حتى...!!!
يسمعه واحد كان حاضر العرس ورفيقه في الخدمة..
لا لا لا .. جرى ايه سعادتك؟
:كلها كم يوم من عرسك الكنت حاضره معاك والدنيا كلها.......
:حتى انت يا جيمس؟!!!
:انتو كلكم بتتآمروا علي في وقت واحد؟!!!
: سعادتك لا والله.. بي جد انت عريس.. والعالم كله شهد عرسك!!
الامير يروح في غيبوبة وللان نحن منتظرين الخبر اليقين.......
الكندي قوّة..
تحياتي ومودتي
(شفتي يا سوما.. منك نتعلم القصص دي)
| |
|
|
|
|
|
|
|
|
|
Re: *** صيوان العرس ما رفعوا الأمير وليم طلق العروس *** (Re: اسماء الجنيد)
|
| Quote: *** صيوان العرس ما رفعوا الأمير وليم طلق العروس *** |
سوماي الحبيبة
أتاري قلبي دا كان حاسي 
والعرس دا كنت حالفة لا أتابعو في تلفزيون لا أقرأ عنه في نت ولا جرايد
والله صحي 
يكون الولد دا طالع لأبوه وظهرت ليهو حبيبة شقراء سابقة (وشافعة)
قال أحسن أزوق بدري بدري وأبقى أحرف من أبوي زاتو
محبة بالكوم
| |
|
|
|
|
|
|
|
|
|
Re: *** صيوان العرس ما رفعوا الأمير وليم طلق العروس *** (Re: مجدي عبدالله أبوحريبة)
|
Quote: تبارك ,,, دي بهيتة والبهيتة احررر على الميتة
الليلة الجمعة والأمة مجتمعة والشماشرة مستمعة
ما تبقى على البنية إنت ووليم والطلاق المبكر
دي إشانة سمعة منك سااااااي
والله صحي
ما تودي لي بوستيني ده الخور رجاء
بعدين إنت ما بتخاف ياخ
قالوا الكضب حرام والقبر لي قدام
والله صحي |
هوووى يا سوما ... انا ما ببهت زول والعياذ بالله ...
الشمار جاني صرّة في خيت ..
قالوا ليّ كيت و كيت ....
(كيت ميدلتون اسمها على ما اعتقد)
... المهم ....
| |
|
|
|
|
|
|
|
|
|
Re: *** صيوان العرس ما رفعوا الأمير وليم طلق العروس *** (Re: تبارك شيخ الدين جبريل)
|
اسماء الجنيد !!!
لا ياخ ...
وقائمة المدعوون لم يجف حبرها بعد !!
خبر السواااااااااد ....
ــــــــــــــــــ
لكن يا بت الجنيد فى الغالب الخبر دا اشاعه
لانو فوضى ذى دى فى القصر الملكى مافى ..
الجماعه ديل كان اختلفوا بدسوا لما يتعالج الامر بشكل
ملكى لووووووووب التصريح ال نشر عن الامير دا تصريح شماشى فى الشارع
ما بقولو وما فيه اى دبلوماسية بتاعت امراء والله صحى ما لاحظتى ؟؟
| |
|
|
|
|
|
|
|
|
|
Re: *** صيوان العرس ما رفعوا الأمير وليم طلق العروس *** (Re: دينا خالد)
|
Quote:
يابت الجميد
سلام
بالتلاتة والا فيها رجعة ؟؟؟!!! |
اوووووووووه يا قرجة اهلنا المنهم طولنا
وينك يا دفعة عمري الإسفيري
ذكرتني غسمي الزمان ياخ
شفت الوجع ده كيف!!!!
إن شاء الله طيبين يا يابا وسالمين ويعلم الله منكم سىئلين
قبل مدة كنت بحبحت في المكتبة
لقيت إسمك ما زال ما شاء الله مفعل على قول كلام ناس البورد لووولز
قلت يا خوانا اهلنا السمحين ديل قاعدين ولابدين ولا الحاصل شنو
اقول ليك يا قرجة
بركة المرا دي الطلقوها
ماني شمتانة
والله صحي
لكن البركة في جيتك دي
هي باكر بتلقى ليها عريس تقشر بي
لكن إنت جيتك دي ما بنبدلها بي ايتها طلاقات لووولز
والله صحي
لكن تصدق طلاق 3
العريس الشكية لي الله قال مكجنها ومكجن الليوم العرفها فيهو وماهو عارف زاتو عرسها كيف؟
قال امها كتبتو
شكيت محنو
تسلم يا قرجة والبركة يا يابا القريناك
| |
|
|
|
|
|
|
|
|
|
Re: *** صيوان العرس ما رفعوا الأمير وليم طلق العروس *** (Re: اسماء الجنيد)
|
Quote:
الاخت الكريمة سوما اللكومة
حسب رواية الناطق الرسمي لقصر بكنجهام
يقال ان العروسين بعد استفردا ببيعضهما في الغرفة الامير وليم
طلع
الحقة وخت سف
عندها انفجرت العروس باكية
وليم
انت بتسف
يخخخخخخخخخخخخخخخخخخخخخخخخخخخخخخخخسي عليك ما كلمتني ليه
وانفجرت باكية واغمي عليها
اها حلفت بي راس ابوها مايبوسها بي خشمو ابو تمباك
وقالت ليه يا انا يا الحقة
قال ليها الحقة
وبس |
شكيت محنك يا دكتور لوووووووووولز
يخسي عليو والله كان بسف
يسف الجردقة على قول ود المدير
والله يا دكتور مش كان بسف بس !! كان بلحس التمباك إن شاوروها علا ترضى وتقعدبدل طلاقها ده
والله صحي
وهي زاتها تسف وتاخد ليها خمشة كمان تأكلها عوووووووع
تسلم يا دكتورنا اب حقة اقصد اب حقنة لوولز
شكرا على الطلة يا حنين
| |
|
|
|
|
|
|
|
|
|
Re: *** صيوان العرس ما رفعوا الأمير وليم طلق العروس *** (Re: اسماء الجنيد)
|
Quote: اسماء الحبيبة
دي عشان ماعزموا سيف الاسلام القذافي وطرابلس مليانة كجور
وشغل الكجور يا بت امي يطلق بنات الحور
ما خلي جان
شمليخ وشملخ وشالخ وبالخ ولطيق ولاطق العروسة تصبح طالق
حماك الله وبنياتك |
هلا يا ابو السيوف حبابك والله
سيف هوووي قول النصيحة ما تخجل ما بنقول حاجة
والله صحي
ما عزموا سيف الإسلام ود القذافي
ولا ما عزموا سيف ود مساعد
امرق النصيحة ما تقعد تضارا لي في ناس زنقة زنقة ساي
هم في زنقتهم ماهم طارين ليهم عيزومة ولا عرس ولا لوم
علا تلقاك ده إنت حمبكت وقلت كدة مشيت سويت ليهم شغل الكجور
اها لحقتهم امات طه
إن عرف السبب بطل العجب
والله صحي
شكرا يا سيف وما تزعل ياخ بكلمهم يعزموك في العرس الجاي
باقي هم جيراني الحيطة بالحيطة
والله صحي
| |
|
|
|
|
|
|
|
|
|
Re: *** صيوان العرس ما رفعوا الأمير وليم طلق العروس *** (Re: اسماء الجنيد)
|
Quote:
انا شاكى فى العين الغطست حجر اليابان ...لو مذكرين..
بت الجنيد اريتك طيبة والولاد...
اها البت عندها نفقة ولا...لا...
انا بقترح تكوين لجنة من هنا بقيادة شيخنا ود الباوقة وصلاح غريبة والمكاشفى
يا.. رجعوا المرة دى. يا كمان غطسو حجر ...القصر الملكى بعين ود الباوقة ولحقوه
اليابان......
دخول طارق جبريل اللجنة خطر على الملكة ....نرجو الحذر...
... |
معاوية حبابك يا العشا
معاوية القصة مي عين يا خوي
القصة قالوا والله يكفينا شر القوالة
النسوان اتحادرن في صينية الغداء
اها قوووووووومي يا النسيبة احردي غداك
وقوووووووم يا وليم اكرش مرتك
عجبني ليها
المرا كبيرة لزومو شنو تزعلها
كان تأخدها قدر عقلها وتقاسمها اللقمة,, دنيا زايلة
والله صحي
اها لا لمت في الغداء لا القصر لا الراجل
الشكيــــــــــــــة لي اب ايدا قويا
قبلها وقبالها آ خوي
| |
|
|
|
|
|
|
|
|
|
Re: *** صيوان العرس ما رفعوا الأمير وليم طلق العروس *** (Re: اسماء الجنيد)
|
Quote: بت ابوي سوما
حبابك وكيفكنك..
قالوا القرعة انكسرت......
راس الخيط وقع لي..
في يوم كدي بتكلم مع بت ابوي حواء سليمان وقالت لي في ضيف قالوا من النيل الازرق.. من الكندي ولا وين كدا..!!
الضيف ده من الجماعه القويين خالص ونازل على حساب ناس كيت ديل..
في غرفته في الفندق قالوا القبعات دي يمين وشمال..
شئ ازرق, شئ بنى.. وردي من كل لون..
المسكينة كيت نست وصية الشيخ السوداني ده..
قال ليها القبعة ما تنزل من راسك الا وتضعيها على راس الامير وليم..
اختنا كيت اول ما مراسم الزواج تمت افتكرت خلاص مافي لازمة للشئ السوداني..
في لحظة شاردة نزلت القبعة بيدها ونست الوصية..
والشغل النجيض انهار والحمام طار.
والامير سافر الالزامية في الاوكلاند والمفعول فك بعد كم سنة ماسك فيه قوي..
وفعلا فتح ووجد نفسه بعيدا عنها مسافة وذات.. مشاعر ووجدان..
ونسي كل الطلوع والنزول في زمن الغفلة معاها.. وطبعا ما تذكر يتصل عليها حتى..
وفي لحظة
دقت عليه: حبيبي.. قلبي..و و ..
وليم: انت منو..؟
ردت: حبيبتك.. زوجتك.. معقول ما تعرف صوتي..
: مين قال لك انا متزوج من اصلو.. بلاش استهبال!!
: بتهظر معاي خشن كدا ليش؟ ما وحشتك؟
: هظار ايش ووحشة ايش؟ بالله سيبي العبط وقولي انتي منو؟ وعايزة شنو؟
: لا لا ده كتير.. حرام عليك يا حبيبي..
: كتير منك.. ومن فضلك بطلي.. وانا ما فاضي للعب ده..
طااارخ.. ضربت الموبايل بلارض واغمي عليها..
ابوها دخل عليها واتصل بطبيبها وبعد عمل اللازم.. خبروه بالموبايل الضحية..
شافوا الشريحة وآخر اتصال كان منها الي زوجها الامير..
الاب اتصل على الامير..
:سلامات سعادتك.. معاك نسيبك ...
: كمان.. حصّلت وجابت ليها نسابة.. ده فيلم غريب..
: يا ابني كلمني ايه الحصل؟ ولو في اشكال بسيط او سوء تفاهم بينكم ممكن يتحل..
: لو سمحت مافي داعي تمثل معي وانا في مهمة رسمية!!
: رسمية ولا شعبية.. ليش بتزعل مراتك بالشكل ده!!!
الامير طراااخ يرمي الموبايل: ده شنو الناس الوهم ديل.. انا لا حبيبت ولا اتزوجت ولا كنت مجكس حتى...!!!
يسمعه واحد كان حاضر العرس ورفيقه في الخدمة..
لا لا لا .. جرى ايه سعادتك؟
:كلها كم يوم من عرسك الكنت حاضره معاك والدنيا كلها.......
:حتى انت يا جيمس؟!!!
:انتو كلكم بتتآمروا علي في وقت واحد؟!!!
: سعادتك لا والله.. بي جد انت عريس.. والعالم كله شهد عرسك!!
الامير يروح في غيبوبة وللان نحن منتظرين الخبر اليقين.......
الكندي قوّة..
تحياتي ومودتي
(شفتي يا سوما.. منك نتعلم القصص دي) |
عزيز الحنين حباباك ود ابوي عيسى
إت عارف إن الجنا قرأ قصتك دي
قطع شك بصلك في اليابان
وقول ليك انا في عرضك آآآ عزيز ود عم سوما
قصة جهنمية بتمرقني من الفيهو انا ده
قول ليهم كت مكتوب وخسووووووسا الشيخ منكم وفيكم يا ناس السودان
ونبقة نحن انا وحواء خيتي في الطريقة التفك اخونا عزيز من الخواجة اب عيونا خدر
باقى ابين عيوننا خدر وزرق ديل منهم خوف
الواحد يبحر فيك لامن تقول يقوم يخمشك
تقول الكديسة دي الفتنها فيني شنو ومنو ؟
معقول يا عزيز يا خوي انت بي جلالة قدرك وقلمك وفكرك تتعلم من خيتك سوما ؟؟
يا خوي إنت براااااااك موسوعة ما شاء الله ودقر العين وقل هو الله أحد
علا التواضع ياهو شيمة المبده
تسلم يابا
| |
|
|
|
|
|
|
|
|
|
Re: *** صيوان العرس ما رفعوا الأمير وليم طلق العروس *** (Re: اسماء الجنيد)
|
Quote: سوماي الحبيبة
أتاري قلبي دا كان حاسي
والعرس دا كنت حالفة لا أتابعو في تلفزيون لا أقرأ عنه في نت ولا جرايد
والله صحي
يكون الولد دا طالع لأبوه وظهرت ليهو حبيبة شقراء سابقة (وشافعة)
قال أحسن أزوق بدري بدري وأبقى أحرف من أبوي زاتو
محبة بالكوم |
هي يا هدير وينك يا الرتينة يا دهب الخزينة
يعلم الله مشتهين ونستك وطلتك
بركة يا خية القلبك حدسك وحماك تحضري الحفلة الكلها طرطاير دي
والله تحلفي تقولي مسابقة تيلي ماتش الزمان ديك
والله صحي
والود ممسووووووخ ومطموووص قلب البرنيطة للبنية وفكاها عكس الهواء قبال حفلتها ما تتفرتق
وخلا خشمها ملح ملح
يا حليلا يا بت امي تلقي عويناتها نشفن من الدموع
والله صحي
| |
|
|
|
|
|
|
|
|
|
Re: *** صيوان العرس ما رفعوا الأمير وليم طلق العروس *** (Re: اسماء الجنيد)
|
Quote: هوووى يا سوما ... انا ما ببهت زول والعياذ بالله ...
الشمار جاني صرّة في خيت ..
قالوا ليّ كيت و كيت ....
(كيت ميدلتون اسمها على ما اعتقد)
|
اها برااااااااك جبت النجيضة يا تبروكة
حالتو جاك صرة في خيط
بعدين إنت الصرة دي ما كان تكربها كويس وتجدعها في الوعرة
بعدين يا تبارك ياخ الناس قالوا حق البنات, وناس قالوا فطور ام العريس
وسوما قالت عمل وعين
إت جبتها مشاترة ضمة
هسه البنية قالوا قالت الطلاق عرفتوا
الكلام القليلة الهجمني بيها ود شيخ الدين في سودانيز كمان
والله صحي
قال المهم قال
| |
|
|
|
|
|
|
|
|
|
Re: *** صيوان العرس ما رفعوا الأمير وليم طلق العروس *** (Re: mona altom)
|
Quote: اسماء الجنيد !!!
لا ياخ ...
وقائمة المدعوون لم يجف حبرها بعد !!
خبر السواااااااااد ....
ــــــــــــــــــ
لكن يا بت الجنيد فى الغالب الخبر دا اشاعه
لانو فوضى ذى دى فى القصر الملكى مافى ..
الجماعه ديل كان اختلفوا بدسوا لما يتعالج الامر بشكل
ملكى لووووووووب التصريح ال نشر عن الامير دا تصريح شماشى فى الشارع
ما بقولو وما فيه اى دبلوماسية بتاعت امراء والله صحى ما لاحظتى ؟؟ |
دينا الحنينة
إنتي في حبر الدعوة ولا في ريحة فستان الحفلة
الزهور الشتتوها اليوم داك لا يوم الليلة ما نشفت
والله صحي
بعد يا خية الخبر صحيييييييح والعري لديييييييح
وجعتني فصاحتو
قال شنو الله ريحني منها ومن خلقتها , وما عارف زاتو الجبرني وخلاني اعرسها شنو !!!
شفتي النبي محن الراجل ده؟؟؟
لكن بدفنوها ليهو اصبري ليهو
إن ما اكلتوا ملاح الويكاب ولبستو الحجاب تضحكي علي يا دندونة
والله صحي
علا تاني لامن تجي تتلبي في البوست بشيشك لوووووب دي بتعتر ليك
كل شيء ولا الكرعين
اخير ليك لوزي انا لووووووولز
خايفاك يوم تجي تكتبي لووووووووب وتقعي جمبلوووووووووغ
والله صحي
شكرا يا دندونة يا حنونة ياخ
| |
|
|
|
|
|
|
|
|
|
Re: *** صيوان العرس ما رفعوا الأمير وليم طلق العروس *** (Re: سناء عبد السيد)
|
Quote: عزيز الحنين حباباك ود ابوي عيسى
إت عارف إن الجنا قرأ قصتك دي
قطع شك بصلك في اليابان
وقول ليك انا في عرضك آآآ عزيز ود عم سوما
قصة جهنمية بتمرقني من الفيهو انا ده
قول ليهم كت مكتوب وخسووووووسا الشيخ منكم وفيكم يا ناس السودان
ونبقة نحن انا وحواء خيتي في الطريقة التفك اخونا عزيز من الخواجة اب عيونا خدر
باقى ابين عيوننا خدر وزرق ديل منهم خوف
الواحد يبحر فيك لامن تقول يقوم يخمشك
تقول الكديسة دي الفتنها فيني شنو ومنو ؟
معقول يا عزيز يا خوي انت بي جلالة قدرك وقلمك وفكرك تتعلم من خيتك سوما ؟؟
يا خوي إنت براااااااك موسوعة ما شاء الله ودقر العين وقل هو الله أحد
علا التواضع ياهو شيمة المبده
تسلم يابا |
العزيزة الغالية/ سومـــا
يا بت أمي زي قولك الفوق هناك..
العرس البيكلف فوق المليون ده فاقد البركة..
حبوبة العريس هي ذاتها شاهد عيان استعماري..
رعاياها انتهكوا حرمات البلدان..
قتلوا وشردوا أهلها
ثم امتصوا خيراتها..
يعني زي مشروع الجزيرة ده بنوه لتغذية مصانع وسنمنستر للغزل والنسيج..
الناس في الجزيرة مهرية بالملاريا والبلهارسيا وخيراتها يتسكعوا بيها في اوربا..
قلنا الملكة بت العز ما ممكن تمشي تشوف البهدلة..
دحين العجوز دي ما بتقرأ أخبار!!
ما سمعت الناس هلكانة بالثالوث.. جوع.. فقر.. مرض!!
المليون استرليني كان ممكن تطعم كم جائع في افريقيا!!
لو كان عندها قلب..( دي ألبها عايزلو ألب)
لكان طلعت ببيان وقالت:
تضامنا مع الشعوب المقهورة بالجوع والمرض في مستعمراتنا السابقة فقد ألغينا الاحتفالات واختصرناها وقصرناها في حفل صغير بالقصر..
كان الناس فرحوا بيها ومجدوها..
وكان دعوا ليها دعوة أهلنا لريغان زمان..
عرس المال الممحوق..
أهو آخرتها كدا..
وكمان المصيبة ما وصلت آخرتها..
من البداية وفي أول الطريق..
وناس الشامي وكزام لسه ما جابوا الخيم راجعة من لندن..
والشبلي لسه ما طبع الصور حتى..
ودينا لسة بتتفقد في قائمة حضورها..
مسكينة كيت..
لا عندها عم ولا ناس حرّم..
تشابي للعز وبيت السجم..
اها.. انكسرت كزازة السمن..
ده حق أهلنا
بي طول النيل
لي غانا وموزمبيق
وبت أمي دي
جاتك من عمان وأمان
كت تدعيها وتشرفي السودان
مودتي
| |
|
|
|
|
|
|
|
|
|
Re: *** صيوان العرس ما رفعوا الأمير وليم طلق العروس *** (Re: khaleel)
|
Quote: بس انطبق عليك المثل البيقول كل زولا في همو الا جحه في عرس بت عمو
انتي هسي ماشفتي حال البنيه دي كيفينو يبكي الطير في سماه
ولا حال امها البحنن قلب الكافر
ياختي مدام هم جيرانك اخدي الاجر فيها وهديها |
لووووووووولز يا منى
والله حال البنية ببكي يا خية
علا حال اهلنا اكتر بكاءا على قول المثل
والله إن مشيت هديتها يا منى علا افك الجوعارة من برة
والله صحي
اخير بعيد بعيد
الله يجازي الكان السبب
| |
|
|
|
|
|
|
|
|
 Re: *** صيوان العرس ما رفعوا الأمير وليم طلق العروس *** (Re: اسماء الجنيد)
|
Quote:
العزيزة الغالية/ سومـــا
يا بت أمي زي قولك الفوق هناك..
العرس البيكلف فوق المليون ده فاقد البركة..
حبوبة العريس هي ذاتها شاهد عيان استعماري..
رعاياها انتهكوا حرمات البلدان..
قتلوا وشردوا أهلها
ثم امتصوا خيراتها..
يعني زي مشروع الجزيرة ده بنوه لتغذية مصانع وسنمنستر للغزل والنسيج..
الناس في الجزيرة مهرية بالملاريا والبلهارسيا وخيراتها يتسكعوا بيها في اوربا..
قلنا الملكة بت العز ما ممكن تمشي تشوف البهدلة..
دحين العجوز دي ما بتقرأ أخبار!!
ما سمعت الناس هلكانة بالثالوث.. جوع.. فقر.. مرض!!
المليون استرليني كان ممكن تطعم كم جائع في افريقيا!!
لو كان عندها قلب..( دي ألبها عايزلو ألب)
لكان طلعت ببيان وقالت:
تضامنا مع الشعوب المقهورة بالجوع والمرض في مستعمراتنا السابقة فقد ألغينا الاحتفالات واختصرناها وقصرناها في حفل صغير بالقصر..
كان الناس فرحوا بيها ومجدوها..
وكان دعوا ليها دعوة أهلنا لريغان زمان..
عرس المال الممحوق..
أهو آخرتها كدا..
وكمان المصيبة ما وصلت آخرتها..
من البداية وفي أول الطريق..
وناس الشامي وكزام لسه ما جابوا الخيم راجعة من لندن..
والشبلي لسه ما طبع الصور حتى..
ودينا لسة بتتفقد في قائمة حضورها..
مسكينة كيت..
لا عندها عم ولا ناس حرّم..
تشابي للعز وبيت السجم..
اها.. انكسرت كزازة السمن..
ده حق أهلنا
بي طول النيل
لي غانا وموزمبيق
وبت أمي دي
جاتك من عمان وأمان
كت تدعيها وتشرفي السودان
مودتي |
يا عزيز يا خوي خربانة من كبارها وديل مافي زول بقول ليهم عوجة رقبتهم
المرا العجوزة دي امانة مي مفترية
داكي الليلة جاتنا هنا في ايرلندا الجنوبية دبلن
باقي هم لسة مستعمرين جزء من ايرلندا الشمالية جهة بيلفاست
اها طبعا هم الإنجليز السوهو في الآيرش لا حكى لا بقى
هرسوهم عدييييل هرس جماعي وكانوا بكشوهم قدامهم ايام الإستعمار وبعملوهم حائط بشري في الحروب
اها المرا دي من الزمن داك وبعد النكسة الحصلت بين البلدين ما جات مادة صنقورها ده بي جاي
جات الشهر الفات قبل اكتر من 20 سنة
وفي دبلن الناس شتمتها وحلفت ما تقابلها والناس كانوا خايفين زول ينط فيها يقص رقبتها وتقوم حرب جديدة بين الدولتين
اها جات على جيهة مدينتنا شوية الناس كظمت غيظها وطلبوا منها بس تعتذر
لاحظ تقول كلمة إعتذار للجيل الجديد ده من السوتوا هي ورفاقتها في اهلم الضبحوهم في الشارع جهارا نهارا
تصدق المرا دي بي عمرها ده كلو حلفت ستين يمين ما تقول سوري!!!!!
تخيل كلمة سوري شافتها كتيرة عليهم
اكتفت بي إنه الناس المفروض تفتح صفحة جديده
صفحة جديده كيف والقديم لسة ما إنطوى !!!!
عشان كده كيت دي بتكون الجاتها شديدة ولضيضة من الناس ديل
تأكل نارها وتسكت بس
والبتجي من الأباطرة يتحملا الشعب الغلبان
| |
|
|
|
|
|
|
|
|
|
Re: *** صيوان العرس ما رفعوا الأمير وليم طلق العروس *** (Re: اسماء الجنيد)
|
بت الجنيد ..... كيفنك يُمّة
Quote: الكلام الحريم الجن مشنطات بالبرانيط والقبعات
وشماتة حبوبة اليزابيث فيكن |
وحاتك يكون لي هسي مُشاط العرس ما نقضوهو!
النكلّمك بالحصل .......
والله صحي ...
الحكاية دي قالوا طالعة من موقع بتاع شمارات ......
أها تقوم واحدة من ناس الموقع ديل من الصباح، تفكر ليها في شمار، وتقول تلفح توبها تمشي علي الجيران ... وما تسمعي غير (ما سمعتي ..... خبر السواااد) ومرة مرة تسمعي (والله صحي)، للتأكيد وكده.
أها الخبيرات دي كل يوم في الموقع ده، لامن مرة مرة بيحصل الكلام يطلع برة الموقع، ولفحي التوب بدل ما يكون جوة الموقع ده، وعند الجيران بس، الحكاية تصل الحلة التانية، وعيييييييك.
يا زولة قالوا الناس ديل في أمانة الله، وحبوبة أليزابيث باركتهم وجرتقتهم بي إيدها.
إلاّ قالوا ولد (ديانا) أحلى من العروس .... صحي الكلام ده؟
| |
|
|
|
|
|
|
|
|
 Re: *** صيوان العرس ما رفعوا الأمير وليم طلق العروس *** (Re: إسحاق بله الأمين)
|
Quote: يا كافي البلا
ويا حايد المحن
الناس ديل ما عندهم ( أجاويد )؟؟
متيمن كان العرس في شرقنا البارد كان ( العمم ) ما تديك الدرب
يا راجل عيب
يازوول إت ما عندك الأخوات
هسع الناس يقولوا عليها شنو ؟؟
هسع لو سااااكت واحد من أخوانا ظن فيها ظن السوء وكتلا ، عاد دمها ما ببلقى ليك في رقبتك دي إت قايل شنو ؟؟
آزوول أكان قلبك أباها خليها تتم معاك الحول وبعدين طلقا
الشين ملحوق إت مستعجل مالك ؟؟
_____________________________
تحياتي وسلامات العزيزة سوما
( صحي والله ) هم يضحك وهم يبكي
|
حبابك يا عاطف اخوي البركة الجيت داخل يا الحنين .. يعلم شايلة همك ولو كنت بعرف رقمك كنت اتصلت عليك يابا
بكري زاتو حرم الناس من المطايبة والسؤال في المسنجر,,
اها يا ود امي شفت جنس محن الخواجات ديل
زوووول بيأخد خبر التاني مافي كل ول في تولا على قول امي الله يديها العافية
هسة عملية دي تحصل في بلد الغبش
وحات خوتك علا يحجزوا الدايرين يعقدوا عليها لوولز
قالولك دوب جودية بس!!! ما بصبحوها في بيت امها
علا ديل قبلهم وقبالهم
اذكر مرة حكت لي صديقة مقربة موقف جدا محرج عن زواج صديقتها التم التجهيز ليهو تحت فرحة الأهل وفرحة العروس وصويحباتها
اها قووووم يا العريس زوغ ساعة العقد
قال ليك اخواتو وامو حلفن ما ببارنوا عشان خايفين من زعل خالاتو ومقاطعتن ليهم
اها صاحبنا ما عرف يتصرف
كان يجي ويعتذر بي اي سبب ولا خبر بكى طاش إن شاء الله خاصة وهو ما من اهل العروس ولا معارفهم
اها المقلب واقع في البنية المسيكينة
حلفت بصدق إنه ود خالتها كان واقف مع الخلوق من الصباح بدق في الصيوان للعقد
ناغمتوا امو حكت ليهو
دخل استحم ولبس جلابية الصلاة ورسل لي خالتو ام العروس وقال ليها اسألي بتك كان بتقبل بي انا بعقد عليها في عزومتكم دي
وما كان في مفر ولا وقت للرفض
وتحت شهامة ود الخالة الكان بدق في صيوان العقد وفجأة بقى فوقو الملايكة وتم العرس تحت إعجاب الجموع والفرحة بقت اكبر من كل الظروف
وعاشو في امن وأمان إلى يومنا هذا
ديل اهلي يا عاطف يا خوي وديل الوقت الحارة بتحزموا وبسندوا الضهر
| |
|
|
|
|
|
|
|
|
|
Re: *** صيوان العرس ما رفعوا الأمير وليم طلق العروس *** (Re: نوفل عبد الرحيم حسن)
|
Quote:
قال ليها بسف و بطلق كمان
ازيك بت الجنيد |
يا فيسل هليل يا جميل
شفت عرس الخواجات اب خمج شين ده.؟
يا حليل الأهل في القرى النائية من حلفا
صلابية مع فول زيتو ينز
يخليك تأكل ما تشبع
وجبنة بيضاء مع شمار مغتس في بطن الحلة
والعيش حاااااااار
بركة في الزاد وبركة في المناسبة
والعرس مبروك والحياة اصفى من حليب السعن
شكرا يا فيصلنا ياخ
| |
|
|
|
|
|
|
|
|
|
Re: *** صيوان العرس ما رفعوا الأمير وليم طلق العروس *** (Re: محمد حسن العمدة)
|
الموضوع كله فبركة
العرسان معزومين كندا عند ناس تراجي بدعوة رسمية تبدأ في 30 يونيو (مالقو يوم غير دا) وتستمر 3 ايام وقد تمت تلبية الدعوة من العروسين اول امس القريبة دي.
لمو العدة يا جماعة
اعتقد ان العلاقة بين الامير وكاترين ستدوم لفترة طويلة زي الامير فيليب مع الملكة اليزابيث (اكتر من 50 سنة) لان التفاهم بينهم كبير وقبل كدة انفصلو لفترة وعلاقتهم استمرت 8 سنوات يعني من بدري مكربين شغلهم عشان حاجات زي دي، بعدين الفي بطنها دا البيربي منو؟
| |
|
|
|
|
|
|
|
|
|
Re: *** صيوان العرس ما رفعوا الأمير وليم طلق العروس *** (Re: M A Muhagir)
|
Quote: اللهم ربى لاشماته..
كرررررررررر على يا اسماء
قالو البت رجعت بخبيزها..
شوف عين الحضروها قالو شنطتين صفيح
ناعم وبسكويت ..
مغستن تشق،،، |
ود الموج إنت في الخبيز ولا في الورود ياخ
بعدين صاحبك ده قالوا بطيني العريس ابو زنقلة ده
كمل الخبيز في الأول بعدين طلقها
بالغ معاها
إن شاء الله الخبيز ما ينفعوا
| |
|
|
|
|
|
|
|
|
|
Re: *** صيوان العرس ما رفعوا الأمير وليم طلق العروس *** (Re: اسماء الجنيد)
|
Quote: سمو الاميرة سومة
انتي الناس ما قالو ما عندهم طلاق
الحصل شنو
لقو فتوي من وين |
خلي العيش حرام
مشتاقين ياخ
ديل يا خلي بسنوا القوانين وبغلوا البنزين وبرخصوا السردين
وبستعمروا فلسطين وبعرسوا وهم متصاحبين
تقول لي فتوى ؟؟
اكيد وقطع بلقوا ليها مخرج من حيث لا ندري
إنت في الفتوى ولا في فستان المرا العجوزة الحضرت بيهو العرس
باااااكر تنقشط والفستان فد لبسة
آآآآخخخخخ مغسة تشق
| |
|
|
|
|
|
|
|
|
|
Re: *** صيوان العرس ما رفعوا الأمير وليم طلق العروس *** (Re: اسماء الجنيد)
|
Quote: ان شاء الله صلحتو ليها*
.
.
تحياتي بت الجنيد
---------------------------------------------------------------------------
*
ما يقال في هكذا حالة ولكنه اندثر مع اخر مطمورة عيش تذكرته بعد عناء وجهد شديدين
ولا ادري ماذا يقال الان في مثل هذه الحالة |
حباب ود البوش
يا خوي البقت بقت والبنية خترت اهلها يا حليلها ...
غايتو نحن بنقول القسمة ,, وعيشتها معاهو انقطعت . ما ياهو كدي ؟؟
| |
|
|
|
|
|
|
|
|
|
Re: *** صيوان العرس ما رفعوا الأمير وليم طلق العروس *** (Re: اسماء الجنيد)
|
Quote: بت الجنيد ..... كيفنك يُمّة
وحاتك يكون لي هسي مُشاط العرس ما نقضوهو!
النكلّمك بالحصل .......
والله صحي ...
الحكاية دي قالوا طالعة من موقع بتاع شمارات ......
أها تقوم واحدة من ناس الموقع ديل من الصباح، تفكر ليها في شمار، وتقول تلفح توبها تمشي علي الجيران ...
وما تسمعي غير (ما سمعتي ..... خبر السواااد) ومرة مرة تسمعي (والله صحي)، للتأكيد وكده.
أها الخبيرات دي كل يوم في الموقع ده، لامن مرة مرة بيحصل الكلام يطلع برة الموقع،
ولفحي التوب بدل ما يكون جوة الموقع ده، وعند الجيران بس، الحكاية تصل الحلة التانية، وعيييييييك.
يا زولة قالوا الناس ديل في أمانة الله، وحبوبة أليزابيث باركتهم وجرتقتهم بي إيدها.
إلاّ قالوا ولد (ديانا) أحلى من العروس .... صحي الكلام ده؟ |
حبابك آ محمد ود عمي ابو العزائم
اريتك طيب يا يابا , بالحيل ساعلين منك
ما يجيبك لينا آآ ود امي إلا طلاق الخواجية دي !! عاد إتلومت , تعال مارق مرة مرة انطايبك يا عشانا
اها قالوا والله يكفينا شر القول يا الحنين الشمارات المرقت دي بعد ما الفأس وقع في الرأس
اهلنا بقولوا مافي دخان بلا نار..
اها ديل نارهم قايمة قبلهم وقبالهم وماهم ناكرنها ولا داسنها, الصحافة جابتها صرة في خيت على قول تبارك
بعدين عريس شنو السمح. والله انا شايفاهو زي العتود الجيعان
والله صحي
مسلوووووووول وممعط.
والله صحي
استغفر الله من حقو
العروس حلاااته يا يابا
بتلقى غيروا لكن مغيستها حارة
| |
|
|
|
|
|
|
|
|
|
Re: *** صيوان العرس ما رفعوا الأمير وليم طلق العروس *** (Re: اسماء الجنيد)
|
| Quote: الدفارات ولا الجامبوهات؟ |
إسحق اخوي حبابك يابا يا ضل السحابا
ياخوي نحن بنعرف الدفارات والأمجاد والركشات
و زمان البرينسات..
الجامبوهات والجاتوهات دي تبع الخواجات بس,,
ذكرتني نكتة عندنا قريبا لينا مشا ليهو لي ناس مفلهمين بالحيل
قال لي الكلام كلو مقعد ومذوق والحروف تمرق من حلقوهم زي المخنوقين
قالي لامن روحي اتشحتفت وجاتني خمة نفس ومتيين امرق منهم
اها قال في نص الكلام واحد من ناس البيت قال ليهو حضرت معرض الزهور ؟؟
قال قلت ليهو لا لا عشان كنت مسافر , فيهو شنو جديد؟ قال قلت النباريهو ساي في الونسة نشوف آخرتها
اها داك ما صدق قبل عليهو ورفع حواجبيهو وقعد يرص
المرة دي زهرة اللوتس كانت عروس المعرض
وما تتخيل روعة شقائق النعمان وزهرة الأوركيد والعجب الفلامنجو !!!!
قال لي يا سوما اتمحــــــــــنت وبالحيل و انحرقت منو ومن فلهمتو
النعمنو قبال اليوم ما كان فارز غير زهور صباح الخير البنسميها في حلتنا لسان الطير
قال لي كمان قبلت عليهو وقلت ليهو
اول بالتبادي اللوتس انا آآ بعرفو بعرف صابون اللوكس
تاني شقايق النعمان دي إن ما اخاف الكضب اقول اكلة ولا فطيرة
تالت شيء يا زول انا آآ بخبر غير
الحنتوت والتبش وزهور الليف
ياخوي حنتوت بلدنا ولا لوكسيك الجبتو لي ده ,, ولبست نعلاتي ومرقت خليتو محوص
والله صحي
| |
|
|
|
|
|
|
|
|
|
Re: *** صيوان العرس ما رفعوا الأمير وليم طلق العروس *** (Re: اسماء الجنيد)
|
Quote:
هسي كان عزموا ناس البطانه العرس دا ما كان فركش
كان دخلوا اجاويد وحليفة طلاق وحرام ساي كان حلوا المشكله ورجعوهم
سلامات سوما
والله صحي
اخوك طول من البلد دي وما مواكب ... باقي منبر بكري دا مرات بجيب مصطلحات كده كان فاتت الزول بطش شبكه
كدي اشرحي لي العباره الفوق دي قصتها شنو ؟
والله صحي |
نوفل حبابك يا نوفل والبركة في الجية يا يابا
هم كان عزموا اهلك ناس البطانة الختة في الكشف ما كان هسة عوضتهم خسارتهم دي
قروش ساااااااي ده خير المراح اليقعدهم لا حول الليلة
والله صحي
اها يا خوي والله صحي دي فكاها فينا شيخ تحـــــفة كان سمعت خطبته تموووووت بالضحك
والله صحي
بعدما تسمعوا وتشوف بي عينك تاني آ بتفكها تب
وفي الحقيقة يا ود امي الجابلنا الشيخ لاعندنا هنا ود عمي البشاري العريس المرقت منو الملايكة كداري
والله صحي
الملايكة قالت يا فكيك منو من يوم ما مسكنا في درب الشيخ التحفة ده , الله يطرا بالخير
اها ودعتك الله علا ما تنسا تمشي تشوف الزول ده في اليوتيوب نسيت إسمو والله
عشان تقضي باقي يومك ده ضحك وقرقاب
والله صحي
| |
|
|
|
|
|
|
|
|
|
Re: *** صيوان العرس ما رفعوا الأمير وليم طلق العروس *** (Re: اسماء الجنيد)
|
Quote: قالو القصة و ما فيها انو ابوهو الامير شارلز الكبير
قال ليهو
يا ولدى قالو الشجر الكبار فيهو الصمغ
واحسن تختصر الطريق
هسع زي دي بحصلوها وين |
ود المجمر حبابك
إت في زول حدسك قال ليك سوما حارقا فستان العجوز الما بتتحصل دي على قولك؟؟
إت عارف آآ هشام اخوي المرا دي كان ادتني فستانها دى بي طقيمتوا دي
بمطوا لا تحت بي حاجة تبقيهو لي شرعي لوولز
واقققوم احضر بيهو العيد
والله صحي
شكرا على الصورة والفستان المطلل ياخ
| |
|
|
|
|
|
|
|
|
|
Re: *** صيوان العرس ما رفعوا الأمير وليم طلق العروس *** (Re: اسماء الجنيد)
|
Quote:
الموضوع كله فبركة
العرسان معزومين كندا عند ناس تراجي بدعوة رسمية تبدأ في 30 يونيو (مالقو يوم غير دا)
وتستمر 3 ايام وقد تمت تلبية الدعوة من العروسين اول امس القريبة دي.
لمو العدة يا جماعة
اعتقد ان العلاقة بين الامير وكاترين ستدوم لفترة طويلة زي الامير فيليب مع الملكة اليزابيث
(اكتر من 50 سنة) لان التفاهم بينهم كبير وقبل كدة انفصلو لفترة وعلاقتهم استمرت 8 سنوات
يعني من بدري مكربين شغلهم عشان حاجات زي دي، بعدين الفي بطنها دا البيربي منو؟ |
حبابك اخوي محمد عمر ود الفكي أريتك طيب يابا
والله إن شاء الله يكون إشاعة
لكن بيني وبينك إن ماشين لي ناس تراجي كان زماااااان ترجرج فتحتلها بوست قشرة وكدة لوولز
تسلم يا خوي على الطلة وإن شاء الله خبرك يكون صحيح والشمار تشيلوا الكتاحة
| |
|
|
|
|
|
|
|
|
|
Re: *** صيوان العرس ما رفعوا الأمير وليم طلق العروس *** (Re: إسحاق بله الأمين)
|
Quote: الجامبوهات إتّي شن قايلاهن؟ ما ياهن الدفارات ذاتن بس حمولة 20 طن
والمغترب البجيب الجامبو غرتو لي صرتو
فتك بعافية |
حبابك يا خوي
ههههههههههههههه وحات الله قايلاها طيارة
شفت خيتك غبشة كيفن ؟؟
والله صحي
قلت إسحق اخوي ده ظنيتو بقصد الطيارة الجامبو الماكنة ديك هههههههههههههههههه
انا شن عرفني يا خوي
ضحكتني والله الله يضحكك
| |
|
|
|
|
|
|
|
|
|
Re: *** صيوان العرس ما رفعوا الأمير وليم طلق العروس *** (Re: اسماء الجنيد)
|
Quote:
الاخت العزيزة سوما
نهارك سعيد
عليك الله شوفى للصورة الفوق دى. وشوفى الفرحة المرسومة على وش البت المسكينة
كمان من شدة فرحا اصرت تظهر الخاتم
تحياتى |
حباب المهاجر الحنين
والله صورة ملانة حنية يعلم الله
انا غايتو جنني الفستان
مبااااالغة
اريتو يا يمة فستان البنيات لي حدهن
وإن شاء الله العروس ترجع تاني تقيف وقفتها دي ويرضى عليها العريس
شكرا يا مهاجر يا حنين
| |
|
|
|
|
|
|
|
|
|
Re: *** صيوان العرس ما رفعوا الأمير وليم طلق العروس *** (Re: محمد حسن العمدة)
|
عن أذنك يا أسماء
إنت يا ود العمدة يا كافي البلاء معلق في الإشاعة الفي بروفايلك دي لسة؟؟
قابلني فوراً
أها يا بت الجنيد جيتك بالدرب
ياخ إنتي حسادة السودانيين دي ما تخليها
أسة في زمتك في طلاق خواجات وملكي كمان بالسرعة دي؟؟
واللة وماك طالباني حليفة كان الطلاق عند الخواجات ساهل وبالثلاثة
زي العندنا ده كان الأمير وليم بي خمجو ده عرس اربعة الليلة وطلق اربعة بكرة
وكمان حكم انو ما مسلم
علي النعمة كان عرسن بالدستة وطلقن بالطن
ياخ كدي دقيقة
اسة زولك لو الكلام ده صحي يلوص ويلوص لحدي ما تجي عربية مستعجلة تحل ليهو المشكلة
وكنا نبقى في الجنازة الملكية
لكن بيني وبينك كمان الطلاق الساهل ده أمانة ما أنقذ ارواح
اها يختي ابقي شوفي لينا الشمار شنو بالتحديد لأننا أسة مشغولين بي وداع اوبرا وعمليات تجميل
علي عبد الله صالح
وليك علي الشئ بالشئ
أنا ذاتي اخليك اب تو ديت في الموضوعين ديل
كسرة ...
لك الود وشكراً على البوست الخيفي ولطيف ده
| |
|
|
|
|
|
|
|
|
|
Re: *** صيوان العرس ما رفعوا الأمير وليم طلق العروس *** (Re: شادية عبد المنعم)
|
Quote:
أها يا بت الجنيد جيتك بالدرب
ياخ إنتي حسادة السودانيين دي ما تخليها
أسة في زمتك في طلاق خواجات وملكي كمان بالسرعة دي؟؟
واللة وماك طالباني حليفة كان الطلاق عند الخواجات ساهل وبالثلاثة
زي العندنا ده كان الأمير وليم بي خمجو ده عرس اربعة الليلة وطلق اربعة بكرة
وكمان حكم انو ما مسلم
علي النعمة كان عرسن بالدستة وطلقن بالطن
ياخ كدي دقيقة
اسة زولك لو الكلام ده صحي يلوص ويلوص لحدي ما تجي عربية مستعجلة تحل ليهو المشكلة
وكنا نبقى في الجنازة الملكية
لكن بيني وبينك كمان الطلاق الساهل ده أمانة ما أنقذ ارواح
اها يختي ابقي شوفي لينا الشمار شنو بالتحديد لأننا أسة مشغولين بي وداع اوبرا وعمليات تجميل
علي عبد الله صالح
وليك علي الشئ بالشئ
أنا ذاتي اخليك اب تو ديت في الموضوعين ديل
كسرة ...
لك الود وشكراً على البوست الخيفي ولطيف ده |
لوووووووووووووووووووووووووووووولز شدوية ياخ
والله إنهجمت اكتر من المرا الطلقوها زاتا لووولز
ياخ مداخلة تحفـــــــــــــــــة
والله صحي
إزيك يا حبيبتنا ,, اريتك طيبة يا الطيبة
يا خية نحن عندنا تلفزيون برانا وإنتو تلفزيون براكم ؟
انا يا بت امي الشمار وحاتك شلتو من إعلامهم زاتو
والشيء التاني في بوست تاني حاااايم في سهلة بكري بنفس الخسوووس
والله صحي
دحين يا الحنينة حسادة السودانيين دي مي عامة
والله صحي
الناس ساي ملصقه فينا السودانيين حاسدين وكسلانيين
لكن ياما تلقي القلوب البيضاء الصافية لبن وياما تلقي المحنة الدافقة والنشاط والهمة
والله صحي
اها نجي لي شمراتك إتي
وداع اوبرا عرفنا
علا عملية تجميل علي عبد الله صالح دي كتلتني بالضحك
المتجمل ليها شنو يا خية ؟
عاد إن بقيت رجع تاني وصد على اهلو , بقرشوهو الضحى الأعلى
والله صحي
ديل اليمانية العندهم الخناجر والطورية
طعن ودفن ,, هكذا وهكذا
والله صحي
تسلمي يا شدوية ياخ
ضحكتيني من الصباح
الله يملاك فرح يا بت امي
| |
|
|
|
|
|
|
|
|
|
Re: *** صيوان العرس ما رفعوا الأمير وليم طلق العروس *** (Re: اسماء الجنيد)
|
The news of imminent divorce of William and Kate should be taken with a pinch of salt. It seems Prince William and Kate Middleton are planning for a long tour of America beginning with Canada – from 30th of June to 8th of July.
Upon arrival, the Royal couple would take part in the Canada Day celebrations on 1st of July in Ottawa. This information has been made available by James Moore, the Heritage Minister of Canada. The couple would also be present at the opening of the Calgary Stampede in Alberta. They would later be in Los Angeles from the 8th to 10th of July.
Therefore, the vicious rumors of an imminent divorce between Prince William and Kate Middleton within a month of their Royal wedding appear to be a figment of someone’s very fertile imagination.
يا جماعة ما تشاغلونا في أولاد ديانا ديل:
أنا وديانا عرسونا سوا وولدنا وليداتنا ديل سوا وفارقنا الزواج سوا "هى بالموت وانا باللى ما يتسماشي...نحمد الله على نعمة الحياة)
حسة ولدها عرس وولدي عرسو في الأفق
نبرا من طلاق الوليدات .....
| |
|
|
|
|
|
|
|
|
|
Re: *** صيوان العرس ما رفعوا الأمير وليم طلق العروس *** (Re: Tumadir)
|
Quote:
المحرب .. سلا م
هو القصه مما تبقى ( شريكين )
اعتبرالموضوع منتهى ..
.
.
حبوبه سوما .. الحكايه ..
مالك مقابله برانيط المعزومات
بالذات بُرج الحمام وتربيزة النجار !!
.
.
تبارك
كان قلعت النضاره أُخُدها منى .. بتكتِب شِعِر
اُخُدها منى
( كيت وكيت ) - ( صُرَه فى كيت )
.
.
ود عيسى عبدالعزيز
مشيت بالقصه فى دروب تانيات .. ودى واحده من توسلات
التابه الابداعيه , فواصلوا انت وبت الجنيد القصه ,
أُخدوا احوال الكائنين .. المتطالقين حديثاً
ينالكم ثواب
فانتم برغم كونكما غير مدعوين للعُرس الملكى , لكنكما
كاحفاد رعايا الامبراطوريه التى لا تغرب عنها الشمس ,,
يحق لكم بل من اولى اولوياتكم ان تتدخلوا لرأب الصدع
اخوتى فى الانساسيه ..
وفى .. البوست ..
اقول قولى هذا وانتو عارفين الباقى باقى
التحيه من الفنان صلاح بن الباديه
لو تكرم مهندس الصوت
.
.
|
لا حولالالا يا خطاب يا جنا الأحباب ويا خير الصحاب سلام بي قلدة محنة ياخ
يا ود امي إت مداخلتك دي جدعتها بي فوق الحيطة صرة في خيت تبارك ولا شنو ؟
ما شفتها ياخ
والله صحي
عارف يا خطاب يا حنين
جني وجن البرانيط عشان انجبرتا في سقط اوربا ده البسهن واغطي بيهن اضني
مكجناهن سااااااااااي ما إرتحت وروحي بردت علا لامن السقط راح بي خيرو وشرو
اها البرانيط هنا تلقاها اشكال والوان زي ما إنت عاف
وفوق لي كده ديل جن في العرس سونها تاني دور
والله صحي
اها ام بمبي ولا بصلي ديك
قرررررربت انط بي الشاشة اكفتها واقلعها منها اشيل شبك قفص الحمام داك
خلت ليها وشيشها زي المليم لوولز
تبروكة ده يا خطاب بسمع كلام زين
هو زاتو ممسوخ ومسلط وكلامو مرات تقول كابي فيهو جردقة لوولز
بخلي الزول يفور عديل
مرات يضحك لامن يروح سواد العين
دحيت إن كتب بي قافية تاني الناس بتأكل معاهو حرف ؟؟
تسلمممممم يا خطاب والود حنين يا ود الجروف والطين
شكرا لي طلتك الحنينة نياين ومقرن
| |
|
|
|
|
|
|
|
|
|
Re: *** صيوان العرس ما رفعوا الأمير وليم طلق العروس *** (Re: اسماء الجنيد)
|
Quote: يا جماعة ما تشاغلونا في أولاد ديانا ديل:
أنا وديانا عرسونا سوا وولدنا وليداتنا ديل سوا وفارقنا الزواج سوا "هى بالموت وانا باللى ما يتسماشي...نحمد الله على نعمة الحياة)
حسة ولدها عرس وولدي عرسو في الأفق
نبرا من طلاق الوليدات ..... |
لوووووووووووووووووووووووووووووووووووووولز يا طماطم ياخ
احييييييييييي يا مصاريني
ياخ إنتي اللذ زول في الدنيا كلها مش خسوسا بيتكم وبيوتكم كلها في امدرمان والشرق
والله صحي
ما تحمر لي تبارك
اها يا الطماطمايا يا حبيبة قسايا
قلت لي عرسوك مع ديانا ويا بت امي طلقوكن سوا .؟
سمح خلي الطلاق هسع
لامن عرسوكن سوا ، لبستي البرنيطة زيها ؟؟ لوولز
هسع يجيني ناطي خطاب لووووووووولز
إتذكرت نكتة ناس الهيلاهوب في واحدة من إسكيتشاتهم الدمها شربااااااات
اها شافع عربي قال لي مدرسو إنت صحي بتدرس ود ناس فلان الغنيان في بيتهم ؟
الأستاذ قال لي آآي
قال لي اها سمح وبتتغدأ معاهم ؟؟ لووولز
اها إنتي لبستي زي ديانا ؟
ياختي الله يخلي ليك وليداتك وتحضري جنا جناهم
ومبروووووووووك على عريسنا ود القبائل ود العزة والمهلة الخيروا مدفق في السهلة
وكتتتتتتتر خيرو خال العريس ابو مريم عزمني القيدومة يا يمة وعاجبو عرس ود خيتو
والله صحي
إن بقيت حية بجيكم حتى لوما عزمتني ام العريس باقي الحنين بحن يا خية
و انا فركة كعب يا يمة من بيت ناس العروس
فرد ساعة واتلب جمبلغ
الله يدي العافية
كان الله هون
شكرا يا طمطم ياخ
| |
|
|
|
|
|
|
| |
اسماء الجنيد
WAD ELGAALI#4
خالد المحرب
محمد الأمين موسى
jini
تبارك شيخ الدين جبريل
Hisham Amin
على عمر على
garjah
د.محمد حسن
saif massad ali
khatab
معاوية عبيد الصائم
Abdlaziz Eisa
Hadeer Alzain
مجدي عبدالله أبوحريبة
دينا خالد
mona altom
سناء عبد السيد
عاطف عمر
فيصل محمد خليل
صديق الموج
khaleel
عبدالله ود البوش
محمد أبوالعزائم أبوالريش
إسحاق بله الأمين
نوفل عبد الرحيم حسن
هشام المجمر
محمد عمر الفكي
M A Muhagir
Tumadir
فيس بوك
تويتر
انستقرام
يوتيوب
بنتيريست