|
|
 *** سلام من البلد ***
|
الاهل الطيبين حبابكم مجتمعين وفرحانين
العيد مبارك عليكم وان شاء الله العيد الجاى
مجتمعين مه الاهل والاحبه فى خير وسعاده
ربنا يحقق امانى الجميع .. والعفو لله والرسول
سلام من البلد
***
اغرف من بحر الكلام ..
اغلا الحروف انسج سلام...
فى ثوب موشح بالمحنه والوئام....
واقلع من قيف الجرف شتلات غرام ...
اجدع فى الثوب القبيل ...
ارسم طيور.. فوق الغمام ...
حاضنه الحنين .. حاضنه الوله ..
شوق وابتسام ...
وارسل تحايا معبقه بالمشاعر والهيام ...
مليانه بى ريق الاهل..
نفس الاهل بتقول كلام ....وتقول سلام
من الشرق... اهل الدرق ..
شوقا الف .. طبعا ولف..
مرحب دبايوا يا كرام ..
من الغرب اهل الطرب ..
اهلا حبابكم باحترام ...
من الشمال صفق الشدر ...
صوت الوتر... ريحة التمر..
تقلد تطايب فى انسجام ...
ومن الجنوب نغما طروب..
سكسك يكشكش فى فرح ...
يجرى ويجوب..
كل الشوارع والدروب ...
و يقول سلام بدل الحروب ...
ومن البطانه الداره بالضرع الحلوب
بيتين شعر تصدح تدوب ...
جنيات تدوبى .. تسرح.. تنم
ترسم جمال ساعة الغروب
واقيف هناك وسط الاهل ..
و ريحة البخور.. اكتب سطور ..
تعبر جبال تعبر بحور ..
تحمل تحايا من شهور زى دهور ...
من قلبا سعيد مليان سرور ..
مليان حبور...
لى ناس عزاز قلوبا نور ..
ووجوها نور ...
ضيا متل بدر البدور...
ولهيجا زى نفس الزهور ...
اتمنى من ربى الشكور ...
يصل السلام مرسال محبه ..
ولى الاحبه ..الف ورده ...
و زحمة من باقات عطور ...
وليكم انتو الف ورده وزحمة من باقات عطور
اسماء الجنيد / مسقط
|
|
 
|
|
|
|
|
|
|
|
Re: *** سلام من البلد *** (Re: soma)
|
كل عام وأنت وأسرتك الكريمة بألف خير
ونسأل الله أن تعود للسودان عافيته بعيدا عن قاتليه وناهبيه
ومغتصبي نسائه ومذلي شرفائه ومشردي الغر الميامين من أبنائه
وأن يشمل القصاص العادل كل من قتل ونهب وسرق واغتصب وشرد وعذب
وأن يأخذ السودان مكانه الجدير به بين أمم الأرض معززا مكرما محترما
محبوبا وأن ينعم اهله بالوحدة والحرية والديمقراطية والعزة والكرامة
والتنمية المستدامة والرفاه وأن يعم الحب والأمن والطمأنينة والعدل
والمساواة كل أبنائه في كل ربوعه ونجوعه.
وكل عام والسودان وأنتم جميعكم بألف ألف خير
| |
|
|
|
|
|
|
|
|
|
Re: *** سلام من البلد *** (Re: Dr.Ahmed Boasch)
|
دكتور مصطفى حبابك والعيد مبارك عليك
آمين يا رب ربنا يحقق كل الامنيات
وشكرا على الدعوات الجميله دى فى صباح العيد
شكرا اخى العزيز شكرا لمة اهل وفرحة عيد..
***
اخى الدكتور احمد كل عام وانت بالف خير
شكرا على الباقه الجميله دى
شكرا قدر جمالها على طلتك البهيه
شكرا دعوات يمه فى صباح العيد
كل عام والجميع بالف خير
| |
|
|
|
|
|
|
|
|
|
Re: *** سلام من البلد *** (Re: شهاب الفاتح عثمان)
|
حباب الاخوان الاحباب .. ايهاب وشهاب
**
حبابك ايهاب سلام وحباب طلتك مرتين والعيد الليله بقى عيدين يا ابو رامى
شكرا على الطله وتحياتى وامنياتى بالصحه وتهنئة بالعيد لكل الاهل
شكرا ايهاب شكرا لمة اهل يوم العيد
**
اخى شهاب تسلم وكل سنة وانت طيب
ربنا يجعل ايامك كلها فرحة وعيد وبهجه وسرور
شكرا اخى شهاب على الكلام الجاى منك
شكرا دعوات اهل صباح العيد
| |
|
|
|
|
|
|
|
|
|
Re: *** سلام من البلد *** (Re: الطيب شيقوق)
|
حباب اخوى انور ود الشيخ
يديك العافيه بركة قبائل العيد
يفرحك ديمه ويسهل امرك ويخدر دربك
قاااااااادر يا كريم
شكرا على الطلة اخى انور
شكراأردب محنة
***
ود الاهل الطيبين الطيب ود شيقوق
سيد الفهم والراى السديد
مبروك عليك العيد
تتبارك ايامك ووتتحقق احلامك
يااصيل ود بطن الاهل
ربى يسهلا ليك وين ما تقبل
ويفتحا عليك فى كل القبل
ويعدلا ليك فى كل محل
آميــــــــــــن يا رب العالمين
شكرا اخى ود شيقوق
شكرا لمة اهل صباح العيد تحت ضل نيمه
| |
|
|
|
|
|
|
|
|
|
Re: *** سلام من البلد *** (Re: soma)
|
الأخت العزيزة سوما
كل عام وانت وأهلك كلهم بخير وعافية..
ما أجمل أن يستقبل أول يوم في العيد
بهذه اللوحة الفرائحية..كلمات غاية في البساطة
تدغدغ المشاعر كما الطل في الثرى العطشى فنرحل معها
في ربوع تسكننا..لك الله يا بلدي..
شكرا سوما
الزاكي
| |
|
|
|
|
|
|
|
|
|
Re: *** سلام من البلد *** (Re: الطيب شيقوق)
|
صاحبة الحرف الانيق
شاعرتنا الراقية
سوما
كل سنة وانت والاسرة بالف خير
يارب
وربنا يحقق امانيك
ويتواصل عطاءك الاصيل
وعيدية مقبولة
وربنا يحقق امانيك
والتحايا عبرك لكل الاصدقاء
والصديقات الجميلين..
مودتى والتقدير
| |
|
|
|
|
|
|
|
|
 Re: *** سلام من البلد *** (Re: الزاكى عبد الحميد)
|
سلاما ليك سمح مرصوص
وصادق قيهو ليك مخصوص
شايلو حمامناحاشا يلوص
وشوقا نارو من البوص
فشانك زنا بالفاروص
وفيهو من اللآلئ فصوص
وفوقك تبقى زى طاووس
وفى موية الدهب مطموص
أصيلا فى الجرام محروص
وكامل حاشا مو منقوص
العيد مبارك عليك والأسره الكريمه والأهل أجمعين
وأمانينا لك بالتوفيق والعافيه حتى الرجوع
منصور
| |
|
|
|
|
|
|
|
|
|
Re: *** سلام من البلد *** (Re: الطيب شيقوق)
|
Quote: سلاما ليك سمح مرصوص
وصادق قيهو ليك مخصوص
شايلو حمامناحاشا يلوص
وشوقا نارو من البوص
فشانك زنا بالفاروص |
اخي منصور انت العرفت البوص ده ياكا زولنا بالحيل .
البوص للذين لا يعرفونه نبات ينمو في الميع والميع هى الاماكن التي تتجمع فيها مياه الامطار غالبا تكون وهيطة . والبوص يستعمل لبناء المنازل - اى منازل القش - بس انا سمعت من تغنى للنال وهو قش ايضا يستعمل لبناء المنازل ولكنه اكثر نعومة من البوص وعنده ريحه جميله تشم مع هيف الدرتية (الدرتية هي نهاية الخريف وموسم حصاد العيش والسمسم وهو الموسم الذى يعود فيه طير الحبار من هجرته الى السودان.
النال تغنى به الفنان عثمان الشفيع في اغنية في الضواحي وطرف المدائن للشاعر الفذ خليل فرح:
يا الطبيعة الواديك ساكن
مافي متلك قط في الاماكن
يا جمال النال في ثراكن
يا حلات البرعن اراكن
في قفاهن تور قرنه ماكن
لاغشن لاشافن مساكن
في الخزام والشيح والبراح
لكم اطيب المنى
| |
|
|
|
|
|
|
|
|
|
Re: *** سلام من البلد *** (Re: الطيب شيقوق)
|
أخي الطيب
اتفق معك تماماً على أن التباين في الحياة والطبيعة يولد
في المبدع إحساسا بالنشوة وليس بالضيق أو الضجر..وهذا يذكرني بقول
زينون زعيم الرواقيين حين قال:
إن سنابل القمح المائلة وجبهة الأسد والزبد الذي يحف أفواه الخنازير
البرية وأشياء كثيرة أخرى قد تكون بعيدة عن الجمال من بعض النواحي
ومع ذلك فإن وجودها كجزء من الطبيعة يضفي عليها جمالاً يجعلها تروق للعقل..
لك ودي أيها الصديق ولست البوست التحية من قبل ومن بعد..
الزاكي
| |
|
|
|
|
|
|
|
|
|
Re: *** سلام من البلد *** (Re: الطيب شيقوق)
|
أخي الطيب
صلاح مصطفى سربل الكلمات التي اخترتها من شعر مصطفى سند
بلحن لا تملك إلا تحلق معه في فضاءات تتماهى ثم تتبلر كبقية
"حلم ينداح عن صبح بهيج"
شيخ العرب لك ودي..
الزاكي
| |
|
|
|
|
|
|
|
|
|
Re: *** سلام من البلد *** (Re: الطيب شيقوق)
|
الوريف الشفيف
اخى الزاكى اب كلاما لطيف
جمل الله ايامك فرحا وبهجه
وكساك من نعيمه صحة وعافيه
طلتك تريح البال .. وتضفى على العمل ايا كان رونقا وجمال
تعجبنى مداخلاتك ..
ويعجبنى اسلوبك فى السرد ن سواء بالكتابه أو عند تقديمك لأى ضيف
فى اى مجال .. استمعت اليك كثيرا..
واستمتعت حقيقى باسلوبك الراقى وثقافتك العاليه
احيى فيك روح الوفاء والوطنيه لبلدك واهلك ..
واحيى فيك العطاء الممتد رغم ظروف عملك
وكثيرا زحمة الحياة ما تشغلنا عن الاولويات ..
لكنك اخى تعطى .. وتعطى .. وتعمل بكل اخلاص وتفانى..
لك التحيه مثنى وثلاث ورباع والى ما لا نهاية
وشكرا على مداخلتك الجميله
وكل سنة وانت طيب
شكرا اخى الزاكى .. شكرا فرح الفصول..
****
ود الاهل الطيبين
اخوى الطيب ود شيقوق
كتر خيرك يا العشا على المتابعه
حقيقى وفيت وكفيت
الاخ الزاكى دائما مداخلته ترفع المعنويات لى قمة الفرح والارتياح
له ولك التحيه والاحترام
وشكرا مطامير فرح
****
اخى الشاعر المرهف عبد المنعم
لك التحايا النواضر يا ابن بلدى الحنين
الشوق محنة لك ولأسرتك الكريمه
شكرا على طلتك الجميله
وكلامك البروى الروح فرح وحبور
كل سنه وانت طيب وكل الاسره الكريمه
ربنا يحقق كل امنياتكم
وشكرا قصيدة منك
***
اخوى منصور
حبابك يا شدر الهشاب
يا غيمتنا يا ضل السحاب
سلامك جانا من الباب
وكلامك رد فينا شباب
غناك حنين كيف منساب
جاب البسمه بعد غياب
عب بيوتنا والاحباب
.....
فرحتنى بى نضميك المن الجوف
غلبنى ارد عليك مهما اخترت حروف
ربى يسعدك قدر فرحى بى مداخلتك يا حنين من وسط الاهل
تسلم يا ضل شبابيك القبل
العيد مبارك عليك
الله يعيده عليك بالصحة والعافيه والخير الوفير
شكرا اخى منصور شكرا ... مطمورة درت
***
اخوى الطيب والله اياكا انت ضوء القبيله
عشا البنيات ومقنع الكاشفات
ركازة العمات .. ودخرى الحوبات
يديك العافيه يا سند الامات والخالات
شكرا اخى ود شيقوق ..شكرا دعوات حبوبات
| |
|
|
|
|
|
|
|
|
|
Re: *** سلام من البلد *** (Re: soma)
|
| Quote: شكرا اخى ود شيقوق ..شكرا دعوات حبوبات |
حليلك يا بت الجنيد بت الاصول كلامك يبكى عديييييييييل بطريني اهلي وحبوباتى ودعواتن المعاها لفحة توب ويودعن ويجن تاني عدة مرات في لحظة واحدة.
الزمن اتغير سومة اختى زمان امى وحبوباتي بيقولن لى انشاء الله يا الطيب ولدى تبقى لينا مدرس والمتفلهمة فيهن تقول لى تبقى لينا استاداو تمرجى يا حليل ايام زمان الزاكى اخوى .
بالعافية
| |
|
|
|
|
|
|
| |
Mustafa Mahmoud
Dr.Ahmed Boasch
ايهاب
شهاب الفاتح عثمان
الطيب شيقوق
الزاكى عبد الحميد
عبد المنعم سيد احمد
munswor almophtah
فيس بوك
تويتر
انستقرام
يوتيوب
بنتيريست