|
|
|
 Re: السودان بلد المحن: بصير للبشر و معالج للحمير فى آن واحد/توجد صورة (Re: هشام المجمر)
|
والله يا هشام أنا شايفو وضع طبيعي جدا ..
يوم طالعين من الجامعة أنا وصاحبي مفلسين وزهجانين جدا
مشينا كداري لحدي السوق العربي..
في السوق العربي لقينا بوكسي واقف والسواق شايل مايكرفون وبيتكلم عن علاج
بلدي لكل الأمراض ..أها في الزهجة ديك قلنا نتونس بيهو شوية!
دخلت في دور واحد عيان ومشينا عليهو أنا وصاحبي..
قلت ليهو: لو سمحت عاوز علاج مالاقيهو..
رد علي : كلو عندنا..
قلت ليهو: لكن علاجي صعب شوية..
قال لي: إنشاء الله بتلقاهو عندي..
قربت من أضانو وقلت ليهو: عندي إيدز..
صاحبنا إتخلع وزح مني شوية كده! وفضل يعاين لي لفترة..
قام قال: أيوه في ..عندي ..لكن غالي شوية..
سالتوا :بي كم؟
قال : 25 ألف..ومجرب
قلت ليهو بخلعة: 25 ألف بس!!
قال لي: عشان إنت طالب..لكن لو ما كده بي خمسين ألف..
قلت ليهو كويس بمشي وبجيك بكرة ..
ومشينا أنا وصاحبي لكن الزول فضل يعاين لينا مخلوع تقريبا لحدي ما أختفينا من نظروا..
وأنا متأكد إنو حيكون بيفكر ليوم الليلة في الموضوع..
دي بلد محن وبس..
تسلم
| |
 
|
|
|
|
|
| |
هشام المجمر
Mustafa Mahmoud
هجو الأقرع
Abd Alla Elhabib
)
omar altom
فيس بوك
تويتر
انستقرام
يوتيوب
بنتيريست