البدايات التساسك لي مسامات التوالف في دروبك لي نهاية سطرن في صدورن قصة الريد والرواية الدميعات التنقط من بنياتا بخبرن متعة الحر في اللدايا للحبيبات البعرفن سر دواك وسر دوايا النهايات البتعزف بحة ألحانك نشاز شردنك غصب عنك لي فضاءاتا شتات البشارات السعيدة النافرة منك ودعن زمن التجني وبدن التغني في الموانئ والمطارات البعيدة الملامح مي غريبة البسيمات البتعكس في المرايا من شفاهن تهنا في أحرف غناهن الكليمات الحنينة الدوبن شهد المقاطع في قناديل القراية عمقن جرح المنابع والقلوب الخايفة رجفن لما وصفن سر جمالك آية آية راحن مع اللون المحايا الصباحات القديمة بي نسيمها جددن حلم الرواكيب والشبابيك والمراكيب والطواقي الحايمة ديمة في المدينة الماها نايمة فترانة لي حد التعب عطشانة فوق سقف الغضب خجلانة من غبرة هديمها فزعت تفتش في الجنيات التباري سجع القماري فوق نجيماتا سراب والنيل علي مرمي رضاب إلا عايزين الضريبة الموية والضفة القريبة الرملة والموج والصدف هذي الوجوه سيماها أكوام من كلف هذي التخاريف السخف هذا القرف والملامح مي غريبة
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
الحاج خليفة جودة
فيس بوك
تويتر
انستقرام
يوتيوب
بنتيريست