|
|
 رسالة عاجلة من ( يو فركة) لإبنائها بقلم عباس حسن محمد علي طه - جزيرة صاي
|
02:12 PM Nov, 01 2015
سودانيز اون لاين
عباس حسن محمد علي طه-الرياض-السعودية
مكتبتى فى سودانيزاونلاين
يا ولادي كيف هالكم، هيكرفيجرو،مسكاقلو ،يا مسكييينتو يا ولدي ، أونتو هسع آرفيين أنا منو؟ يا هليييلكم ، نسيتوني هلاس، ماديللى ماديلى ؟ أنا يويتكم يو فركي بنت السكوت بنت النوبة أصيل يا ولادي، وشقيقاتي سركينمتو ودال وكوشة ومفركي وعطوبة وجنس وعمارة وخالاتي يو هلفا ومهس ودنقلا ، وبناتي فاريا وغابة وسيبا والديم ودوكي وقاسرا وقوبا وأولادي ميمي تو وفقيرين بيرا وكركر ومسون قور وكيدندف وأرود و جند قور وأبو سعيدا وأردوان و سابون وكلومار وأرون مار ودفي وكنج وفجد وجبل أردين وجبل كد فوقا مشاء الله اللهمصلي علي النبي هم كتيييريين بس أنا خايفة (هايفة) من العين، آآآهـ، يا ولادي أنتو خليتوني برآآي ونسيتوني ليه ليه؟ ونسيتوا أيام زماني معاكم وبقيتوا بعييديين مني في بلاد بره، وتقين غربا، أنا ما شفت أطفالكم الصغييريين أصلاً يا هليلهم، ليه كده يا ولادي: ما تجونا ولو مرة في السنة؟، أنتوا نسيتوا أيام زماآآآن أنا ربيتكم أهسن تربية أنا يا يويتكم (فركي) عزة نفسي مانعاني أطلب منكم مليم احمر ولا دوخار ولا أريال أنا ال طردت كتشنر وجننت الأستعمارمن فوق جبل ميمي ، أنا عندي كلام كتيير في بطني، أنا ربيتكم بالموجود أنا درستكم في مدرستي فركي كانت أهسن مدرسة في الدينا رغم الضيق والزمن الصعب بس بقيتوا ماشاء الله اللهمصلي على النبي بقيتوا دكتوريين ومخندسين ومدرسين ومخاسبين وموظفيين كبيرين بس آيه الفايدة يا ولادي؟ آهـ آيه الفايدة يا ولادي ؟ أنتو نسيتوني ونسيتوا يويتكم فركي، ليه يا مدرسين ما تصلحوا مدرستي فركى وليه ما ترسلوا لأولاد مزارعين بتاعي شنطة مدرسية وقلم رساس وتباشير ووسائل تعليمية أصلو أنا عايشة بأولادي المزارعين قالوا لي يا يو فركي نحن أصلو ما هنسيبك ولا هنسافر بعيد ( ( يا ساتر يا ساتر وقعت الحاجة يو فركى من العنقريب وهي ترجف وآثار الكبر في وجهها وبناتها وولادها بجوارها، كلومار وفجد وجبل ميمي وقوبا وفقير بيرا والدموع تبلل طرحتها ومطر الحزن عاود يهطل وكأنها ستودع أبنائها ويا ساتر أستر وينادون وين حكيم جعفر دسوقي وين صلاح جعفر ؟ ولكن الحمد لله بقت كويسة وفاقت شوية) وبدأت تحكي: يا هليل مدرستي يا ولادي وأيام ولدي أبايزيد مهمد شيخ إدريس الأزهري ( أبايا) وعبد الرحيم صالح ميرغني وصبري محمد أحمد وهاشم أحمد حسن ومصطفى محمد صالح وسري بدر الدين وميمي عوض و خليل نقاش وأحمد حسن خليل وقادرة بسيلي وزميلاتها وكمان يا هليل آل كفي وأل يعقوب وآل بدري وآل خليل وآل حاج وآل آدم وآل متولي وآل جودة وآل دسوقي وآل حمير وآل ترمسه وآل فقير وآل بدر وآل عسكر وآل نقاش وآل عيسى وآل جبارة وآل حمد وآل شاهين وآل ميرغني وآل حاتمي وآل بلال وآل همد وآل بكي وآل ناصر وحاج ، ويا هليل أيام ولادي الشيخ حمانتو والدرديري وسبت أحمد عبد القادر ومحمد علي فقير وأحمد يعقوب وحسين همت وعبد المجيد همت وصالح يعقوب وخيري صالح وهمانتو وشيخ بصيري ومهمد سالي إدريس وشيخ محمد علي الأزهري وإبراهيم فضل أحمد وشيخ الدين عثمان كفي وهيري سالي يعقوب وسالي هيري وعبد الله صالح وإبراهيم فضل أحمد وميرغني دسوقي والحاجة آسيا وهجلة فضل ويو دوانه وكيلاني سيد فضل وصالح تينا ويا هليل ولدي أحمد النقاش كان بيشيلني باللوري قدام وكان بيدللني بالبوري وكان بيقول لي يا يو فركى أنتي فوق راسي وجو عيوني ، أنا زمان كنت عايشة في عزة نفس عشان ولادي كانوا معاي في زمن الديق الصعب بس يا ولادي الهير كان كتييير ووفير، ولادي كانوا بيزرعوا ماشاء الله المكادا والسرنقي والفول والقوته والفجل في أسكلى شيخ بسيلي وميد علي فقير( علينتود) أسكلى وسابون أسكلى وجعفر دسوقين أسكلى وسالي إدريس أسكلى وحسين عبدون أسكلى ماشاء الله كانوا ما مقصرين وربوكم كلكم أهسن تربية وهسع كمان أنا يويتكم فركي بربيكم تاني لو جيتوا عندي وما مهتاجه منكم أي هاجه ولا ريالاتكم ولا دولاراتكم بس تعالوا عندي بأطفالكم الصغيرييين يا هليييلهم يجوا يلعبوا عندي جنب بحر المسورى الدميرة وعندي خمسين آرتي (جزيرة) فيها بهائم ما شاء الله ولبن وشاي أبو لبن أقوى من نوكيا وبيبسي خولا وهسع أنا عملت ليكم منين وشريك وبسكويت وكهك وعجوة وعسل ومشي والهروف طواشي،أنا سمعت بالتواتر ولدي فؤاد تينا عندو إسهال وطراش يا هليلو ماتخاف يا ولادي فؤاد تينا ،يمكن إنتا بتتسنن أصلوا التسنين بيعمل كده ونبروك التسنين ماشاء الله، ويا ولدي فتحي سيد ما شاء الله اللهمصلي على النبي نبروك غنمايتك ولدت أتنين هروف تيمان واحد لون بني والتاني أبيض وأسود برق برقا أديتو بنتي سارة السروره ويا ولدي عوض كفي أنا مبسوطة منك عشان أنا سمعت أنتا بتكتب عني في الإنطرتنخ (فركة في حدقات عيوننا، أنا مش آرفه الإنطرنتخ ماناتو شنو هل هو هروف أم غنماية؟يا ولادي أنا مرسلة ليكم أبري ومشي وترمس وقمشة وعجوة فركي مع ولدي معتصم طه صالح عشان كلكم تقسموا مع بعض بس أنا هايفة ولدي معتصم طه يقوم يبيعو في أبو حمد أصلو قبل كده باع في لفة القبة ليه كده يا ولدي معتصم، أمبارح أنا كنت بايته مع أهتي مفركة هي أصلو وناسة هالس هالس وبكرة ماشة لأهتي جنس وأختي يو صاي كانت معاي أول أمبارح ومعاها سيد تلول وبتعمل لي سيجي سيجى ( شطة وفلفل جوقا ديا ) عشان لابسة ثوب جديد وشايلة جوال ولدو أباس هسن ميد علي رسل ليها من السعودية ، ويا ولدي حنفي ميد علي رسل لي طرحة لون بني غامق وشبشب بمبي وحجر بطارية وطحنية ومرقة دجاج وثلج عشان أنا مسافرة إلى هلفا عشان علاج عيني ما يشوف و يا هليل شيخ محمد علي بدري كان بيساعدني كتيير، امبارح أنا كنت بايته مع بنتي كلومار في بيت احمد حسن برسي وبكيت كتييرعشان شجرة الليمون الوحيدة عندي ماتت وبيت كان فيه ثلاثة سمينتو كلو بقا عُشر (أبد) وهمبرتي والزير ناشف جواه كديس وترم ليه يا ولدي (كرجو) ما تصلح البيت ده ؟ كان بيشيل كل ولادي في كلومار. بالله لفة فركة عند كد أورم مش أهسن من لفة القبة وأبو آدم وحلة كوكو وغبيرة وهبيلة وشواله والحاج يوسف؟ بالله أنا يا يوفركى مش أهس من الكناكنات كلو حرامية وناموس ؟ يا دكتورين ليه ما ترسلوا لي دواء سكري ودقت أنا بقيت كبيره هلاس ويمكن تاني ما تشوفوني ( هنا يو فركي بدأت تبكي من جديد وكأنها بتودع والدموع تبلل طرحتها ومطر الحزن عاود هطل) يا أولادي صدقي ميرغني وحلمي مهمد شيخ إدريس ونديم سري وهنادي ونيازي باشا ومحمد خليل نقاش يا ولادي سلامي كتيير كللكم وسامحوني لو نسيت واحد منكم أنا أصلو هلاس بقيت كبيرة نسيت الرطانة وما تعلمت العربي هسه ولدي مندق على الأزهري قاعد جنبي معاي في العنقريب وهو بيكتب معاي الجواب ده عشان نرسلو ليكم باللآسكي إلى أتبره عشان ولدي كرجو يرسل ليكم بالإنطرنتخ بتاع مسكاقلو وخليلكم كلكم مع بعض مع ولاد أهواتي سركيمنتو ودال وكوشة ومفركة وعطوبة وجنس وعمارة وكل أولاد يو سكوت وخالاتي هلفا ومهس ودنقلا وحبوبتنا يو نوبه مسكينة بقت كبيرة ومشت عند بنتها دنقلا عشان عندها كُورتي نودي (ألم ركبة) وما سلامه يا ولادي لله والرسولوق سامحوش نوركو أنبيكولوق ساماحوش ( بدأت تبكي إي إي إإهنق إإ إهنق إهنق يا ولادي ما سلاما ويمكن تاني ما أشوفكم بس ثبتوا جوابي ده في الإنطرنتخ. من ترف يويتكم (يو فركي)
من تأليف:عباس حسن محمد علي طه – جزيرة صاي جوال: 0544676864
مواضيع لها علاقة بالموضوع او الكاتب
- هل أتاك حديث المجاعة !! بقلم عبد الباقى الظافر
- العمارتان !! بقلم صلاح الدين عووضة
- تحلل سري ..!! بقلم الطاهر ساتي
- إنها مجرد قلة أدب ! بقلم الطيب مصطفى
- خلاص تبت ، فكيف يتوب اللصوص الكبار؟! بقلم حيدر احمد خيرالله
- حكومة .. الدجل والشعوذة !! بقلم د. عمر القراي
- حيرة الترابى ! شعر عثمان الطاهر المجمر - لندن
- استفتاء دارفور...هل التاريخ يعيد نفسه ؟؟ بقلم الرازي محمدين
- أحمد سليمان من الشيوعيين إلى الإخوان: انقلابي بلا حدود بقلم عبد الله علي إبراهيم
- يالها من فقد عظيم في رثاء المهندس مادبو ادم مادبو بقلم عبدالرحمن بشارة دوسه
- بعيداً عن البراجماتية والإنتهازية السياسية بقلم نورالدين مدني
- أبكر آدم إسماعيل، الحركة الشعبية ليست شقة مفروشة للإيجار! بقلم مبارك أردول
- مدينة الخليل تدوس على بلفور بقلم د. فايز أبو شمالة
- الانتفاضة الثالثة انتفاضة الكرامة (22) الاحتلال يقتل في غزة وعينه على الضفة بقلم د. مصطفى يوسف الل
|
|
 
|
|
|
|
عباس حسن محمد علي طه
فيس بوك
تويتر
انستقرام
يوتيوب
بنتيريست