|
|
 ما يغشوكا بي وثبة كلمات: حسين شنقراي
|
ما يغشوكا بي وثبة
كلمات: حسين شنقراي
دلاها وكمان أشتر
والعجب وكت
ترقص و تتبختر
تشيل احقاد وتتنبر
قايل رويحتك أشطر
علينا وبس بتتشطر
بيك ضاع الوطن
والليلة إتختر
سالت دماهو
وقطًر
تعال نفتح
معاك الدفتر
حتطلع في
النهايه الأخسر
---------------
باكر براكين
الشعب تتفجر
وفجر الثورة لو أمطر
طرورك ياما إتطرطر
وتصبح عساكرك منظر
ما تلاقي البيهو تدثر
والكانت معاكا
قلوبا تتحجر
وفي عينيكا
تبفي الدنيا
هي الأصغر
و للدولية تتجرجر
ويظل الوطن شامخ
وفي حدق العيون أكبر
------------
أسمع كلامي الليلة
وباكر ليهو إتذكر
ما بدوم الكرسي
ماتقعد فيهو تتحكر
باكر خشيمك بملح
بعد ما ضقت
طعم السكر
الشعب ضاقت بيهو
وصبحت روحو تتكركر
وإنت في ظلامك غايب
تعبي ومن نشوة
خمورك تسكر
لا بتصحي من غفوة
لا فيك عقل فكر
ما يغشوكا بي وثبة
ياما بي وثبة تتكسر
--------------
فوت خلينا إتحرك
ما فيش زول
في الحكم عمًر
أمشي إنت وبس
ولا الباقي يتدمر
والشعب عب
ولي سواعد الثورة
قد شمر
---------------
عربة حكم عطلانة
قادة المكنة
كاسرة الشمبر
فتح عيونك ديل
وشوف الشعب يزمر
ما تغرك
قصور وطبول
وبلاطك المرمر
راح صدام
وراح قذافي
راحو الأكبر
راح الزين
وراح بن صالح
ومبارك في
الطوة بتحمر
كفاكا خلاص
ماتقعد فينا
تتسمر
|
|
 
|
|
|
|
حسين شنقراي
فيس بوك
تويتر
انستقرام
يوتيوب
بنتيريست