|
|
 قصيدة خواطر صريحه
|
بديتك كصدفه
وساره البدايه
بداية رواية
فصوله غريبه
بتروى الحقيقه
حقيقتك صفايا
حبيتك جوايا
ولقيتك معايا
خواطر بتحكى الحكايه
بترسم فى لوحة
تنور سمايا
وتفتح جوايا
حكايه وحكايه
خلودك معايا
وفاك منايا
وبعزك معزه بلا نهايه
دواخلى بتعزك
حواسى بتحسك
فى صمتك بشوفك
فى بعدك قريبه
وهمسك غناوى
تداعب خيالى
واسهر ليالى
أأمل بشوفتك
وأرتب حضورك
وأزرع ورودك
واطلق بخورك
ولحظة وصولك
تقيف الحروف اجلالا لشخصك
تركب مطالع تواكب حضورك
ودهشة وصولك
توقف كلامى
وتخرس لسانى
حديثا يتمتم
وصمتا يدوزن سكوتك
وخطوك يوقع حضورك
حضورك مرتب
خريفك بيقبل
سماك بيغيم
ونورك بيشلع
يضوى المكان
مكانك فى قلبى
وقلبى بيعزك
ويحلم بقربك
وقربك محال
محال ان اكونك
وكونك تكونى
حقيقة حياتى
دا اجمل كلام
رحمة الله ميسره ابراهيم
تبوك السعوديه
|
|
 
|
|
|
|
على عبدالله بشير
رحمة الله ميسره ابراهيم
فيس بوك
تويتر
انستقرام
يوتيوب
بنتيريست