|
|
 وهمة كانت..واستمارة..!! زاهر بخيت الفكى..
|
سلام والينا..
أهلاً بيك ومرحب..
نحن جينـا..
وما لقينـاك..
انتظرناك..
إنت ما طليت علينا..
ما براك ..
ناديتنا إنــت..
نحن جينا..
حقيقة عارفين المشاغل..
ما مهم حالتنا نحن..
ما فى شئ ..
يا سيدى شاغل..
أصـــلى عاطل ..
جيــت وشــايل ..
كم شهادة..
بيها أبحث عن سعـادة..
معاها جربت الصنائع..
لا سباكة ولا حدادة..
لا بـــرادة..
ولا نجادة..
ما العمل أس العبادة..
جينا رافعين..راية بيضا..
لا عصاية ولا مطـــارق..
لا طبنجة ولا بنادق..
كان عشمنا..تجينا مارق..
نحن ما شعبك برِضنا..
جينا نبحث عن وظيفة..
جوة فى داخل أرِضنا..
همنا المهنة الشريفة..
شان نوفر بيها..
فى بيوتنا الرغيــــفة..
مُلاحنا ..
والكسـرة الرهيــفة..
والعلاج إن يوم مرِضنا..
نأكل اللقمة النضيفة..
ينستر حالنا وعرِضــنا..
يا خسارة..
لا وظيفة حلمنا بيـــها..
جوة فى داخـل وزارة..
لا محــاسـب فى ادارة..
لا مصمـم فى عِمــارة..
القصة كانت استمـارة..
وهمة كانت واستمارة..
بلا أقنعة..
صحيفة الجريدة السودانية..
الصمــت زيــن والسـكوت سـلامة فإذا نطقت فــلا تكــن مكثـارا
فـإذا نــدمت على ســكوتــك مـرة فلتندمـــن علـى الكــلام مـرارا
|
|
 
|
|
|
|
زاهر بخيت الفكى
فيس بوك
تويتر
انستقرام
يوتيوب
بنتيريست