|
Re: وقفات مع المحتفلين بليلة السابع والعشرين (Re: الوهابي العبيط)
|
حكاية الحب والاحتفالات دي مابحددا الدين فقط ولكن الطباع ليها دور كبير فيها..معروف طبعا الحديث بتاع الصحابي المابيقبل أبنائه،طيب،هل أمره الرسول صلى الله عليه وسلم بالتقبيل؟..الصحابة رضوان الله عليهم كانوا رجال بادية أشداء،ودا انعكس على كتير من نظرتهم وفهمهم للدين..سلوكيات زي إظهار المحنة والعناق عند التلاقي مثلا كانت صعبة بالنسبة ليهم،المصافحة العادية دي كانت نادرة..قالوا اتعلموها من ناس اليمن لمّ جوا أسلموا..قدر ماتمر بخاطري قصة الصحابي الذي خُلف،قعد اقتنع بالكلام دا،قال لما نزلت الآية جاءه واحد من الانصار وبشرو،ولما مشى المسجد للنبي صلى الله عليه وسلم،مافي زول وقف يسلم عليهو ويباركليهو قبول التوبة ـــ ودي كانت أهم مناسبة في حياتو كلها ــ غير سيدنا طلحة..عشان كدا كان مابينساها لطلحة أبدا.. طيب،هل نهى الرسول صلى الله عليه وسلم طلحة؟ الدين ياشيخنا أسسوهو المجاهدين،الانصار كانوا أرق افئدة نسبة لمعيشتهم في المدينة.سيدنا عمر قال :كنا في مكة قادرين على نسائنا،لغاية ماجينا المدينة قامن اتعلمن من نساء الانصار... لكن المجاهدين الجايين من مكة القاحلة هم الأسسوا الدين...عشان كدا السعوديين الهسّ ديل بشجعوا في الجفاء والغلظة في الدين لأنهم من نفس البيئة.. حبيبنا الرسول صلى الله عليه وسلم كان فلتة في الزمن داك وسيظل إلى يوم البعث،قاليها ياعائشة:إن الله يحب الرفق.. وقال في موطن آخر:إنتو أصحابي وديك أخواني..أو كما قال.. الصحابة ياشيخنا مابحتفلوا لأنو كان معاهم،لكن نحن ماشفناهو... أي حاجة مر بها أو مرت عليهو نحن بالنسبة لينا مقدسة ...
قبل كدا سمعت شيخ وهابي بينهي عن التبرك بالقبر الشريف،قال مامعناهو بدل ما تتبركوا أدعوا ليهو،هو محتاج لدعائكم... وزمان في شيخ بلغه أن شيخ فلان تحدث بحديث موضوع،قال: لو كان عندي فرس وسيف لغزوت شيخ فلان هذا..أو كما قال.. وأنا لو كان عندي فرس لغزوت هذا الوهابي.. ترى ياشيخنا الدين دا بلا محنة ماببقا..
| |
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
|
|