|
|
 عشمانة بت شيخنا النصيح* ومقصود العشم فى شيخنا الشعب النصيح/قصيدة
|
عشمانة بت شيخنا النصيح
عشمانة بِتْ شيخنا النصيح
فتحت شبابيك النهار
الشافا من جِهةْ الشَرِقْ قال تستريح
والشافا من جهة الغَرِب قال هابه ريح
وجها ًيطل من طاقة الوكت المودر فى الغُand#65276;ط
تقراهو حيره معلقة ومنسية فى جدل الشُراط
وتلقاهو فى النجمة المدسدسة ِتحت أباط
عشمانة من شباكا داسا الكلمة من تحت البand#65276;ط
مكتوله فى أسر المكان مجروحة تسأل عن جريح
ضاق النهار بى نظرة من شباك معلق
بين جدار جوانى بين سقف الوطن
يوم رجت الشمس الحليب الراضع العرق البذوب فى كاس زمن
اترتعت خطواتها فى شارع يودى وما بجيب
اتجرعت جقمة زمن .. شافت وطن عالى وفسيح..
عشمانة ما سكرانة ..لكن السكات دردح عصب كان المسيكين فى عشا الغنماية
.. فى صوت المغنى وكت يلعلع
بالغنا الجافى القبيح
تالى الليالى ... عقاب صباح
تالى الليالى مصب نهر مجدوع على السكك القديمة ومستباح
أحلم بحر .. وأنضم مطر إن كنت تحلم بى صحيح
وحبيبتى من طرف البحر جابت محارة وعنقريب
شفتك قريب.. وبديت أحسب كم تغيب
الجية ما شرط الفراق .. واللقيا ما ذنب البغيب
عشمانة من زمن التساب.. مشرورة فى السعدة انتظار
مفروره توب غطى الرواكيب .. ماها ضُلْ..
الضل بيرمى وبنسحب
وand#65275; هى فُل.. الورد حرفو بينكتب
تتهامس الحته اللقتنا مصورين فى إلبوم الغابة ورياح المتعبين
يوم شفنا فى المقرن طبنجة ومرفعين
من همسة أم در لى التواريخ .. تستريح عشمانة فى النظرة وتتوه
فى ملتقى اand#65271;سف العميق بى منتهى الوعد الجديد
مرقت على الكنتين .. وand#65275;دها مطعمين بى لفحة الشباك
وبى الزمن البضادى صغارو.. ايدا قصيرا من رف الحلاوة البسكويت
والصلصة والماجى.. ورغيف العيش
وما بتقدر تقول.. بكرةّ !! ومابتقدر تقول معليش
جناح اوand#65275;دا ناقصو الريش
جناحا هى قصو عسس الليل وتمو عليهو بالتفتيش
مصاقرة الحاله ناقصة مرايا ... and#65275; طفand#65276;ً وand#65275;دتو سماية
قدر الشوف فراغ العين
قدر الطوف غرق حفيان .. وملوة عيش
وقدر القمحة سنبلة طالعة من شدة يباس وعويش
وقدرها مرتين الديش
وقدر أم قيردون .. الكودى ..لو طُعم الشرك كشكيش
وتتذكر غناها الربا فى قلب الوطن دعوات
وتكسر ضلفة الشباك..تطير عين الشمس من بالا زى ميلين
ترك آخر السطر جيلين .. وتكتب بى قلم ما بتبرا إand#65275; الحال
ونخطف من نواحى سؤاand#65275; كم شبال
ونردف فوق حصانا الand#65276;هى عصفورين
وننسى زوادة السفره ودعا الوالدين
ولسه الجيه فوق جيات
وطاشه لغتنا فى البكيات
وما قرشتنا بين فكين .. سوى العاصفة الملبكة بالصمغ والحزن والمنديل
لسه بطانا شايلين فى عيونم فرحة مابانت
تعضعض أصبع اand#65271;فق الطوى المشهد
أبت عشمانه تابى نهار وطن ممسوك
وسلت من حِيَطْ سيد المروه الباب
وشدت خيand#65276; فى رحلة مدن مسواكا لى سِنْ الصباح أشجار
عتامير الزمن وحand#65276;نة فى رمل الفريق أسرار
مداميك البنا المهدوم .. بتبنى بيوت .. تخت شباك أمل مهزوم
لكن النهار صحيان على ضفة شمس بيحوم
وديك عشمانه من رقراق حياتنا المستحيلة تطُلْ
مشربكة فى غصن من شوق م######شة فى ثوانى الضلْ
وموحله فى الطمى العجand#65276;ن ..وشايله على الكتف هم كلْ
أريتا حبيبتى بت وادى الرياح ..والعُشْب ..والقندول
بت النخلة ..فاتحةُ خير وفارعة طول
بت مسك الوطن فواحه فى ساحاتو خاتية قول
ْنخب طول الطريق ماشين
نبعد ونستعد راجعين
وديك عشمانه تحلب ضَرْعْ يوم غايب
توبا بقى الخريطة مشتتة العالم..
جرينا معاها ... ما خالين خطى وأنفاس ..
وفى كل خطوة وَلْدَةْ يوم ... وفى كل يوم وقوع لى فاس
وفى فاسك عِشِقْ مكتول ..وفى المكتول حياة الناس
وفى الناس رغبة ما مطفية .. لى السفر البجيب الطاش
والطاش فى مطار مستنى فوق حَرْ
الجَمُرْ .. طاشين
والطاشين هناك ..يقروك فى يافطة محand#65276;ت الدهب خاتم
والخاتم فى أصبع من إيدين منسية فى جيب اليتيم
منسية من زمن الغنا الخواف .. ومن زمن المدينة تعبى بكريها
وتقسم فى تلوت الليل جواريها
وتلبس توب مرتق بى عصب بردان ..يشق الليل يعريها
وتلعن فى عميق السر ..سand#65276;ليكا وطواريها
ومزازيكا وبواريها
مدينة تحب .. لى حد الموت حراميها
مدينة بتفتح اand#65271;حضان ..تزيد النار مطافيها
مدينة بand#65276; تعب تنشاف ..على كل الجهات ... أسواق
مدينة تصفى عِرْقْ الحُرْ تقسمو فى كواريها
وتقطع من جذور اللهفة طاريها
مدينة الفيها ..ما ليها
مدينا الليها مافيها
مدينة بتكتب الحجبات ..مدينة .. تدين لشاريها
مدينة تدين لكاريها
مدينة وكت يجينا جواب تدسو وَسُطْ مخاليها
مدينةتضيع العنوان
مدينة توقف اand#65273;نسان على حد الحَجَرْ والزيف..
ولو وصلت نَهَرْ ألحان .. تقيف زى ليل تضاريها
ويا عشمانة .. فى شباكك المقلوع نبت عصفور
وجنب المنجل المشروم نطق طمبور
وجنب الجدول المفطوم بموية الدونكى ..خير مصرور
وجنب المسطرين .. طوبتين ..واحده وسادة للميتين
وواحدة حجر أساس الجايى بكره قريب
وطولى من نظر تنشافى بيهو هناك
وطولى من وتر تتباهى بيهو هنا
|
|
 
|
|
|
|
المكاشفي محمد بخيت
فيس بوك
تويتر
انستقرام
يوتيوب
بنتيريست