|
|
 رسالة عاجلة من يو كولب لأبنائها تأليف : عباس حسن محمد علي طه - جزيرة ص
|
رسالة عاجلة من يو كولب لأبنائها
تأليف : عباس حسن محمد علي طه - جزيرة صاي
يا وِلادِي كيف هالكم ، ويا هليييلكم يا ولادي،سِكِرفيجرو، أنا مشتآقة لييكم كتير هالس هالس ، اُنتو هسه آرفين أنا مِنُو؟ يا هليييلكم، أنا يويوتكم (يوكولب) بنت العز بنت النوبة أصيل، وأخواتي سونقي وأكمة وأختي الكبيرة عكوشة وخالاتي السكوت وهلفا والمحس ودنقلا، يا وِلادي أنا زعلانة منكم هالس ومرسلة ليكم جوابي ده، عشان أنتو نسيتوني هالس وبقييتوا بعييدين عني كتيير، يا أولادي وبناتي،أنا من زمآآن ما شفت أتفالكم (أطفالكم) الصغييرين يا هلييلهم ،يا أولادي جاء الشتاء وراح الصيف وأنا براي في بيتي ببكي كل يوم وليلة براي عشان مشتاقة ليكم ويا هليل زمان لما كلكم كنتوا معاي وأطفالي كانو يلعبوا جنب البحر، يا هليل زمان أنا ربيتكم في زمن الديق ( الضيق) بالموجود ، وعزة نفسي مانعاني أطلب منكم أي حاجة ومش عايزة منكم أي هاجة ولا محتاجة أي هاجة بس عايزة أشوفكم وأشوف أطفالكم ، تعالوا تعالوا عندي جنب البحر الدميرة الفنتين تو ( وسط النخيل) وخيراتي كتييرة وزيما ربيتكم زمان مستعدة أربيكم تاني مرة وألف مرة، بالله عليكم الله أنا مش أهسن من لفة القبة كُلو حرامية وناموس بالله لفة يو كلوب وسونقي وأكمة مش أهسن من الغربة وكُلو بوليس وإشارات مرور، تعالوا عندي يا أولادي وبناتي السنة دي مزارعيني زرعوا الشمام والقمح والمكادا والبنات رشن الرمل قدام البيوت وجمعن الحنة والزير مليان موية باردة أحسن من بيبسي خولا،وأنا مبسوتة هالس ومش عايزة دولاراتكم ولا ريالاتكم كمان ،يا ولدي محمود أكمنتود بالله رسل قطرة عين لأختي أكمة هي عندها وجع عين ،أمبارح كلنا مشينا بلوري أحمد تِنق إلى أختي عكاشة وبِبتنا جنب حمامات وقهوة حسن طه نتذكر أيام زمان وشُفنا مدرسة أختي عكاشة وتذكرنا أيام ولدي أحمد محمد صالح (احمد عبد الرسول) وعمدة ســيد جــريس وكلنا جالسين جنب البحر والساقية جنبنا تبكي وكأنها تغني أغنية ولدنا أحمد آغا ( إإإييينق، أيقون أحمد آغنالِنا إركونقون غرب أكاشالنِا ، أمداونقون جريسيلِنا ) وأختي اُكمة بتبكي كتييير ووقعت من العنقريب، يا أولادي أنا يا يو كلوب أهلي كتييرين وأهل إخواتي كمان، آل الفرجاب والعوضاب وآل عبد المنان هلالي وآل سمل وحافظ وفرج الله وطمبل وآل هاشم وآل طنون وآل نعوم وآل همد ديوان وآل حاج وآل صياح صالح وآل جريس والولياب والمندلاب يا ولادي كلهم أحفاد آل داؤد كاشف كار عند إخواتي كوشة ومفركة وسركمتو ودال وصاي وعند خالتي حلفا وبنتها دغيم ودبيرة عمدة محمد داؤد وسرة وعمكة وكشاف وولياب وداوداب حتى عند ناس الشايقية في جزيرة حسين كاشف نارتي وعندي قصر داؤد كاشف أمبارح صلحناه وضربنا بوهية وجير يا أولادي تعالوا عندي مع اطفالكم في الإجاصات في الدميرة والخير وفير عندي بربيكم تاني وماشاء الله اللهمصلي على النبي أولادي المزارعين زرعوا السنة دي فول ومكادا وسرينقي والغنمايات ولدت واللبن كتيير (سو نيو) ويا ولدي سمل ود الوليات مبروك غنمايتك اُمبارح ولدت تيمان أتنين هروف واحد برق برقا أسود وأبيض والتاني بني غامق ويا ولدي احمد محمد ابراهيم احمد ابراهيم بالله رسل لي فيزة حرة لون بمبي عشان أنا عايزة احج السنة دي مع أختي اكمة وأنا هسه مرسلة ليكم عجوة وبسكويت ومنين وفول وهلو مر وغنماية بالبوستة ،قسموا كلكم بيناتكم يا وِلادي بعدما ربيتكم أهسن تربية وبقييتوا ماشاء الله دكتوريين ومخندسين وموظفين كبيريين ليه نسيتوني وليه ما تجوني كلكم ( يا ساتر بدأت يو كلوب تبكي والدموع تبلل طرحتها وربما مطر الحزن عاود هطل يا ساتر وقعت من العنقريب وبجانبها إخواتها سونقي وأكمة وبناتها أبــلنقــة و دكــا وجمركة واندوكة وكلوكى ودقلان وتيموسى وهن يهبهبن بالهبابات والحمد لله فاقت يو كلوب شوية وبدأت تحكي لأبنائها من جديد) يا وِلادي يا هليل أيام زمان أيام كنتوا معاي ويا هليل الشيخ فقير محمد صالح وخلوة القرآن الكريم تعلمت فيها ويا هليل ولدي جلال محمد علي عيسى جلال نصرة نصرنتود واحمد عبد المنان (أسد) وميد سيدي محمد سيد أحمد عبد المجيد و محمد على يوسف ووهبى عبدالرشيد و ابراهيم زينة ومحمد احمد فرج الله وعبد اللطيف فرج الله والشيخ محمد عبد المجيد هلالي وبوليس كبيير هاشم محمد هاشم واحمد هاشم عيسى سمل واحمد حافظ سمل و حسن محمد علي كولباوي وعبد الرحيم عسكر الله و جلال احمد حسن نقيب أبو نية و سلمان إدريس طمــبل و خليل محمد عبد اللة واحمد صادق واحمد هاشم ومحمد خليفة ومحمد عبدون ودكتور محمد حسن فضل و سيد حسن ادريس ، ويا أولادي أنا دخلت محو الأمية وولدي عبد اللطيف احمد محمد على ######اوى بيدرسني أ ب ت ج وإشترى لي جوال رقمو (00966544676864)عشان كلكم تتصلوا معاي وكلموا ولدي بروفوسور نور الدين جليلة وحسين منان وأنا منتظراكم بفارق الصبر ويا ######اوية أنا مبسوتة عشان إنتي شِلتي إسمي رسلي لي طرحة لون بني غامق وشبشب قمر بوبا وشنطة طياري عشان أنا بكرة مسافرة إلى بنتي هلفا الجديدة مع ولدي دكتورعصام احمد الصادق و فيصل عثمان حاج وولدي سيد احمد فضل ابو احمد اشترى لي الزاد طحنية من دكان عبد القادر محمد ادريس و دكتور محمد احمد عبد المجيد قال يا يمة كولب أنا حجزت ليك طيارة بكرة (يا ساتر يا ساتر يو كلوب داخت ونومتها يو أكمة وبدأت هي تواصل الحكاية وتواصل يو أكمة الآن) أنا يو اكمة يا ولادي يويتكم كولب تعبانة شديد عشان هي مشتاقة أيام زمان كنتوا تجوا عندها في أجازة المدارس والأعراس والشوقار ولمة الأهل يو كولب بتسأل عنكم وين روحتوا وين سافروا ، رسلوا لي حجر بتارية ومرقة دجاج ومعجون طماتم ويا ولدي رفعت أبو عيسي دكتور سيد محمود وسيد أحمد فضل ليه ما تتصلوا معاي ولو مرة في السنة؟ يا هليل أولادي المخندس محمد أحمد إدريس وأبراهيم سيد أحمد و عبدالرحيم محمود العمدة وفتحي طنون وعثمان حاج ورزق الله فرح و عبد المحسن أحمد داود ودكتور / محمد عبد السلام عبدالمنان وسيد أحمد خليل و صالح وهبي وعبد المنان عثمان ومصطفى محمد سيد أحمد جريس والدكتورعبدالسلام جريس ومخندس عبدالرحيم محمد إدريس و دكتور محمد احمد فضل و محمد عبد المجيد جريس وعبدالرحمن جريس وعزالدين محمد إبراهيم ومحمد عثمان هلالي وكامل دهب ومصطفى خليل ودكتور يحيى محمد إبراهيم وسلمان آدم عبد اللطيف و محمد حمزة ومحمد سليمان محمد على ودكتور كبدى احمد خليفه، يا وِلادي وبناتي أنا تعبت شديد وكل ليلة أتغطى بالبطانية وأبكى وأتذكركم كلكم واحد واحد وأسرح والدموع تبلل البطانية، الليلة أختي اُكمة وسونقي جايين عندي بياتة وعملت ليهم قراصة بملوخية كاربة وأختي عكاشة سافرت إلى حفا دغيم عشان تشوف القرايب ، اصلاً هي زهجانة عشان ما شافت وليداتو وبناتو من زمان وآهـ من جور الزمان وآهـ من جور الزمان أنا تعبت أذكر كل ولادي وخلاص أرجوكم عايزة أرتاح شوية أنا كبرت هلاس ويمكن تاني ما تشوفوني ( بدأت يو كولب تبكي من جديد وراقدة في الراكوبة ( كري) ولكن بتقول مع السلامة ما السلامة عافيالوقو نورين هسبلوقو، سامحوش سامحفيجركم )من ترف يويتكم يو كولب(
)
Regards,
|
|
 
|
|
|
|
فيس بوك
تويتر
انستقرام
يوتيوب
بنتيريست