|
|
 تجليات: "العماري" – هل هو سبب من أسباب التأخر الاقتصادي بالسودان؟ بقلم د. محمد بدوي مصطفى
|
تجليات:
"العماري" – هل هو سبب من أسباب التأخر الاقتصادي بالسودان؟
بقلم د. محمد بدوي مصطفى
Mohamed-Badawi.com
في حديث طريف مع زميلة، كتبت لي عن مآسي العماري الممتاز في المجتمع السوداني، فقلت من الأفضل أن تُطرح القضية على الملأ لتعميم المعرفة عن مساوئ هذه الآفة التي ألمت بأهل السودان وصار يتعاطاها الرجال والنساء صغارا وكبارا.
- هل هناك احصائيات ودراسات علمية جديدة عن أضراره الصحية عدا سرطان اللثة المعروف؟
- ما هي إحصائيات الأضرار الاقتصادية التي يسببها هذا الطاعون في إطار العمل المهني – من خمول، الخ مقارنة بآفة القات باليمن؟
- ما هي الأوجه الخفية التي يجب أن ينتبه لها أرباب الأسر؟
الكل على علم بأن العماري أفيون الشعب (إن صحّ التعبير) فساعدونا لجمع بنك معلومات عن العماري وأضراره الاقتصادية بالبلد - الخ.
تجدون طي هذه العاجلة قصيدتين لالتقاط بعض اللوحات من عالم "نادي العماري الثقافي".
أتيكيت نادي العماري الثقافي
(ديوان: نحن شنو؟ د. محمد بدوي مصطفى )
خلاص أسكت!
نحن شنو ونحن منو؟
نحن الشين وفينا الزين
ونحن السفة والتنباك
عندك سفة يا عمران؟
سوري والله ...
بزغتها هسي في امدرمان!
هديك ليها
تراري تقول بعر بزران
دودة تقول خضار خسران
نحن الحقة وأم دلدوم
نلوك تمرات نكد الدوم
صعودنا نلوكو للبلعوم
بزاقو يسيل وفيهو نعوم
يلصق في زلط خرطوم
وفي الردمية عند الحوم
وفوق عراقي حاج التوم
وجنب طبلية أم كلتوم
حجة ظريفة ما بتلوم
مريضة كروب تخت وتقوم
تبيع بصلات تبيع التوم
خسارة الله يا قيوم
خضاري الجاتو سفة شوم
ما بنباع ومين بتلوم؟
___________________________________________________________________________
سفة عابرة للقارات(and#1634;)
خلاص ما تقول!
نحن شنو ونحن منو؟
ونحن الشين وفينا الزين
ونحن السفة والتنباك
انحن صعودنا ما بتلاك
صّعود كارب وصُعود سارب
دقار السفة فيو حادب
ومنو المابسف كاذب
وفيو سلك العقل ضارب
عماري شديد وكيفو حديد!
سفة دقار تحت شلوفة ذي الطار!
من الطاقة من شباك
مافيش عيب ده بس تمباك
تحت الزير وفوق البير
جغمة موية تجري تسير
تفكها ظوط من الأمجاد
قنبلة عابرة للقارات
تقع في توب، تحت طبلية فوقها سماد
وفوق صلعة أبو الأولاد
وجنب راكبوة في الأعواد
ولزم طفاية القاعات
وفي صالاتنا في الأعياد
عماري رهيب وشعبو غريب
بدون إتكيت بدون تهذيب
مبالغة، كيسو لونو عجيب
وعطرونو البريدو يجيب
مأسي شديدة يا حبان
فضائح فاتت الأزمان
قولوا كلام يكون ميزان
واخلفوه بعمل فنان
أصحو وسوو للأوطان
--
www.mohamed-badawi.com
Dr. Mohamed Badawi
University of Konstanz (SLI)
Tel.: +49-7531-88-4418
Fax: +49-7531-8138196
E-Mail: [email protected]
|
|
  
|
|
|
|
محمد بدوي مصطفى
فيس بوك
تويتر
انستقرام
يوتيوب
بنتيريست