|
|
 القائد الميداني بحركة العدل والمساواة السودانية الجنرال /تريبو ابراهيم جمعة فناوي . يواصل ابداعات
|
القاىْد الميداني بحركة العدل والمساواة السودانية
الجنرال /تريبو ابراهيم جمعة فناوي . يواصل ابداعاته ويرد على افتراءت
حكومة البشير بالصيف الساخن
ويقدم شعر
بعنوان :
الصيف الساخن المطر دقاه ....البشير فقد الوعي يصرخ براه
جيشنا مابتهدد كلما كترت جروحنا عزمنا يجدد المات شهيد والحي ضابط يحكم البلد
شعارنا صقر وعقرب ونمر واسد جيشنا أبطال وجيش البشير فسد
الصورامي فالح اللسان احترم نفسك تحالف كاودا سعران ياكل في النار كيف حلاوة اللبان
ساعة الضيقة والدم حان سايمين أرواحنا لأجل الأوطان ومدفعنا بانترو يقذف نيران ونصرنا ضمان
قوتنا تهدد كل ######## بحي ناس دارفور وكردفان يشاهدونا في التلفزيون ويسمعونا في الاعلام
والله اكبر والي الأمام .
جيشنا أبطال وثمنهم غالي نهزم جيش البشير ابو سفنجه المقامه تسالي نصرنا ضمان في الوقت الحالي
معروفين وحِسنا عالي .
قوات جيم شايفا مهامها مابترحم عدو قدامها مدافعنا عارفين اسهامها يوم رابطين واتشكل تمامها
طلع الفجر وكشف ضلامها قواتنا بتحقق أحلامها الروح عندالله عارف ايامها
يوم اتحركنا حماسنا رهيب القدر مكتوب والمؤمن مصيب يابطل جيم د.خليل بكينا والبكي مابجيب صابرين في مكانك وظنك مابخيب تاريخنا عجيب ياعمرالبشير انت عايب وتاااني بتعيب
جيشنا أبطال ونارنا لهيب قلوبنا للمواطن زي لبن الحليب
أرفع رأسك يادكتور جبريل ما تهم شعارنا نصر مدفعنا في العدو يرزن دق يايات حديدها يحن ضرب في اللحم مُسِم جيش النظام هُزم ياوزير الدفاع المجرم خارح نفسك أوتنهزم القضاء على الحركات حلم الله ينصرنا عليك ويزيدنا عِلِم
عندنا شعار ثورة للبقراه الفرقه الثانية صقر طقا الصوارمي عينا سلاها الأولى أسد في الغابه ماتغشاه
كل الفرق بركان يولع براه الصيف الساخن المطر دقاه البشير فقد الوعي يصرخ براه اذا مشى لاهاي جيم بتلقاه وجيش النظام جرى ولى قفا ه
تروجي مدرسة للبقراها وجيش البشير جرى وما بخليهوا
دخول ابانسى والبرشوت يدق فيهوا
مقيصيصة ابنصي لحام نمرة خمسة سرعة جريها
القرنوف بقدام يولع فيها الله معانا بكافيها الماعارفها مايجيها والجاها بيشوف الفيها.
نحنا البلد عارفين دروبها الصيف الساخن عندنا هبوبها طقاها المطر وطلع عيوبها في تروجي جبال النوبه
طقه مطلوبة يرجع سمعتها لزنوبه قوات البشير أصبحت ملعوبه
تصريح البشير أصبح جرن عويش ومالقى نفير مصيره تاكلا الحمير
الصيف الساخن دقاه النيل دخول ابانسي وبرشوت ثقيل
قدمنا أبطال
حسن كارلوس وابراهيم محمود وجنرال فضيل
حال الثورة كده يوم جريح ويوم شهيد
ياشباب الدنيا دايره صبر فات الكثير وبقى القليل وبنجيب السلام للجيل
وجيم حركة قومية اسسها الشهيد خليل
العدل والمساواة بىْر للعطشان وضل المقيل قطرنا ماشي للبركب الكرسي قصير
ياعمر البشير جووووك خارج نفسك كم شفناك أسد شاف بعير الحل جري ومافي مصير المقيصيصة بتلحقك وتكون أسير
جاهزين بقوات جديده البفاوضنا نفيدها والبكايدنا بنكيدها
مدفعنا تسمع رعيدها ومسافتنا منك مابعيده
نصف ساعة جيشك يتم تجريدها والمدفع يرجع لسيدها
نحنا موجودين في الغابه العاوزنا بخير نحنا اصحابا والعاوزنا بشر يعمل حسابا
مادايرين وصف موجودين في الغابه
الشفناه يكون سريع في انسحابا مدفعنا جاهز ومابيابا
وعندنا االبانترو ناروا لهابا
|
|
 
|
|
|
|
حركة العدل والمساوة السودانية
فيس بوك
تويتر
انستقرام
يوتيوب
بنتيريست