|
|
 أهتف معاى...ما أجملك..!! زاهر بخيت الفكى
|
أهتف معاى..
ما أجمــلك ..
ما أروعك ..
رغم المصائب والمحن..
رغم الكلام ..
القالوا فيك..
مازلت يا السودان وطن..
شاسع وسيع..
شامخ بديع..
يسع الجميع..
فيك الشباب الرائعين..
الشايلين..
هم عزتك..
إعجابنا بيك..
ما فيهوا شك..
وبلا حدود..
وطن الجدود..
عاجزين..
نرد ليك الجميل..
نوفيها يا بلدى العهود..
متشكرين..
دعواتنا ليك ..
ترجع تعود..
المولى يرفع ذكرتك..
يكفيك شر الطامعين..
الحاسدين..
الفاسـدين..
المفسدين..
الشالوا قطنك وثروتك..
باعوها أيضاً سكتك..
انصاعوا تابعوا لللعين..
كانوا السبب ..
فى فتنتك..
مولاىَ يا رب يا مُعين..
أحفظ شبابنا..الصامدين..
القابضـين..
على جمرتك..
هم يا وطن..
نورنا اليشع..وسط الظلام..
يهدى الحيارى.. الضائعين..
الضالعين..
فى نكبتك..
أسباب شتاتك وفرقتك..
أحمينا منهم ياكريم..
أحفظنا..
أحفظ نعمتك..
بلا أقنعة...
صحيفة الجريدة السودانية..
|
|
 
|
|
|
|
زاهر بخيت الفكى
فيس بوك
تويتر
انستقرام
يوتيوب
بنتيريست