ايهاب نميرى ..أنت فنان فارفع خنجرك عن مصطفى سيد أحمد !!

حفل دعم الجالية السودانية بمنطقة واشنطن الكبري بالفنان عمر احساس
منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 20-09-2018, 05:46 PM الصفحة الرئيسية

مكتبة معتصم الطاهر(معتصم الطاهر)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
16-03-2006, 06:49 AM

معتصم الطاهر
<aمعتصم الطاهر
تاريخ التسجيل: 26-11-2004
مجموع المشاركات: 4280

للتواصل معنا

FaceBook
تويتر Twitter
YouTube


ايهاب نميرى ..أنت فنان فارفع خنجرك عن مصطفى سيد أحمد !!
                   |Articles |News |مقالات |بيانات

16-03-2006, 07:16 AM

ثابت محمد
<aثابت محمد
تاريخ التسجيل: 17-10-2005
مجموع المشاركات: 2006

للتواصل معنا

FaceBook
تويتر Twitter
YouTube


Re: ايهاب نميرى ..أنت فنان فارفع خنجرك عن مصطفى سيد أحمد !! (Re: معتصم الطاهر)

    Quote: كل شى كان يلفه الوجوم فى القرية الصغيرة ..
    وصولنا المفاجئ قرب الفجر ما كان له ان يهز سكون الليل
    لولا صائحة فجرت قشرة الصمت لينفجر الحزن وافواج الرجال
    والنساء جاءوا من كل حدب وصوب معزين وباكين حتى مطلع الشمس ..
    و...
    Quote: صراحه المغفور له ( مصطفى سيد احمد )
    هو الانسان الفنان الصراحه الاغنيه من اجمل الاغنيات لانو الاغنيه لمن غناها

    معتصم الحبيب
    أتركك بين المتن والهامش .. أرجع البصر كرتين
    لترى الفارق في لون البِشــرة ( بعد وقبل ) المسحوق
    في إمكانك التغيير على وزن : علّ حاء المسحوق يبقى راء

    معتصم
    معك قلباً وقَالباً
    وربّك مايجيب يوم ندوِّر فيهو لِسـتر القوقال ومكائن الألتافيستا

    فتك عافية
                   |Articles |News |مقالات |بيانات

17-03-2006, 05:32 AM

معتصم الطاهر
<aمعتصم الطاهر
تاريخ التسجيل: 26-11-2004
مجموع المشاركات: 4280

للتواصل معنا

FaceBook
تويتر Twitter
YouTube


Re: ايهاب نميرى ..أنت فنان فارفع خنجرك عن مصطفى سيد أحمد !! (Re: ثابت محمد)

    العزيز
    ثابت

    ما لفت هو ذاك

    رغم الملامح والشبه .. فى الموضوع
    والاختلاف فى الردود ..
                   |Articles |News |مقالات |بيانات

16-03-2006, 11:46 AM

Isa

تاريخ التسجيل: 29-11-2004
مجموع المشاركات: 1321

للتواصل معنا

FaceBook
تويتر Twitter
YouTube


Re: ايهاب نميرى ..أنت فنان فارفع خنجرك عن مصطفى سيد أحمد !! (Re: معتصم الطاهر)

    الأخ معـتصم..
    في الحقيقة كنت أود تنبيه الأخ أيهـاب بخصوص بوسـت آخـر جديد، وهو هـذا البوسـت:
    شوفوا معاي النسوان السودانيات

    لأني ومن أول سـطر تذكـرت قراءتي لهـذا الموضوع من قبل بقلـم الأخ سجيمان، وتشـككت أيضا أيهما نقل عن الآخـر رغم الأسبقية الزمنية الكبيرة لموضوع سجيمان المنشـور هنا: والموجود بمكتبة سجيمان
    لا تـنـكـحـــــوا.........هــــؤلاء النســـــوة
    وسـبب التشكيك هو رد الأخ إيهاب، عندما سُـأل:
    Quote: ايهاب حرام عليك حاترفدنا ياخي.

    علي الايمان ده مرجع.

    خيالك عجيــــــــــــــــــــــــــــب دوت مرة واحدة.

    فأجـاب:
    Quote: ما خيال فنان وكدا
    وبعدين نترفد برانا 4ما دايرين زول معانا وكدا
    حبابك الف يا غلاي


    ونسـبة لأنه قد سبق ودار هنا في المنبر كثير من النقاش حول حقوق المؤلف والإشـارة إلى المصدر أو المرجع، أو الإشارة الى أن الكـلام منقول الخ، فأرجـو أن يتكـرم الأخوة إيهاب وسجيمان بالرد.. وللجمـيع الإحترام... عيسـى
                   |Articles |News |مقالات |بيانات

17-03-2006, 12:37 PM

khaleel
<akhaleel
تاريخ التسجيل: 16-02-2002
مجموع المشاركات: 30118

للتواصل معنا

FaceBook
تويتر Twitter
YouTube


Re: ايهاب نميرى ..أنت فنان فارفع خنجرك عن مصطفى سيد أحمد !! (Re: Isa)

    معتصم يا هندسة

    عيبنا الكبير في السودان اننا ما عندنا كبير

    ممكن نشتم نقد والترابي والصادق وقرنق ومعظم فنانو السودان شتم لدرجة القذف

    معظم نجوم مجتمعنا شتمو وقذفو

    لم ار في مصر من يشتم الست وحليم وعبدالوهاب

    هنا يكتبون الكابلي صوتو مستعار

    والراحل المقيم مصطفي سيداحمد

    نحن لا نحترم كبارنا

    ودائما ينطبق علينا المثل البقول السفيه نبذ الباشا

    اي نحن

    نجهل فوق جهل الجاهلينا

    عشت موفور القيم باشمهندس
                   |Articles |News |مقالات |بيانات

17-03-2006, 03:32 PM

معتصم الطاهر
<aمعتصم الطاهر
تاريخ التسجيل: 26-11-2004
مجموع المشاركات: 4280

للتواصل معنا

FaceBook
تويتر Twitter
YouTube


Re: ايهاب نميرى ..أنت فنان فارفع خنجرك عن مصطفى سيد أحمد !! (Re: معتصم الطاهر)

    خليل

    سلام مرحب

    وأيضا يا خليل رغم أن أهلنا علمونا احترام الكبير

    وديننا .. أمرنا بذلك

    فقد بدأت كل الأقلام والألسن تشتم

    من المهدى .. حتى خليل ..

    ليس لقلة مقدراك وضعتك مثالا لكنى أرى أن لك شأنا ستشتن فيه

    وصاحبك عبد الكريم قبل أن يطلعوهو ( مرّاسى ) ..

    من علمنا هذا السان القذر ..
                   |Articles |News |مقالات |بيانات

17-03-2006, 03:50 PM

عبدالكريم الامين احمد
<aعبدالكريم الامين احمد
تاريخ التسجيل: 06-10-2005
مجموع المشاركات: 32519

للتواصل معنا

FaceBook
تويتر Twitter
YouTube


Re: ايهاب نميرى ..أنت فنان فارفع خنجرك عن مصطفى سيد أحمد !! (Re: معتصم الطاهر)

    Quote:
    من المهدى .. حتى خليل ..

    ليس لقلة مقدراك وضعتك مثالا لكنى أرى أن لك شأنا ستشتن فيه

    وصاحبك عبد الكريم قبل أن يطلعوهو ( مرّاسى ) ..

    من علمنا هذا السان القذر ..


    سلام يا باش

    والله حكاية حكاية الناس العاوزا تطلع في الكفر...علي حساب المبدعيين الحقيقيين

    انت عارف في كمبو الري انا حكيت عن اتنين كده بفرتقوا الحفلات لمن الفنان يكون كيشة

    انت عارف الناس ديل انا حقوا اعمل ليهم دورة الكترونية واكلم بكري...

    واجيبهم هنا يضايرو فناني الغفلة ديل...

    يازول مصطفي كبير..وكبير خلاص

    وما بقدر ليهم اي مخلوق ...لانو جوه دواخلنا...

    فاليذهب المرجفين الي الجحيم
    .....

    تسلمي ياباش..وعشت
                   |Articles |News |مقالات |بيانات

18-03-2006, 02:16 AM

ايهاب نميري
<aايهاب نميري
تاريخ التسجيل: 09-02-2006
مجموع المشاركات: 1237

للتواصل معنا

FaceBook
تويتر Twitter
YouTube


Re: ايهاب نميرى ..أنت فنان فارفع خنجرك عن مصطفى سيد أحمد !! (Re: معتصم الطاهر)

    نقلت هذا المقال عن صديقنا الأديب عفيف اسماعيل ..
    انتظرت أن تشير الى المصدر
    ولكنك لم تفعل
    بل عندما تداخل معك الأخ ..عامر تيتاوى ..
    قائلا :


    Quote: سيناريو جميل تستحق عليه الثناء



    هنا ..Re: غنى مصطفى سيد احمد لاول مرة رائعة الدوش سحابات الهم... عند وفاة أخته مريم

    أخذتك العزة بالنقل
    فرددت ..


    Quote: لانو الاغنيه لمن غناها غناها با احساس غريب جدا احساس انسان فقد اهم حاجه في حياته لمن غنا الاغنيه كان بيبكي وهو ببكي وهوبيغني


    هنا ..
    Re: غنى مصطفى سيد احمد لاول مرة رائعة الدوش سحابات الهم... عند وفاة أخته مريم
    أنت مطرب جيّد كما سمعت
    لا تحتاج أن تكون كآخرين
    لك تميزك وتمايزك
    أرجو أن ترجع الأمر الى نصابه .. وتكتب المصدر

    وكن جميلا .. وفنانا ..

    فهذا البوح
    احتفينا به فى الحصاحيصا فى التسعينات
    واحتفت به مجالس الخرطوم حينها ونشر فى أكثر من صحيفة
    وفى الدوحة احتفى به بدر الدين الأمير وعرفته خلالها ..
    وهو فى منبر الحوار المتمدن هنا ..
    http://www.rezgar.com/debat/show.art.asp?aid=15362


    الاخ العزيز / معتصم الطاهر تحيه طيب ، وشكرا ليك على هذا البوست .......
    الحصل فعل انو المقاله منقوله ( منقوله ) وانا كتبته البوست لانو اعشق هذه الاغنيه وبحث با نفسي في هذه الاغنيه ، المقاله انا نقلتها من مذكرات انسان يعشق مصطفى سيد احمد بصورة خياليه ، ولاني من محبي هذا الانسان الذي استطيع وصفه ، سمعي هذه الاغنية واحببتها واردة ان اعرف مناسبتها ،،، الحصل انو هذه الانسان ( صديق شداد ) والذي يحمل كتاب فيه مالا يقل عن 1000 صفحه كلها تتكلم عن الاستاذ / مصطفى سيد من حيث الاغاني ، وومناسبتها و كلمات وتلحين ومتى القيت ،، فا سألته اخي صديق انا عايز اعرف قصه الاغنيه دي شنو فعلا قال لي انو القصه دي حكاية مأخوذه من الاستاذ /عفيف اسماعيل وانا لا امتلك سوا مقاله تم نسخها عن طرق النت وانا قمت باضافة بعض اللمسات الخفيفه على هذه المقاله .... هذا ما حصل فانا اسف جدا انو لمن اذكر المرجع لاني لا اعرف اي حاجه عن الكاتب عفيف اسماعيل ولمن اكن اعلم اها اساس مسروده بهذه الطريقه الجميله فاحببت انا يستفيد الناس كما استفدة انا ومصطفى هو الفنان الروحي لي انا ايهاب نميري لاني احس بصوته وكلماته واداءه الرائع في دواخلي
    اشكر جدا الاستاذ/ معتصم الطاهر على انك فلت نظري الى هذه الملعلومه واشكر جدا جدا جدا
    بالنسبه للموضوع التاني
    شوفو نسوانا السودانيات
    دا انا كتبته في سنة 2005 وحبيت انزله لانو فعلا انا النسوان دي لكلهم عندي قصص عنهم ود فعلا من خيالي انا ايهاب نميري
    ومره تاني برجع واشكر الغالي / معتصم الطاهر على اثارة هذا الموضوع ،

    اخير اقول مصطفى سيد احمد استاذي ومعلمي وكل ماجد اي حاجه جميله عن هذا الرجل العظيم سوف اكتب عنها (مع ذكر المرجع ) الف رحمه ونور مصطفى سيد احمد الانسان الفنان و الرجل الرقيق الحساس صاحب الصوت الدافي الحنين
    اخوكم ايهاب نميري


    0
                   |Articles |News |مقالات |بيانات

18-03-2006, 02:34 AM

Isa

تاريخ التسجيل: 29-11-2004
مجموع المشاركات: 1321

للتواصل معنا

FaceBook
تويتر Twitter
YouTube


Re: ايهاب نميرى ..أنت فنان فارفع خنجرك عن مصطفى سيد أحمد !! (Re: ايهاب نميري)

    Quote: إن بقيت بخيت .. ربنا يديك مرا هدية ورضية .. السماحة ماضروري لانو بعد شوية .. ما حتكون سمحة حاتكون عادية .. نصيحة ليك النسوان البقولن ليك ديل اوعك تعرس واحدة فيهن ، الفنانة
    والحنانة والحردانة والمدرسة والمدبرسة والمفلسة والنوامة والحوامة واللوامة والبوبارة والكوبارة والخبارة والفشارة والممحوقة ( والمطلوقة ) واللايوقة
    أها نمسكن واحدة واحدة
    1- الفنانة :- حاتمرق معاها وتقعد تحوم .. في الحفلات .. وتشوف كرسي قدام وتقعد فيهو شايل عكازل وسكينك في ضراعك وعينك عليها .. إن راجل بشر ساكت تتحنفش وتتخنفش وتقوم .. إلا يهجروك اتنين علي الكرسي .. وتجوا نص الليل راجعين اهلكم والنهار كلو نائمين
    2- الحنانة :- طول النهار برا البيت .. تحنن في نسوان الرجال وهي كرعينها يكونن ما شافن حنة ليهن سنين .. والنهار كلو إنت تحاحي في الشفع ما يلمسوا الصبغة .
    3- الحردانة :- دي حا تكرهك حياتك اقل كلمة تتفنع توبها وتجري بيت ناس ابوها وتلحقها انت وتلقي ابوها تقعد في طرف العنقريب .. تطقطق في اصابعيك ومدنقر في ا########## وداير تراضيها ترجع البيت .. لكن احسن حل يا تسكنوا مع ناس ابوها .. ياتجيب ناس ابوها عندكم .. عشان توفر المشاوير والجري .
    4- المدرسة :- اول حاجة دي ما بتقدر تفرق بينك وبين الطلبة .. وحتقعد تعيد وتكرر في الكلام مليون مرة .. زي برنامج من الامس في التلفزيون .. وممكن جداً تسرح وتقول ليك فاهم ياشاطر.
    5- المدبرسة :- تلقاها طوالي زهجانة .. وشايلة اخلاقها في طرف نخرتها .. وان كلكلتها ماتضحك وفي النهاية حتوديك التجاني الماحي ..... نزيل اكتئاب ..
    6- المفلسة :- مادايرة أي شرح .
    7- النوامة :- تجي من الشغل نص النهار وزهجان .. تلقاها ( تانية المخدة ) وخاتها ايدها تحتها وتشخر .. وريالتها سائلة .. وحالتها بالبلا .. وتكره اليوم الفكرت انت فيهو في التكاثر
    8- الحوامة :- طول اليوم فوق كرعينها .. في الحلة من بيت لبيت .. وتدخل البيت قبال ما إنت تجئ من الشغل بخمس دقائق .. وتجري تولع النار وتطبخ ليك ( القطر قام ) .. واول ما ينتهي الغداء تدخل في سفنجتها إستعداداً لرحلة جديدة .
    9- اللوامة :- دا نوع مزعج جداً .. لو جبت سيرة اخوك ساكت .. تفتح فيهو ، الله بسألني سنتنا ديك وكت انت خليتنا بلا قروش وسافرت .. يدخل علينا مدلدل ايديهو .. كيس موز ساكت ما بيجي شايلو .. ولو جبت سيرة امك هي والله امك دي اصلها ما بتريدني من تشوفني تزعل والنيران تنطلق فيها .. وتمد قدومها .. ووليداتي ديل السلام يا الله ويا امين تسلم عليهم .
    10- البوبارة :- دي تحملك فوق طاقتك تشريك المابنشري .. وجيت الناس في البيت تجري علي علبة الذهب وتتعنكش كلها من راسها لي لكرعيها .. وتقعد تنضم وتك*** بايديها وكرعيها ورقبتها واضنيها ,, عشان توري الذهب .
    11- الكوبارة :- دي تكبر اي موضوع .. وتسوي ليهو توم وشمار .. وتقول ليك ناس القبور دقو الطنبور .. لو شافع من شفعك عتر ووقع تصرخ وتخت ايديها في نص راسها وبي طول حسها
    وووووووووووووووووووووووب علي ووووووووووب علي .. ماااااااااااااااااات خلاص ماااااااااااااااااااااااااات يسمعوها في الشارع والمصيبة لو انت كنت نائم وسمعتها .. تقوم مخلوع وتمرق من الاوضة لحدي نص الصالة .. اما لوكان عندك قلب مرضان .. اللحظة ديك ...... من المهد لي اللحد
    12- المطلوقة :- واضحة وضوح الشمس
    13- اللايوقة :- دي حكايتها تانية .. تمسك في موضوع يحلك منو الجليل الرحيم .. يادا هوي يادا
    الليلة يايمـــة طرشت ؟؟؟؟ وقدر ما تطنش هي مصرة .. وممكن تجئ وتخجك خجة جامدة عشان تنتبه .............................. للنقة


    الأخ إيهاب، تحية
    كتبت:
    Quote: بالنسبه للموضوع التاني
    شوفو نسوانا السودانيات
    دا انا كتبته في سنة 2005 وحبيت انزله لانو فعلا انا النسوان دي لكلهم عندي قصص عنهم ود فعلا من خيالي انا ايهاب نميري

    والمقصود هو موضوعك أعلاه:
    ولكـن كيف يمكن أن تفسـر لي تطابق خيالك عـام 2005 مع خيال سجيمان عام 2003، وهـذا ما كتبه سجيمان، وتجد اللنك أيضا أسفله:

    Quote: ان بقيت بخيت.....ربنا يديك....مرا هدية ورضية.... السماحة ما ضروري لانو بعد شوية...... ما حتكون لك سمحة..... حتكون عادية....... نصيحة لك..... النسوان البقولن ديل اوعك تعرس واحدة فيهن.................


    "الفنانة..........والحنانة........والحردانة,,,,,المدرسة.......والمدبرسة........والمفلسة

    ,,,,,, النوامة.......والحوامة......واللوامة,,,,,البوبارة......والكوُبارة.....والخبّارة

    ,,,, الممحوقة.....والمطلوقة.....واللايوقة"

    طيب...اجي اوريك ليه؟


    الفنانة...... حتمرق معاها وتقعد تحوم.....في الحفلات...وتشوف كرسي قدام. وتقعد فيهو..شايل عكازك....وسكينك في ضراعك....وعينك عليها.......ان راجل بشّر ساكت..... تتحنفش...وتقوم......الا يهجروك اتنين...علي الكرسي.....وتجو نص الليل راجعين اهلكم....والنهار كلو نايمين....

    الحنانة........طول النهار برا البيت....تحنن في نسوان الرجال....وهي كرعيها يكونن ما شافن حنة ليهن سنتين...والنهار كلوانت تحاحي في الشفع ما يلمسو الصبغة....

    الحردانة...... دي حتكرهك حياتك....اقل كلمة...تتقنّع توبها وتجري بيت ناس ابوها...وتلحقها انت.....وتلقى ابوها....تقعد في طرف العنقريب.... تطقطق...في اصابعيك.. ومدنقر في ا##########...وداير تراضيها ترجع البيت....... لكن احسن حل لك يا تسكنو مع ناس ابوها...ياتجيب ناس ابوها عندكم ....عشان توفر المشاوير والجري..........

    المدرسة..........اول حاجة دي ما بتقدر تفرق بينك وبين الطلبة...... وحتقعد..... تعيد وتكرر في الكلام مليون مرة..زي برنامج من الامس الفي تلفزيون السودان....وممكن جدا تسرح وتقول لك فاهم يا شاطر؟

    المدبرسة........تلقها طوالي زهجانة.....وشايله اخلاقها في طرف نخرتها...وان كلكلتها ما تضحك........في النهاية حتوديك التيجاني الماحي...... نزيل اكتئاب

    المفلسة.........ما دايرة أي شرح

    النوامة......... تجي من الشغل نص النهار وزهجان.... تلقها....تانية المخدة وخاته ايدها تحتها....وتشخر... وريالتها سايله...وحالتها بالبلا.....وتكره اليوم الفكرت انت فيهو في التكاثر........

    الحوامة.........طول اليوم فوق كرعيها...في الحلة من بيت لبيت.....وتدخل البيت.. قبال ما انت تجي من الشغل بخمسة دقائق....وتجري تولع النار.......وتطبخ لك القطر قام....واول ما ينتهي الغدا .....تدخل في سفنجتها....استعداد لرحلة جديدة

    اللوامة.....دا نوع مزعج جدا.....لو جبت سيرة اخوك ساكت....تفتح فيهو... الله بيسألني.......سنتنا ديك وقت انت خليتنا بلا قروش وسافرت.... يدخل ويمرق علينا مدلدل ايدهو...كويس موز ساكت ما بيجي شايلو.......ولو جبت سيرة امك...... هي والله امك دي اصلها ما بتريدني.....من توشفني تزعل والنيران تطلق فيها...وتمد قدومها.....ووليداتي ديل السلام.... يا الله ويا امين تسلم عليهم......

    البوبارة.......دي تحملك فوق طاقتك...تشريك الما بينشري....وجيت ناس في البيت...تجري علي علبة الدهب...وتتعنكش علها من راسها لكرعيها....وتقعد تنضم..بايديها وكرعيها ورقبتها...واضنيها...عشان توري الدهب

    الكوبارة........ دي تكبر أي موضوع...وتسوي ليهوتوم وشمار..... وتقول لك ناس القبور دقو الطنبور...... لو شافع من شفعك.....عتر ووقع...... تصرخ وتخت ايديها في نص راسها.....وبطول حسها.....ووووووووب علي ووووووووب علي ...مااااااات ...ماااااااااات........ يسمعوها في الشارع....والغريبة لو انت كنت نايم وسمعتها..... تقوم مخلوع.....وتمرق من الاوضة لحدي نص الصالة.....وانت بلباسك........اما لو كان عندك قلب مرضان....اللحظة ديك....من المهد الي اللحد

    الخبّارة...... البي تدور الخبار..... لو في نضم تلقاها سكتت الشفع....ونهرتهم عشان تسمع.......الجيران مالهم بيهرجو وصوتهم عالي......ولو كانت بتكوي لك في هدوم.....قطع شك......قميص ولاّ جلابيه.....حيكون في عداد ضحايا الحريق.....وممكن الملاح...يحرق وممكن الجردل يكون في الماسورة.... يتملي والبيت يغرق من الفيضان......وحرمكم المصون واقفة فاتحة خشمها وتصنت للجيران........


    الممحوقة ..............دي ان جبت دكان كامل وختيتو لها في البيت تكملو في يومين......تصوطو كلو فوق تحت...........لكن ممكن توديها لاصحابك الزعلان منهم لو عندهم مناسبة تطبخ لهم.... عشان....لما المناسبة تنتهي يشحدو وانت تتبسط........


    المطلوقة...........واضحةو ضوح الشمش

    اللايوقة..........دي حكاية تانية.... تمسك في موضوع يحلك منو الجليل الرحيم......يا...دا ....هوي يا دا..... الليله يا يمة.... طرشت؟...وقدرما تطنش هي مصرة.....وممكن تجي جنبك وتخجك.....خجة جامدةعشان تنتبه...... للنقة....
    (عدل بواسطة سجيمان on 19-07-2003, 08:32 ص)

    المصـدر: لا تـنـكـحـــــوا.........هــــؤلاء النســـــوة
                   |Articles |News |مقالات |بيانات


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de