أنا زمان كان عندي رخصة ملاكي صغيرة بتاعة بوستات أبو عشرين تسعة وعشرين نفر (ميني بوست) والركاب ما بدفعوا كويس تلقى الواحد ينفض جزلانو كلو ما يطلع منو غير (لوووووووووووول) أو (شنا@هاهاهاها) ولا يقول ليك (بجيك راجع بعد شوية) والحكاية دي بقت ما بتأكل عيش فأنا قررت أعمل رخصة عامة (كبيرة) عشان اسوق بوستات غليدة من النوع البتكون التذاكر فيهو أنا أتفق تماماً مع ما جاء به الأخ عجب الفيا فيما بختص بالأيدولوجية وإن كنت أختلف معه في الجزئية الأخيرة....) ولا راكب يدفع ليك شيك زي دا
Quote: The gentleman cold Neviel left Bamangowatow at the begging of May in A wagon with the driver and native hunter with the intention of going to Inyato the last trading place there he mean to sale his wagon and go on foot
ويجيك راكب يدفع ليك هل يستطيع الأخ اسامة الخواض أن ينفي عني صفة الحداثة فأنا أعتقد أن مسالة الجنجويد لها جذورها ولها ما يبررها يازول بعد شوية أفرش لي فرشة تحت البوست وأضرب النوم أخليهم ليك يتثاقفوا في بعضهم عفوا أخي بشاشا ... لم أقصد أخي مراويد ... أحترم رأيك...
الأسماء المذكورة أكن لها خالص ودي وإحترامي وما قصدت الإساءة لأي منهم بل العكس تماماً فأنا فخور بيراعهم وفكرهم ويقيني أنهم حينما يتحدثون أو يكتبون في هذا البورد يكتبون في المهم ويتحدثون في الأهم ويثرون النقاش أكرر حسن النية
05-01-2004, 09:03 AM
Ahlalawad Ahlalawad
تاريخ التسجيل: 02-05-2002
مجموع المشاركات: 2832
الأخ الرائع بدر شنا نبارك لك الرخصة العامة وأعمل حسابك من بتاعين الحركة الأيام دي يلبدو ليك في أى مكان خاصة في الأسبوع الأخير من كل شهر وطبعاً مع الزحمة والشوارع الضيقة ومليان بي ناس أمجاد والركشات والحافلة والكارو وحمير اللبن وعربات الكارو من نوع نصف نقل ولواري الطوب ما بتقدر تكب الزوغة وبالمناسبة لو لمت فيك بوليسة حركة مش بوليصة تأمين حا تكرهك اليوم الخلاك تسوق عربية أو حتى تمشي كداري في شوارع الظلط، ولو بقيت فاهم وحاولت تخارج نفسك بتدخل تحت مظلة الراشي والمرتشي ودي فيها لعنة من السماء ، أها يا بدر الدين يا أخوي بتسوق براك ولا داير لك سواق.
شنا انا عارف انو الليسن الملاكي ماعندك حتي الان وقالو لي حاولت وكملت ليت عشره كتشات وبرضو كنت رسوب طوالي مره في دوار الخوير ومره في دوار الاسكان ومره العسكري ماسك منك بريك حسع حكاية الترك البقيت تفكر فيها اظنك حلمت انك بقيت رفيق كبير او انو في مرمول بيبدوا بالليسن الكبير اول
المهم بي ليسن والا بدونه انا وكل ناس حلتكم بداية من عمر العريس ونهاية بقرشي زول بيدفع ليك مافي
05-01-2004, 11:41 AM
بدرالدين شنا بدرالدين شنا
تاريخ التسجيل: 07-30-2002
مجموع المشاركات: 3514
أهل العوض سلام طبعاً لو عايز اقول لوووووووووول@أهل العوض ما بتجي إلاَّ أقول عوووووووووووووووووووك@أهل العوض
ملاي سلام ياخوانا أدفعوا كويس يعني قول لي (في الحتة دي زي الواحد حقو يتخطى المسائل ويسمو وينأى بفكره عن العثرات وردهات الخطيئة حتى لا تنصب له مشانق الظلاميين..) وبعد داك أنا برجع ليك الباقي
الحبيب عبدالله سلام أفصح عن نفسك أكثر فمازلت لغز بالنسبة لي ودائماً تجهجهني أنا كان عرفت إنت منو ما بخلص منك حق المشوار لك فائق إحترامي
يا شباب أنا كان ما لقيت عليكم زيادة ركاب ما بطلع بيكم
الاخ الرائع* بدر الدين نشا** هل تعلم يا اخي انه قد بلغ السيل الزبي*** اصلحناالله واياكم اساسا انا بختلف معاك والاصل هو الاتفاق مع الاحتفاظ بايدلوجيه محدده للنقاش ..اختلف معاك بدايه من عنوان البوست الخاطئ وليس الخطأ**** كما يخلط الكثيرون ..والصحيح بدر الدين يقود الشاحنه اصلحنا الله واياكم/ن *****
تصحيح:- *والله مافي شيتا بغيظني الا الروعه دي..الرائع مالو هو والروعو شنو ذاتو **نشاه مصره عليها ثقالتن بالتنوين المافي في الكي بورد ***دي ما حافظاها ****اظنها بالقلبه *****دي في شان خاطر الجندريه ساكت
لكن الليله ذكرتني زول صاحبنا قال مشا المغرب اها اول ايام طبعا المغاربه لغتهم صعبه بسموها الهزره ولا كان الهترشه ما بعرفها اها في زوله جات تتكلم معاه اها تحوطا كده شبكها ليك لغه عربيه فصحي ناس اريد ان اذهب الي السوق ومحل اللحام اها جات واحده صاحبتها ماره سمعتهم بتكلمو نادت واحده تانيه قالت ليها اجري تعالي شوفي ناس كابتن ماجد ديل كان شاطر في كم واحده في القصه?? وعموما وعليه بوستك جميل زي بسمتك
05-01-2004, 01:18 PM
صديق الموج صديق الموج
تاريخ التسجيل: 03-17-2004
مجموع المشاركات: 19433
انا افتكر من منظور فلسفى انو الايدولوجيات المختلفة والتى تتاتى لتاطير العلاقه بين النظرية والتطبيق يجب ان تنداح بين الفكر والتفاكر،فالتثاقف الذى ينشأ بين التطور وضرورة المرحلة ما هو الا وهم ينساق اليه الغافل من الناس فى هذا الزمان القمىء. ياربى تمت جملة مفيده..وطبعا يا بدر الدين البكاء بحرروه اهله...وانا جيت بى جاى و قلـت اقادحك....... رجاء اخير شوف لى معاك خانة مساعد حلة وبالعدم كمسارى.تسلم
05-01-2004, 01:39 PM
Rawia Rawia
تاريخ التسجيل: 11-23-2002
مجموع المشاركات: 8396
انا شاحنه بدر الدين خليتها..اسا بقيت في راويه دي محل امشي القاها ترحب بالتلاته ديل ومنورين..راويه اختي كدي ولعي النور وقولي بسم الله اب كباس شكيتو لي الله يمين الليله صحاني خمسه صباحا حضرت نشاهد غدا عديييل
05-01-2004, 01:33 PM
Rawia Rawia
تاريخ التسجيل: 11-23-2002
مجموع المشاركات: 8396
بدرى تانى جبتك راجعه انا يااخوى (بيرميت)permit ما عندى يعنى ما مؤهله خالص لقياده بوستات خفيفه.... فضلا عن الثقيله والتى تحتاج الى متابعه ورد واستشهاد بالكتب وحاجات كدا
بالمناسبه دى فتحت على نفسي فاتوحه امبارح ودخلت واحد من البوستات الشاحنه
05-01-2004, 02:18 PM
بدرالدين شنا بدرالدين شنا
تاريخ التسجيل: 07-30-2002
مجموع المشاركات: 3514
منورة إنتي دي .. قايلاني أنا خايف منك؟؟؟ عاملة أسرتكم الظريفة دي
Quote: والصحيح بدر الدين يقود الشاحنه اصلحنا الله واياكم/ن
بدرالدين كدا حاااااااااااف من غير شنا .. الله يسامحك حلوة ناس كابتن ماجد دي الله يديك العافية يا توما يا رااااااااااااااائعة
صديقي صديق الموج شوووووووووق كتيييير
Quote: وانا جيت بى جاى و قلـت اقادحك
إنت أقادحك على وزن أغاديك يعني تجيب قدحك وأنا أجيب قدحي ولا جاية من القدح والذم على العموم في الحالتين أنا كسبان وفرحان بي زيارتك لأني كنت فاكرك زعلان مني وما عارف الشعور دا جاني من وين يمكن لأنك ما رديت على آخر رسالة أرسلتها لك على العموم أنا عارف يراعك المضبب لمن يسخى بكتب الغالي والنفيس لك حبي يا موج
بدر السمح...انت القدح والذم ديل اخوات الدالى والمزموم..وبعدين زمان وانا صغير كان عندنا واحد من اهلنا بقول انا جاى من الدالى والمزموم والله كنت متخيل الدالى والمزمزم ديل حريم سمان كده وما تقول لى ليه لانى انا ذاتى ما عارف ليه. تانى اناما بزعل منك انشاء الله يبقى لى بى خروج نهائى ماجاتنى منك رسالة,,ويا اخى انا بريدك من (زمن مستنى عودة قلبى راحل) تقول لى ازعل منك.بس من قطعت الماسنجر ديك الله لا اعاده تانى الواحد ما سمع حروفك...لك منى كل الود ياود.
يا اخوى الناس بتركب البوستات حسب علاقتهم مع السواق يعنى كان كبرت الحكاية الا تلملم الركاب بالماسنجر و التلفونات ,,عليك امان الله انا ماسنجرى دا لو واحد عاوزه بدييهو ليهو يا كافى البلا وقفوهو و رجعهو ما قال بقم اها ان التعب دا كلو ما نفع خليك راكب حريف زينا كدا تتشعلق فى ايى بوست حتى لو السواق و الركاب حدروا ليك. كان عندنا رابطة شبابية فى حى البوليس مدنى بعد الانتفاضة بدت الاحزاب استقطاب شديد و مرة فى اجتماع قاعدى واحد بدى كلامه: بادئا ذى بدئ و انطلاقا من كل المحوار, صاحبنا دنقلاوى قال لى شوف الفلسفة دى اسع فى داعى للانقليزى..
يا بدر من الله خلقنى ما شفتك تزوزى فى بوستا لى لكنى بنركب كل الدروب البتودى ليك
حج يا حاج
05-01-2004, 04:03 PM
الطيب بشير الطيب بشير
تاريخ التسجيل: 12-06-2003
مجموع المشاركات: 5766
لقدظلت قوىالشعب الهاملة تتابع بكل إهتمام و ترصد المؤامرات التي تحيكها و من معك ضد شعبنا و لكننا نؤكد أننا سنكون لكم بالمرصاد سدآ منيعآ ضد الهجمة الإمبريالية السرسة التي تقودها مع أذناب الإستعمار بالتواطؤ مع الطابور الحداشر {مراعاة للتضخم} و سنضرب بيد من حديد على كل من تسول له نفسه.
يااااخ نفسي قام
دة شنو دة يا مرسي؟
05-01-2004, 05:58 PM
Raja Raja
تاريخ التسجيل: 05-19-2002
مجموع المشاركات: 16054
توما وراوية والله لو تدورن شكلة في البوست دا ويتدخلوا الأطراف الشاحنة تشحن ونتحرك قبل السحابة دي ما تجيب ليها مطرة
صديق الموج سلام تاني
Quote: والله كنت متخيل الدالى والمزمزم ديل حريم سمان كده وما تقول لى ليه لانى انا ذاتى ما عارف ليه.
أضحكتني يا رجل إنت النوع البلخبط الأوس والخزرج مع البوسنا والهرسك؟؟؟ لك حبي وتقديري والله حاولت أتصل بيك عندما زودتني بهاتفك ولكنني فشلت ولا أدري أين الخطأ على العموم أنا هاتفي 00968386861 حتى الخامسة مساء فقط
صديقي القديم الحديث نصار تحياتي واشواقي
Quote: يا بدر من الله خلقنى ما شفتك تزوزى فى بوستا لى لكنى بنركب كل الدروب البتودى ليك
هي لكن يا نصار إنت بوستاتك حارة وما بتنهبش (الملف الخاص بعصابة...) وأنا بربي لي في يتامى لكن مرة لقيت ليك بوست بارد (عن العريس عبدالمنعم سيد أحمد) ودخلت وشاركت فيهو لكن إنت ما جيت راجع عشان ترد لي إنت أظنك بتفتح البوستات وتخليهن زي شوالات العيش في الزريبة إنت راجل حلو وأنا بريدك زي ما بتريدني وبريد إشلاق بوليس مدني وكل الحلوين
سعادة اللواء الطيب البشير تعظيم سلام
Quote: و سنضرب بيد من حديد على كل من تسول له نفسه.
ياخوي دي بقت ما بتأكل عيش مع العبوات الناسفة والتفجيرات .. ياااااااااه يا الطيب ذكرتنا زمن فات وعسكريهو مات لكن والله بيني وبينك أنا بقرا في الكلام دا خفت الزول دا يرجع تاني
الحلوة رجاء سلام 4x4
Quote: غايتو انا من يوم دخولي المنبر شايفاك بتسوق بوستات 4x4..
لا .. الحمد لله ولدو لينا (مداخلة) بقينا 5x5 لك تقديري وبوستاتي
05-02-2004, 10:05 AM
Ahlalawad Ahlalawad
تاريخ التسجيل: 02-05-2002
مجموع المشاركات: 2832
هي لمن قالت ليك كدا قاصدة الكفيل (المشترك) إنت قول ليها أنا داير بدرالدين شنا
أبو خدر سلااااااااااااااام
Quote: شناه .. نزلني هنا
أنزلك؟؟؟ والله كويس .. هو أنا لقيتك بي هين عشان أنزلك وبعدين لازم تقعد هنا لمن تجيك راوية خدر غني لينا .. عليك الله غني لينا .. ياخ عليك الله .. مش في ناس زي ديل بلاقوك في أي محل ويصروا عليك دون مراعاة للموووود والحظة الإنت فيها
05-02-2004, 11:52 AM
almulaomar almulaomar
تاريخ التسجيل: 07-08-2002
مجموع المشاركات: 6485
الجمال ليس في صور الأشياء وإنمّا في الشعور بصور الأشياء ولهذا يختلف الموقف الجمالي لدى المتأملين باختلاف شعورهم، وتلوّن أحاسيسهم (فالمعاني تُنسب إلى مظاهر الوجود من قبيل التغليب ، وإلا فهي في حقيقتها معاني أنفسنا ، وصور أفكارنا ومشاعرنا ، وتأثيراتنا ، وهب أنني رجلٌ أكمه الذوق فما تكون معاني هذه الصور في نفسي؟ أو هب أنني فلاّح يقضي حياته بين حقوله وعلى ضفاف جداولها المنسابة فتكون معانيها في نفسي ، ودخائل فكري هذا الجمال المعبّر الأخاذ الذي يحسه الشاعر ويساجله ، ويناغيه العاشق وينافثه ، ويحدثه الفيلسوف ، ويستنطقه ؟؟ أم أنها تكون عندي رمز الكد وضرورة الإنتاج والنصب للعيش وضروراته القاهرة أو هب أنني فلاّح يقضي حياته بين حقوله وعلى ضفاف جداولها المنسابة فتكون معانيها في نفسي ، ودخائل فكري هذا الجمال المعبّر الأخاذ الذي يحسه الشاعر ويساجله ، ويناغيه العاشق وينافثه ، ويحدثه الفيلسوف ، ويستنطقه ؟؟ أم أنها تكون عندي رمز الكد وضرورة الإنتاج والنصب للعيش وضروراته القاهرة.
أها يا بدر الدين شنا الكلام ده بوصلني وين ، وبعد ما تنزلني لازم تديني قلبى طبعا مش my heart وإذا ما عنك فكه خليني أفكها فيك وأقول ليك keep the change يعني بقشيش وكده.
05-02-2004, 12:21 PM
THE RAIN THE RAIN
تاريخ التسجيل: 06-20-2002
مجموع المشاركات: 2761
دا بنزلني أنا وبشيلك إنت الجمل بما حمل إنت زول ما معقول وزي ما بتقول الجميلة رجاء إنت ما حصلتا
المطر تعال أركب قدام
Quote: أها بالله الأحسن ياتو
طبعاً البرينسة المليانة هسع عليك الله الذكرك البرينسة دي شنو؟؟؟ يجازي محنك أعدتني للثورة بالنص والثانوي العالي ومستشفى أمدرمان يااااااااااه لكن زي ما قلت
Quote: الرك على الركاب، أو الشحنه يا حاج
بالمناسبة يا مطر عندك أي تصريف لكلمة الرك دي؟؟؟ يامطراً لهبك ثورتك تحياتي وتقديري
05-02-2004, 01:05 PM
khider khider
تاريخ التسجيل: 03-17-2002
مجموع المشاركات: 2361
شن الأها؟؟؟ ما كتلتني عديل .. إنت خرمان لي سيجارة وأنا سأظل خرماااااااااااااان لي صوتك وأداءك المتميز دا لمن القاك وياريت القاك يا حبيبي والله بي طريقتك دي بتكتل ليك زول ياخي أنا لو ما لملمت قفة حجتي كانت ضاعت خاصة بعد أن بدأت أتمايل وأتراقص طرباً مع هذا الجمال الله يحفظك يا خدر إنت وبارعتك في الغربة وأنا فخور بك وأكان داير الشاحنة دي شيلها... أحبك أحبك أحبك بالمناسبة أمبارح القريبة دي قلت لي واحد بدوي شغال معانا هنا أحبك يازول الراجل دا زعل وأتنفخ وتطاير من عينيه الشرر وقال لي أسمع أنا رجال زي زيك ماني حرمة ليش تقولي أحبك؟؟؟ حبي وتقديري وفخري
05-02-2004, 03:10 PM
khider khider
تاريخ التسجيل: 03-17-2002
مجموع المشاركات: 2361
يا بدر الدين .. عندنا في قريتنا في الشماليه راجل جارنا و عندو شويه تخلف + كتره رجاله و كان ببيع شاي في محطه القطر اها قطر حلفا وقف و المصري نادي بتاع الشاي تعال يا حبيبي اديني شاي والله عمك سلا عكازو و دقا ليك المصري قدام الخلق دق العيش ليه و ليه يقول ليهو يا حبيبي اصلو انا مرتو !!
05-02-2004, 03:18 PM
THE RAIN THE RAIN
تاريخ التسجيل: 06-20-2002
مجموع المشاركات: 2761
والله قدر ما دافرت فى "الرك" دى ما لقيت ليها جيهة، ماعرفتها جايه من وين، لكن والله كلمة معبرة جدا وبتقفل ليك المعنى قفلة عجيبة لا قبلها ولا بعدها، يعنى كلمة زى ما بقولو الخواجات
Expressive
إنت ما سمعت أخت ود حبوبة، اظن اسمها رقية كان ما اخاف الكضب، من"بلدياتكن يعنى" بتوصف فى عبد القادر اخوها ساعة جو يسوقوهو للشنق، قالت ليهو شنو
تور بقر الجواميس العليك الرك يا عقد الحديد للحلبى ما بتتفك
لكن اصبر لى بجيب ليك اترا
05-02-2004, 03:18 PM
Rawia Rawia
تاريخ التسجيل: 11-23-2002
مجموع المشاركات: 8396
يخسي عليكم أنا اشحدكم عشان تتشاكلوا لي في بوستي تقوموا تتشاكلوا لي ناس فلان قبالي وأنا الشحدتكم اول .. خلاص كبي من شكلتكم ديك إن شاء الله قدر كباية
الفاتح الجوافةالمخلوطة بزمزم سلام كل واحد يخلي بالو من عفشو .. أي واحد مايلاقيش عفشو أنا ماليش دعوة
النفيسة ملكة سبأ سلام أنا سبأ والتلك بس إنتي مسمعتيش عليك الله بي ترتارك دا ترتري كدي كدي لي وراء عندنا قريبنا مرتو سافرت للولادة ولما ليك العزابة في البيت وبقوا يغنو حلاة البيت بلا مرا أترتر كدي كدي لي وراء
Quote: عنـدي بطاقـة طالـب .. اهـا كيـف معـاك ؟؟
والله ما بخارج يابن العم
صديقي صديق الموج سلام
Quote: يا اخى الزول لامن ريقو ينشف ما يتم ليه جملة مفيدة من حقات عجب الفيا السمحات ديل
إنتو قايلين سياقة الشاحنات دي ساهلة؟؟؟ عشان تأمنوا
Quote: ده بوست التقول عرقى ...سلمت،،،،
صديييييييييييييييييق
الرائعة توما سلام خلي يغني ليك الكمساري ولا كان عندك منكير جيبيهو نصلح بيهو الشريط إن شاء الله يا توما بكرة تصبحي من الصباح تلقي روحك تشبهيني النشوفك بتسوي شنو
05-03-2004, 07:03 AM
THE RAIN THE RAIN
تاريخ التسجيل: 06-20-2002
مجموع المشاركات: 2761
أختلف معك أخى بدر الدين لأن سياقة الشاحنة فى هذا الأطار المنفس تؤول بها لمستنقعات الفكر الأطرشقانى مما يختلف عما رصفناه فى مواقف سابقة .. و قد أمنت أنت على هذا السياق فى تثاقفية جدلية من منطلق الميكانيكة الهبتلية
ومن منطلق المثاقفه الشنائيه للابستولوجيا المندغمه للانا العليا تتماهى ابعادها اللاسيمبوليه داخل كينونتها المازومه لابعادها الشينويه الكلام ده شرح الصوره المرفقه
05-04-2004, 04:29 PM
ابو جهينة ابو جهينة
تاريخ التسجيل: 05-20-2003
مجموع المشاركات: 22834
الحاج الشقيق بدر الدين حسع الواحد يقعد وين ؟ زحمة شديدة خلاص. غايتو إلا تقطر ليك مقطورة ورا الشاحنة دي. غايتو حنركب فيها مملحين. بس في الرجعة أحجز لى مكان قدام معاك.
05-05-2004, 06:25 AM
بدرالدين شنا بدرالدين شنا
تاريخ التسجيل: 07-30-2002
مجموع المشاركات: 3514
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
بدرالدين شنا
Ahlalawad
almulaomar
Rawia
توما
صديق الموج
نصار
الطيب بشير
Raja
khider
THE RAIN
alfatih
ملكة سبأ
ابو جهينة
فيس بوك
تويتر
انستقرام
يوتيوب
بنتيريست