دعواتكم لزميلنا المفكر د.الباقر العفيف بالشفاء العاجل
|
|
 تعالوا نقطع في البورداب الغايبين
|
آآآآآآي كيتاً عليهم عشان تاني ما يغيبوا
ناس أبوجهينة ورجاء وراوية وسجيمان و....و... وكلهم
وأنا من هنا بوجه ليهم تحذير شديد اللهجة
والله والله أنا بديكم ساعة زمن رجعتوا رجعتوا مارجعتوا والله أقوم أشتاق ليكم شوق عارم ... وأسال ربي الناس الفي البورد كلهم يشتاقوا ليكم بس كيتاً عليكم
|
|
 
|
|
|
|
|
|
|
 Re: تعالوا نقطع في البورداب الغايبين (Re: Ibrahim Algrefwi)
|
الحبيب بدر الدين سلامي واحترامي
مشتااااااااااقين وكده وسلامنا لناس السلطنة فرداً فرداً
وينك أنت تعرف ياشنا انت الغائب الجماعة باعوا القضية وعملوا ليهم منبر جديد قال إضراب قال
تعرف الشغلة ذكرتني زمان أيام الانتخابات كلو ناس يحاولو يكبروا كومهم وناس يجوا في الداخليات يرشوا ليك الجماعة بنعمل ونعمل ليكم ونسوى ليكم بس انتو ادونا صوتكم وانشا الله نمتعكم دنيا وآخرة يظهر أنو هنا برضوا في جماعة بتاعت استقطاب حلوة دي على راي د.البوني وبتحاول تجر أكبر عدد من الأعضاء للمنبر الجديد ـ كل شيء في السودان اليومين بقى جديدـ على نسق السودان الجديد حسي أنت ما شايف المنبر دا بقى جديد كمان ورشوا بوهيه تقول لي نقطع فيهم إلا تقطع ليهم جمب الكمبو ولا جنب الترعة لوووووووووول قطع ناشف
| |
|
|
|
|
|
|
|
|
|
Re: تعالوا نقطع في البورداب الغايبين (Re: ebrahim_ali)
|
هههههههههههههه انت عارف يا بدر انا والله كنت عايز أقطع
من غير ما تقول لي ,, لكن بيني وبينك سجيمان قالوا بعد
ما ظبّط العفش الجديد مع أنو كنج فرز عيشتوا براهو وعمل
نايم ,, وأكان لي بيان والله عملتها ظاهرة الزولة دي وما
عارف الحاصل عليها شنو ؟؟ الظاهر الايام دي كوالالمبور
البكيات فيها تسوي يا غربتي  وقالوا الولية بكاية و
ما بتقصّر كلو كلو ,, أها الرسول كان خلينا الناس دي في
حالا ,, يا زول انا ما بحب أجيب سيرة زول غايب واللا شنو؟
| |
|
|
|
|
|
|
|
|
|
Re: تعالوا نقطع في البورداب الغايبين (Re: بدرالدين شنا)
|
تاج السر .. جريفاوي .. إبراهم علي .. وحبيب نورة
سلامي وإحترامي وطيب كلامي
أنا طبعاً ما بحب أتداخل مع زول في بوستو ويجي يرد لي ضمن المجموعة نوع يقول ليك
فلان
فلان
فلان
تسلموا لي الطلة
دائما بفضل صاحب البوست يغرف لي الرد بتاعي في صحن براي لكن الليلة أنا بعملها ليكم بخت الحلة كلها لأنو الموضوع فيهو قطيعة والقطيعة دايرة الناس يتكوموا في محل ضيق والإضنين جنب الخشم فأنا أمبارح عرفت تحت تحت إنه في ناس تاني رائعين كتار نحن ما قلناهم فيهم شعراء وكتاب وغنايين وعيييييييييك وطبعا أخونا إبراهيم جاب كلام خطير قال في بعض منهم سووا ليهم منبر براهم ود لو حصل أنا شخصياً بزعل وما أظن فينا واحد برضى القصة دي ولا شنو؟؟؟
| |
|
|
|
|
|
|
|
|
|
Re: تعالوا نقطع في البورداب الغايبين (Re: بدرالدين شنا)
|
حبيبي الأولاني فلان الهوبفلاني
سلااااااااااااام
معقول يكون سجيمان عملها وساق الجماعة ديل يقروا ليهو في منبرو يوم الكرامة ويبرِّكوهو ليهو؟؟؟
غايتو أنا لمحت راوية الليلة الصبااااااااااااح بدري
طيب وين ملكة سبأ؟؟؟
هوب فل عليك الله إنت ملحلح أكتر مني وشدييييييد دحين فتش معاي
| |
|
|
|
|
|
|
|
|
|
Re: تعالوا نقطع في البورداب الغايبين (Re: بدرالدين شنا)
|
الأخوات
ندى علي
وندى علي
وندى علي
وندى علي
وااااا.. ندى علي
والله ما قصرتنَّ في القطيعة
يعني هسع يا ندى إنتي قاعدة تقطعي معاك مش؟؟؟
| Quote: و حنينة و راوية ما بيتفلهموا علينا لانهم بيعرفوا يرفعواالاغانى و يضعوا لنكات الحفظ |
ونحن بنعرف نرفع أكف الدعاء راجيين الله يرجعهم بما فيهم ندى أمين وكل صاحب حرف نقي وشفيف
والله لكن قطَّاعة وبيني وبينك
| |
|
|
|
|
|
|
|
|
|
Re: تعالوا نقطع في البورداب الغايبين (Re: ود العجمى)
|
أخوي بدر الدين
والله القطيعة واجبة مع إنها تجيب الهم والذنوب
بس حلوة خاصة زي قطيعتك دي
والله كل السألت منهم إشتقنا ليهم وعايزينهم يرجعوا وبسرعة
الظاهر مركلسين مع إجازة الصيف
أما القطيعة (قرب أضانك .. أبو جهينة وحمزاوي وناس من جهة بحري كدا عملوا ليهم منبر جديد وشايفهم مبرطعين فيه للآخر) والكلام دا سر أوعك تفته معاهم
| |
|
|
|
|
|
|
|
|
|
Re: تعالوا نقطع في البورداب الغايبين (Re: بدرالدين شنا)
|
| Quote: اظنو شغال بي نت الميري |
قالوا مافي نعمة ماليها حاسد
والله يا جماعة مافي شمار كاتلني غير إني أعرف عبدالله دا منو وقاعد وين؟؟؟
| Quote: بدر الدين سلمت للطله |
هيا جماعة شوفو البِتستلِم لي في بوستي دي
توما أدلِّي إنتي دي
| |
|
|
|
|
|
|
|
|
|
Re: تعالوا نقطع في البورداب الغايبين (Re: esam gabralla)
|
بدر السمح...انا لو ما خايف من خشمك الخفيف ده..ولو ما خايف الجماعة يزعلوا منى
ولو ما خايف بكرى يوقفنى..ولو ما لو دى ذاتا بتفتح عمل الشيطان كان قطعت معاكم
وعشان ما بحب القطيعة..السبب كله من بت العباسى ام دقنوس الاسمها رجاء هى الحرضتم
ولو كلمتها وجات مطيرة شعيراتا وسالتنى،اخوك ببلع السيف متنى.. واقول ليها انا بدر
ده عمرى كله ما شفته الا فى التلفزيون ولى هسع شناتوا دى بسمع بيها سمع دحين الله
يستر علينا وعليك ما تكلم زول سمح يا السمح..والله انت يا ابو راسا غليد خلو مر
ما ينبل فى خشمك ..وشلاليفك الرهاف ديل ذاتن قوالة قوالة..وانا الله يغطى على وشوف
بوامتى الخلتنى اقطع معاك..وانور كنج طير مننا سجيمان لكن الفولة بتتملى وبكرة
الشىء بقيف وسجيمان انا عارفوا بوم ساكت..والله كان الماسورة خربت عندهم ما بعرف
يصلحها...وابو جهينة الايام دى بشطب فى الطابق الرابع وما فاضى ما صدق يعمل ليه
بيت فى العاصمة قام قاطعنا كلنا..اما خالد الحاج ده موسم التمر والناس قالوا شافوه
فى البركل يخرت فى السبيط ما تسمع بى هولندا دى وتقول سنة يا الاغتراب على الطلاق
الزول مزارع ابن مزارع ابن مزارع ابن مزارع وذو نسب فى المزارعين عريق واسال
ملكة سبا من كلامى..المهم انا ما بحب اغتاب الناس لانو لا احب ان اكل لحمهم حيين
او ميتين والله لو ما كده كان بشتنتهم ليك بشتنه،،،
| |
|
|
|
|
|
|
|
|
|
Re: تعالوا نقطع في البورداب الغايبين (Re: بدرالدين شنا)
|
الله يبارر فيك يا ود العجمي يا صديقي المستدام
| Quote: أما القطيعة (قرب أضانك .. أبو جهينة وحمزاوي وناس من جهة بحري كدا |
آي سامعك .. أها ومعاهم نسوان؟؟؟
هسع ياحبيب بلدو إنت عارف دا كلو وساكت؟؟؟
لكن بجوا راجعين أنا متأكد وجدودنا زمان قالوا البضوق البورد لي الحول بعود
| |
|
|
|
|
|
|
|
|
|
Re: تعالوا نقطع في البورداب الغايبين (Re: بدرالدين شنا)
|
حبيب قلبي عصام جبرالله
| Quote: اقعد اقطع لى فى الناس و ضارب شعرك قطن |
قد يشيب الفتى وليس عجيباً أن يُرى النَوْرَ في القضيبِ الرطيبِ
طبعاً دا بيت الشِعِرْ الأبيض ليوم الشَعَر الأبيض
أنا خفتك تقول لي
أقعد أتقاطع لي كدي لمن الطيارة تفوتك
| |
|
|
|
|
|
|
|
|
|
Re: تعالوا نقطع في البورداب الغايبين (Re: بدرالدين شنا)
|
المحبوب صديق الموج
تعال نقطع معاك فيك
والله إنت زول حلو ودمك خفيف ومهترش بس عيبك بتفط سطر في الكتابة
عيني في صديق الموج واقطع في ضلو
بريد سااااااااااااااااكت
ود عقابي واهلي سلام
إنت فحصت ولقيت عندك فقد في إيهاب وجدو وكوستا
طيب دي ما أنيميا عديك كدا
ربنا يلطف بيك ويلمنا بيهم عشان تكتمل الفرحة
الله يكسِّبك يا كبسيبة
| Quote: كجنتكـــــــــممممممممم يا الغايبين |
هسع دي إبتسامة زول مكجن؟؟؟
وروعتك في كجنتك
وكجناتو الفي وجناتو
| |
|
|
|
|
|
|
|
|
|
Re: تعالوا نقطع في البورداب الغايبين (Re: عبدالله)
|
البدرى ..
كيف حالك ياخى .. والله ليك شوقة .. تعرف أنحنا ما إتلاقينا من 24 سنة إمكن .
لما شفت صورتك فى بوست بكرى إتذكرتك لأننا فى دلقا ما بنقول بدر الدين بنعرفك بالبدرى وبنعرفك بموهبتك المسرحية التى لا أدرى أين هى الآن ؟؟
لك التحايا مجددا
بالمناسبة أنا إبن عم مبارك زين العابدين وعبد اللطيف الطيب والطيب كافى!!
| |
|
|
|
|
|
|
|
������� ��������� � ������ �������� �� ������� ������ ������� �� ������
�������
�� ���� �������� ����� ������ ����� ������ �� ������� ��� ���� �� ���� ���� ��� ������
|
� Copyright 2001-02
Sudanese
Online All rights
reserved.
| |
بدرالدين شنا
Ibrahim Algrefwi
ebrahim_ali
حبيب نورة
HOPEFUL
nada ali
Rawia
توما
ود العجمى
Habib_bldo
صديق الموج
Mamoun Zain
Raja
فيس بوك
تويتر
انستقرام
يوتيوب
بنتيريست