|
|
|
 Re: هل تجري في عروق السنجك دماء عربية؟ (Re: Bashasha)
|
| Quote: انها قناعتي، لافرق اطلاقا مابين السنجك و 9 من 10 من عضوية المنبر، وبالذات مهاويس الاسلام السياسي |
بشاشة وعُقد الاسلام مرة أخرى أكرر مشكلتك مع الاسلام ما مع الاسلام السياسى .
| Quote: طبعا علي السطح يبدو غريب ارتباط الاسلام في السودان بالاستعلاء والفصل العنصري، لكن هذا هو واقع الحال، لان الاسلام السياسي ماهو الا تعبير ديني لايدلوجية القومية العربية ذاتها واللتي لاتختلف عن الصهيونية في شئ |
ربط غريب بين الدين والقومية العربية والصهيونية !!!!
Quote: نرجع لي موضوعنا، هل هناك سوداني واحد تجري في عروقه دماء عربية؟
|
انا
Quote: فمنطق السنجك الغريب جدا والمشقلب فوق تحت، يقول، كل من لا يدعي العروبة انما يعاني دونية!
|
ابدا ما قال كل من ..... التعميم والشمولية دي من عندك يا بشاشة
| |
 
|
|
|
|
|
|
|
|
Re: هل تجري في عروق السنجك دماء عربية؟ (Re: Bashasha)
|
الوهابي ابو تميم يامراحب!
نعم الاسلام السياسي هو الوجه الاخر لذات عملة القومية العربية اللي لا فرق بينها وبين الصهيونية بالمرة!
لكن وبما انك معلوف دعاية "مركزة" ضد القومية اليهودية، من انتاج مصانع عفلق، او ناصر، او حتي المكشكش قذافي او لجانو- فانت ابدا ما حتستوعب كلامنا ده!
فالزول المطفح ذي "الطرور" بلا ارضية يقيف عليها ذيكم كده، لايقوي علي الرؤية من موقع ثابت، ومستقل!
لذلك ذي كلامي ده، بخلي راسك لافي طارة!
بعدين شكرا جزيلا للتطوع باقامة الدليل المادي علي العلاقة العضوية بين ادعاء العروبة كماهو ماثل في قولك "انا" والاسلام السياسي!
الطريف بعد ده كلو بتقول "ربط غريب"!عيييييييييييك!
معليش جمل مواهيم العروبة، مابشوف "زنوجة" رقبتو!
عشان ما تطش من اول او جديد، في قاموس البعلبكي، الزنجي هو السودان، علي وزن البيضان!
| |
|
|
|
|
|
|
|
|
|
Re: هل تجري في عروق السنجك دماء عربية؟ (Re: Bashasha)
|
مراويد
حكاية الواحد مضهب، حاصلة تب، ما بكضب عليك!
لكن النقاش عندي، ذي سف التمباك واحد!
يعني اخوك بحب يدردم السفة، صاح، قبل ما يمط الشلوفة، ويوهط السفة!
فالان انا بدردم فيها، وكت ما خلصت درديم، بمشي بي غادي.
اخوك الفلاتي بشاشة، اب عقد!
| |
|
|
|
|
|
|
|
|
|
Re: هل تجري في عروق السنجك دماء عربية؟ (Re: Bashasha)
|
لقيتو وين يابشاشا علي الاقل قولينا عوك
عندي بالكوم الرطل المره دي مجان وماعيز رقم حسابك!!!!
انا برسله ليك في بلادك بتاعت الواق واق ديك
عايزنك تكون مندوب لتمثيل الغبش في شاد وانا بضمن ليك رطلين ودعماري ومعاهن رطل عطرون وبعدين معاك دا من محلات شوبا لسه طازا.
امنت يابشبشه مش انا ودعرب!! وكمان عريف.
علي الاقل اخسر فينا سلك نحاس. بلاش خليهو دلاقين.
لكن فيك خفه دم يابشاشا تقول ود عرب.
اللسان نيلي واللون هبيلي.
السنون بياض والعيون غلاد.
الشعر الهواء بيسرحه ماه عايز مشط.
مبسوط منك ياسليل الامراء.
لي قدام.
| |
|
|
|
|
|
|
|
|
|
Re: هل تجري في عروق السنجك دماء عربية؟ (Re: Bashasha)
|
يا بشاشا
هل العروبة او الانتساب الي العرب عيب
وفيها ايه لمن يكون الشايقية عرب
وهل الاسلام اعتناقه عيب ونقص
وما الغضاضة ان يكون هناك حزب سياسي اسلامي وله مؤيدين
مش كل واحد حر فيما يحمله من افكار ومعتقدات
مثلا انا عربي ومن اعضاء حزب الاخوان المسلمين هل اكون منبوذ منك ومحتقر بهذه الدرجة ؟
يا بشاشا راجع حساباتك
انت بقيت ممل خالص
وكل يوم ماشي في الناقص
| |
|
|
|
|
|
|
|
|
|
Re: هل تجري في عروق السنجك دماء عربية؟ (Re: حمزاوي)
|
بشاشة مسكين
مريض يا حمزاوي ما ممل
حقائق يا بشاشة :
هل اللبنانيين عرب ؟
هل المصريين عرب ؟؟؟
هل التوانسة عرب ؟؟؟
هل العراقيين عرب ؟؟؟
هل السعوديين عرب ؟؟؟
جاوب بالاول بدل ما تطفو طرطوريا فى بحر العقد
| |
|
|
|
|
|
|
|
|
|
Re: هل تجري في عروق السنجك دماء عربية؟ (Re: Bashasha)
|
السنجك وينك؟
باقي لي انت جعلي تايواني ساهي!
انا غايتو، الجري ده ماحقي،
حقي المشنقة، والمدفع اب سكلي،
او حالف باليمين اعز بنات اهلي!
ابو حميد شرفت والله
الصعوط انا بتكيف بس بي طقوس السف نفسو!
بالذات طق الحقة بالكوع، ثم درديمة السفة ماركة "دقار لوري"، ومط الشلوفة..والاسترخاء الذي يلي..اه اه اه..
اما حمزاوي وتميم، فجاي عليكم.
| |
|
|
|
|
|
|
|
|
|
Re: هل تجري في عروق السنجك دماء عربية؟ (Re: Bashasha)
|
الاخ بشاشة
اري ان هذا البوست قد بدأ الميلان- و بزاوية حادة- نحو المهاترة
و الموضوع شيق يمكن ان يناقش بصورة اكثر علمية و موضوعية..
هنالك سؤال يتبادر الي ذهني عندما يتحدث الناس عن الاستعلاء العروبي.. فمن الواقع الاثنولوجي السوداني ارى ان الارتماء في احضان العروبة قد تم في مبداه ليس بما يطلق عليه (استعلاء) و لكنه كان (استتار).. ذلك ان البديل هو الاضطرار الي الاعتراف بحقيقة ما توصل اليه ماكمايكل و ورنر.. و اذا امكنك الرجوع الي كتاب مكمايكل (تاريخ العرب في السودان ص 213 الي 220) و اريدك ان تركز علي الوصف البيولوجي و التغيرات التي طرأت عليه من زمن Werner الي زمن MacMichael. الاسباب و المالات.. استطيع ان اكتب بحث في هذا الموضوع.. و لكن هذا قد يكلفني حوالي ال 30 ساعة و هذا ما لا املكه
| |
|
|
|
|
|
|
|
|
|
Re: هل تجري في عروق السنجك دماء عربية؟ (Re: Bashasha)
|
ايمن يا مراحب،
حاشي ماغرضنا مهاترة، بقدر ما هو محاولة لتطمين الاخ السنجك اننا نتفهم ان طريقة تفكيروا، حقيقة تمثل بالفعل الراي العام، بل الدولة والدستور في السودان، خير تمثيل.
وضوح السنجك وصدقوا مع نفسو لا ينبغي ان يستغل بالهجوم عليه علي نحو شخصي، باعتباروا حالة شاذة لتصفية حساب امة بحالة في شخص السنجك.
لذلك كنت حريص ان اتعامل مع السنجك علي نحو ودي، علي غير عادتي، وهذا ما افعله في المنبر الاخر "sudan.net" مع صديقي عامر.
بقية المداخلة جاييك عليها.
| |
|
|
|
|
|
|
| |
Bashasha
ابو تميم
Mohamed Adam
kamalabas
nazar hussien
aymen
فيس بوك
تويتر
انستقرام
يوتيوب
بنتيريست