كتب الكاتب الفاتح جبرا المتوفرة بمعرض الدوحة
|
|
 ولادة........... حـــبـــل
|
وجع الضهر بدا.... من العصر.... تترقد من صفحة عنقريب للتانية....قالت لامها ... ما تمشي بعيد انا حاسة لي بشي.... الوجع نزل لي محسنها... ويمشي ويجي.... عرفتو هي... دي ولدتها التانية.... شد عليها... المسافات بين الوجع والوجع.... بدات قريبة من بعضها...امها دخلت الدانقة...شدت الحبل المربوط ....ومدلدل من المِرِق...اتوكدت انو مربوط سمح.... شالت لها قفة ومرقت.... جابت فيها رملة من القوز الفي ضهر البيت.....فرشتها تحت الحبل....طوالي....كوركت لآمنة اختها.... تعالي اقعدي لي مع البت دي...النختف كراعي لعند... ام النصر الولاّّدة......الشمش غابت... ا لوجع زاد.... زاد.... امها وام النصر جن....لا شنطة ولا يحزنون... لا تعقيم ولا يحزنون
لا طلق صناعي ولا بنج...ولا دويات حكيم...سكين..ولدن بها كل نسوان الفريق... فيهن المرقت... وفيهن الرحلت علي الجبانة....ام النصر الشوف شبه.... والعوينات ما هن متل اول.. فانوس مولع..... نورو يشوّف والله وما يشوّف..جابوها وختوها فوق الرملة ..وبركوها..فوق رُكبها.. ومسكوها في الحبل.... امسكي شديد... وادعّّمي شديد....خالتها شاداها من ايدها... وامها ماسكه من كراع.. وفارداها... وجارتهم ماسكه الكراع التاينة..... يا لطيف تطلف... يا الله تسهل علي دي البنيّة....ام النصر مدت ايدها... وقطعت بسكينها محل قطعت....موية نزلت ... بوششششش... دخلت ايدها .... مرقتو يصرخ...... واق واق واق..... احي يا يمة يا دي البنيّة...... الحمد لله وليّد......نزلوها ...درجوها علي العنقريب...جيبتو السلة للخياتة؟ سعلت ام النصر امها....
دي ولادة الولد الراكب فوق الحمار داك ومحدر طاقيتو.... ومحقب ايدهو فوق عكازو
|
|
 
|
|
|
|
|
|
|
 Re: ولادة........... حـــبـــل (Re: سجيمان)
|
حبوبة سجيمان
الكلام المطروش ده بتجيبوا من وين! والله حيرتنا تب . مرة كلام حبوبات مرة كلام مساطيل ومرة كلام شفاته ومرة كلام شيوخ ومرة ومرة..... يا اخى انت رباطابى ولا شنو
| |
|
|
|
|
|
|
|
|
|
Re: ولادة........... حـــبـــل (Re: sentimental)
|
شرير والبرتقالة............. دي ما ولادة انا........انا ولادة دايات ونظام كروت وكدا....... انا ولدوني بكرتين
سنتيمنتال.......... انا ما رباطابي انا شنو زي ما قلت ..... يعني ممكن تقول علي شنونابي
| |
|
|
|
|
|
|
|
|
|
Re: ولادة........... حـــبـــل (Re: سجيمان)
|
غايتو يا سليمان لو دي ما كانت ولاتك ، معناتو ات كنت مع النسوان ديل
والله أنا ولادتي ما متذكرا لاكين أنشوف راي البنات في الموضوع .. ونسعل الجندرية ، دا بتصنفوهو حقوق مرا ولا حقوق تفل ، ولا حقوق أب حلقوم الواقف برة يبلع في ريقو منتظر الجاياهو ، وللا السماية ، والريحة على قولة ابو حراز
| |
|
|
|
|
|
|
|
|
|
Re: ولادة........... حـــبـــل (Re: سجيمان)
|
سجيمان الرمدان
الكميديان المصرى عادل امام
عندو فيلم اسمو رجب فوق صفيح ساخن
وبعدو مثل فيلم اسمو شعبان تحت الصفر
فتوقع اولاد بمبا انو الفيلم الجاى
حيكون اسمو رمضان فى الجو المعتدل
اها يارمدان انت موضوعك الفات
كان الطهارة
وده الولادة
الجاى حيكون التعديل
| |
|
|
|
|
|
|
| |
سجيمان
Ahlalawad
أبوالزفت
فيس بوك
تويتر
انستقرام
يوتيوب
بنتيريست